"الصباح اللي معك تغري أنسامه
‏بينت شمسه… وغنت عصافيره"
‏
__بندر الدويش.

"والناس تتزاحم على شرب الأنهار
‏وأنا مكفيّني عن الناس بيري

‏ويوم الطيور تهاجر وتقطع أبحار
‏أنا مبرقع داخل الصدر طيري

‏ماني لكل مضيّع دياره ديار
‏وماهو ضروري كلن يذوق خيري

‏أنا فـدا اللي ينتظرني على نار
‏إن غبت عنّه ما يعوّضـــه غيري"

"لا تحسب إنّ الرسايل عالقه فالبريد
‏أنا كتبت الرسايل بس ما أرسلتها

من خوف لا يضرب الوقت بيد من حديد
أمهلت.. روح تبي شوفتك، وأهملتها"

__عبدالله السراهيد.

"العين من كثر البكاء عافت النوم
‏والروح ماهي مثل أول صبيره

‏اجلس بوسط الناس لا حس ولا علوم
‏حسيت هالدنيا بعيني صغيره

‏ماغير اجر الصوت يومٍ ورا يوم
‏يالله عسى كل الاحوال خيره"

"عسى صبحٍ نوى كسرك يموت وماطلع به شمس
‏ وعسى منهو نوى جرحك يموت الحظ ما طاعه"

"رسمتك على الرمل ومسحتك.. بريش وقاف
‏لا كن كيف ابمسح رسمتي فيك من بالي ؟

‏وكتبتك وانا ما شفت منك سوا الاجحاف
‏وقراك الغريب.. وشفت في عينه اجلالي

‏يابو عين ريميه.. يابو خصر ما ينشاف
‏يابو مبسمٍ حالي.. حسبته لي الحالي

‏لو انّ قلبك الاسود مثل قلبي الشفاف
‏ماشفت العنا منك ولا شفت… غربالي"

"الومك كيف؟وانت اول حبيبٍ داخلي نزّال
‏وانا بدوٍ تقدّر ضيفها والسلم يطربها" ):

__عامر محمد بن مبشّر.

"كل الاشياء تغيّر لااصبحت معها
‏تصبح اشياء لها قيمه ومحسوده

‏الخواتم تصير اغلى باصابعها
‏وكل شيٍ تحبه تقدر تزوده

‏ان حكت تاقف الدنيا وتسمعها
‏وكل دربِ تمره تنبت وروده

‏والهوى الصلف يوم يمر شارعها
‏يصبح الطف من النسناس بالسوده"

__بندر الدويش.

اللهم صلِّ وسلم وبارك على نبينا محمد.

"قد قالوا إني ظميت لشوفك وقد حلفت
‏إني على كثر ما كنت أرغبك.. عفتك"

__سلمان بن محمد.

"أما تبي من هنا.. وألا تبي من هنا
‏ياعمر ياللي خياراتك هبوب ولهب!

‏مالك عن العز
‏لو تمشي طريق العنا
‏ومالك عن الموت لو طال الزمان وقرب"

—‏مساعد الرشيدي.

"تنطحين الهبوب وتحسبينه غمّام
كن مالك تجارب من حصاد السنين"

• قاصداً روحه.

"أنا بوجه الضيم، وإنتي خلافي.."
‏
__مشاري الغنيم.

لا تجعليه يافتاتي الصغيرة يجدكِ ولو كانت صدفة، ذاكِ الذي أضاعكِ عمدًا، فهو لا يستحق!

"حتَّى الهَبايب تنازعها يمين و يسار
‏تقول ما قد لقت زولٍ مثل زولها"
‏
__ناصر مناحي.

"اللي خلق في مشاعرنا من البعد خوف
‏خلق لنا نعمة النسيان.. في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوه وطال الوقوف
‏هي نفسها الليله اللي شرها خيرها

‏جيت ومعي قلبٍ يحب ويحنّ ويروف
‏ورحت ومعي قلبٍ أقسى من معاذيرها"

"انا من غلاته كنّي اللي ملكت الارض
‏و أحس السماء و افلاكهّا صارت افلاكي

‏احبّه و له منّي عهد لين يوم العرض
‏لو ان الزمن خذاهّ.. يبقى من أملاكي

‏انا ما نسيته كود ننسى صلاة الفرض
‏واذا قد نسيته ..قدرتي خارج إدراكي

‏لو اني بحثت القاع في طولها و العرض
‏ فلا فيه غيره شخص يقدر على إضحاكي"