"تمادى الليل بعيون السهر يا الخاطر المكسور
‏و أنا ما اخذت من ماضي زماني غير غربالي "

"بدون أسباب أحب، ‏وصادق شعور بدون أسباب
‏لكن نفسي ليا طابت تطيب وعندي أسبابي"
‏__مي اللافي.

"تميّز بزين وطبع ومقابلٍ مملوح
‏تفوّق على جيله وجيلٍ سمعنا به"

"دربٍ يعز النفس وآخره موتي
‏بمشيه كني شايف الموت —حفلة"

__فارس بدر.

"لو اطيع الندم كان احترقت من العتب بالنار
‏وأنا صبري خشب..صلابته ما تمنع حروقه."

__‏عاطف الحربي.

"كم شفوفٍ خيّمت في نفوس المستحين
‏لين ماتت بين بني الآمال وهدّها"

‏__سعد بن جدلان.

"لي وليفٍ كل هرجه بالخلاف
‏العجب لله درُه من وليف

‏ينكشف لي عن ثناياه الرهاف
‏من رفيف البرق تلقى له رفيف

‏يا لطيف ٍمن حكاياه اللطاف
‏سمني لعيونها عبداللطيف

‏كن وصف جعودها فوق الرداف
‏الهواء والماء من فوق الغريف"

‏ابن لعبون

محدٍ بنصف الليل سلّم على الشمس
‏إلا أنا ساعة نظرتك بعيني

"لا صرت تنشد يا رفيقي عن الحال
مالي على كتمانها عنك حيله

الصبر عن بوح الاحاسيس قتّال
والبوح في بعض المواقف فشيله

لو كل ما يطري على البال ينقال
ما كان شفت ان الثقيلة، ثقيلة

ابطيت أكافح ضيقة البال بالبال
و ادفع بلا هاجوسها كل ليلة

لين اقبلت مثل السحابة بهمال
تشفي غليل اللي تزايد غليله

اشيل حملٍ.. لو يشيلنّه جبال
الله وامانه.. غير تصبح نثيله"

__خلف بن مشعان.

"الرضا والضّيق ما كانت على البال العمُوس
‏من يحوس البال هذا، وْمن يعرف يرتّبه

‏إن فرح ما شالته الأرض وتحلْواه الجلوس
‏وإن زعل عوّد يشيل الأرض عَلى منكبه

‏ليش أفتّش في ملامح ليلتي هذي وأحوس
‏الليالي من ملامحها على وجهي شبه"

‏__ماجد النفيعي.

"سقيت أرض السهر ليلٍ قراح ولا نبت مرقاد
‏وانا بالي جريد للغرام وورقْ هوجاسه

‏تقول ان النظر محسود ورموش التعب حسّاد
‏تقول ان القلق بين المحاني صبّ وسواسه"

‏__نايف صقر.

"له من الليل الهدوء وصوت (متعبّد) بـ آية
‏ولي من الحلم اليتيم، الحلم و اليتم وزماني"

‏__عبدالله الكايد.

"أحبك لأنّك الصدق المعتّق في زمان الزيف
‏أحبك لأنّك الغيّ المنزّه عن حلوق الناس
‏
‏يا أجمل من تراحيب المعزّب في عيون الضيف
‏يا أرقّ من الحنين بذاكرة عشقٍ طواه الياس"
__نواف التركي.

«في ليلة فراقك بكى صوت الأيام
‏و كبرت لي عقدين في ظرف ليلة.»

__عبدالملك الخربوش.

قبل تنجب الثورة رموز الوطن، وتقود
‏جميع الوجيه اللي تشاهد : سواسيّة

‏أنا الثائر اللي يوم شاف الوطن بحدود
‏تمنَّى التنفُّس في ربوعه بحريّة

‏ترى اللي يبيك تْعيش حرّيتك بـ قيود
‏مثل من يعلّمك [ التواضع ] بفوقيّة

‏حبيبي جفَاك الغيم، مدري روَاك العود
‏أنا أظماك، ويدينك من الوسم ممليّة

فداك الظمى، خلّه يدبّ الجسَد ويزود
‏أساسًا ظمى الأحباب : حاجة طبيعيّة

‏معاك كنت ما أؤمن بعمر، وزمن، ووعود
‏وأنا ما آتنقّل في المبادئ .. بإريحيّة

‏ولكنك أرضي، وإنتمائي، وصل وصْدود
‏وشقى خطوتي ما بين شمس، ودفى فيَّه

‏تمادى شذَاك بْوجه شبّاكي الموصود
‏وصرت أفتح الشبّاك له كل عصريّة

لعلّه يردّه من نسيم الهبايب : نود
‏ويخزّنه صدري في شعبْه الهوائية

‏حبيب السنين اللي بتكرارها موعود
‏لا طال الغياب .. وكل حيٍ ذِكر حيّه

‏إذا ما ترَك حِسنك لـ باقي طبوعك زود
‏عسى الله يحلّك؛ قابل الحسَنة بْسيّة

"قبل اجيلك واعتذر لك وش خطاي!
‏ بـ أيّ أحبك قلتها كنت أجرحك؟"

‏__خالد الكيادي.