«أنا في صفحة الدنيا حروفٍ ما عليها نقط
‏حياتي — ما لقيت اللي يترجم لي معانيها»
‏_مساعد الرشيدي رحمة الله عليه.

"معك.. مهما يكون وكان، أنا لي خافقٍ نساي
‏نسى كل العذاب وجاك يذكر عطفك ولينك"
‏__عبدالمحسن بن سعيد.

" يداويني كلام.. وفي مراعاة الشعور إحسان
‏عسى بعض الكلام اللي على هيئة حياة يدوم"
‏__سعود مهدي.

الحياة أكبر مغرّة وطِيب العيش زيف
‏ من عطى لله وجهه عطى الدنيا قفا
__مدغم ابوشيبة.

كيف أناظر وجنتك وأسجّ عنها؟
‏وأنتي الكحل بعيونك ينتبه لك!!

‏لك خطاوي ماتملّ الأرض منها
‏ اِمشي بقلبي على مهلي، ومهلك

‏واِمسكي كفوفي؛ ترا كفوفك وطنها
‏ماعذرتك لو تعذرّتي بجهلك

‏كل لحظة جنبك أعرْف وش ثمنها
‏- أصعب الأيام عوّضّـته بـ سَهلك.
__فارس فايح.

"أروى بها أكثر من الريّ بالماء الله لو أصبّها في عروقي"

مرحبا يا وجهك اللي: يسرَّ الناظرين
‏والله انه حلو: بـ زمام ..و بليَّا زمام !

‏يوم اعاف النوم لأجل السهر لا تزعلين
‏من يحبَّ النور من شامتك حب الظلام

‏اضحكي لين ادري إنَّك وضحكاتك يقين
‏وامهليني عمر لين الله يجيب.. الكلام
__ناصر مناحي.

الفلَك دوّار  والأقدار  مركوزٍ  وتَدها
‏والليالي السود ليلتها مِيَة ليله وليله

‏السعيد ايّامه قصارٍ ولو يكثر عدَدها
‏والحزين ايّامه طوالٍ ولو كانت قليله

‏الفواجع بالمواجع نجّضت فينا غدَدها
‏ان تيامنّا مصيبه وان تياسرنا فشيله.
__ناصر الفراعنة.

"ولو إن البشر كلٍ تمنى وجاه مناه؟
‏لقيت الضمير الممتلي بالأمل.. فاضي"
‏__بن علوش.

اللي مخلٍي حبها ما ينسى
‏غير القباله والملاحة والجمال

‏فيها ذكا ماهوب في روس النسا
‏ومروةٍ ماهيب في روس الرجال
__محمد المقحم.

وراء كل مشرق شمس ومداعبة نسناس
‏على غرّةٍ محبوسه، وضحكةٍ حرّه

‏أوقّف بفوضى نفس، ومغالبة وسواس
‏وأشوف الحقيقه مرّه و وقفتي مرّه

‏يا ليت الحياه تبرّني.. برّها بـ الناس
‏ولك وجهي إن مالي سوى وجهك أبرّه

‏أنا حاشد شعورٍ حقيقي، وشِعْر، وباس
‏وراء كلمةٍ بقولها في العمر مرّه.

"خاطري ما هو بطيب ولا مرتاح بال
‏والعرب ما عاد لي شفٍ في منطوقها"

كنت أحيك الصبر في رعشة يديني
‏يوم خيط الليل بالفجر يتدلّى

‏راح نجم سهيل مافكّر يجيني
‏راح ماشاف القمر يوم يتجلّى

‏ماتخلّى عنّي إلّا ما يبيني..
‏لو يبيني؟ كان عنّي ماتخلّى

"ليه توقد من هجيرك جمرةٍ بين المحاني؟
‏كنّ هذا العمر ناقص خوف وجروحٍ جديدة

‏ودّي اسرق من جيوب الوقت ضحكات وأماني
‏ودّي انسف أول الأوجاع في مطلع قصيدة"

أنا عاهدتها ما أبور فيها دامنا حيّين
‏لها وجهي لو تبور الولايف في ولايفها
__سعود مبارك.

"زادني موتك ولاء للأرض.. لو مالي ولاء
‏قبل طينك يختلط في طينها وأشجارها"

"ما عرفتي قيمتي وأنا قبالك
مثل مصحف موقعه في بيت راهب

كنت شمسك وإن بغيتيني ظلالك
و ابتسامك صبح و جروحك غياهب

اجهليني ..لو عبرت بيوم بالك
واتركيني ..في دروب البعد ذاهب

بالرخا ما صرت طامع لاتصالك
وبالشدايد خابرتني دوم زاهب"

__عبدالملك الخربوش.