"ودّك توزّع من خصاله على الناس
‏اللي ما تملك خصلةٍ..من خصاله"

"طلّي و دلّيني على اجمل صفاتي
‏و من حبّك، ابدي عدّدي لي مزاياي

‏و تفقّدي قلبي، و لمّي شتاتي
‏و خلّي حياتي كلّها منّك و جاي"

"وأقفيت وأنا أكبر من التبرير والعذر السمين
‏حتى لو إن خاطري ما كل شيء يصبره"

‏__صالح النشيرا.

" إيه أحبك ، وأحب اشوف معك اختلافي
‏والمشاعر سرايرها تعدّت جهرها

‏اردفي كل طعنه من طعونك .. عوافي
‏من يحبك يكفّي جروحه انّك قدَرها

‏ولا تخافين من زود المعاتب و خافي
‏" كل زله تمر بلا معاتب، غفرها "

‏قربي لـ الوصال و صدي مْن التجافي
‏يا عوض كل ليلة ياس، قلبي صبرها "

__طلال الصقيه

"يارب
‏أنا كلما شعرت الليِل في عيني يطول
‏أطيح.. وأنا اللي حسبت إني على الظَلّما قوي

‏يارب
‏أنا مايرتكي عودي على أنصاف الحلول
‏يا أندفّن فالأرض او فـ الغيم لكن ما ألتوي."

"ما جيت اعاتب حبيبي جيت ابا اشوفك
‏وش عاد لو كنت بين الرمش وجفوني

‏جيت اعشقك لين ينده لي شتا جوفك
‏ وأدفي شجونك من أبرد نار بشجوني"

‏__مساعد الرشيدي.

"العن ظلام الليل.. بس لاتحرق الشمعة
‏وش ذنبها تبكي من الآهات منصوبة؟
‏
للشمع حزنه.. لا يغرّك به سنا لمعة
‏هذي صدى صرخة بلحظة ضيّ مصلوبة!"

__‏تركي حمدان.

غريبه كيف يِدفي غصنك المايل قطيف الصوف
وانا نار الثمامه .. ما تدفّي بارد ضلوعي

الا يا كلام الحق تشبه عويد الراك
بك الناس لا من شانت أفواهها استاكت.

"أخشّ اسمك عن أطراف الحديث و تفضحه دعواي
‏و تهتف له عروق القلب، و تجدد له البيعه"

‏VS

‏"لو أخش اسمك اللي يستحق الشِعر والتمجيد
‏تمحور حولك المعنى -ويدرون إنك المعني-"

"الكبير تْجي جروحه من أحبابه كبار
‏ليت ربي ماخلقني بأحاسيسي كبير"

‏__سعد علوش.

"أحد يصحى على صوتك ولا يصبح صباح النور؟
أحد يغفى على صوتك ولا يحلى له نْعاسه؟

أحد يقرا وصوفك لا ضحكت ويكتبك بسطور؟
أحد يشرب دموعك لا بكيت وينثرك كاسه؟"

__رشيد الدهام.

"آه مِنْ صوتٍ تَرَك كِلّ الحَناجِر
وانْتِثَر في دَفتري شِعر.. وقريته"

"مِنْ غَرَامك في غَلاك أرّحل و أهَاجر
و ان ضواني لِيلْ من يَمّك، سريته."

"يا مدى تاريخ ميلاد الحزين المرهف اللي:
‏قسّته كل الظروف وما نساك و جاك ليّن"

__عبدالملك الخربوش.

فيك يشغل وسيع البال تفكيره
عاقلٍ ما تجنن بك غريب أمره

للصباح الحلو ، للناس ، للديره
معك يتشفّق الواحد على عمره
🤍

"لو توقّفني مشاوير الليالي في النصيفة!
كل ليلٍ عاد عينك تسهره ما فات أوانه"

"مستحيل يعيش عيشه طبيعية
‏من لمَح شرارة الحبّ في عيونك"

‏__خالد مبارك.