يا جماعةةةةة والله إني مو عارفة من وين أبدأ 😭🤍

الحمدلله حمدًا كثيرًا طيبًا مباركًا فيه، اليوم حبيت أشارككم فرحتي بحصولي على 98 في القدرات من ثاني محاولة، دفعه 2010😭🤍

والله إن شعور إنك تشوف نتيجة تعبك قدام عيونك شعور ما يوصف، خصوصًا لما تتذكر كل الوقت اللي قضيته بالمذاكرة، وكل مرة شكّيت بنفسك، وكل مرة حسّيت إنك مو قادر وكملت رغم كذا.

وأبي أقول لكل شخص هنا للحين يسعى لدرجته اللي يتمناها: تكفى لا تستسلم، ولا تقارن نفسك بأحد، ولا تخلي درجة وحدة تحسسك إنك مو قدها. كل شخص له وقته ورحلته، ومو شرط توصل من أول محاولة، ومو شرط طريقك يكون نفس طريق غيرك.

ترى القدرات مو نهاية العالم، ولا هو مقياس لقيمتك أو لذكائك، هو اختبار وله تدريب وطريقة، ومع الاستمرار والتوكل على الله والأخذ بالأسباب بتشوف أثر تعبك بإذن الله.

وأقسم بالله إن اليوم اللي بتشوفون فيه الدرجة اللي تتمنونها يستاهل كل لحظة صبر وتعب. يمكن تتأخر فرحتكم شوي، بس لا تفقدون الأمل فيها.
بالتوفيق للجميع🤍🦾


➖➖➖➖➖➖➖➖➖➖
أسااطيير المُنصف شاركونا تجاربكم عبر البوت [@elmonsef2_bot]