#Savol: (Yodgorov U)
Assalomu alaykum.
AC va DC avtomat o'chirgich turlari haqida ma'lumot beringlar!

#Javob:
AC va DC avtomat o'chirgichlar o'rtasida bitta alohida farq bor. Garchi ikkalasi ham bir maqsadga ega bo'lsa-da, AC avtomatni himoyasi oson ishga tushadi. Odatda AC avtomatlar DC analogiiga qaraganda ancha mustaxjam, bardoshli va uzoqroq xizmat qiladi.

AC avtomat o'chirgichlarni, eng keng tarqalgani, termomagnit ajratkichli bo'lib, ortiqcha tokni aniqlash uchun bimetall plastinkadan, qisqa tutashuvda esa elektromagnit katushkadan (solenoid) foydalanib yuklamani o'chiradi.

DC avtomat o'chirgichni konstruksiyasi boshqacharoq, eng katta farqi avtomat korpusi ichidagi yoy so'ndirgichda. Ya'ni, kontaktlar ajrayotganda hosil bo'ladigan elektr yoyi. ACda tok yo'nalishini o'zgartiradi, sekundiga 50 marta.

Bu kuchlanish har safar yuqoriga ko'tarilganda va keyin nolga tushganda tezda yonadi va o'chadi. Natijada, yoy murakkab mexanizmdan foydalanmasdan, tez va oson o'chiriladi, zanjir himoyalangan.

Biroq, doimiy tokda, tok faqat bitta yo'nalishda oqadi. Bu shuni anglatadiki, yoy o'chmasdan, ancha uzoqroq yonishi mumkin. Bunga qarshi himoya qilish uchun DC avtomat o'chirgichlar maxsus yoy so'ndiruvchi kamera bilan jihozlangan.

AC avtomat o'chirgichlar odatda uy rozg'or yoki sanoat maqsadlarida o'zgaruvchan tok tarmog'ida foydalaniladi.

DC avtomat o'chirgichlar, o'zgarmas tok chiqaruvchi, qayta tiklanuvchi energiya manbalari, quyosh panellari yoki shamol turbinalari kabi tizimlarda foydalaniladi. Shuningdek, uzluksiz elektr manbai sifatida akkumulyatorlardan foydalanilganda ham qo'llanilishi mumkin.

AC va DC avtomat o'chirgichlarni o'rtasidagi yana bir farq bu ularning markirovkasi. Doimiy tokda, tok oqimining yo'nalishini ko'rsatish uchun "+" va "-" belgilari bilan belgilanadi.

AC avtomatlarda markirovkani ahamiyati yo'q. Istalgan yo'nalishda ulashingiz mumkin. Qutblar DC avtomatlar uchun ahamiyatga ega, chunki noto'g'ri ulanish avtomtga yoki butun tizimga zarar etkazishi mumkin.


O'zgarmas tok uchun AC avtomat o'chirgichidan foydalanishim mumkinmi?

Yo'q, biz o'zgarmas tok uchun AC avtomat o'chirgichdan foydalana olmaymiz va aksincha. Chunki mexanizmlari boshqa-boshqa.

Buning sababi shundaki, yoyni o'chirish mexanizmi boshqacha bo'lib, AC avtomat o'chirgichlar, doimiy tok zanjirlariga hosil bo'ladigan uzoq muddatli yoylardan himoyalanish uchun mo'ljallanmagan.

@elcom_group

Iii men o'tkazgichlardagi qushlar deb o'ylabman. Ha endi bu ketishda qushlar ham kelajakda shunday bo'ladi.

Robotni ham ho'rlabdi, Pokiston bo'lsa kerak. Aslida bu sanoat robotlarini otkaz qilmay ishlashi uchun bino IP himoyasi yuqori, harorat va namlik meyorida bo'lishi kerak. Shunda sanoat robotiga mana bunday mahsus kiyim kiydirishga hojat qolmaydi.

@elcom_group

Bittasiga manov👆 200 kW limitni bekor qiling degan, video yoqmabdi shekilli 👎dislike qo'yibdi. Menimcha bu odam, quyosh paneli sotadi shekilli:))

@elcom_group

Endi 👎 dislike soni ikkita bo'lib qoldi, yoniga O'zbekenergo"da ishydigan ham qo'shildi:)

To'g'risi anovi yerdan tok olib sensatsiya qilgan bolani videosidan keyin telegramdagi akkauntim to'lib ketdi.

Institutdagi guruhdoshlar bir nechtasi, sinfdosh, tanish-bilish xullas so'ragan odamlar ko'p bo'ldi, shu rostmi deb.

NTVyam, RenTVyam ko'rsatdi o'sha rolikni, ko'k jiguliniyam prosmotrda orqada qolib ketdi, "Mani ismim Olim" ham bunchalik muhokama bo'lmagandi.

Bu videolar hammasi odamlarga ko'rsatish uchun xolos, yuklama ulab foydalanish boshqa narsa. Samaradorligi bo'lganda davlat tarafidan ishlab chiqarilar edi. Hech bo'lmasa odamlar o'zlari kattaroq qilib yasab ko'rardi.

Bo'ladigan ish bo'lganda Xitoy chiqarar edi, kechasi uyga kelib yerga qoqilgan qoziqdan mashinani zaryadini to'ldirib, ertalab ishga mashinani minib chiqib ketaverasiz, tekin energiya mazzami:))

Biron joyda ko'rdingizmi katta masshtabda qo'llanilganini, fizikani yaxshi o'qimasangiz, hayot mo'jizalarga to'la, hamma joy "free energy" bo'lib ketdi.

220 volt kuchlanishni, bir tarafini yerga ulab qo'ying, tok yerga qarab ketadi, kuchlanish yerdan tepaga qarab, tayyor 50 hz bo'lib chiqmaydi, tok har doim qarshilik oz tarafga qarab oqadi.

Yerda yoki atmosferada bunday ko'p energiya potensiya bo'lmaydi, kuchsiz oz miqdorda svetodiodni yoqadigan darajada bo'ladi, o'zim ham multimetrda o'lchab ko'rganman.

Namlik ortganda, faqat chaqmoq chaqqanda atmosferada energiya yuzaga kelishini bilaman.

100 yil avval harbiy sohada sinab ko'rishgan, o'rmonlarda ratsiya priyomniklarni zaryadlash, aloqa maqsadlarida ham foydalanish uchun, effekt bermagan.

Fizikada energiyani saqlanish qonuni hali ham amalda, hech kim bekor qilmadi.

Bu elektrotexnikadagi biz ko'rayotgan tekin energiyalarni 18 asrda, kashfiyotchilar yuz martalab tajriba qilib ko'rgan, yasab bo'lganda, "tesla energy" deb nom berardik, Nikola tesla o'zi yasardi.

Afsuski bizda bunaqa mutaxassislar yo'q, bilimi bilan real isbotlab beradigan, hammasi yolg'on. Bitta video bilan 30 000 000 odamni ham vaqtini, ham internet trafigini behuda ketkazdi.

Nima ham derdik, muallifga omad tilab, yangi yangi g'oyalarni kutib qolamiz:))

@elcom_group

Xitoyda dunyodagi, eng katta quyosh elektr stansiyasini ishga tushirishdi. Stansiya quvvati 3.5 gigavatt, maydoni 13.3 ming gektar, Sharqiy Turkistondagi, Takla-Makan sahrosiga qurilgan. Yiliga 6.09 milliard kilovatt-soat atrofida elektr energiyasi ishlab chiqaradi. U 5.26 milliondan ortiq ikki tomonli quyosh panellaridan tashkil topgan.

Bu odam kuchlanishi 400 kV bo'lgan elektr uzatish liniyasi ostida turibdi.

Bilasizlarmi yomg'ir yog'ayotgan vaqtda, yuqori kuchlanish liniyalari ostida soyabon bilan yurib bo'lmaydi.

Kecha 7 iyul kuni, Qirg'iziston Respublikasining Issiq ko'l viloyatidagi Jazii-kechuu yaylovida, chaqmoq urishi natijasida 250 bosh qo'y halok bo'lgan.

@elcom_group

Usta ham gaplardan charchagan

Orzudagi xona

@elcom_group

#Savol: (BMW)
Assalomu alaykum, bitta rozetka uchun 2.5 kabel olib keldim, endi GOST bo'yicha nechtagacha rozetka qo'ysam bo'ladi?

#Javob: Hech qaysi birorta me'yoriy hujjatda, bir kabelga, qancha rozetka ulash mumkinligini ko'rsatilmagan.

Cheklov yo'q, hohlasangiz 100 ta rozetkani ulashingiz mumkin. Asosiy shart shundaki, liniyaning umumiy yuklamasi, shu kesimdagi kabelning ruxsat etilgan tokidan oshmasligi kerak.

Yana bir asosiy mezon, bir vaqtning o'zida yoqilgan elektr jihozlarining umumiy quvvati, ularni himoya qiluvchi avtomat o'chirgichni nominal tokidan oshmasligi kerak. PUE qoidalariga ko'ra rozetka guruhlariga 16 amperlik avtomat qo'yiladi. 16 amperlik avtomatga 3.5 kW quvvatgacha iste'molchilarni ulash mumkin.

GOSTga muvofiq ishlab chiqarilgan, o'rtacha 2,5 mm² kesimli mis kabel esa uzoq vaqt davomida 25-27 Amperlik tokga bardosh bera oladi, bu taxminan quvvatga 5,5-5,9 kW quvvatga teng.

Biroq, bunday ulanish bilan PUE 1.7.93 bandi talabini hisobga olish kerak. Ushbu qoidalarga ko'ra, rozetkalarning har biriga alohida yerlashtirgich o'tkazgichi ulanishi kerak.

Ko'rinib tutibdiki 16 amperlik avtomat bilan 2.5 mm² kabelga istalgancha rozetka ulash mumkin.

@elcom_group

Bu elektr suv isitgichini (ariston) tuzilishi.

Savol: suv isitgichini ichiga magniy anodi ham o'rnatiladi, magniy anodi nima maqsadda qo'yiladi?

@elcom_group