"ليا منّه تكاثرك النصيب ولا عطاني إياك
‏تكاثرت الغلا فيّ سواك وعشت وحداني."

"لا انتهى ليلٍ اسود مثل قلب الحسود
‏يا الله بـ صبحٍ ابيض مثل وجه النبي"

"عادي، وإذا ماعاد عندك لأحد وِد!
‏عادي، وإذا ماجت على ما تمنّى

‏الآه لو تكبر بصدرك وتمتد..
‏حنّا نسينا من التعب مين حنّا"
__فارس فايح.

بين الكثير من التساؤل والقليل من اليقين
‏المشكلة ماني بـ أعرف المشكلة وأحلّها

‏أنا تعبت من الوصل والبعد والناس أجمعين
‏وقلوب تبغيني.. وأنا.. ما عاد أبيها كلّها

"كل دمعة.. وقّفت على مشارف رمشي
‏ليه ما طاحت مع اللي طاحوا من عيوني؟"
‏__ناصر الحمادين.

"من كان له حظّ في دنياك يا حظّه
‏يا واحدٍ ماتت حظوظي على بابه."

"‏هذا أنت يا قلب و عيونك جفاها المنام
‏ذكرى المشاريه.. طوّل بالسهر ليلها

‏ماعاد لك عيد ميلاد إيحيا كل عام
‏غابت لياليك و أنكرتك تفاصيلها

‏من غاب لك وجهٍ أشباه أربعينه ، غمام
‏و أنت برجا ديمةٍ.. شحت هماليلها

‏لا أنت أكبر من العتاب و لا أصغر من الملام
‏لجل أقدر أعلّمك.. وش كنت تعني لها."

يقوطر عذّوبه!

"لاذ بك يارب قلبٍ من الذكرى جزوع
‏في حماك من المواجع.. ومن تقليبها

‏هوّن ايامه ليا شاف منها مايروع
‏ لا عليم الا انت يا الله بما في غيبها

‏انا لا نفسي عصيه ولا قلبي قطوع
‏اجفي الدنيا واعود واصير صحيبها

‏عن مشددة اللواحظ ومرخية السموع
‏قافلٍ بيبان.. ود العلوم وجيبها."

"مادرى باللي تكنّ الضلوع الا الضلوع
‏وش تبي تنفعني الناس لو تدري بها

‏اثرني في ضحكة الزيف لي عام مْخدوع
‏اتصنعها.. ولا ادري وش انا ابي بها ؟

‏صاحبي ما بعد ونس الليال الا الدموع
‏معك ياخوف الاحاسيس - من تغريبها

‏الغلا له عدة انواع.. وانت اشرّ نوع
‏جعل روحي همها منك ما يبطي بها."

‏لا تحسبين الدموع الزرق من قل الشجاعه
‏والله ان الشوق ماعمره رحم وأنتي كذلك

‏عنتر اللي تجفل الفرسان من سطوة ذراعه
‏يبكي إليا طرّوا السمّار "عبله بنت مالك"
__جمال بندر.

"ما ظلّ في البال غير أن الأماني محال
‏مرهق — والأحلام تستعصي على المرهقين!"
‏__سعد يحيى.

“غايتي فالأرض معك ورغبتي وآمالي،
‏ماوراك من النعيم إلا نعيم الجنّة."

"واقف على عدّ الروى وعروق كبدي يابسة
‏أموت من نفحة عصر، وأعيش من نسمة فجر"
‏__سعد بن راشد.

"ميّلي لا ميلت بك نسانيس الشمال
يا هنوفٍ بالحسن كامله ومكمله

شيلي الشيلة طَرَب، والعبي من دون شال
المشاعر عقب موت الوصال مرمله

ياشبه وضّحى من الزين ورسوم الجمال
سميت عند اهل الوضح بسم مجمله"
__سلطان الحويقل.

"من شمال القلب يلفنّ الطواري
‏قلت هبِّن من جنوب.. ولا اجنْبنَّي

‏ليتني عن خافي الأيام داري
‏قبل أجضّ، وقبل أحنّ، وقبل أونِّي"

‏- مساعد الرشيدي الله يرحمه.

‏«روُّوا أولادكم الشعر، فإنه يحل عقدة اللسان، ويشجع قلب الجبان، ويطلق يد البخيل، ويحض على الخلق الجميل»

"على ترف الورق يا المُترفة ذوقي لذيذ القيل
‏وانا اللّي لا ضميتي.. تبشرين بزمزم أعماقه"
‏__نايف صقر.

"أنت سيّد كل طبعٍ أصيل ونبيل
‏في زمانٍ غدت ريف الفضايل.. قفر" 🤍

خذني من افكاري و من كثر ظنّي
‏الظن يرهقني .. بالايجاب و السلْب

‏و قلّي كلام يطمّن القلب لانّي
‏محتاج لـ ادنى كلمة تطمّن القلب