"راح أوّل العيد ما عايدت مضنوني
‏واحسرتي كان راح العيد ما جيته."
‏__بن شايق.

"وشلون ما هو بـ يطغيك الكبر والغرور
‏وانتي لك من الوصوف الندْر ما تشتهين

‏من كثر ما فيك من نور السماوات نور
‏أحيان ما أصدّق إنك طين من ظهر طين

‏أحيان أقول إنك آيه للظَّلوم الكَفور
‏وأحيان فتنه على المسلم وسحرٌ مبين

‏واحيان اقول ان ما انتي بنت تسعة شهور
‏الزين هذا شويّه فيه تسعة سنين.."
__محمد المطيرات.

وش فيك ما عاد تضحك يا الحجاج الضحوك؟
لو أعلم بْعينٍ تبكّيك؛ بكّيتها"
__وصل العطيَّاني.

‏"حبّك رعاني يوم أنا تايهٍ ضال
‏حدَّد وجودي بعد ماكنت مغديه

‏قبلك منْ كنوز الغرابيل مكتال
‏واليوم قربك ذقت للعمر حاليه."
__مساعد الرشيدي.

لا تغرّك ضحكتي، حزني أصيل.

"عارفٍ حبك لي و قلبك و مامدى طُهره
‏أبيض قلب وطى هالأرض .. و مساعيها

‏فيك أكتفيت و رويت القلب من حبُك
‏وأنت كل اللي أبيه من الدنيا و أمانيها."

«لو تعذّر و اتّقى..وجه الردي
‏خلّ وجهك يابعد حييَّ شمال»

على الأقل إتعبي على قلبي وإخذيه بالقوه
‏عيبٍ عليّ يوخَذ بضحكه وسلهامه.

"ودي أفنى وأندفن قبل يلحقني ملام
‏من ضميري وأبن عمي وربعي وأهلي.."

"ياللي تحت رحمة احزاني تركتيني
‏نسيانك اقرب طريقٍ باتوجّه له

‏مانيب والله حزين انك هجرتيني
‏بالعكس هجرك جميل وروحتك سهله

‏لكني متضايق انك ما عرفتيني
‏مع اني اوضح من المجنون عند اهله

‏الهجر ما يجرح العشاق ياعيني
‏يجرحهم اللي يهين الحب من جهله."

"‏لو بساطي من التربة وسقفي عريش
‏نفسي أسمى من الارض و دراويشها" __عبدالله السراهيد.

"لا زلت اعاني من الوحده وكثر الملام
‏وارواح داخل ضلوعي تستلذّ تعبي

‏اخاف لا طال صمتي يستبيح الكلام
‏الدمعه اللي تراود عزّتي وهدبي."

"ودّي اسرق من جيوب الوقت ضحكات وأماني
‏ودّي انسف أول الأوجاع — في مطلع قصيدة!⁩"

"على كثر ما شريط الذاكرة يطوى
‏ما فيه وجهٍ ثبت في الذاكرة كثرك"

__إنتصاري أنا، وسعد الحريّص.

قم نمسك النور نتهجاه من أوله
‏ونقرأ ملامحك فجرٍ ما يمره عتيم.

"الواضح أن الحور في الجنة تحلّ
‏وشلون جيتي في الحياة الفانية."
__جمال بندر.

"ولو نخاف من باكر ترى الخوف كل الخوف
‏تكون أجمل أيام العمر بالفعل مرّت"
‏__ماجد النفيعي.

"من يرجع ضحكةٍ كانت بالأيام الخوالي
‏ضحكةٍ تلحق بها أربع قصايد وارتعاشه."
__عبدالملك الخربوش.