"عطاك الله المعطي سوالف وحلو قْبال
‏وزين، وجناب، وخاطرٍ سمح، ومروفه

‏وصوتٍ ليا سولفت كنّه مافيه حْبال
‏تحلْف انه اوتار، وتقاسيم معزوفه

‏وعينٍ هدبها فوق خدّك وريف ظْلال
‏حنون.. وبعض لحيان تجرحني سْيوفه"

"قلبي ما هو بمسخرٍ نبضه لوردٍ فيه شوك
‏ونفسي ماهي مرهونة لضيقة عصير ولا عصر

‏حتى الكلام اللي يعقّد حاجب الوجه الضحوك
‏أحبّ أقوله بالفم المليان ما أحبّ أختصر!"

__مزيد الوسمي.

"أشوفك قدر مطبوع في ناصية و كتاب
‏مثل موتي أقرب له كثر مانتحي عنه"

يروح الشقردي خاتمٍ بين اصابعها*

"في زمان كنه البرد، شبّيت القصيد
‏قلت ابدفى والليالي تموت ببردها"

‏__مساعد الرشيدي.

"من فقد طعم السعادة وعاش الاغتراب
وش بقى له غير الآمال شيءٍ يملكه

صامل متجرّع المر وأصناف العذاب
كل درب يودّي الحلم لازم أسلكه

عادي تمر الليالي وهو يتبع سراب
يستلّذ الحالم الحلم حتى يهلكه"

"لو تطيحين من عيني قدرت أوادعك و أنساك
‏لكنك في خيالي واقفة.. و الطايحة عيني"

"من شاف وجهك وركز فالقمر قال توم
بس القمر فالمجره و أنت فالمملكة"

"‏رذاذٍ ما سقى خدّك
‏وعنقود العنب ما ابيه

‏وتينٍ ماحضن يدّك
‏ولو طاب ونضج ما اشريه

‏دخيل الله من صدِّك
‏ومن طول الجفا وطاريه
‏
‏أنا اللي لو صفا ودِّك
‏باطير من الفرح والتيه"
‏
__بدر عبدالمحسن.

كلّ ما غطّا الشفق وجه السما
‏تكشف اللهفه عن القلب اللثام

‏يا اغترابي وش يكون الإنتماء
‏غير ذكرى مرّت مْرور الكرام

‏البياض اللي على وجهي نمى
‏خيط صبحٍ صافح ثياب السلام

والسواد اللي تحت عين العمى
‏ليلةٍ ما خانت اهداب الغمام

‏من متى الغيم يتغنّى بالظما
‏من متى النور يتفائل بالظلام

‏من انادي، ليه ألوح كل ما
‏سيرت ذيك الملامح بالزحام؟

مدري أصوات الأماني ربما
‏ولا أنا شكّيت بـ آمال الكلام

‏كنت اردّد يوم ودّعت الحمى
‏مابقى بي لا عتاب و لا ملام

‏"جادك الغيثُ إذا الغيثُ هما"
‏يا زمانٍ ماعرف مسك الختام

‏__فيصل القاضي.

"كنّ صوتك ليا منّه تسللّ حنون
‏فصل يختال ما بين الشتا والربيع"

‏__سعد الخلاوي.

"‏آخر لقى فيك والله ماهو بـ عادي!
‏جيتك وانا شايلٍ كبدي على كفّي

‏وادعتك وقلت؛ روحي "يا آخر مرادي"
‏وفي نفسي اقول؛ خفّي خطوتك خفّي."

"أتهجَّى صفحة الأيام وأسرَقك لـ وقوفي
‏كلّ ما زلّ القصيد أشوف جيَّاتك وديعة!

‏آه يا صبري عليك، وآه يا صمتي، وخوفي
‏عاشقك لو طاع عينك يا حبيبي من يطيْعه؟

‏أتردَّد.. لكن الليلة سرَت عنها طيوفي
‏وأنت لا بالك طوِيْل ولا سماء صدرك وَسيْعة

‏ردّ لي كلّ السنين الأوّله.. أوْ رِدّ جوفي!
‏طالبك.. لا تترك أيّامي؛ تْشرَّدها القطيعة

‏الشتاء لو جوَّدته النار، كيف أخيط صوفي
‏في شذى غيمٍ يشدّ الروح بارِقه، ولميْعه

‏إن تركْت كْتاب ضحكاتك على عاتق رفوفي؟
‏ما قدرت تردّ قلب ٍ جفّف التغرِيب رِيْعه

‏أنت نورك يكفي إنه ينسج الضحكة لـ شوفي
‏والله إنّه أجمل بـ واجد من أحداث الطبيعة"

"كل ما لاح برق وهلّ في القاع غيمة
‏قلت؛ وش يدفع قلوب العرب للتجافي!"

صبيت لك من قهوة سنيني عسى عمرك يزيد
‏وأوعدك فنجالك إلى آخر حياتي ما امتلا

‏في ليلةٍ سوادها موحش عبرتي صبح عيد
‏سلّم على أطراف الظلام وشال عمره و انجلى

‏العمر لحظة والطريق أعمى وبنيانه جريد
‏والخوف فكرة وأعقل العشاق سكرى وجهلا

هو فيه مثلك من يموت بنظرتك يبقى شهيد
‏إما : يقلدك بقصيدة غالية .. وإلا فلا

‏إما أحبك وأعتبرك أقرب من حبال الوريد
‏و إلا ترا سمّي تبي تقلب من الشرهة هلا

12:30 am

"عط الليل فرصة من جديلك يا روح الروح
‏معك ودي إن الشمس تشرق بعد بكرة

‏انا اشفق على لبيه من صوتك المبحوح
‏لا حلّ الظلام، وعوّد الطير في وكره

‏تحت عنقك الفارع، ورا زرارك المفتوح
‏ما باقي عليّ إلا ألحق السكرة؛ السكرة

‏يغنّي على شباك دارك؛ حمام الدوح
‏واغني عليك؛ البيت والقاف والفكرة"

"قطعت كفوف النساء دون يوسف يا مليح
‏و انت – فتنة – دونها قطعت كبود الرجال"

"ما بين ظرف الزمان — وبين ظرف المكان
‏إن جيت خلّك معي و إن رحت خلّك معي"