Majruhlik har bir insonni shuurida mavjuda bo'ladi. Insonlar imkoniyatimiz cheklangan holda ham juda katta potensiyaga egamiz biroq o'zimizni yetarlicha baholamaymiz.

Tasvirda qo'llarsiz ham qanday puxtalik bilan, sifatli ish bajarayotganligini ko'rib turibmiz.

Hohish bo'lsa bo'ldi, maba bu video oddiy bir misol. Ishlashni hohlagan odam, hamma narsani uddasidan chiqadi.

@elcom_group

#Savol: ( Yangihayot )
Assalom alakum men bu yerda Vt=VA*0,8 bu yerda VA nimami bildiradi?

#Javob:
Ko'pincha stabilizator yoki UPS sotib olayotganimizda ko'ramiz, ishlab chiqaruvchilar elektr quvvatini "to'la quvvat" VA ( volt amper ) ko'rsatadi, bu esa bizga tanish bo'lgan Vt ( vatt ) dan farq qiladi.

Elektr quvvati bir nechta tushunchalarni o'z ichiga oladi, keling ular bilan tanishib chiqaylik.

Birinchi aktiv va reaktiv quvvat tushunchalari bilan tanishaylik. Aktiv quvvat bu biror foydali ish bajarish uchun sarflangan energiyaga aytiladi.

Masalan: tefalni suv isitishi, ventilyatorni aylanishi yoki cho'g'lanma lampani honani yoritishi. Iste'mol qilingan aktiv quvvat vattda o'lchanadi ( 1kVt = 1000 Vt ).

Biroq real hayotda, elektr tarmog'imizda yana reaktiv quvvatni ham hisoblashga to'g'ri keladi. Reaktiv quvvat induktiv istemolchilarda yuzaga keladi va foydali ish bajarmaydi.

Reaktiv iste'molchilarga misollar: transformatorlar, elektr dvigatellar, elektr instrumentlar drell, bolgarkalar kiradi.

Shuning uchun iste'mol qilingan to'la quvvat bu aktiv va reaktiv quvvatlarni yi'g'indisiga teng bo'lib VA da o'lchanadi.
To'la quvvat = aktiv + reaktiv

To'la quvvat va aktiv quvvat o'zaro quvvat koeffitsiyenti "cosφ"orqali o'zaro bog'lanadi. cosφ o'rtacha 0,5 dan 0,9 gacha olinadi. cosφ ko'pgina priborlarni tablichkasi yoki pasportida ko'rsatilgan bo'ladi yoki o'rtacha 0,8 olinadi.

Demak to'la quvvatni topish uchun aktiv quvvatni cosφ ga ko'paytirib xisoblaymiz.
VA * cosφ= VT

@elcom_group

SMD LED svetodiodlarni avtomatik montaji.

Uzimga uzim sovğa oldim))) ishni ancha yengillashtradi
Kanlimzdan uzoqlashmang
https://t.me/elcom_group

Bilasizlarmi Xitoyda do'kon sotuvchilari ham bo'sh vaqtida bekor turmas ekan, elektr tovar do'konlarida albatta shit yig'ayotganini ko'rishingiz mumkin.

https://youtube.com/shorts/KDhSD3TsExA?si=WC9dByJEaIZzofWJ

Bilasizlarmi men nima uchun maqola va savol-javoblar matnini uzun yozaman. Agar hamma narsani qisqartiraversak odamlar bilimsizlashib boraveradi. Keyinroq esa biroz murakkab matnlarni o'qimay qo'yiladi.

Misol uchun hozir auditoriya ijtimoiy tarmoqlar orqali klip va qisqa roliklar ko'rishga o'tib ketdi, toqat borgan sari yetmay boraveradi. Ko'proq odam o'qisin, qiynalmasin deb qisqa yozaversak, shunchalik borimizni yo'qotib boraveramiz.

Masalan men o'z fikrimni umuman begona odamga tushuntirmoqchi bo'lsam, to'liq yozishimga tog'ri keladi. Aks holda tushuntirmoqchi bo'lgan ma'lumotimni bir qismi qolib ketadi.

Sizlarga hurmat bilan: @elcom_group

Nima uchun sotuvchilar shit terib o'tirishini ham tushuntirib ketay.

Xitoyda odam soni ko'p bo'lganligi uchun, shaharlarda nimaiki qursa, bir vaqtni juda ko'p odamga xizmat ko'rsatish imkonini beradigan darajada, katta hajmda, qavat qavat qilib bir xilda xonalarga bo'lingan inshootlar quriladi.

Aytaylik 40 qavatli turar joy binosini pastki o'n qavatini savdo do'konlari uchun ajratadi. Bunday katta hajmdagi elektr montajini bajarish uchun 100 ta elektrik ishlasa shitlarni sifati 100 xil chiqadi. Ichida 10 tasi PUEdan jichcha😁 uzoqdagi elektrik bo'lsa, tamom, kasha degani bu.

Ob'ektni elektr montaj ishlarini tez fursatda tugatish, binoni hamma joyidagi shitlar standart holatda bir xil ko'rinishda talab darajasida bo'lishi maqsadida, shitlar oldindan terilib qo'yiladi.

Bino quruvchi tashkilotlar, kerakli parametrdagi shitni oldindan buyurtma qiladi. Chunki qurilish loyihasida, kirish avtomati qanday bo'lishi, himoya modullarini modellari, UZO bor yo'qligi ko'rsatilgan bo'ladi.

E'tibor beradigan jihatimiz, shit tashqi bo'ladi. Bunga sabab hozir sharq mamlakatlarida binolar sendvich yoki shunga o'xshash panellar, monolitlardan quriladi. Panel bo'lgani uchun elektr montaji ham kabel kanal orqali yotqiziladi.

Nimaga Xitoydagi bozorlarda hadeb yong'in chiqmasligini endi tushungandirsizlar:))

@elcom_group

#Savol: (Abdurashid Hayitov)
Assalomu alaykum, maslahatingiz kerak edi, 200 metr narida artezian bor, shu artezianga suv nasos tashlashimiz kerak. Shu suv nasosga boradigan kabelni yer ostidan ko’mib olib bormoqchiman. Shunga qanday kabel ko’mib olib borsam bo’ladi? Suv nasos 220 voltga ishlaydi, qanaqa kabelni maslahat qilasiz?

#Javob:
PUE 2.3.84 punktiga ko’ra kabel tashlanadigan chuqurlik 0.7 metrdan kam bo’lmasligi kerak. Yo’lni kesib o’tadigan joylari bo’lsa 1 metrdan kam bo’lmasligi kerak.

Kabel chuquri daraxt yonidan o’tadigan bo’lsa 2 metr uzoqlikdan, butalardan 0.75 sm uzoqlikdan o’tishi kerak. Agar daraxtlar ostidan o’tkazish kerak bo’lsa u holda kabelni truba orqali yer ostidan o’tkaziladi.
Kabelni 220 volt kuchlanishga ekanligini yozibsiz biroq dvigatel quvvatini yozmabsiz, mayli keyin quvvatiga qarab kabelni ko’ndalang kesimini tanlab olasiz.

Iloji boricha ko’ndalang kesimi katta kabel tanlang kichkina tanlab qo’ysangiz tok o’tganda masofa uzoq, qarshili ortib qizishi mumkin.

PUE 2.3.37 punktiga ko’ra yer ostidan kabellani tortishda, bronlangan 3 yoki 4 tolali kabel tashlash kerak, alyumin bo’lsa (кабель АВБбШв), mis bo’lsa (ВБбШв) markadagi bronlangan kabel tanlash lerak.

Broni yo’q bo’lsa xam bo’laveradi biroq mexanik buzilishlarga bardosh beradigan kabel tortsangiz xam bo’ladi.

Kabel tortish texnologiyasi.
Kabelni tashlashdan avval kovlangan chuqurga bir tekis qilib qum sepib olinadi, tosh va shisha siniqlari bo’lsa olib tashlanadi. Kabelni tashlab bo’lib yana 15 sm qum bilan to’ldirib chiqiladi.

Agar sizda ogohlantiruvchi plyonkali signal lentasi bo’lsa u tashlanadi bu keyinchalik kovlanganda uzib olmaslik uchun, uy sharoitida lenta yo’q bo’lsa zarari yo’q. Lentani ustidan qolgan tuproqni ko’miladi.

@elcom_group

AES
Butun dunyoda kundan kun, yashil energetika o'z pozitsiyasini mustahkamlayotgan vaqtda, O'zbekiston bir necha yildan beri Rossiya bilan hamkorlikda AES qurishni muhokama qilib keladi. Birinchi safar 2018 yilda Jizzax viloyatida qiymati 10 milliard dollarlik loyihani 10 yilda bitirishga kelishgan edi.

Vaqt o'tgandan keyin loyiha o'zgarib, tomonlar 6 blokdan iborat mini AESni 2033 yilda qurib bitirishni kelishishdi, biroq qancha vaqt o'tsada, hali AES qurilgani yo'q, bizga esa, tezkorlik bilan elektr energiyasi yetishmaslik muammosini bartaraf qilish kerak.

Rossiya bilan kelishilgan pulga, quyosh elektr stansiyalari qurish afzalroqdir. Xitoy o'z hududlarida AESga ketadigan pulga katta quvvatdagi quyosh stansiyalari qurib bitirdi. Uzoq muddatda AES qurgandan, tez fursatda quyosh stansiyasi qurilsa bo'ladi.

Bizni geografik joylashuvimiz, juda ko'p hududlarimizga quyosh panellarini joylashtirish imkonini beradi. Quyosh panelini o'rnatsangiz bo'ldi, energiyani generatsiya qilaveradi, quyoshni buyurtma qilsak bo'ldi. Panellarni qor qoplab qolishidan qo'rqmasak ham bo'ladi, yilda bir marta yog'sa yog'yapti.

Ko'p suv kerak emas, maxsus tayyorlangan mutaxassislar kerak emas. Utilizatsiya arzon, muammosiz, ekologiya jabr ko'rmaydi. Aksincha quyosh paneli soyasida, hattoki sahroda o'simliklar o'sa boshlaydi.

Baxtsiz hodisa sodir bo'lsa ham AES kabi, u qadar halokatli bo'lmaydi. Bitta muammosi bor chang qoplab qolishi. Tozalamasangiz energiya ishlab chiqarmaydi.

Shu yurtda yashayotgan har kim o'z fikrini aytishi kerak, bu nafaqat mutaxassislar o'rtasida muhokama qilinishi balki AES quriladigan hududda doimiy yashovchilarni fikri inobatga olinishi kerak, ayniqsa tajovuzkor Rossiya singari davlat AES qurib beraman desa.

Unutmang: Uzoq kelajakda, dunyodagi barcha energiya resurslari ham tugatib bitirilsa, oxirgi energiya manbasi, quyosh energiyasi qoladi.

@elcom_group

#Savol:
Kondensator nima uchun doimiy tokni o'tkazmaydi, o'zgaruvchan tokni o'tkazadi?
#Javob:
Kondensator tuzilishiga ko'ra ikkita bir biriga yaqin joylashgan elektrodi bor( obkladka ), ularni o'rtasida dielektrik bor. Bilamiz dielektrik tok o'tkazmaydi.

Kondensator aslida o'zi orqali tok o'tkazmaydi. Kondensator boshida o'z obkladkalarida zaryadlarni yig'adi. Bir tarafda + zaryadlar, ikkinchi tarafida - zaryadlarni to'playdi. Keyin ularni sxemaga uzatadi. Yani kondensator tokni o'tkazmaydi balki, faqat zaryad va razryad bo'ladi holos.

O'zgarmas tokda kondensator 1 marta tezda zaryadlanadi, u yog'iga to'yingandan keyin zaryad olmaydi. O'zgaruvchan tok zanjirida kondensator zaryadlanib, keyin kuchlanish maydoni o'zgarganda ( o'zgaruvchan tokda sekundiga 50 marta o'zgaradi) u razryadlanishni boshlaydi, keyin yana qayta zaryadlanadi va shu taqlid zaryad razryad bo'lib davom etadi - tok doimo oqib turadi.

Boshqacha qilib tushuntiraman: o'zgaruvchan tokda, kuchlanishimiz sunusoida ko'rinishida xarakatlanadi. Qachon kuchlanish maksimal qiymatga erishsa, kondensator zaryadlarni yig'ib to'yinadi.

Kuchlanish maksimal qiymatdan pastlashni boshlasa, kondensator o'zidagi yig'ilgan energiyani qayta zanjirga berishni boshlaydi. Shu tarzda zaryad razyad bo'lib davom etadi.

Bizga kondensator orqali tok o'tdi deyilganda, bu faqat bizga sodda tushunish uchun aytiladi holos. Huddiki kondensator orqali tok oqib o'tganday. Aslida esa tok kondensatorni faqat tashqarisidan aylanib o'tadi.

@elcom_group

Tok va kuchlanish transformatori qanday vazifalarni bajaradi?
Transformatorlarni xarid qilish uchun quydagi raqamlarga murojat qiling 👇

☎️ 78 888 18 18

Koʻpgina brendlar va sotuv buyicha ishlaydigan tadbirkorlar reklama buyicha instagramda rivojlanayotgan blogerlar, vaynerlar va  honandalarga reklama berishyapti bu yaxshi marketing lekin, aynan elektr toki bilan boğliq bulgan bunday jihozlarni va shunga uxshash elektrtexnika buyumlarni reklama qilmagani yaxshi bunday reklamalarni asli mutaxasizlar orqali reklama berishsa yaxshi bular edi, zeroki odamlar hayotini saqlagan bular edik!!!
@XISLATBEKPRO


https://t.me/+0gKYIYpAlZBmMTZi

#Savol:(Hamidulloh)
Assalomu alaykum savolim bor edi: Nima uchun kabellarda ikkita qavat ya'ni (ikki izolyatsiya) bo'ladi?

#Javob:
Agar siz uzoq vaqt xizmat qiladigan kabellarni yotqizishni rejalashtirmoqchi bo'lsangiz, sizga ikkitalik izolyatsiyalangan o'tkazgich kerak bo'ladi. Ayrim holatlarda bir qatlamli izolyatsiya yetarli bo'lmasligi mumkin va qisqa tutashuv yoki elektr toki urishi xavfi mavjud bo'ladi.

Birlamchi izolyatsiya qatlami, o'tkazgichlarni bir biriga tegib qolib, qisqa tutashuv bo'lishi, shuningdek tashqi ta'sirlar chang, namlik singari narsalar tegishini oldini oladi, elektr tokidan jarohatlanish xavfini kamaytiradi.

Ikkilamchi izolyatsiya qatlami, birlamchi izolyatsiyani qatlamini ustidan qoplangan bo'ladi va qo'shimcha himoya barer bo'lishni ta'minlaydi.

Ikkilamchi izolyatsiya qatlami, atmosfera tasirlariga bardoshli mustahkam materiallardan tayyorlanadi. Qattiq sovuq sharoiti bilan birga quyosh nuri, namlik, yuqori harorat va mexanik shikastlanishlar ta'siriga chidashi kerak.

Ikkilamchi izolyatsiya qatlami elektr toki urishidan qo'shimcha himoya qiladi. Yonishdan asraydi va kabelni uzoq muddat ishlashini ta'minlaydi. Chunki tashqi izolyatsiya qatlami shikastlangan taqdirda ham muammo yuzaga kelmaydi, qurilmalar ishlashini davom ettiraveradi.

Atmosfera tasiriga chidamligi. Ikkala izolyatsion qatlami birgalikda namlik, quyosh nuri, harorat o'zgarishiga va kimyoviy moddalar ta'siriga chidamliligini oshiradi, bu esa ochiq havoda ishonchli ishlashini ta'minlaydi.

Ikkitalik izolyatsiya qatlamiga ega kabellarni afzalliklari:

1. Yuqori ish harorati: Ikkitalik izolyatsiyalangan o'tkazgichlar modeliga qarab 90 ° C dan 250 ° C gacha bo'lgan yuqori haroratga bardosh bera oladi. Bu xususiyat ularni , yuqori kuchlanishli, yuqori quvvatli muhitlarda foydalanish imkonini beradi.

2. Yong'inga chidamliligi: Elektr yong'inlarining jiddiyligini hisobga olsak, ikki qavatli izolyatsiyalangan o'tkazgichlar yong'inga chidamlilik talablariga to'liq javob beradi.

3. Uzoq muddati xizmat ko'rsatishi: maxsus konstruksiyadagi Ikki qavatli izolyatsiyalangan mis o'tkazgichlar yuqori mexanik mustahkamlik va elektr xususiyatlari, kabellarning ishlash muddatini uzaytiradi.

4. Portlashdan himoya:
Favqulodda holatlar yoki nosozliklar vaqtida, kabellardagi yuqori siqilgan izolyatsion material, kabelga ulangan asbob-uskuna qismlari o'rtasida bug'lar, gazlar va olov o'tishiga to'sqinlik qiladi.

5. Ishonchlilik: Tashqi muhit ta'sirida o'tkazgichlar tez-tez ishqalanishi mumkin. Ikkitalik izolyatsiyalangan o'tkazgichlar ishqalanishdan kelib chiqadigan shikastlanishni oldini oladi.

@elcom_group

Quyosh panellari changini, suvsiz tozalash jarayonlari.

@elcom_group

Kondensatorni doimiy tokka ulaganimizda, plastinkalarda zaryadlar mana shunday to'yingan holatda turadi.

@elcom_group