#Savol: (Bilolbek)
Assalomu alaykum ustozlar bitta savol bor edi bu batareyadagi ortadagi kontakt nima uchun qo'yilgan?

#Javob:
Telefon akkumulyatoridagi uchinchi kontakt, informatsiya xarakterga ega hisoblanadi. U akkumulyator holatini haqidagi ma'lumotlarni telefonga uzatib turadi. Bu informatsion kontakt + va - o'rtasida joylashgan bo'ladi.

Umuman olganda telefon uchinchi kontakt orqali quyidagi ma'lumotlarni olishi mumkin:
1) Akkumulyator seriya nomeri.
2) Nominal sig'imini, zaryad miqdori.
3) Hozirgi vaqtdagi akkumulyatorni
kuchlanishi, temperaturasi yoki boshqa foydali ma'lumotlar.

Umuman olganda uchinchi kontakt akkumulyatorni texnik xarakteristikasi xaqida ma'lumot beradi.

@elcom_group

Bu audio apparaturalarni yoshi bizdan ancha ulug' har birini o'z tarihi bor. U paytlar huddi jonli musiqa eshitgandek, odamlar zavqlanardi.

Vintaj kuchaytirgichlarni hurmati juda yuqori, uyingizda bo'lsa xonani ko'rki edi. Nima der edi hofiz: "Yoshligimga qaytgim keladi"

@elcom_group

Izolyatorlar kollektsiyasi

@elcom_group

#Savol: (Bobur)
Assalomu alaykum quyosh panel va inventorlari haqida ozroq m'alumot kerak edi ongrid ofgrid hybrid

#Javob)
Quyosh invertorlarining asosiy turlari Umuman olganda, invertorlarning quyidagi turlari mavjud:

On-grid (tarmoq invertori)  eng keng tarqalgan invertor turidan biri hisoblanadi. Ishlash prinsipi energiyani quyoshdan tarmoqqa uzatish, keyin uni davlatga yoki boshqa xaridoriga sotishga asoslangan.

Passiv daromad olish uchun invertorning bu turini tanlansa to'g'ri bo'ladi. Ushbu turdagi invertorning sxemasi quyidagi ko'rinishda bo'ladi: quyosh paneli -> invertor -> tarmoqqa uzatiladigan elektr hisoblagichi.



Off grid - Avtonom, bu elektr tarmog'iga ulanmagan inverterning bir turi. Ishlash printsipi energiyani to'g'ridan-to'g'ri iste'molchiga uni saqlash imkoniyati bilan uzatishga asoslangan. Bu avtonom uzluksiz elektr manbaiga ehtiyoji bo'lganlar uchun eng yaxshi invertor turi.

Avtonom invertorlar energiyani saqlash uchun batareyalardan foydalanishi mumkin, bu esa uni tungi vaqtda yoki quyosh panellarida energiya ishlab chiqarish kamaygan paytda ishlatishga imkon beradi.
Ushbu turdagi invertorning sxemasi quyidagi ko'rinishda bo'ladi: quyosh paneli -> batareya zaryadini nazorat qiluvchi kontroller -> batareya -> invertor.


Gibrid - bu turdagi invertor, energiyani o'zida saqlash va sotish imkoniyatini o'zida mujassamlashtirgan bo'ladi. Gibrid invertorlar, turli elektr manbalaridan energiya oqimini boshqarishi va iste'molchini uzluksiz elektr energiyasi bilan ta'minlash imkoniyatiga ega bo'ladi.

@elcom_group

Quyosh paneli invertorlari

Quyosh elektr stantsiyalarida,  invertorlar muhim vazifani bajaradi. Quyosh panellari o'zgarmas tok (DC) ishlab chiqaradi, elektr tarmog'ida esa o'zgaruvchan tok (AC) bo'ladi.

Invertorlar quyosh panellari tomonidan ishlab chiqarilgan (DC) o'zgarmas tokni elektr tarmog'iga uzatish mumkin bo'lgan (AC) o'zgaruvchan tokka aylantiradi.

Ular chiqish klemmasiga  beriladigan kuchlanishni va chastotasini nazorat qiladi. Shuningdek ob-havo yomonlashi, kuchlanishning o'ynashi, qurilmalarning ishdan chiqishi va shu kabi turli holatlarda, tizimning uzluksiz ishlashini ta'minlaydi.

Aksariyat invertorlarda quyosh panellari  ishlab chiqargan energiyani nazorat qilish, muammolar va tizim samaradorligini kuzatish imkonini beruvchi  monitoring funktsiyalariga ega.

Bu maksimal energiya ishlab chiqarishni ta'minlash va quyosh elektr stantsiyalarini ta'mirlash va texnik xizmat ko'rsatish xarajatlarini kamaytirishga yordam beradi.


Har bir invertorning o'zini pasport ma'lumotlari mavjud, unga qarab invertorni tanlash kerak. Pasporti orqali quyidagi ma'lumotlarni bilish mumkin:
Quvvat (vatt),
Kirish kuchlanishi (volt),
Chiqish kuchlanishi (volt),
Quvvat koeffitsiyenti,
Foydalik ish koeffitsiyenti (FIK,%),
Invertor turi (tarmoq, avtonom, gibrid),
Texnik xarakteristika,
Himoya xususiyatlari,
Umumiy o'lchamlari va vazni,
Foydalanish muhitiga qo'yiladigan talablar (harorat, namlik),
Kafolat muddati va shartlari, 
Quyosh panellariga va elektr tarmoqlariga ulanish usuli.

@elcom_group

Qo'l yordamida yog'ochdan yasalgan yorituvchi chiroqlar

@elcom_group

Savol:
Konstruksiyasiga ko'ra gorizontal holatda o'rnatiladigan asinxron motorni, vertikal holatda o'rnatib foydalanish mumkinmi? O'rnatilsa qanday muammolar yuzaga kelishi mumkin?

Javoblaringizni kutamiz!

@elcom_group

Motorcha aylanish tezligini boshqarish.

@elcom_group

Quyosh paneli

Quyosh - bu, yana millionlab yillar davomida mavjud bo'ladigan, limit qo'yilmagan, ulkan, tabiiy energiya chiqaruvchi generatoridir. Uning energiyasidan foydalanganimiz uchun bir so'm ham to'lashimiz shart emas.

Quyosh energiyasini elektr energiyasiga aylantirishda, hozirgi panellarni samaradorligi yuqori bo'lmasada, foydalik taraflari ko'p.

Quyosh panellari ishlash vaqtida o'zidan shovqin chiqarmaydi, atmosferaga zararli chiqindilari yo'q, konstruksiyasiga ko'ra, har qanday binolar turar joylar, ofislar va yer maydonlariga o'rnatish mumkin. Binodan uzoqda joylashmaganligi uchun ortiqcha uzun kabellar tortishga ehtiyoj yo'q.

Yana afzallik taraflaridan biri, uzoq muddat xizmat ko'rsatadi. Aylanuvchi yoki harakatlanuvchi, ishqalanuvchi mexanizmlari yo'qligi sabablik, unga doimo xizmat ko'rsatib turish ham shart emas.

Davlatimiz ham quyosh panellari o'rnatgan aholidan, ortiqcha elektr energiyasi qimmat narxda sotib olib o'z fuqarolarini rag'batlantiryapti, bu esa insonlarni yanada ko'proq quyosh panellarini o'rnatishga undaydi. Hukumatimizni bu qarorini faqat olqishlash👏 mumkin.

Bu esa yurtimizda quyosh elektr stansiyalarini yanada yangi texnologiyalarini  rivojlanishiga turtki bo'ladi. Ekologiyamizni saqlab turishda katta xizmat qiladi.

@elcom_group

#Savol: (Otabek)
Assalomu Alaykum hurmatli hamkasblar. Bezovta qilganim uchun. Maslahatingiz kerak edi.
Menda bitta ta'minlash manbai bor - adashmasam laboratoriyada ishlatilgan. Hozir ham ishlaydi.
220/25 Volt. Agar yoritish maqsadida ishlatsam, 2 ta 12 Voltlik diod lampani ketma-ket ulasam bo‘ladimi? Nakal lampanichi? Umuman nechtagacha diod va nechtagacha nakal lampochkalarni ko'tara oladi?

#Javob:
Har bir svetodiod o'ziga xos, alohida xarakteristikasiga ega, shuningdek kuchlanishi ham hammasiniki har xil bo'ladi.
Bu ta'minlash manbaiga svetodiod lampani ulash uchun sizga o'zgaruvchan qarshilik ham kerak bo'ladi.

Bu ta'minlash manbaiga quvvati kattaroq o'zgaruvchan qarshilik ulab (chiqish kuchlanishi o'zgaradigan bo'ladi) svetodiod lampani ulasangiz bo'ladi. Shunda sizdagi kuchlanish 0-24 voltgacha o'zgaradi.

Svetodiod lampani ta'minlash manbaiga, + va - qutblariga qarab ulang. Sekin kuchlanishni ko'tarib ko'rasiz.

Qaysidir momentda svetodiod to'liq kuch bilan yonadi, demak bu degani lampani yorqin yonishi uchun tok va kuchlanish normal holatga keldi degani. Kuchlanish va tokini multimetr yordamida aniqlab ishingiz mumkin.

Nakal lampa kuchlanishi 24 voltga mo'ljallangan bo'lsa bu ta'minlash manbaiga ulasangiz bo'ladi.

@elcom_group

#Savol: Quyosh panellari o'rnatilgandan keyin xarakteristikasida ko'rsatilgan quvvatni chiqara oladimi?

#Javob: Quyosh panellarini quvvati, ideal laboratoriya sharoitida hisoblangan bo'ladi. Real sharoitda aytilganidan biroz pastroq chiqaradi, bunga bir nechta omillar sabab bo'ladi.

Quyosh panellarini to'g'ri burchak ostida o'rnatilganiga bog'liq bo'ladi. O'zbekiston hududida janubga qaratib 30-45 gradus burchak ostida o'rnatiladi.

Quyosh panellari Xitoydan keltiriladi. Xitoy geografik joylashuvi esa bizning janubiy sharqimizda joylashgan, harorat yuqori darajada qizimaydi, maksimal quvvatiga erishadi.

Shuningdek obi-havo sharoitiga ham bog'liq, tuman, quyoshsiz bulutlik, yomg'ir kunlari energiya ishlab chiqarishi pastlaydi, harorat darajasi (ideal 25 °C) yoritilganlik darajasi ham bog'liq.

Panellar qizib ketganda, 25 °C dan o'tgandan keyin, nominal quvvatidan 70-80 % ga pastlaydi. Kunning vaqtiga ham bog'liq, faqatgina kun tikkaga kelganda, quyosh nuri panelga to'g'ri tushgandagina maksimal quvvatga erishadi, qolgan vaqtda past bo'ladi.

Panellarni tozaligiga ham bog'liq, agar yomg'ir kam yog'adigan bo'lsa, panellarni holatidan kelib chiqib tozalash tavsiya etiladi. Tozalashda, kun chiqmasdan oldin tong saharda yoki botgandan keyin, amalga oshirish kerak.

Tong saharda tozalagan maqsadga muvofiq chunki shu vaqtda panellar qizimagan holatda bo'ladi. invertor o'chirilgan, avtomat pastga tushirilgan bo'lishi kerak.

Bulardan tashqari, tizimning samaradorligi, invertor va akkumulyatorlardagi energiya yo'qotishlar hisobiga ham pastlashi mumkin.


@elcom_group

Elektrikdan romantika

@elcom_group

BSIDE s11 modelidagi, o'lchov diapazonini avtomatik aniqlaydigan multimetr

Hech narsani bosish shart emas, shunchaki o'lchashni boshlashingiz bilan multimetr o'zi rejimni va diapazonni sozlaydi, foydalanish juda oson. O'zi kichik bo'lgani bilan displeyi katta, xuddi smartfonga o'xshaydi, usb zaryadka, yoritish chirog'i ham bor ekan.

Bu multimetrdan sotib olib ishlatganlar bormi, uyda ayrim vaqt foydalangani bo'ladimi, qanday kamchiliklari bor?

@elcom_group