Kuchlanish stabilizatori qancha vaqt ishlashi mumkin?

Kuchlanish stabilizatori uzluksiz, doimiy ravishda ishlaydi. U Istalgan vaqtda kuchlanish o'zgarishiga yoki tarmoqda favqulodda holat bo'lsa elektr jihozlarini himoya qilishi kerak.

Har kuni, kecha-yu kunduz. To'xtamasdan yiliga 365 kun. Shuning uchun, kuchlanish o'ynashi qanchalik ko'p bo'lsa, stabilizator shunchalik ko'p kommutatsiya qilishi kerak bo'ladi.

Bunday vaziyatlarda stabilizator ishdan chiqishi mumkin. Shuning uchun stabilizatorning ishlash muddati, albatta, elektr ta'minoti sifatiga bog'liq.

@elcom_group

Yuqoridagi test javobi

Qisqa tutashgan rotorli asinxron motorlarning o'ramlarini boshlanishi, zamonaviy standartlarga muvofiq, U1, V1, W1 bilan belgilanadi, birinchi, ikkinchi va uchinchi fazalar uchun mos ravishda o'ramlarni oxiri U2, V2, W2 bilan belgilanadi.

Ilgari, eski standartlar bo'yicha chiqarilgan motorlarda o'ramlarning boshlanishi uchun C1, C2, C3 belgilari va oxirlari uchun C4, C5, C6 ishlatilgan.

@elcom_group

#Savol: (Isoxon)

Assalomu alaykum Shahobiddin aka bu rele 63A va 25A lik ekan xonadonga ham shundan qo'yish kerakmi yoki qanday tanlanadi?


#Javob:
Kuchlanish relesini asosiy muhim xarakteristikasidan biri nominal toki hisoblanadi.

Birinchi navbatda kuchlanish relesi o'rnatilayotgan liniyadaga iste'mol tokini aniqlab olish kerak. Kuchlanish relesini nominal tokini tanlashda esa 20-30% zaxira bilan olinadi.

Masalan: Agar sizga butun xonadonni ximoya qilish kerak bo'lib, elektr shitni kirishiga kuchlanish relesi tanlamoqchi bo'lsangiz, u holda kirishdagi asosiy avtomatni nominal tokiga e'tibor qaratasiz.

Agar kirishdagi avtomat 25 amper bo'lsa, kuchlanish relesi 32 yoki 40 amperlik bo'lishi kerak. 40 amperlik bo'lsa yaxshiroq.

@elcom_group

Bir elektrik aytgan ekan, suvoqdan keyin shtroba ochib elektr montaj qilish bu, huddi yo'l solib, ustini yangi asfalt qilib, keyin kommunikatsiyalarni o'tkazish kabi degan ekan.

Elektr montaji suvoqdan oldinmi yoki keyin, siz qanday bajarasiz?

@elcom_group

Bir elektronshik yozyapti:
Eslab qolinglar ustalar!
Hamma elektr va elektron qurilmalar ichida tutuni borligi uchun ishlaydi. Agar shu tutun qurilmani ichidan chiqib ketsa ishlamay qoladi.
Fikrim to'g'rimi?)))

@elcom_group

#Savol: (29141 29141)
Kuchlanish relesi qo'yish shartmi?

#Javob:
Diqqat
Kuchlanish relesi, hech qanday sehrli ko'rinishda kuchlanishni stabilizatsiya qilmaydi. Releni bir turi xolos.

U berilgan diapazonda kuchlanishni nazorat qiladi, agar tarmoqda nimadir joyida bo'lmasa, iste'molchini faqat o'chiradi/yoqadi.


O'zbekistonda va MDH davlatlarida standart kuchlanish maishiy texnika uchun 220 volt qilib qabul qilingan. Bu kuchlanish 20% ga o'zgarsa, 176-264 volt bo'ladi. Hamma texnika ham ishlaydimi bu kuchlanishda? Albatta yo'q.


Rele nimalardan himoya qiladi, keling tanishib chiqamiz!


1. Past kuchlanishdan.
Xavfliligi shundaki , past kuchlanishdan dvigatel va kompressorlar va boshqa elektr priborlar kuyadi.
Tushuntiradigan bo'lsam dvigatellar, kuchlanish 170 voltdan pastda juda kuchli qiziydi, ya'ni aylanish qiyinlashib ketadi.

Sovutgich kompressori ham past kuchlanishda ishga tusha olmasdan kuchanib qizib turaveradi. Bir soat shu tarzda tursa kuyadi.

2. Kuchlanishni oshishi.
Kuchlanish 1 sekundga oshsa xam undan rozetkaga ulangan hamma texnika kuyishi mumkin.


3. Nolni uzilishi (380 volt mehmonga keladi)
Barcha elektr priborlar kuyadi.

Kuchlanish normal holatda 220 volt bo'ladi, uch fazalik tarmoqda nol uzilib qolsa, iste'molchi magistralga yulduz sxemasida nolsiz ulanadi. Bu degani kuchlanish 220 volt emas, 380 volt bo'ladi.


4. Kuchlanishni tez tez o'chishi.
Agar kuchlanish o'chib yonishi masalan 1-2 minut bo'lsa, ko'pgina priborlarga salbiy ta'sir qiladi. Yana sovutgich, elektron gaz qozoni.


Elektr shitni kirishiga kuchlanish relesini o'rnatib, xotirjam yashash mumkin. Hamma texnika himoyalangan bo'ladi.

Endi savolga javob beramiz:
Kuchlanish relesini albatta qo'yish kerak. Kuchlanish o'ynashi bo'ladimi yo'qmi, yaxshisi himoya bo'lgani yaxshi, keyin texnikani tashlab yuborish yoki ustaga olib borgandan ko'ra.

@elcom_group

Ассалому алайкум
Электрик ишлари бойича ишлаб чикариш цехига ишчи кк ( стажер Электрик) ойлик 4 млн лан бошланади
Тошкент шахарда иш жойи

Мурожат учун телеграм: @Jahongir048

@elcom_group

Avtomobil akkumulyatorini kuchlanish bo'yicha zaryadlanganlik darajasi.

@elcom_group