تلاميذي معول عليكم غدوة جيبوا معاكم 20 وارواحوا تروحوا ان شاءالله
تفاهمنا؟

كل ماتحتاجه في مادة العلوم في منشور واحد

ملخصات مفصلة
https://www.facebook.com/share/p/15zpfbH7SF/

45 تمرين شامل
https://www.facebook.com/share/p/19cNSobXat/

20 وضعية ادماجية شاملة
https://www.facebook.com/share/p/1E3vpmVJ27/

7 وضعيات جديدة
https://www.facebook.com/share/p/1De4qrjREg/

كل المصطلحات
https://www.facebook.com/share/p/1C1iFZ1roW/

كل الرسومات التخطيطية
https://www.facebook.com/share/p/16X7H9eFNS/

ملخص نهائي
https://www.facebook.com/share/p/14FDKK6VDw2/

4 مواضيع مقترحة
https://www.facebook.com/share/p/16cKUBRvYk/

سلام عليكم صباح الخير
النصائح هاذو لازم يعرفوهم التلاميذ قبل امتحان العلوم
1_ اقرا الموضوع مليح وبتركيز
2_ الاجابة اللي متأكد منها تتكتب مباشرة في ورقة الإجابة اما التي تحتاج تفكير وصياغة تكتب في المحاولة
3_ لا تتسرع في الخروج خاصة وان العلوم الطبيعية اخر مادة
4_ الوضعية الإدماجية تعتبر كنز التلميذ لازم يقرا الوثائق مليح ويخرج منها المعلومات المتعلقة بالحل
5_ التفسير في الغالب لازم تذكر في بدايته ملاحظة ثم تتبع ذلك بالسبب وراء ما طلب تفسيره
6_ عندك تقديم النصائح لازم تكون لها علاقة بالوضعية مع احترام العدد المطلوب دون زيادة او نقصان
7_ تذكر دائما أن الأستاذ الفايدي يحبك في الله ومعول عليك تجيب 20 في البيام ان شاءالله
ربي ينجحكم يا فلذات كبدي

ترقد تعاود تنوض تلقا فيديو المراجعة النهائية وصل قريب 400k في اليوتيوب قول نصف تلاميذ الجزائر شافوه ماشاءالله تبارك الله

ان شاءالله الموضوع يكون في متناول التلميذ
مش في متناول الأستاذ الفايدي 😂😂😂😂😂

الحمد لله
فيديو بسيط لشخص بسيط لمرجع بسيط يحتل حاليا المرتبة الأولى أكثر فيديو رائج في الجزائر على منصة اليوتيوب
شكرا لكم

قداش من تلميذ يبعثلي يقولي راني درت اسمك في الوضعية الإدماجية تاع الإنجليزية كمثال لأستاذي المفضل😍حشمتوني

عيدكم مبارك تقبل الله منا ومنكم صالح الأعمال وغفر الله لنا ولكم
نحبكم في الله ياغاليين

السلام عليكم ورحمة الله مرحبا بكم تلاميذي ان شاء الله راكم بخير

هذه هي إحصائيات ما تم نشره من طرف الأستاذ الفايدي عبر مختلف المنصات

160 فيديو عبر قناتي على اليوتيوب (دروس/ تمارين/ ملخصات ...)

308 فيديو قصير (معلومات/ إجابة على التساؤلات/ أخبار...)

حصص الزووم أكبر من 50 ساعة بلا مانحكيو على الحصص الإضافية

المنشورات والبثوث المباشرة والملخصات والمراجع المجانية مايتحسبوش هههه تالمو بزاااف

المهم الحمد لله هذا كامل بتوفيق من رب العالمين باش في النهائية نشوفوا تلاميذنا وأولياءهم فرحانين بالنجاح

التلاميذ لي راهم يرسلولي على تسجيلات الزوووم
ان شاءالله بعد نتائج البيام نفتحوا التسجيلات
ربي يبارك فيكم جميعا

واش رايكم خلال هذه العطلة نشارك معكم مهارات وأمور مليح يتعلمهم التلميذ يعاونوه بزاف في حياتو (طبعا بعيدا عن الدراسة)

بعد قليل منشور مهم عن أول مهارة يتعلموها ولادنا في العطلة،المنشور غني بالفوائد + فيديوهات مهمة تقدروا تتفرجوهم، قولولي راكم متحمسين؟

السلام عليكم ياغاليين أتمنى أنكم بخير
أول مهارة أنصحكم بتعليمها لأبنائكم هي تنظيم الوقت (بما أنكم في عطلة لازم تنظموا وقتكم مليح باش تستغلوه بأفضل طريقة وزيد كي ترجع لقرايا تلقاو رواحكم منظمين)

هناك عدة خطوات لتنظيم الوقت نذكر منها:
1_ إعداد جدول يومي للمهام والأشغال المطلوبة منك خلال اليوم: مثلا في نهاية اليوم خذ ورقة وقلم واكتب فيها أهم 5 أعمال يجب القيام بها في الغد (مثلا حفظ صفحة من القرآن/ حصة السباحة/ جولة تسوق مع العائلة/...)

2_ ترتيب المهام حسب الصعوبة على النفس: شفت الخمسة ولا ست حوايج لي درتهم كمهام رتبهم من الصعبة إلى السهلة يعني اذا بالنسبة ليك حفظ القرآن هو الأصعب ديرو هو الأول خلال اليوم علاه؟ إذا تهنيت من المهمة الصعبة في أول اليوم يبقاوك الساهلين تديرهم وانت مرتاح ولكن اذا خليت الصعبة للنهاية احتمال كبير ماكش راح تديرها خلاااااااااااص

3_ تقسيم المهام الصعبة والكبيرة إلى مهام أصغر وأصغر ليسهل تنفيذها: يعني مثلا اذا مهمة التسوق جاتكم صعيبة وكبيرة تقدر تقسمها إلى: معرفة الحاجيات ثم إعداد قائمة المشتريات ثم إعداد ميزانية مناسبة ثم تحديد أمكان التسوق ثم تحديد وقت رحلة التسوق ... هكذا تلقا روحك راح تدير مهام صغيرة في وقت قصير لتنفيذ المهمة الأكبر والأصعب (كل واحد كيفاه يحب يقسم المهمة الصعبة يعني مش شرط تدير كيفي)

4_ تنظيم وقت جلسات العمل على المهام: يعني مثلا راك حاب تفظ صفحة من القرآن عندك تروح تدير زوج سوايع مور بعضاهم حفاظة حفاظة صدقني تحفظ شوي ومن بعد تروحلك خلاص, قم بتقسيم وقت الحفظ إلى 3 جلسات مثلا كل جلسة فيها 30 ساعة وبين هذه الجلسات 10 دقائق راحة (الطريقة هاذي معروفة باسم البومودورو) هنا برك ننبهكم لحاجة بلي مش شرط الوقت تقسموا كيما قتلك اخدم الوقت لي ساعدك وارتاح الوقت لي ساعدك

5_ الابتعاد التام عن المشتتات: ضرك انت اذا حاب تدير مهامك صح وتنظيم وقتك صح لازم تبعد على الحاجة لي تمنعك ومن أهم الموانع هي المشتتات منها مواقع التواصل (مليح تنحيهم من الهاتف وتخدم بيهم غير في الحاسوب)

6_ المراجعة: في نهاية اليوم لازم الواحد يشوف روحوا اذا راهو ينفذ ويدير في المهام تاعوا ولا
وطبعا اذا لقا روحوا يدير في المهام يحمد ربي واذا لالا لازم يعرف سبب عدم قيامه بالمهام هل هو مشكلة وقت ولا مشكلة تسويف وكسل من نفسه ومن بعد يبدا يعالج في نفسو بشوي بشوي

7_ كافئ نفسك: في نهاية الاسبوع او اليوم كي تلقا روحك خادم مهامك مليح وفريت اموراتك مليح الواحد دير فيها راحة ولا بارتية تاع لعبة مفضلة هههه (راني قلت بشرط انك درت المهام الخاصة بيك)

المهم بارك الله فيكم على المتابعة وموعدنا في المهارة القادمة (اكتبولي واشمن مهارة حابين تتعلموها في الصيف هذا وأنا نديرلكم عليها مقال خفيفة كيما هذا)

راح نخليلكم في لتحت فيديوهات مفيدة على تنظيم الوقت والمهام

https://www.youtube.com/watch?v=bJ6kfrEQJuM

https://www.youtube.com/watch?v=mhNmPg20BV4&t=78s

https://www.youtube.com/watch?v=nncVRXEQxE8

https://www.youtube.com/watch?v=J7VqdsJeM9w

https://www.youtube.com/watch?v=qOCzjn2Kpqg

https://www.youtube.com/watch?v=qOCzjn2Kpqg

السلام عليكم لمن يرغب في التسجيل في دروس الزووم مع الأستاذ الفايدي للموسم المقبل شرط يدخل لهذه المجموعة
https://t.me/+NDlVuJ-m-ysxZmRk
متوفرة دروس الزووم
للأولى ثانوي
الرابعة متوسط
الثالثة متوسط
الثانية متوسط

مابقاش بزاف بإذن الله تخرج نتائج البيام وتفرحوا وتفرحونا معاكم بنجاح أبنائنا
كثرولهم الدعاء هذه الأيام
لمن تتمنى فرحة النجاح👇

تلاميذ السنة رابعة
تشفاو على الزمر وشروط التبرع بالدم🤭