—سعود مهدي.

هاللّيله لها لّون قصيدة عبدالله الرُشاش، اللي مطلعها:
"مرّيت الأحلام.. من بوابة المستحيل
ما كان عندي أمل فأحلامي الممكنة.."

و منّها:
"هذا أنا، و أنت في صدري مداين نْخيل
صلّى لك الشوق.. من كان الوله مَأذنّه

‏تعال لو طيف وَأقطف من غصوني دليل
‏إن اللقاء تاه .. في دوامة الأزمنة."

"سلامي عليك إعجّاب وإكبار و إستعظام
‏وسلامي لغيرك؟ حق مسلم على مسلم."

هالليله لها لون قصيدة «لو طال الغياب»
لـ عبدالله مدعج :

"على شباك بالي هبت الذكرى وانا اللي كل
ما مالت للحنين اغصان طيفك ..طار نسياني

تذكرتك وانا اغني " ابا اركض فالمطر وابتل "
ياليته لا غسل وجه الشوارع يغسل احزاني

وناديتك وانا عيني تغورق والكلام يهل
وكلام عيوني اللي فالغياب اصدق من لساني

ياكثرك داخلي واخاف لو طال الغياب تِقل
واخاف القى بعدك اللي يبيني ويتمناني

ياليتك جيتني قبل الشعور من الشعور يمل
ومعك باقي العمر كل العمر يمديك تنساني

تعبت اهرب من الذكرى ومثلك ذكرياته ظل
لو ان الارض تركض تحت رجلي ماتعداني

غريب أكثر من اني عايش بغربة وفاقد خل
وحيد أكثر من اني في زحام الناس وحداني

اشوف ان المفارق مشكله.. وانتَ تشوفه حل
مثل ما الحب اشوف انه غنى.. وتشوفه اغاني

تمر احلى مواعيدي معك مثل العمر و تزل
واخاف انك تجي في موعد وماعاد تلقاني

بكيت بيوم توديعك "ما زاد من الدموع و دل"
ياليته ما يجيك اللي بيوم فراقنا جاني

وابا ابكي لو يقولون ان دمع الرجل عيب وذل
انا احس اني ليا من بكيتك يرتفع شاني."

كل بيت بهالقصيده أستوقفني، لذلك كتبتها لكم كامله.. حقُ الجمال علينا.

"علمني اكره ذكرياتك وطرياك
وانسى من الليله صدوق الودادي

ولاني بقايل عقبها وين ابلقاك
راضي ولو جروح قلبي جدادي

وإلا القصايد جعلها من فداياك
لبستها مبطي ثياب الحدادي

باكر على المخطي يدورن الافلاك
ونشوف من يصعب عليه البعادي."
__متعب التركي.

"البدو شدّوا بعينك من نهارين
‏ورى بروقٍ فْـ كحلك خايلوها

‏البدو سقم المعادي والمحبّين
‏عيونك الليلتين اللي سروها."
__نايف صقر.

ترا الحياة بكبرها حفنة تراب
‏إما بنيته مجد و إلا أكلته.

"ليه قلبي لا تزاعلنا.. على قلبك يحامي؟
‏والله انّي لا أبلع الجمرة على شانك هنيّه"
‏__فارس فايح.

"مدري تبعت الشافعي ولّا نزار
‏خليط بين المهتوي والمهتدي"
‏__رفعان العرجاني، وأنا.

انت روحك مطر وشلون جاك الجفاف؟
‏__عبدالعزيز المخلّفي.

‏2:22 صَ

"‏ليلةٍ من طولها كنْ ثوانيها ليال
‏ما تمر.. لو ساعتي غيَّرت توقيتها

‏من يعيش شعورها يحسب إنِّه فالخيال
‏خل عاد اللي لا سولفت له طريتها

‏اعتق شْعوري و أذِّن وارِحنا يا بلال..
‏الفجر كنِّي من العام ما صليتها."

لحظّة الأدراك المتأخره في:
«وأنّك أنت إنسان عاديّ، عاديّ! مو ملاك؟»

"قالوا حبيبك يسمع الشعر قلت إيه
‏يقراه بعيوني قبل تسمعونه

‏لولاه حتى طاري الشعر مابيه
‏مير اكتبه من شان خاطر عيونه

‏هو روح شعري وامنياته وماضيه
‏جذع الشجر وش كان لولا غصونه

‏اكتب لغيره والقصايد تجي فيه
‏كن القصايد حالفه ماتخونه

‏هذاك لامنه زعل قمت اهاديه
‏حتى وهو مخطي تعذرت دونه

‏يمكن لو انه يلمس الجرح بيديه
‏يستغرب ان اللي لمسها طعونه

‏ابطى وهو غايب وزلت حراويه
‏وأنا من العام اتحرى مزونه

‏هو مادرى اني في غيابه محاتيه
‏ليته نشّدعن حالي اللي يجونه

‏وقلبي اللي توه افلت عراويه
‏كيف انسرق وضلوع صدري حصونه

‏عجزت ارده كن ماني براعيه
‏يوم انتثر شوقه وهاضت اشجونه

‏يبسن عروقه لكن اللي يعزيه
‏ان اكثر العالم تردد لحونه

‏خافوا من الله لاتجيبون طاريه
‏لاصرت انا موجود لاتذكرونه

‏لو كل غالي جابه الله لغاليه
‏ماشفت لك مخلوق تبكي عيونه."
__متعب التركي.

أمانةً
“خذني من أفكاري و من كثر ظنّي
‏الظن يرهقني.. بالإيجاب والسلْب

‏وقلّي كلام يطمّن القلب لأني
‏محتاج لأدنى كلمة.. تطمّن القلب“
__محمد بن ماجد.

"وين وجهك يبو وجهٍ ذبحني غيابه
‏ودي ابيع ماتملك يدي، و استعيره

‏وجهٍ يخلي وجيه الاوادم تشابه
‏يضحك وكن مايضحك من الناس غيره."

"نور وجهك على من شاف منك القبول
‏نور صبحٍ تبسّم في رهاد الجبال"
__سعد بن جدلان.