Yangi iPhone haqidagi fikrim 📱

Oldin Apple taqdimotidan keyin texnologiyalar olamidagi trendlar o‘zgarardi. Har bir yangi iPhone’da o‘ziga xos uslub, kuchli dizayn va, albatta, bizni hayratda qoldiradigan yangi texnologiyalar bo‘lardi.

Hozir esa uning tashqi ko‘rinishi Android smartfonlariga deyarli o‘xshab qolgan. Bukiladigan telefonni Samsung Galaxy Fold ko‘rinishida allaqachon chiqargan. Xullas, bugungi taqdimotdan keyin dunyo o‘zgarmadi — shunchaki narxlar o‘zgardi, deb o‘ylayman.

Menimcha, Apple rahbariyati maksimal darajada pul ishlashni asosiy maqsad qilib qo‘ygandek. Yildan-yilga Steve Jobsning qadri yanada bilinmoqda…

Albatta, hozircha Apple’ga teng keladigan analog yo‘q va bu telefonlar baribir o‘z xaridorini topadi. Lekin shu tarzda davom etsa, yaqin 5–10 yil ichida bu sohada katta o‘zgarishlar bo‘lishi hech gap emas. Bir paytlar bozor yetakchisi bo‘lgan «rahmatli» Nokia qanday qilib o‘z o‘rnini yo‘qotgani hammamizning esimizda.

Siz nima deb o‘ylaysiz? Yangi iPhone sizni hayratda qoldirdimi?