#Savol: (Jasurbek)
Assalomu alaykum usta akalar mana shu go'sht qiymalagich kondensatorini almashtirgandim kondensator qizib ketyapti sababi nimada. Oldingi kondensatori kuyib ketgandi xuddi o'zidan qo'ydim lekin qizib ketdi.

#Javob:
Ishga tushiruvchi kondensatorning kuyishiga asosiy sabablaridan biri noto'g'ri tanlangan kondensatordan foydalanishdir.

Agar kondensator nominal sig'imi juda kichik bo'lsa, u dvigatelni ishga tushirish uchun zarur bo'lgan quvvatni ta'minlay olmaydi, bu esa uning qizib ketishi va kuyishiga olib kelishi mumkin.

Boshqa tomondan, agar kondensatorning sig'imi juda katta bo'lsa, u haddan tashqari tok hosil qilishi mumkin, bu ham komponentning qizib ketishiga olib kelishi mumkin. Natijada elektr dvigatel o'ramlari ham kuyishi mumkin.

Haddan tashqari yuklama yoki kuchlanish me'yorida emasligi:

Agar ishga tushiruvchi kondensator ulangan dvigatel doimiy ravishda ortiqcha yuklamasi bo'lsa yoki past kuchlanishli bo'lsa, bu kondensatorning qizib ketishiga va oxir-oqibat yonib kuyishiga olib kelishi mumkin.

Dvigatelning o'lchamlariga qarab, beriladigan kuchlanishning talabga mos kelishini ta'minlash muhimdir. Kondensatorni qizishi va kuyishining yana bir mumkin bo'lgan sababi, elektr zangiridagi nuqsonlardir.

Agar kondensator ulangan zanjirda, ortiqcha yuklama, qisqa tutashuvlar yoki boshqa muammolar yuzaga kelsa, bu uning ishlashiga ta'sir qilishi va uning qizib ketishi yoki kuyib ketishiga olib kelishi mumkin.

Sig'imni tekshiring: Agar ishga tushiruvchi kondensatori qizib ketsa yoki yonib ketsa, biz qilishimiz kerak bo'lgan birinchi narsa multimetr yordamida uning sig'imi to'g'ri ekanligini tekshirishdir.

kuchlanishni o'lchang
Agar ishga tushiruvchi kondensatorga berilgan kuchlanish tavsiya etilganidan yuqori boʻlsa, bu haddan tashqari qizib ketishiga olib kelishi mumkin. Kuchlanishini tekshiring!

kondensator nosozligi:  Ba’zi hollarda muammo ishga tushirish kondensatorning o‘zida bo‘lishi mumkin. Xitoyda ishlab chiqarilgani sig'imi yozilganidan kichkina bo'ladi yoki sifatsiz bo'ladi, vaqt o'tishi bilan ishlamay qolishi mumkin.

Kondensatorni soz ekanligiga shubha qilsangiz, multimetr yordamida uzilgan yoki qisqa tutashib qolmaganligini tekshirishingiz mumkin.

@elcom_group

Suv va elektr taqqoslash va tushunishimiz uchun har doim yaxshi g'oya. Ovoz to'lqinining ajoyib tarzda ko'rsatib berilishi. Suvli ossillograf desak bo'ladi.

Ko'pchilik odamlar dinamikni qanday ishlashini tushunmaydi. Tovush ham bir to'lqindir.

Ha baribir ular sinusoida nima, AC nima tushunmaydi😄

#Savol: (Sulton)
Assalomu alaykum, bitta kichkinagina savolim bor edi, montaj qilishda, televizorlar uchun, rozetkani qancha balandlikda tashlab ketgan maqul.

#Javob:
Va alaykum assalom. Xonada qancha kamroq ob'ektlar ko'rinsa, shunchalik kengroq va qulayroq ko'rinadi. Bu elektr rozetkalarining joylashishini tanlashga ham tegishli.

Rozetkalarining balandligi, birinchi navbatda, u joylashtiriladigan xonaga qarab tanlanadi. Agar yotoqxona uchun bo'lsa, unda ko'pchilik TV ko'rsatuvlarini divan karavotdan, ya'ni yotgan yoki yarim o'tirgan holatda tomosha qilishadi. Ekranning markazi, bu holatda poldan taxminan 160 - 200 sm masofada joylashgan bo'ladi.

Agar siz hali uyingiz uchun televizor sotib olmagan bo'lsangiz, u holda zal umumiy xonalar uchun rozetkalarni poldan 120-140 sm masofada joylashtirishingiz mumkin.

Qanday bo'lmasin, televizorni kronshteynga qotirilganda ular televizorning orqa paneli tomonida qoladi, ayniqsa, hozirda kroshteynlar borligi uchun rozetka orqa tarafda ko'rinmaydigan holatda moslab olish mumkin.

@elcom_group

Arxitektor elektrik bo'lganda😁

Uyimizga osonlik bilan kirayotgan yorug‘lik ortida qancha insonlarning mehnati borligini bilasizmi?

Siz behuda yonayotgan bitta lampochkani o‘chirish orqali bir xonadonda chiroq yonishini ta’minlashingiz mumkin.

@elcom_group

#Savol: (Jahon@.uz Energetik)

Bunga chiqishiga 24 voltdan 90 voltgacha yozilsa ham chiqishini o'lchasam 108 volt DC, nimaga 24 V  yozilgan.

#Javol:
Albatta LED drayver korpus yuzasidan yozilganiga qaragandan biroz yuqori kuchlanish chiqaradi. LED drayverlarni aksariyati shunday kuchlanishni ko'p chiqarganligi uchun, nuqsoni borga o'xshab turadi.

Korpusdagi yozuv esa, Bu yuklamani kuchlanish diapazoni 24 - 90 VDC orasida bo'lishi kerakligini anglatadi.

LED drayverlarini kuchlanishi, ulangan yuklama bilan o'lchanadi.
Chiqish kuchlanishi u belgilanganidan ± 5-10% dan oshmasligi kerak.

Yuklamaga ulanmagan holatda nominalidan yuqori kuchlanishni chiqarishi, odatiy hisoblanadi. Albatta berilgan chegarada (albatta, oqilona chegaralar ichida) va yuklama bilan hammasi o'z joyiga tushadi.

#Savol: (Jahon@.uz Energetik)
Assalomu aleykum qarshilikni quvvati qanday hisoblanadi. Masalan menga 1W lik qarshilik kerak bo'lsa bu necha Omga teng bo'ladi?

#Javob:
Va alaykum assalom,rezistor quvvatini quyidagi formulalar orqali hisoblash mumkin.

1) Ushbu formuladan foydalanib, quvvati qanday bo'lishi kerakligini hisoblashingiz mumkin: P = U × I.

P=rezistor quvvati (W)
U=kuchlanish (U)
I = zanjirdagi tok kuchi(I)

2) Zanjirdagi rezistorlarning quvvatini hisoblash uchun, qarshilik (R) ga qo'shimcha ravishda tok kuchini (I) ham bilishingiz kerak. Ushbu ma'lumotlarga asoslanib, quvvatni hisoblash mumkin.

Biz yuqoridagi formuladagi U o'rniga Om qonuniga asosan U= I × R ni qo'yamiz.

Formula oddiy: P = I² × R. Tokning kvadratini, qarshilikka ko'paytiriladi. Tok kuchi Amperda, qarshilikni esa Omda olamiz.

#Savol: (Asadbek)
Kasb do'stlar kamchiligi bo'lsa aytsalaring keyingi safar to'g'rilagani!

#Javob:
Assalomu alaykum ishingiz juda chiroyli chiqibdi, kamchiliklarini aytishimizni so'rab juda to'g'ri qilibsiz. Sizga bu foydadan holi bo'lmaydi.

1) Yuqori chap burchakda ikki qutbli avtomat qo'yilgan, ikki qutbli avtomatlarda dastlab faza undan keyin nol ulanadi, sizda birinchi nol ulanyapti.

2) Bir qutbli va ikki qutbli avtomatlar ham nominal toklari katta tanlanibdi. Selektivlik bo'lmasa, avtomat himoyasi ishga tushmaydi.

3) Nol shinaga, o'q rangdagi o'tkazgichlarni qotiribsiz, oq rang faza uchun foydalaniladi, ko'k rang esa faqat neytral uchun foydalaniladi.

4) Tan narx, UZOlarni har birini old tarafida bittadan ikki qutbli avtomat qo'yibsiz, bu holatda ishlaydi, biroq UZOlarni chiqishiga bir qutbli 3 tagacha avtomat qo'ysangiz, puldan iqtisod qilasiz, shuningdek UZOga ko'proq iste'molchi ulaysiz.

5) kiruvchi va chiquvchi kabellar, to'liq shitni ichiga kirgandan keyingina, sirtki izolyatsiyasi ochiladi, sizda esa devor orasida ham ochiq joylari qolib ketyapti. Bunda tashqari kabellar tartib bilan kirishi kerak.

6) Kabellarni tanlashda ham bir xil tipdagi montaj uchun mo'ljallanganidan foydalaning, shunda ulanadigan joylarida kontakt sifatli ulanadi, shuningdek elektr montaji uchun chiqarilgan kabellar, suvoq ostida uzoq muddat xizmatini o'taydi.

7) Markirovka, albatta shitda avtomatlarni identifikatsiyasi bo'lishi kerak, elektrik bir zumda qaysi avtomat nimaga javob berishini aniqlashi mumkin, boshqa foydalanuvchilarga ham tushunarli bo'lishi kerak. Ayrim vaqt bir necha sekundda, tezkorlik bilan, ma'lum bir liniyani o'zini o'chirish zarurati yuzaga kelib qoladi.

8) Yerlashtirgichi yo'q, PUE qoidalariga ko'ra, albatta yerlashtirgich bo'lishi kerak, shuningdek UZO himoyasi kafolatli himoya qilishi uchun ham yerlashtirgich bo'lishi kerak.

9) Shit o'lchami, xonadondagi elektr iste'molchilariga ko'ra himoya modullarini tanlaysiz. Himoya modullari soniga qarab ortiqcha ko'p joy qolmaydigan qilib shit o'lchami sotib olinadi.

10) Shitdagi bo'sh joy, imkon qadar pastda qolsin, kelgusida yana qo'shimcha iste'molchilar ulasangiz, muammo bo'lmaydi.

11) Imkon bo'lsa shit eshigida modullarni ulanish sxemasi bo'lishi kerak.

12) Foydalanilgan kabellar ShVVPga o'xshab turibdi, bu kabel elektr montaj uchun mo'ljallanmagan, elektr montaji uchun KVVGng kabellari yordamida amalga oshirilishi kerak.

@elcom_group

Bu rasm shu joyda turib tursin, hozir savol javobi ham chiqadi.⏳

#Savol: (Rustam Kamolov)
Assalomu alaykum, yerlashtirgich qoziqlarini, uyning ichiga, pol ostiga qoqsa bo'ladimi?

#Javob:
Nisbatan kichik joyda qurilgan uylarda, ko'pincha yerlashtirgichni joylashtirish muammosi paydo bo'ladi.

Ko'pincha, uyni yonida yerlashtirgich qurilmasi yasash uchun kerakli joy topilmaydi.

Shu bilan birga, xona poli ostida yerlashtirgich elektrodlarini joylashtirish mumkin bo'lgan joy bor.

Amaldagi PUE qoidalarida ham bunga hech qanday taqiq yo'q, aksincha bir qancha afzalliklarga ega:

1) Pol osti ko'pincha nam bo'ladi va u yer muzlamaydi. Tuproq qarshiligining doimiy bir xil turganligi sababli yerlashtirgich barqaror ishlaydi. Bu muzlamaydigan tuproq qatlamlariga chuqur kirmasdan, butun yil davomida ishonchli yerlashtirgich bilan ta'minlash imkonini beradi.

2) Bino atrofida joyni tejash. Kichik maydonda qurilgan uylar uchun ayniqsa muhim afzallik. Yerlashtirgich elektrodlari, konstruksiyasiga, zarar etkazishdan qo'rqmasdan butun uchastka bo'ylab qazish ishlarini amalga oshirish mumkin;

3) Ulanish qulayligi. Pol ostidagi yerlashtirgich osongina elektr shitiga yaqin joyda joylashtirish mumkin, shuning uchun uni shitdagi yerlashtirgich shinasiga ulash qulay bo'ladi. Bundan tashqari, yerlashtirgich o'tkazgichini tejaydi.

Bitta rozetka o'rnatishga, elektrik kelishini kutib turmaydiganlarga, yoxud shunchaki hayotdan zavqlanib yashang🤣🤣🤣

Unutilgan ixtirochi

Uning suratlariga boqib, nimadir yaratish uchun yolg'izlik zarurligiga amin bo'laman.

Baxtimiz-ki, biz Tesla ixtirolari bilan yashayapmiz. Bizning kundalik hayotimiz uning ixtirolariga asoslanadi. Taraqqiyot qanchalik rivojlanmasin, olimning ixtirolarini butun dunyoda hozirgacha foydalanyapti.

Nikola Tesla daho inson, mol dunyo to'plash, bizneslarga qarshi edi. Afsonaviy Nikola Tesla, umri davomida kambag'allikda yashadi, kashfiyotlarini tan olishmagan, qisman bu haqiqat.

Buyuk Ixtirochi hayotida, o'zgaruvchan tok bo'yicha tadqiqotlarini amalga oshirish uchun homiylarni ko'p izlagan davrlar bo'lgan. U vaqtlarda, soatiga 2 $ topish uchun mardikor bo'lib ishlagan.

Umrining oxirigacha arzon mehmonxonalar, yolg'izlik va qashshoqlikda o'tkazdi.

U insoniyatni sevadi, lekin insoniyat uni mag'lub etdi.

Nikola Tesla tadqiqotlarini yuzdan birini amalga oshirayotgan Ilon Mask, bugun sayyoramizni eng badavlat odamiga aylangan.

Hafta savoli: siz ustozlardan ish bajarishga oid qanday yaxshi maslahatlar olgansiz?

@elcom_group