Gadjetlar hayotimizni o'zgartirib yuboryapti, mana bu narsa ham yaxshi g'oya ekan, uxlashdan oldin, divan karavot ostiga harakat chatchigi orqali LED lenta yoqib qo'yish.

Albatta uyingizda mushuk boqmasangiz))
Eng yomoni divanda yolg'iz uxlab yotganingizda chiroq o'zidan o'zi yonishi bo'ladi))

@elcom_group

#Savol: ( Maqsadjon )
Nimaga chiroq TV h.k narsalarga 50 Hz yozgan chastotasini 220 V shuni 80 yoki 70 Hz qilsa nima bo'ladi?

#Javob:
Elektr energetika sanoatida, elektr tokini tarqatish va uzatishda standart 50 va 60 Hz chastotadan foydalaniladi. Bu haqiqatdan ham, zinhor tasodif emas. MDH, Yevropa mamlakatlari 50 Hz, Amerika qit'asi 60 Hz chastotali standartni qabul qilgan. Bu kattaliklarni qayerdan olinganini ko'rib chiqaylik.

O'zgaruvchan tok ishlab chiqaruvchi generator, 3000 aylanish/minut, va undan ortiq chastota bilan aylanadigan rotor bilan jihozlangan. Generatorlar par va suv bilan harakatlanishga mo'ljallangan.

Natijada generatorlar ishlab chiqargan 50 Hz chastotada lampalar pirpiramaydi, inson ko'zi pirpirashni sezmaydi, agar chastota 30 Hz bo'lganda bemalol lampani pirpirashini ko'z bilan sezish mumkin bo'lardi. Demak asinxron dvigatellar 3000 aylanishda o'ziga qo'yilgan vazifani sifatli bajargan.

Transformatorlar ham bu chastotada elektr energiyasini kuchlanishni kerakli kattaligiga ko'paytirib pasaytirgan.

O'sha paytlar o'zgaruvchan tokni tadqiqot qilayotgan olimlar 30-40 Hz chastotani qo'llashni ham taklif qilishgan. MDH va Yevropa davlatlarida, pribor va qurilmalarni optimal ishlashi uchun 50 gers chastota bo'lishligi ma'lum bo'lgan, AQShda 60 gers.

Ikki qutbli o'zgaruvchan tok generatori 3000-3600 aylan/min. aylanish chastotasi bilan xarakterlanadi. Aynan shunday ishlashi natijasida 50-60 gers chastotani beradi. Bu ko'rsatgichlar generatorni normal ishlashi uchun kerakli hisoblanadi.

Albatta bugungi kunda elektr energiyasini uzatishda chastotani sezilarli darajada ko'tarish mumkin. Bu anchagina kabel o'tkazgichlarni iqtisod qilishga olib keladi.

Biroq butun dunyo bo'yicha infrastruktura 50-60 Hz chastotada ishlashi uchun moslab bunyod etilgan, jumladan istalgan tok generatorlari, atom elektr stansiyalar.

Shuning uchun bu savol global hisoblanadi, chunki o'zgarsa butun dunyo bo'yicha elektr uzatish liniyalari va barcha jihozlarni o'zgartirishga to'g'ri keladi. Shuning uchun hali beri biz, 220 volt 50 Hz chastotali standartdan boshqa chastotaga o'ta olmaymiz.

@elcom_group

Yakka tartibdagi turar joylar ya'ni xonadonlarni elektr montaji uchun loyiha kerakmi?

So'rovnomamizda ishtirok eting, sizning fikringiz biz uchun muhim!!!


A) Mijozni aytgani bo'ladi baribir, do'konga borganda, ekonom variantga o'taylik deb, bechorani yoqib oladi. loyiha kerak emas.

B) Hashamatli uy qurayotganlarda loyiha bo'lishi kerak, shunda xavfsiz bo'lib, elektrikda javobgarlik qolmaydi.

C) Hech kimda loyiha yo'q shuning uchun 90 % shitlar xato yig'iladi.

D) Professional montajnikka loyiha kerak emas, xayolda yuklamalarni taxminiy hisoblab, shitni guruhlarga taqsimlab yig'aman, o'z ishimga javob beraman, javobgarlikni o'zimda qoldiraman.


@elcom_group

Nol shina yo'q bo'lganda😁
Biroq tajribalik elektrik ekan, tog'ri bajargan.

Skrutka mumkin emas, ayniqsa mis va alyuminiyni.

@elcom_group

Evro standart bo'yicha rozetkani poldan 30 sm balandlikda o'rnatish, yodimizdan ko'tarilmasin!

👉@elcom_group

#Savol: ( O.Ahmedov )
Biz odatda 90 sm balandlikka o‘rnatyapmiz shu to‘g‘rimi? Hozir 30, 40sm oralig‘ida o‘rnatilyapdi.

#Savol: ( 12345 12345 )
Salom nimaga endi aynan 30..40 sm oraliqda o'rnatiladi???

#Javob:
Ikkita obunachimiz, rozetka viklyuchatellarni o'rnatiladigan balandligi bo'yicha so'rashyapti.

Aslida binolarni qurilishida viklyuchatellar va rozetkalar soni yoki joylashadigan o'rni bo'yicha, qat'iy bir qoida yo'q.

EVROSTANDART
Hozirgi vaqtlarda EVROSTANDART elektr montaji moda singari kirib keldi. Rozetkalar poldan 30 sm balandlikda, viklyuchatellar 90 sm balandlikda o'rnatilyapti.

Bunday balandlikda rozetka va viklyuchatellarni joylashuvi oilani barcha a'zolariga qulay. Yosh bolalar ham bemalol o'zlari chiroqni yoqishi mumkin, yoshi kattalar ham xonaga kirganda qo'lini yuqoriga ko'tarishi shart emas, axir viklyuchatel, kaftimiz balandligida o'rnatilgan.

Rozetkani balandligi poldan 30 sm balandlikda olinganiga sabab, elektr priborlarni rozetkaga suqqanimizda, shnuri polda turadi, bu bemalol o'tish, yurishga xalaqit bermaydi. Qulay!
Shnurlar osilib qolmaydi, intererni buzmaydi, binoda, mebellarni yaxshi joylashuviga imkon beradi.

EVROSTANDART bo'yicha o'rnatish bu qulaylik uchun xolos, lekin yaxshi g'oya, hech qanday GOST emas. Biroq umumiy qoidalar va PUEga asosan chegaralangan.

Binoga o'rnatiladigan elektr qurilmalar masalan: konditsioner, vityajka va boshqa jihozlarga kerakli balandlikda rozetka o'rnatish mumkin.

Vaqti kelib bu mavzularga yana to'xtalamiz, chunki PUE va GOSTlarda, rozetka o'rnatiladigan joyi bo'yicha bir qancha talablari bor.

👉@elcom_group

#Savol: (Yodgorov Umid)
Savolim bor edi .
Nima uchun dvigatellarning ayrimlariga faqat ishchi kondensator qo'yilgan . Ayrimlariga esa xam ishchi xam ishga tushiruvchi kondensatorlar qo'yilgan bo'ladi.

#Javob:
380 volt kuchlanishga mo'ljallangan asinxron dvigatellarni 220 volt kuchlanish tarmog'iga ulash kerak bo'lsa, biz kondensatorlardan foydalanamiz.

Bunday holatda elektr motor, uch fazalikka taqqoslaganda nominal quvvatini 50 foiziga, maksimal 70 % ga teng bo'ladi. Yulduz ulanishda nominalini 50 % quvvatiga teng bo'ladi.

1,5 kW gacha quvvatga ega bo'lgan asinxron dvigatellar, yuklamasi ko'p bo'lmasa, ularni ulash uchun faqatgina ishchi kondensator talab qilinadi.

Ya'ni, ba'zi hollarda motorlar yuklamasiz yoki u qadar og'ir bo'lmagan yuklama bilan ishga tushiriladi. Bunday holatlarda, ishga tushiruvchi kondensatorlar kerak bo'lmaydi.

Elektr motor ishga tushmasa yoki juda sekin tezlik olsa, sxemaga "pusk" knopkasi orqali, ishchi kondensatorga parallel ravishda, ishga tushiruvchi kondensator ham qo'shiladi. Ishga tushiruvchi kondensator bir necha sekundga ulanadi, motor ishga tushib olgandan keyin uziladi.



@elcom_group

Bu maktab o'quvchilari, FIRST Global Challenge olimpiada ko'rinishidagi robototexnika bo'yicha jaxon chempionlari.

Qazaq bauirlarimiz rekord natijani qayd etishgan, bir necha yo'nalish bo'yicha liderlik qilishib, 190 ta davlat ichida qatorasiga 3 yildir-ki chempionlikni birovga bermayapti.

AQSh, Xiyoy, J.Koreya va Yaponiyadek gigantlar boshini qashib o'tirishibdi))


Albatta bundan biz O'zbekistonliklar ham fahrlanishimiz kerak, g'alabalaring davomli bo'lsin! Orqalaringdan yoshlarni ergashtirib, o'zlaring esa yuqoriga intilaveringlar!

Tek alg'a, qazaq bauirler, jaraysindar!!!

@elcom_group

Kanal haqida

Assalomu alaykum qadrdonlar. Kanalni yuritishim haqida ikki og'iz sizlar bilan bo'lishay. Kanalni adminimiz Islomjonni qistovi bilan yangi ochgan vaqtimda hayajon bo'lgan.

Doimiy ravishda kanalni yurita olamanmi? Men yozgan maqolalarni, besh-oltita tanishlarimdan boshqa odamlar ham o'qiydimi? Bir-ikki oydan keyin motivatsiyani yo'qotmaymanmi?

Mana kanalimiz ishga tushganiga ham 3 yil bo'libdi, kanal faoliyat ko'rsatyapti, rivojlanyapti, har kuni yangi, boshqa kanallarda uchramaydigan maqolalar, testlar, foto va video xabarlar berilyapti, obunachilar kundan kunga qo'shilyapti, biroq 👍❤🔥reaksiyalar kamroq😁

Asosiysi kanal yuritishdan, men ko'p kuch va energiya olaman, muhokama guruhimiz orqali esa, har kuni sizlardan yangi narsa o'rganaman. Kim yutyapti bilasizlarmi, yana men))

Maqola yozish, savollarga javob qaytarish, guruh a'zolari bilan muhokama guruhi orqali gaplashish, ayniqsa yordamimiz tegib, qaysidur to'htab turgan qurillma ishlab ketsa - bu menga so'z bilan ifodalanmaydigan zavq beradi. Mazzzamii)))

Men uchun bir narsa muhim, odamlar kanalimizga kirganda o'zlarini qanday xis qilishlari. Postlarim odamlarga qiziq va foydali bo'lsin! Kanalimizdan uzoqlashman oldinda sizlarni eksklyuziv maqolalar kutyapti.

@elcom_group

Telegram guruhimiz haqida

Muhokama guruhimizda esa bir necha Adminlarimizdan iborat jamoamiz boshqarishadi.

Foydalanuvchilarning yuqori faolligi tufayli aloqani saqlab turish, savollarga javob berish, ishtirokchilarni qoidalarni buzganliklari uchun taqiqlash, spamni boshqarish va h.k.

Bularni hammasini bitta odam amalga oshirishga vaqti ham imkoniyati ham yetmaydi. Turli yo'nalishdagi, qiyin mavzulardagi savollarga ham, oddiy til bilan tushuntirishadi, savollarga oid video roliklarni topib yuborishadi.

Bilim va tajribalarini kechami-kunduzmi, charchaganmi, yo'ldami-cho'ldami, vaqti yo'qmi, 24/7 audio ko'rinishida bo'lsada sizlar bilan bo'lishyapti.

Telegram guruhimiz orqali adminlar jamoasi bilan, ishda orttirgan tajribalarimiz, hayotiy kuzatishlarimiz bilan o'rtoqlashayapmiz va agar ular kamida bitta insonga foydali bo'lsa, biz juda xursand bo'lamiz..

Bizga beminnat yordam berib kelayotgan adminlarimizga tashakkur. Sizlarni mehnatlaring va bilim tajribalaring tufayli biz birgalikda bugungi natijaga erishdik.

Bundan keyin ham, yelka-yelka bo'lib, internetdagi o'zbek segmentini ham, sohamizga oid ma'lumotlar bilan to'ldirib boramiz degan umiddaman.

@elcom_group