Oʻzbek bizneslarida hammasi yaxshi faqat cho‘kishyaptimi yoki suzishyaptimi bilishmaydi

Sizga aytsam so‘nggi bir necha oyda 100 dan ortiq biznes egalari bilan gaplashdim. Deyarli hammada bir xil gap, CRM bor, sotuv jamoasi bor, funnel qurilgan, raqamlar kuzatilayapti.

Lekin ulardan “mijoz telefonda nima deyapti, bilasizmi?” deb so‘rasam jimjitlik. Hech kim bilmaydi. Chunki hech kim eshitmayapti.

Bizda CRM madaniyati bor. Lead kirdi, deal ochildi, von/lost belgilandi. Bu yaxshi va kerakli narsa. Lekin CRM sizga faqat nima bo‘lganini ko‘rsatadi. Nima uchun bo‘lganini emas.

Mijoz nega rad qildi? Operator nima dedi? Qaysi so‘zda mijoz bezishni boshladi? Bu javoblar CRMʼda yo‘q. Bu javoblar qo‘ng‘iroqlarning ichida.

Biz Aisha AIʼda aynan shu muammoni yechyapmiz, va o‘zimiz ham o‘z sotuv voronkamizda ishlatyapmiz. Aslida oldinroq boshlashimiz kerak edi, lekin hechdan ko‘ra kech.

Maslahat: ertaga bitta qo‘ng‘iroqni boshidan oxirigacha eshitib ko‘ring. Faqat bitta. Mijoz nima deyapti, haqiqatan eshiting. Ko‘p narsa o‘zgarishi mumkin.

Sizning kompaniyangizda qo‘ng‘iroqlar qanday tahlil qilinadi? Yoki umuman qilinmayaptimi? Qiziq.

P/s: CRMʼga pul to‘lab, lekin qo‘ng‘iroqlarni eshitmayotgan bo‘lsangiz, bu shifokorga borib, faqat ism familiya manzilingizni aytib, qaytib ketishga o‘xshaydi.

@elzodxon

6 yil oldin "Web dasturlashni o'rganish uchun 5 sabab" degan video olganman.
Kecha o'sha videoni ko'rib qoldim. Kulib qo'ydim.

6 yilda atrofdagi dunyo shunchalik o'zgarib ketdiki, o'sha maslahatlarning yarmi endi eskirgan. O'sha paytda to'g'ri edi, hozir esa aktualligini yo'qotgan.

Eng qo'rqinchli tomoni, keyingi 6 yilni tasavvur qilishga urinib ko'rdim, va har xil o'ylar, robotlar, ishsizlik hozirgidanda ko'payishi va hokazo...

Dasturlash, meditsinada, arxitekturada, dizaynda AI bilan experimentlar qilib ko'rdim. Har safar ichimda ikki narsa bo'ladi: hayrat va qo'rquv.

Bu o'zgarish faqat dasturchilarga emas, hammaga tegishli. Bu kuchli chaqiruv bo'lishi kerak...

6 yil oldin "qaysi tilni o'rganay?" degan savol muhim edi. Endi savol boshqacha, qo'yilgan muammoga yechim bera olasan? AI'dan qanday foydalanasan?

Hozirdan boshlash kerak. Yangiliklarni o'rganish kerak. Jarayonda qo'llash kerak. Siz qanday fikrdasiz?

@elzodxon

Yandex'da AI agentlar qanday yaratilishi bilan tanishing!

Yandex School of Data Analysis intensivi 2026-yil 6-10-aprelda onlayn tarzda bo‘lib o‘tadi.

Agents Week – bu onlayn video taqdimotlar seriyasi boʻlib, unda Yandex amaliyotchi ekspertlari zamonaviy AI agentlarni qanday loyihalashtirish va ularni toʻliq production-yechim darajasiga olib chiqish haqida soʻzlab beradi.

Translatsiyani barcha ro‘yxatdan o‘tganlar ko‘rishi mumkin, sertifikat esa tanlovdan o‘tib, yakuniy vazifani bajaradiganlarga beriladi.

Intensivda ishtirok etish bepul, roʻyxatdan oʻtish 9-aprelgacha – havola orqali.

Diskleymer: Yandex va “Yandex ta’lim texnologiyalari” ANO DPO “Yandex School of Data Analysis tomonidan intensiv” loyihasi doirasida ta’lim xizmatlarini ko‘rsatmaydi.

Reklama kontenti

@elzodxon

Auditoriyaga moslashilmasa, hatto eng yaxshi speech ham foydasiz va zerikarli bo‘lib qoladi.

Ko‘p hollarda bir xil feedback keladi, masalan, “qiziq emas”, “tushunmadik”, “zerikarli”.

Aslida muammo siz berayotgan kontentda emas, bu auditoriyada.

Istalgan tadbirga borishdan oldin, kimga gapirayotganingizni bilish juda muhim.

Agar aniq javob topa olmasangiz, har ehtimolga qarshi 2-3 ta ssenariyda tayyorlanib oling. Zarurat bo‘lsa, sahnada turib ham pivot qila olish kerak.

Eng katta xatolardan biri bu terminlar bilan gapirish.

Qanchalik aqlli ko‘rinmasin sizni gapingnizni hech kim eshitmaydi. Odamlar tushunadigan tilda gapirish muhim.

Aytaylik, "Kiberxavfsizlik” deb tushuntirishdan ko‘ra “Hacker kartangizdan pul o‘g‘irlashi mumkin” desangiz odamlar darrov tushunadi va eslab qoladi.

Gapirish davomida ham auditoriyani “o‘rganish” muhim. Auditoriya uxlab qolyabdimi, ularga interaktiv qo'shib jonlantirish kerak, siz monolog aytib berish uchun bormayabsiz.

AI davrida storytelling'ni o'rganing. Universitetda Parveen aka'ni darslarida to'g'ri speech berish bo'yicha o'rgatgandilar.

@elzodxon

Auditoriya shu holatga kelib qolishi mumkin)

To'lov tizimlariini integratsiyasi uchun coding agent skill'lari yozish boshlandimi?

Hozircha, Paylov uchun integratsiyaga coding agent skill borligini bilaman.

https://github.com/ubranch/my-marketplace.git

Ilhomjon marketplace qilgan ekan, bu yerda hamma to'lov tizimlarini birlashtirib skill'larni ko'paytirish kerak.

Ovoz klonlashtirishni O'zbek tilida taqdim etsak foydalangan bo'larmidingiz va qanday maqsadda ishlatishingiz mumkin?

Olimpiada darajasidagi dasturlash va matematika vazifalari bilan oʻzingizni sinab koʻring.

Eng kuchli ishtirokchilar Yandex'dan imkoniyatlarga ega boʻladi.

Yandex Coding and Math Contest endi Oʻzbekistondagi 18 yoshdan katta oliy o‘quv yurtlari talabalari, dasturchilar, muhandislar va IT-mutaxassislari uchun ochiq.

Agar siz algoritmlar, matematika va zamonaviy dasturlash tillarida oʻzingizga ishonsangiz, 2026-yil 25-aprelgacha ariza topshiring.

CMC nima?
Yandex tomonidan yaratilgan va Yandex School of Data Analysis tomonidan qoʻllab-quvvatlangan dasturlash va matematika tanlovi. Bu oʻzingizni sinab koʻrish, kuchli ishtirokchilar bilan tanishish va ajralib turish imkoniyati.

Sizni nimalar kutmoqda:
• Ishtirok etish bepul
• Ikki bosqichda: hamma uchun onlayn, eng kuchli ishtirokchilar uchun oflayn final
• Har bir bosqichda 8–10 ta algoritmik va matematik vazifalar
• Tanlov tili: ingliz tili

Gʻoliblar Yandex ML School Uzbekistan'ga Fast track, Yandex Uzbekistan'da amaliyot uchun suhbat imkoniyati va Yandex'dan boshqa sovrinlarni qoʻlga kiritadi.

Batafsil maʼlumot va ariza topshirish

Yandex “Yandex Coding and Math Contest” loyihasi doirasida ta’lim xizmatlarini ko‘rsatmaydi.
Reklama kontenti

AI bilan qilingan videolarni ko‘rib, bitta narsani chuqur his qildim

Bugun AI faqat matn yozadigan yoki rasm chizadigan texnologiya emas. U she’r yozadi, musiqa yaratadi, klip montaj qiladi, voice beradi, syujet o‘ylab topadi va bularning hammasini bitta instrumentga aylantirib yubordi.

Kecha alohida professionallar jamoasi qiladigan ishni, bugun bitta odam AI bilan bir necha daqiqada chiqarib qo‘ya oladi.

Eng qizig‘i bu hali boshlanishi, juda tez orada AI tomonidan yasalgan seriallar, filmlar, mini-shoular va psixologik contentlar keskin ko‘payadi.

Hozirning o‘zida Xitoyda suniy intelekt yordamida ishlangan seriallar juda tez ommalashyapti. Sababi oddiy AI insonning ichki og‘riqlari, ehtiyojlari, qo‘rquvlari va yashirin istaklaridan kelib chiqib kontent yaratadi. Shuning uchun bunday kontent odamning shunchaki ko‘ziga emas, ich-ichiga kirib boradi.

U siz ko‘rishni istagan narsani emas, siz ichingizda his qilayotgan, lekin so‘z bilan ifodalay olmayotgan holatni ekranga olib chiqadi.

Va shu yerda bitta savol tug‘iladi AI bizning orzularimizni ekranga chiqarayaptimi yoki asta-sekin yangi orzularni o‘zi yaratib beryaptimi?

✨ Welcome to dream.

@AlisherAhmatovich

test

Bu xabardan maqsad, telegram botcha vibe code qilib, o'zimda ham bo'layotgan muammoga yechim topish edi.

Telegram xabarlarni o'rnimga kuzatib turadi va digest yuboradi, Farhod aka(@farkhod_com) Product community guruhda shu bo'yicha so'ragan ekanlar, keyin bir ishlarimni qilyabganda claude'ga aytdim, 2-3 ta prompt bilan tayyorlab berdi.

Ishlatib ko'rsangiz bo'ladi: @yourtgassistbot. Telegram kanallarni qo'shib, digest olsangiz bo'ladi.

Kanalimdan buni ishlatgandan keyin chiqib ketmanglar)

Kanalimdan chiqib ketishga tayyorgarlik

Ishlatib ko'rsangiz bo'ladi: @yourtgassistbot. Telegram kanallarni qo'shib, digest olsangiz bo'ladi.

So‘nggi 2 yil davomida biz O‘zbekistonda “AIsha / Aisha AI” brendi ostida AI yechimlar ustida ishlab kelmoqdamiz.

Shuni ma’lum qilamizki, “AIsha” nomi 22.07.2024 sanada MGU 58807 raqam bilan tovar belgisi sifatida ro‘yxatdan o‘tkazilgan (41 va 42-klasslar).
IMAN Holding tomonidan e’lon qilingan “Aisha” AI assistent loyihasi bizga aloqador emas.

Bir xil nomning AI sohasida qo‘llanilishi foydalanuvchilar o‘rtasida chalg‘ish keltirib chiqarishi mumkin. Shu sababli, ushbu masalani hamkorlik va muloqot orqali hal qilish tarafdorimiz.

Hamkorlikka ochiqmiz.

Post:

Og'ir kechdi va kechyabdi...

Runway tugadi. Google'dagi creditlar ham oxiriga yetdi, aniqrog'i expire bo'ldi. Ba'zi mijozlar ketdi, ha ketishdi, ba'zilari ranjishdi. Yaqin business partner'lar bilan ham communication o'rtada uzildi, noto'g'ri tushunishlar bo'ldi. Bularning barchasi birinma-ketin keldi. "Tashlab ketsammi" degan fikr bir necha marta keldi, buni birinchi marta ommaga aytayapman.

O'sha payt jamoaga aytmadim, o'zimda saqladim. Ichimda ko'p narsa aylanardi, nima qilish kerak, qayerdan boshlash kerak, kimga fokus qilish kerak. Lekin jamoa o'zlari sezdi. Gaplashdik. Ochiq gaplashdik. Shu gaplashuvlar ko'p narsa berdi.

Qaytarib olib qolgan narsa, bu nima bilasizmi? Missiya, jamoa, produkt, oila ishonchi, what's next degan savol.

Katta B2B klientlar bilan ishlashga harakat qilyabmiz. Tez orada, kichik update'larni ulashishni boshlaymiz. Ular bilan gaplashdik, urinib ko'rdik. Qiyin, juda ham qiyin, jarayon sekin, qaror qabul qilish uzoq, hamma narsa murakkab. Lekin produktimiz shu orada yetildi. Bir yil oldingi Aisha bilan hozirgi AIsha bir xil emas.

Microsoft'dan $350k grant oldik. Bu compute qismimizni ancha yopib beradi.

AI agentlar ham ichkarida ko'p ishni yengillashtiryapti. Ilgari soatlab ketadigan narsalar endi daqiqalarda bo'lyapti.

Yo'l uzoq. Ranjigan odamlar bor, uzilgan munosabatlar bor, hali ko'p narsa yechilmagan. Bularni bilaman. Lekin to'xtab bo'lmaydi.

Davom etamiz.

Ha aytgancha, cracked engineer'larni jamoaga taklif qilyabmiz: elzodxon@aisha.group ( Pul bor)

@elzodxon

Yangi ofis - yangi marralar.

O‘tgan yil davomida jamoamiz bilan o‘zim tahsil olayotgan Amerika texnologiyalar universitetining 6-qavatidagi ofisda faoliyat olib bordik. Bu 12 oy Aishaning rivojlanishi, xizmatlarimizning takomillashuvi va jamoamizning o‘sishi uchun muhim davr bo‘ldi.

Bizga bildirilgan ishonch, yaratilgan imkoniyatlar va ko‘rsatilgan beminnat yordam uchun Amirulla Abdullaev hamda Said Irandoustga samimiy minnatdorlik bildiraman. Bunday imkoniyat har kimga ham nasib etavermaydi. Jamoamizning bunga munosib deb topilgani biz uchun katta mas’uliyat va motivatsiya manbai bo‘ldi.

Endilikda Aisha jamoasining yangi ofisi Minor metrosi hududida joylashgan. Ishonamanki, bu maskan ham yangi g‘oyalar, katta natijalar va yanada jadal rivojlanish uchun mustahkam poydevor bo‘lib xizmat qiladi.

Davom etamiz.

Click oʻz xodimlariga Claudeʼdan foydalanishga ruhsat beribdi

Shu kunlarda Click xodimlari uchun sun’iy intellekt vositalaridan foydalanish imkoniyatlari kengaytirilayotgani haqidagi xabarga ko‘zim tushdi. Xabarga ko‘ra, bugungi kunda Click xodimlarining 35 foizdan ortig‘i ish jarayonlarida sun’iy intellektdan faol foydalanmoqda.

Bu yondashuvni biz Aisha jamoasida ancha oldin joriy etishni boshlaganmiz. Sun’iy intellekt modellaridan biznesning turli bosqichlarida foydalanish natijasida jamoamizning samaradorligi sezilarli darajada oshdi.

Bundan tashqari, ko‘p vaqt talab qiladigan va takrorlanuvchi jarayonlarni avtomatlashtirish orqali asosiy e’tiborimizni mahsulotni rivojlantirish, mijozlar uchun qiymat yaratish hamda uzoq muddatli strategiyalarni ishlab chiqishga qaratmoqdamiz.

Bugungi kunda sun’iy intellektdan samarali foydalanayotgan kompaniyalar raqobatda sezilarli ustunlikka ega bo‘lib bormoqda. Shu sababli, SI texnologiyalarini biznes jarayonlariga integratsiya qilish endi qo‘shimcha imkoniyat emas, balki muhim ehtiyojga aylanmoqda.

Agar sizga ovozli sun’iy intellekt yordamchisi, qo‘ng‘iroqlarni tahlil qiluvchi SI tizimi, yoki sun’iy intellekt asosidagi savdo menejeri kerak bo‘lsa biz bilan bog‘laning. Biz biznesingiz uchun mos yechimlarni ishlab chiqishga yordam beramiz.

Keyin, biznes jarayonlariga sunʼiy intellekt aralashishi yuzasidan kimda qanday qoʻrquvlar bor izohlarda yozib qoldiring fikr almashamiz.

P.S. rasm qaysidir uchrashuvdan keyin olingan ekan.

@elzodxon