Ovozli chatimizda ishtirok etgan barchaga o'z minnatdorchiligimizni bildiramiz.

Kecha bo'lib o'tgan ovozli chat birinchi soati mundarijasi:

1) 02:28 Yerlashtirgichga faza berib, tokini o'chab turib, yerlashtirgich qarshiligini topish qanchalik tog'ri chiqadi?

2) 07:25 LED lampochkalar nima uchun qiziydi?

3) 13:40 Uyimga difavtomat qo'ydim lekin yerlashtirgichini ulamadim, ariston suvidan qo'lni tutganda tok o'tdi, bir kishi aytdi difavtomatga yerlashtirgichini ulamasa, difavtomat ishlamaydi dedi.

4) 15:45 Qiziqarli savol bor edi, Nikola teslani ko'p gapirishadi, elektr tokini havoda tashish bo'yicha tajribasi bor degan fikrlar bor, bu nazariy jihatdan qanchalik yaqin, rostdan shu narsani iloji bormi?

5) 19:15 Yerlashtirgich haqida savol bor

6) 24:42 Podstansiyadan 4×16 alyuminiy kabel tortilgan, 100 amperlik avtomat qo'yilib, 7.5 kW nasosga shit yig'ilgan, avtomatni qo'shilsa kuchlanish yo'q bo'lib qolyapti.

7) 35:00 Uyni sesmik armaturasidan nolni ulab olsa, bu qanchalik to'g'ri?

8) 37:15 Bitta xonadonda uch fazalik hisoblagichi bor, uyni egasi nolni yerlashtirgichni klemmalariga qo'shib qotirgan, bu narsa qanchalik to'g'ri?

9) 44:00 Yangi chiqqan 2×4 o'tkazgichlarga ishonch bormi? 2x2 o'tkazgichlar bilan uylarni montaj qilyapman.

10) 51:34 Shit terganda invertorni ham montaj qilgan edim, ularga ikkita UZO qo'yganman, meni tok urdi.

Ovozli chat ikkinchi soati mundarijasi:
1) 00:35 Nikola tesla masofaga energiyani uzatish haqida

2) 08:33 Transformator yerlashtirgich haqida, uylarda nolni yerlashtirgichga ulash

3) 17:16 Nikola tesla, o'zgaruvchan tokni ishlatgan, Aleksandr Morkov, raqamli tokni ishlatgani, shu qanday bo'ladi.

4) 21:36 Toshkentda elektronika bo'yicha o'quv markazi ochib amaliy o'rgatishga vaqtingiz bo'ladimi?

5) 29:07 Quyosh paneli uchun kontroller yasash

6) 34:20 Honadonga kirishda faza va nolga ikkita alohida avtomat qo'yiladi, nima uchun nol avtomat eriydi?

7) 38:23 Zazemleniya va zanuleniya haqida qisqacha bir ma'lumot berib o'tasizmi?

8) 42:23 3.1 kW dvigatellarimiz ishlab turgan joyidan tushib ketyapti, vibratsiya natijasidami sababini bilmayapmiz.

9) 52:07 Stanoklarni stabilizator orqali ulaymiz, o'tkazgichlarni bir kW dan ulangan, ulangan joylarni tok yo'qolishiga ta'siri bormi, qancha kabelni bir biriga ulasa bo'ladimi?

#Savol:
Assalamu alaykum youtubdagi video darsligizda payalniklar haqida koʻrgandim,
Manga taqinchoqlar yasash asnovalarni bir biriga payatlash uchun qanaqa payalnik olishni maslaxat berasiz?

#Javob:
Siz taqinchoqlarni payka qilishdan avval, payka qilish bo'yida metallarni bir biriga ulash, paykadan yechib olish qalay turlari, erish temperaturalari, qalaylashda foydalaniladigan flyus va gellardan foydalanish bo'yicha malaka hosil qilishingiz kerak.

Sohangizga qiziqsangiz bo'ldi payka qilishni istalgan inson bir ikki kunda o'rganib oladi. Youtubdan payka qilish haqida bir necha videolarni ko'rishingiz tavsiya etiladi.

Elektronikada radiodetallarni hajmi kichik bo'lganligi uchun qalayni erishi oson o'rtacha 40 vatt quvvatdagi payalniklardan foydalanamiz.

Taqinchoqlar radiodetallardan biroz kattaroq, turli hajmda bo'ladi, shuning uchun dastlab o'rgangan vaqtingizda ularni qalaylash biroz murakkabroq bo'ladi, chunki taqinchoq metall ham qalayni erish haroratigacha qizisagina qalay yopishadi, aks holda payalnik qizdira olmay, qalay detalga yopishmay qoladi.

Sizga turli taqinchoqlarni qalaylash uchun quvvati o'zgaradigan 30-120 W oraligida o'zgaradigan keramik payalnik sotib olishingiz kerak. Chunki 30 W quvvatdagi payalnik bilan faqat kichkina detallarni qalaylash mumkin holos, kattaroq detallarni qizdirgani quvvati yetmaydi.

Faqat katta quvvatli payalnik o'zi ham bo'lmaydi, oniy sekundda detalni qizdirib yuboradi, flyus qizib parlanib ketib qalaylash imkoni yo'qoladi, sifat buziladi. Shuning uchun bir dona payalnikni o'zida quvvati o'zgaradigan bo'lsin.

Taqinchoqlar payka qilish bu san'at uni mohirlik bilan chiroyli qilib payka qilishingiz kerak, shuning uchun payalnik uchidagi jalasi (nasadka) almashadigan bo'lsin, chunki jalalarni shakli turlicha yapaloq, konussimon bo'ladi, nuqta singari qalaylash uchun uchlik jala kerak bo'ladi.

Arzon payalniklarni sotib olmang, mis jalalik bo'lmasin, albatta keramik payalnik bo'lsin, foydalanishingiz oson bo'ladi.

@elcom_group

#Savol: (Javohir)
To'k urgan insonni, tez yordam kelguncha yerga ko'mish kerak deyishadi, shu gapga qanchalik jon bor?

#Javob:
Hech qanaqasiga yerga ko'mib bo'lmaydi, chunki yerga ko'milgan, jarohatlangan odamni tuproq qisib qoladi va erkin nafas ololmay qoladi va vafot etadi.

Insonni tok urdi degani inson orqali tok yerga oqib o'tdi degani. Tok urgandan keyin tanadagi tok, zaryadlari saqlanib qolmaydi hammasi yerga o'tib ketgan bo'ladi.

@elcom_group

#Savol: ( Iskandar )
100talik gulibnkaga 220fazani oʻzini tortib nolini yerdan olsam boʻladimi oldindan rahmat.

#Javob:
Nol o'rniga yerlashtirgichga ulashdan avval ularni bir biridan qanday farqi borligini tushunib olish kerak.
N - nol elektr tarmog'imizda iste'molchilarni elektr energiyasi bilan ta'minlash uchun foydalaniladi.
PE - elektr tarmog'ida elektr energiyasidan insonlarni himoya qilish uchun foydalaniladi

Aslida biz yerlashtirgichni fazadan himoyalanish uchun tok yerga o'tib ketishi uchun foydalanamiz. Bunday ulasa suv nasosi ishlaydi biroq yomg'ir yoqqanda oyoq ostida xavfli potensial bo'lib, qadam kuchlanishi hosil bo'ladi.

Yana bir tarafi hozirgi elektr hisoblagich noto'g'ri hisoblaydi. Hisoblagich tog'ri ishlashi uchun undan ikkita parametr faza va nol o'tishi kerak.

@elcom_group

Qirg'izistonlik obunachimizdan keldi, kecha ochilgan yangi GES.

@elcom_group

Toshkendan gapiramiz!

Bizni qishloqqa televizor 1967 yillarda kelgan ekan. Rekord, Rassvet degan nomdagi oq qora televizorlar📺 bo'lardi.

Ustiga bir musht tushirsangiz ko'rsatadigan😄 televizorni, mahallada birinchi bo'lib qo'shnimiz rahmatlik Xolmatjon buva olgan ekan. Qorong'i tushishi bilan mahalla shu uyga yig'ilarkan, televizor ko'rgani))

Odamlarni ko'ngli ham keng bo'lgan ekan-da, uy egasi ham indamaydi, yarim tungacha televizor o'chmay turaveradi. Birov u deydi, birov bu deydi, uyni kattasi g'ing demaydi.

Bugun, xuddi ana shunday, bir uyga to'planib, jam bo'lib futbol bo'yicha O'zbekiston Ispaniya jamoalari boshlab beradigan "Parij 2024" Olimpiada musobaqasini ko'radiganlarga yaxshi kayfiyat, qiyshiq tepadigan futbolchilarimizga esa omad tilaymiz!!!

Eslatma: bugun soat 18:00 da O'zbekiston guruh bosqichini Ispaniyaga qarshi o'yin bilan boshlaydi.

@elcom_group

Quduqdan suv tortuvchi bitta nasosni, ikkita xonadondan, alohida elektr hisoblagichlar orqali ulab foydalanish.

@elcom_group

Hozirgi ishlab chiqarilayotgan chiplar ichiga joylanadigan milliardlab tranzistorlarni o'lchamini bilasizmi, soch tolasidan o'n ming marta kichkina.

Juda ko'p insonlar Osiyodagi yuqori texnologiya markazlari deb Yaponiya, Janubiy Koreya va Xitoyni biladilar biroq kichkina orolda joylashgan Taywan yarim o'tkazgichlar sohasida eng kuchlisi.

Bugungi kunda yarimo'tkazgich, chiplar ishlab chiqarish sanoati bizni tasavvurimiz chegarasidan chiqib ketgan, u yerda elektrotexnika, hisoblash texnikasi, kimyo, fizika metrologiya, statistika, jarayonlarni avtomatlashtirish, loyihalash, dizayn, tayyorlash texnologiyasi murakkabligi, marketing hammasini bir joyga birlashtiradi va kichkina chip tayyor holga keladi.

Ana shunday fabrikalarda sun'iy intellekt, robotlar hamma ishni uddalayapti qolganini esa aqlbovar qilmaydigan odamlar mamlakati, mehnatkash, iste'dodli ijodkor Taywan xalqi amalga oshiryapti.

Biz esa hayratdamiz

Iii ha bizdagi 200 kW muhokamasi nima bo'lyapti ancha tinchib qoldilaring😂

@elcom_group