"غلاك بضميري واضحٍ ما عليه غبار
‏تشيل الغلا نفسي وانا عاجز امنعها

‏يقولون ما ودّعك! قلت الفراق وصار
‏الانسان روحه تنسلب... ما يودّعها"

"نسم علي الهوى من مفرق سهادي
‏وفاض النهر لين ما بلل طرف جرفه

‏يْلج باذني عويل و "آه" أصفادي
‏كل ما تحركني إن مر الهوا رجفة

‏أرهقني تفكيري اللي زاد إجهادي
‏في ذنبي اللي أحبه كل مَا اقترفه

‏ما بين أحبك "حرام" وصدقها البادي
‏قالت ملايكتي: شنكتب على كتفه؟

‏أنا ضحية صراع النفس وعنادي
‏أنا اللي قوة قراره سببت ضعفه

‏خليتك تروح مثل اللي رجا منادي
‏مشى شوي، التفت، ما في أحد خلفه

‏يا قو قلبي، مواطن نافي بلادي
‏من بعد ما شلتها في داخلي لهفة

‏كنت أحسب ان الفراق وغيبتك عادي
‏الين ذقت المرار اللي بعد قطفه

‏وش كان مدريني ان الغيب جلادي
‏لو اعلم الغيب ما أمنت بالصدفه

‏من دورة العام أعرف يوم ميلادي
‏ويمرني يوم موتي بس ما اعرفه."

مـا تعوشبت لا لا صرت كلك : خريف
انت روحك مطر، وشلون جاك الجفاف ؟

"والله إني اظما للسواليف من فاهك وأدورها
مثل المدوّر في مخابيّه - عن اغلى ما يملك"

"ماتمايل.. لو يشوف الوقت قدامه تمايل
‏رغم ما شافه من الأيّام ما قد باح سدّه"

Vs
‏"كل يوم تمرني عوج الظروف المستبدّة
‏مير أنا سدّي على الأيام كنه سد مأرب."

"صمت غيرك شكوك وصمتك انت الامان
‏ما يطيع الوهم قلبٍ يعرف الصحيح
‏
‏كيف أناديك لا خان الزمان المكان
‏وانت صوتيني التعبان والمستريح."
__ناصر مناحي.

"فـ الخالد من الصور والعابر من العطور
‏ ما يجعل الحزن يولد والشقى يبتدي."
__سلطان حجاب.

"كل ما بكت عيني تجلّت قصيدة
‏كن الورق لدموع عيني طرف كُم

‏الحزن "متصقر" و روحي "طريدة"
‏تركض بلا وجهة و تنزف بلا دم"

‏__عبدالرحمن الرزيني.

"وحيّد إنْ طاحت الظلما وحس بياس
أَخَذ شَمعه، يهش بها على الظلما..

ومنْ فرّط التَعَب لا من سِقيته كاسْ!
أحسّ إنْ الظَمَا يَشرب.. و هو يَظمَا

زَهابَه للشّتا، كَسّرَة حَطَب و أنفاسْ
وبعض وجيه من غابوا وبعض أسما

تمر الذكريات اللّي بدونْ إحساس
مثل جُرّة تركها الطير فوق الما"

— عبدالرحمن الرزيني، آخر محاولات الشَمع

{إِنَّ اللَّهَ وَمَلَـٰٓئِكَتَهُ يُصَلُّونَ عَلَى النَّبِيِّ يَـٰٓأَيُّهَا الَّذِينَ ءامَنُوا صَلُّوا عَلَيْهِ وَسَلِّمُوا تَسْلِيمًا}

"انا ذاك الشعور اللي تعيشه مرّه بدنياك
وتبقى تنتظر يتكرر .. و ما عاد يتكرر"
__رشيد الدهام

حبيبي كيف امر بشارعك ماتدري اني جاي ؟
وانا اعرف الصباح اللي يجيبك ، من ذعاذيعه

"كم تشتتّ أدوّر في عيونك سلام
‏بين صوتي الهزيل و روحي العارية

‏يا حبيبي عليك من الشعور الملام
‏وش لي بـ ليل عنّه ضحكتك سارية!؟"
‏__سلمان البلوي.

‏"يا هديل الصبح رَيّعْ في وريْدي
‏لا تهزعْ عن يميْن وعن يساري

‏لمّني مثلْ الحَرير وْ فِك قيدي
‏فكّة الْفجر الضحوك مْن الغداري"

«أجفي الدنيا واعوّد واصير صْحيبها.»

"عن مشددة اللواحظ ومرخية السموع
‏ قافلٍ بيبان ودّ العلوم وجيبها

‏مادرى باللي تكنّ الضلوع إلا الضلوع
‏وش تبي تنفعني الناس لو تدري بها!"

اختلاف الراي فـ الناس شيٍ من قديم
‏العقول انواع واصناف مثل الألْسنه

‏لكن الواقع سواة السراط المستقيم
‏في عبوره تكتشف كل سيّه وحسنه

‏وين غابوا من تواصوا على النهج السليم
‏وكيف صاروا من مع الميسره فـ الميمنه

‏أشعر بغربه مثل غربة أصحاب الرقيم
‏يوم قاموا بعد ناموا «ثلاثمية سنه»

"‏يا حبيبي ما طمعت الا بشيّ من العداله
‏لا تجرّدني من احساسي ولا تنكر مسيري"
__ناصر مناحي.

"يتشجّر النسيان.. وأرتاح تحته
‏وتنصاني الذّكرى وفي يدها فاس!"
__حمد المشيعلي.