Zamon 15 yil oldin ham ancha boshqacha edi, elektronikani o'rganish uchun bizni institutda 4 yil o'qitishgandi.

Arduino chiqdi-yu, endi yoshlar xohlagan qurilmalarini yasab ko'rishyapti, texnikum va institutda o'qimasdan robot yasayotgan bolalar bor.

Menga endi kech bo'ldi, tranzistor mikrosxemalarni bilmayman, elektronikani o'rgana olmadim deganlar.

Bolalaringizni arduino o'quv kurslariga yuboring, ayni vaqti maktab fizikasini o'rganayotgan vaqtida. Mayli bu bilan elektronika ustasi bo'lmas, kichik hajmda bo'lsa ham bilimga ega bo'ladi. Radiohavaskorlik bilan shug'ullanadi, bu juda ajoyib.

@elcom_group

Perforatorni ishlashini mashi qushni tumshug'iga qarab olishgan))

Qiyin bo'ldi shu qizilishtonga ham. Ilgari yurtimizda ulkan daraxtlar juda ko'p bo'lgan, bu qush daraxt po'stlog'idagi qurtlarni terib yeyardi.

Daraxtlar kesilib ado bo'lgandan keyin, bir narsa topamanmikin deb tumshug'i bilan quruq simyog'chni taqqilatardi)) 30+ lar hammamiz eshitganmiz ovozini.

Zahmatkash qushni tirikchiligi beton stolbaga qolibdi. Bu ketishda yana uch to'rt yildan keyin visokovoltniy metall konstruksiyani, tumshug'i bilan taqillatayotganini ko'ramiz)

@elcom_group

Avvallari elcom Youtube kanalidagi video darslar orqali faqat qo'llarimni ko'rar edilaring, mana oxir o'zimni ham 👆 ko'rsatdim.

Ko'chada bozor-ucharda ko'rganda hamma tanimasin deb ko'rinmas edim. Ko'chada ko'rganda tanib qolib, gollivud aktyoridek qarashmasin deymanda))

@elcom_group

li ion batareyalar optom kmga nechta kerak 😁

#Fidokorlik.

Vatan uchun, oila uchun qilingan fidokorlik

Surxondaryo viloyati Boysun va Oltinsoy tumani oraligʻida joylashgan Gʻoʻtxokin (Ketar) qishlogʻi shu kunga qadar elektr energiyani Boysundan olgan. Qishloqda 14 xonadon yashaydi, avtoyoʻl umuman bormagan va olib borishning umuman imkoni yoʻq. Baland togʻlar oraligʻida joylashgan qishloqdan avto yoʻlgacha 20 km piyoda yurish kerak boʻladi.

Ijtimoiy tarmoqda shuncha masofaga ogʻir transformator va boshqa zarur uskunalarni elektr taʼminoti xodimlari va qishloq aholisi birgalikda piyoda (!) togʻ oralab, suv kechib, baʼzi yerlarda pochani tizzagacha shimarib yalangoyoq olib borishgani aks etgan video tarqaldi.

Ushbu videoni feysbuk sahifasiga joylagan elektr taʼminoti tashkiloti xodimi Yusuf Aliyev shunday yozadi:

“ 2024-yil 10-mayda kuchli yogʻingarchilik sababli katta sel kelib, TETK ga qarashli transformatorni va oʻnlab tayanchni oqizib ketgan. 12-may kuni 10 nafar xodimlarimiz bilan barcha kerakli sim, transformator va ehtiyot qismlarini olib borib oʻrnatdik. Nosozlikni toʻliq bartaraf qildik, aholini sifatli va uzluksiz elektr energiyasi bilan taʼminladik.

Men bu lavhani kimnidir yomonlash yoki ishimizni maqtanish maqsadida chiqarmadim. Bunday ishlarni bajarish bizning vazifamiz, ammo qishloq ahlini qarang, qanday begʻubor, sodda, biz bilan qanday ishlayapti, hatto keksalar ham. Aslida ular biz bilan ishlashga majbur emas, lekin yelkama-yelka turib bizga yordam berishdi. Shunchaki, qarab turishganda, bir oyda ham ishni bajara olmas edik. Katta qalbli bu xalqqa oʻzim va Boysun TETK korxonasi xodimlari nomidan minnatdorchilik bildiraman!”.

Bizni kanalimizni kuzatib borib, umniy bo'lib ketayotganlar, sizlarga maslahat.

Elektrik mijoz bilan muzokaralarda juda aqlli bo'lgandan ko'ra, biroz bilmas bo'lish yaxshiroqdir))

@elcom_group

Elektrikni qo'l qo'yishi

Elektronika endi o'rganayotganlar, payalnik bilan ishlashni o'rganayotgan vaqtingizdayoq, qalaylanadigan detalni pinset bilan ushlashni o'rganing!

Menga o'xshab doim bosh barmoq bilan ko'rsatgich barmog'ingizni kuydirib yurmaysiz.

@elcom_group

Elektronshiklarni bitta yomon odati bor, eski har xil elektron platalarni omborxonami, tomdami, yerto'ladami saqlayveradi. Balkim bir kun kerak bo'lib qolar deydi.

Sizda ham shunday odat bormi?

@elcom_group

#Savol: (Olmos)
Xonadonlardagi yerlashtirgich o'tkazgichi necha kesimli bo'lgani yaxshi?

#Javob:
Elektr toki urishidan ishonchli himoya shuningdek himoya qiluvchi kommutatsiya qurilmalarini ishlashini ta'minlash uchun, yerlashtirgich o'tkazgichi, fazalar kesimiga qarab tanlanadi.

Bu avariya sodir bo'lgan taqdirda u yuqori toklarga bardosh berishi va kuyib ketmasligi kerak. Agar kuyib ketsa, himoya ishlamaydi va elektr priborlarni korpusida xavfli potentsial yuzaga keladi.

Yerlashtirgich o'tkazgichining kesimi quyidagicha bo'lishi kerak:

PUE ga ko'ra, yerlashtirgich o'tkazgichining kesimi, faza o'tkazgichning kesimidan kam bo'lmasligi kerak.

Agar faza uchun 16 mm² gacha foydalanilsa - yerlashtirgich o'tkazgichi ham xuddi shunday o'lchamda bo'lishi kerak.

Priborlar uchun, qanday kesimdagi yerlashtirgich o'tkazgichi bo'lishi kerak:

Agar siz elektr pechkani 4 mm² kesimli kabel bilan ulasangiz. Bu yerlashtirgich o'tkazgichining kesimi ham bir xil bo'lishi kerakligini anglatadi.

Rozetka uchun 2.5 mm² kabel tashlasangiz, yerlashtirgich o'tkazgichi ham, huddi shunday bo'lishi kerak.

Bu faqat xonadonlar uchun, kesimi katta kabellar uchun, yerlashtirgich kesimi boshqa nisbatda olinadi.

@elcom_group

Kecha, Moskva viloyati, Balashixa shahrida, 63 yoshli erkak, chaqmoq urishi natijasida vafot etgan.

Chaqmoq taxminan 30-50 ming amper tok bilan uradi. Taqqoslash uchun inson tanasidan 0.1 amper tok o'tsa, o'limga olib keladi.

Sizlarga savol?
Nima uchun chaqmoq nishon sifatida insonni tanlaydi?

@elcom_group

Chaqmoq asosan alohida turuvchi ob'ektlarni nishonga oladi: daraxtlar, tayanchlar, binolar, odamlar. Shuning uchun chaqmoq vaqtida ochiq tekisliklarda harakatlanmaslik kerak.

Videodagi odam ochiq tekislikda harakatlangani uchun chaqmoq uryapti, undan tashqari soyabonni metall qismlari ham chaqmoqni tortyapti.

@elcom_group

Butun dunyoga texnologiya sotayotgan Xitoyliklarda, yurak ham otni kallasidek ekan, 1.5 milliard Xitoyga bo'sh ish o'rinlari yaratish emas, ishlab chiqarish quvvati va uning samaradorligi muhim ekan, hamma joyni robotlashtirib tashlashdi.

Bizga qachon kelar ekan-a ishchilar achchiq choyni damlab ichib o'tirsa, o'rniga robotjonlar ishlasa.

Xitoyga borsangiz, sanoat robotlaridan tashqari ijtimoiy sohada med. personallar, qarovchilar, ofitsiant, taksi, yetkazib beruvchi, farrosh, barmen, hatto oshpaz deysizmi robotlashib ketgan.

Uddalasa bo'ladi nima dedilaring, Xitoy ham robotlashtirishni 2000 yillarda boshladi.

@elcom_group

Bizda 4G zo'rg'a ishlayotgan vaqtda, yaqinimizdagi Xitoy 2124 yilda yashayapti nazarimda.

@elcom_group

Endi bizni aqlli gadjetlar tinch yashashga qo'ymaydi shekilli.

Manovi "Mijia Smart Pillow" degan alli bolish ekan. Uhlab yotganingizda ham salomatligingizni monitoring qilib, o'rnatilgan sensorlari orqali yurak urishi, nafas ritmi, xurrak otishi)) xurrak vaqtidagi tana harakatlarini kuzatib borar ekan:)

Aqlli soat, aqlli braslet, aqlli televizor, aqlli uy mana endi aqlli bolish ham paydo bo'ldi, NO aqlli odamlar kamayib ketyapti(

@elcom_group