⚡️ Har bir bolaning sifatli ta’lim olishi va qobiliyatini rivojlantirishi uchun sharoit yaratiladi


O‘zbekiston Respublikasi ta’lim va ilm-fan vaziri Erkinjon Turdimov maktabgacha va maktab ta’limi yo‘nalishiga mas’ul rahbarlarning taqdimotlari bilan tanishdi. Ularda tizimdagi mavjud holat, dolzarb muammolar va ularning yechimiga doir takliflar ko‘rib chiqildi.

Muhokamada maktabgacha ta’lim tashkilotlarida bolalarni rivojlantirish va maktabga tayyorlash, umumta’lim maktablarida esa o‘qitish sifati hamda o‘quvchilarning fanlarni o‘zlashtirish darajasini oshirish masalalariga alohida e’tibor qaratildi.

Ustozlarning jamiyatdagi maqomini yuksaltirish, o‘qituvchilarni ortiqcha qog‘ozbozlikdan xalos etish hamda tizim rahbarlari tomonidan o‘tkaziladigan yig‘ilishlar sonini keskin kamaytirish masalalari muhokamaning asosiy mavzularidan bo‘ldi. Bu orqali pedagoglarning asosiy e’tiborini ta’lim sifatiga, har bir bolaning bilim olishi va qobiliyatini rivojlantirishga qaratishi uchun zarur sharoit yaratish ko‘zda tutilmoqda.

eMaktabuz
📙https://t.me/kundalikbuxoro
📗https://t.me/emaktabuz

👍👍👍Fakt24

3000 доллар маош олаётган бухоролик ўқитувчи ҳақида эшитганмисиз?

eMaktabuz
📙https://t.me/kundalikbuxoro
📗https://t.me/emaktabuz

#ТЕЗКОР #ТАРҚАТИНГ

❗️🏫 Мактабларда кузги таътил 4-ноябрдан бошланади.

Ўқувчилар 6 кун дам олади. Иккинчи чорак дарслари 10-ноябрдан бошланади.

МАКТАБ ГРУППАСИГА ЮБОРИБ ҚЎЙИНГ

eMaktabuz
📙https://t.me/kundalikbuxoro
📗https://t.me/emaktabuz

📌 Ўзбекистонда ўқитувчиларни ортиқча ҳисобот ва қоғозлардан озод қилишади

Мактаб ўқитувчилари энди фақат таълим сифатига эътибор қаратиши учун улардан талаб қилинадиган ортиқча қоғозбозлик ишлари камайтирилади

Шунингдек масъул раҳбарларнинг турли йиғилишлари ҳам кескин қисқартирилиши кутилмоқда

eMaktabuz
📙https://t.me/kundalikbuxoro
📗https://t.me/emaktabuz

Uyda yakka tartibda ta’lim bergan o‘qituvchiga sertifikat ustamasi to‘lanadimi?

Savol:

Salom men maktabda tarix fani o'qituvchisi bo'lib ishlayman.
Savolim  bor edi men uyda yakka tartibda ta'lim oladigan o'quvchilarga 5.5soat darsim bor menda tarix fanidan milliy sertifikat borlarga  PF - 134 farmoni 50%ustama berilsin deyilgan uyda ta'lim olayotgan o'quvchilarga o'tayotgan darsim uchun 50%ustama to'lab berilmaydi deb
Sentyabr oyi uchun to'lamapti shu masalaga qonuniy asoslab javob bersangiz

JAVOB:

Hurmatli fuqaro, uyda yakka tartibda ta’lim olayotgan o‘quvchilarga o‘tayotgan 5,5 soat tarix darsingiz uchun ham sertifikat ustamasi to‘lanishi shart.

PF–134-son Farmonning 9-bandi “a” kichik bandiga ko‘ra, pedagogga o‘zi dars beradigan fan bo‘yicha tegishli sertifikat mavjud bo‘lsa, uning tarif stavkasiga nisbatan 50 foiz har oylik ustama to‘lanadi. Farmonda bu ustama faqat maktab binosida o‘tiladigan darslarga berilishi haqida cheklov mavjud emas.

3515-son ro‘yxatning 4-bobida tarix fanidan kamida B+ darajadagi yoki 80 va undan yuqori ballik milliy sertifikat ustama olish uchun asos bo‘lishi belgilangan. Ro‘yxat izohining 8-kichik bandiga ko‘ra, ustama o‘qituvchining o‘zi dars beradigan fani bo‘yicha, shu jumladan soatbay va o‘rindoshlik asosida ishlaganda ham to‘lanadi.

3271-son nizomning amaldagi tahrirdagi 20-bandiga ko‘ra, uyda yakka tartibda mashg‘ulot olib boruvchi o‘qituvchiga ajratilgan dars soatlari va ular bo‘yicha tarif stavkasi tarifikatsiya ro‘yxatiga alohida kiritiladi. Nizomning 23-bandida ham ushbu soatlar bo‘yicha haq hisoblanishi tarifikatsiyani tekshirish mezonlaridan biri sifatida ko‘rsatilgan. Demak, mazkur 5,5 soat tarifikatsiya qilingan pedagogik yuklama hisoblanadi.

Shu sababli “uyda ta’lim darsi uchun sertifikat ustamasi berilmaydi” degan vaj qonuniy emas. Sertifikatingiz 3515-son ro‘yxat talablariga mos va amalda bo‘lsa, 50 foizlik ustama barcha tarix darslaringizga, jumladan uyda yakka tartibda o‘tiladigan 5,5 soatga ham mutanosib ravishda hisoblanishi kerak. Uyda ta’lim uchun nazarda tutilgan alohida haq sertifikat ustamasini bekor qilmaydi.

📝 Maktab direktoriga yozma ariza berib, sentabr oyi uchun to‘lanmagan ustamani qayta hisoblashni talab qiling. Arizaga sertifikat va tarifikatsiya ro‘yxatidan ko‘chirmani ilova qiling. Rad etilsa, hududiy iqtisodiyot va moliya organiga yoki Davlat mehnat inspeksiyasiga murojaat qilishingiz mumkin.

eMaktabuz
📙https://t.me/kundalikbuxoro
📗https://t.me/emaktabuz

1.5 stavka darsi bor ingliz tili o‘qituvchisiga, buxgalter 1 stavkaga ustama to‘lanadi, 0.5 stavkaga to‘lanmaydi deyishi to‘g‘rimi?

Savol:

Men texnikumga ishga kirdim ingliz tili oʻqituvchisiman 50 foiz sertifikatim bor. Buxgalter faqat 1 stavka darsiz uchun ustama toʻlanadi 0.5 stavkaga ustama yoʻq dedi shu toʻgʻrimi? Keyin 1.5 stavka dars uchun maktab bilan bir xil oylik chiqmayapti

JAVOB:

🙅‍♂ Hurmatli fuqaro, buxgalterning faqat 1 stavka uchun ustama to‘lanadi, 0,5 stavkaga to‘lanmaydi degan fikri noto‘g‘ri.

3515-son ro‘yxatning izoh qismiga ko‘ra, umumiy o‘rta, o‘rta maxsus va kasbiy ta’lim tizimida tegishli sertifikatga ega pedagoglarga, shu jumladan, o‘rindoshlik va soatbay asosida ishlayotgan o‘qituvchilarga ham ustama to‘lanadi. Texnikum kasbiy ta’lim tashkiloti hisoblanadi.

Agar sizga texnikumda 1,5 stavka dars yuklamasi rasmiy ravishda tarifikatsiya qilingan bo‘lsa va barcha soatlar ingliz tili fanidan bo‘lsa, 50 foizlik ustama faqat 1 stavkaga emas, 1,5 stavka bo‘yicha hisoblangan tarif haqining barchasiga nisbatan qo‘llanilishi kerak. Chunki ustama “bir stavkadan oshmagan miqdorda” deb cheklanmagan.

💁‍♂ Masalan, 1,5 stavka bo‘yicha tarif haqingiz 6 million so‘m bo‘lsa, 50 foizlik ustama 3 million so‘mni tashkil etadi. Uni faqat 1 stavkaga hisoblab, qolgan 0,5 stavkani ustamasiz qoldirish uchun huquqiy asos mavjud emas.
Buning uchun sertifikat 3515-son ro‘yxatning 3-bobida ko‘rsatilgan, amaldagi va siz dars berayotgan ingliz tili faniga mos bo‘lishi lozim.

❗️Buxgalteriyaga direktor nomiga yozma ariza berib, ustamani barcha tarifikatsiya qilingan soatlarga qayta hisoblashni talab qilishingiz mumkin. Rad etilsa, hududiy Davlat mehnat inspeksiyasiga murojaat qilinadi.

eMaktabuz
📙https://t.me/kundalikbuxoro
📗https://t.me/emaktabuz

❓​​CHQBT rahbarlarining farzandlariga 30 foizlik kontrakt chegirmasi nega ishlamayapti?
 
Vazirlar Mahkamasining 2026-yil 17-sentabrdagi 501-son qarori bilan pedagoglarning davlat oliy ta’lim tashkilotlarida bakalavriatning kunduzgi ta’lim shaklida o‘qiyotgan farzandlariga bazaviy to‘lov-kontrakt summasining 30 foizi miqdorida chegirma berish belgilangan.
 
Mazkur qaror bilan tasdiqlangan nizomning 2-bandiga ko‘ra:

pedagog – ta’lim tashkilotida qonunchilikka muvofiq tuzilgan mehnat shartnomasi asosida Pedagogik faoliyat bilan bog‘liq lavozimlar ro‘yxatiga kiritilgan lavozimda kasbiy faoliyat yurituvchi shaxs. 

✅ Demak, 30 foizlik chegirmani olish uchun ikkita mezon bir vaqtda mavjud bo‘lishi kerak:

Birinchisi: xodim ta’lim tashkilotida mehnat shartnomasi asosida ishlashi;
Ikkinchisi: uning lavozimi Pedagogik faoliyat bilan bog‘liq lavozimlar ro‘yxatiga kiritilgan bo‘lishi.
 

Adliya vazirligida 3849-son bilan davlat ro‘yxatidan o‘tkazilgan Pedagogik faoliyat bilan bog‘liq lavozimlar ro‘yxatining 452-pozitsiyasida “Chaqiruvga qadar boshlang‘ich tayyorgarlik rahbari” pedagogik faoliyat bilan bog‘liq lavozim sifatida aniq ko‘rsatilgan.

Shunday ekan, CHQBT rahbarining lavozimi bo‘yicha hech qanday huquqiy noaniqlik yo‘q: ushbu lavozim 501-son qaror qo‘llanadigan lavozimlar jumlasiga kiradi.
 
Buni Vazirlar Mahkamasining 2023-yil 8-noyabrdagi 591-son qarori ham tasdiqlaydi. Mazkur qaror bilan tasdiqlangan nizomning 38-bandiga ko‘ra, CHQBT rahbarining pedagogik ish stajiga Qurolli Kuchlar tizimida o‘tagan haqiqiy harbiy xizmat muddati qo‘shiladi. Nizomning 39-bandida esa CHQBT rahbarlariga ta’lim muassasalaridagi boshqa fan o‘qituvchilari uchun nazarda tutilgan barcha imtiyozlar va ijtimoiy kafolatlar tatbiq etilishi belgilangan.
 
Biroq kontrakt.edu.uz tizimida ayrim arizalar:
“Otangizning ish joyi – Mudofaa ishlari bo‘limi chegirma beriladigan tashkilotlar ro‘yxatida yo‘q”, degan sabab bilan rad etilmoqda. 

Bu yerda tizim xodimning lavozimini emas, uning mehnat tizimida ko‘rsatilgan ish beruvchisini asos qilib olmoqda. Ya’ni CHQBT rahbari pedagogik lavozimda faoliyat yuritayotgani tan olinmoqda, ammo ish beruvchi sifatida Mudofaa ishlari bo‘limi ko‘rsatilgani sababli imtiyoz qo‘llanmayapti.
 

CHQBT rahbarlarining ish beruvchisi Mudofaa vazirligi tizimidagi mudofaa ishlari bo‘limi bo‘lishi mumkin. Bunday holatda 501-son qarorning so‘zma-so‘z talqini bo‘yicha muammo yuzaga keladi. Chunki xodimning lavozimi tegishli ro‘yxatga kiritilgan bo‘lsa-da, uning ish beruvchisi ta’lim tashkiloti hisoblanmaydi.
 
Ayni vaqtda 591-son qarorning 39-bandi CHQBT rahbarlariga boshqa fan o‘qituvchilari uchun nazarda tutilgan barcha imtiyozlar va ijtimoiy kafolatlar tatbiq etilishini belgilagan. Shu sababli faqat ish haqi Mudofaa vazirligi tizimi orqali to‘lanayotgani yoki ish beruvchi sifatida Mudofaa ishlari bo‘limi ekanligi vajidan 30 foizlik chegirmani rad etish ushbu kafolatning mazmuniga mos kelmaydi.
 
🚫 Demak, “CHQBT rahbarlariga 30 foizlik chegirma umuman berilmaydi” degan xulosa noto‘g‘ri. CHQBT rahbari:

– pedagogik faoliyat bilan bog‘liq lavozimlar ro‘yxatiga kiritilgan;
– uning faoliyati pedagogik faoliyat sifatida e’tirof etilgan;
– unga boshqa fan o‘qituvchilari uchun nazarda tutilgan imtiyozlar va ijtimoiy kafolatlar tatbiq etilishi belgilangan. 

Muammo CHQBT rahbarining pedagogik maqomida emas, 501-son qarorda imtiyozni ta’lim tashkilotida tuzilgan mehnat shartnomasiga bog‘lab qo‘yilgani hamda elektron tizimda Mudofaa ishlari bo‘limlari chegirma qo‘llanadigan tashkilotlar qatoriga kiritilmaganidadir.
 
Shu sababli ta’lim muassasasida CHQBT fanidan pedagogik faoliyat yuritayotgan, ammo shtat Mudofaa vazirligi tizimida qayd etilgan CHQBT rahbarlari ham 30 foizlik chegirmadan foydalanishi uchun 501-son qarorga aniqlik kiritilishi yoki platformadagi tekshirish mezonlari 591-son qarorning 39-bandiga muvofiqlashtirilishi kerak.
 
❗️Qonunchilik bir tomondan CHQBT rahbariga boshqa o‘qituvchilarning barcha imtiyozlarini berib, ikkinchi tomondan elektron tizim orqali ushbu imtiyozdan foydalanishni cheklab qo‘ymasligi lozim.

eMaktabuz
📙https://t.me/kundalikbuxoro
📗https://t.me/emaktabuz

🏆 20-летний парень из Бухары набрал максимальные 1600 баллов на SAT!

Абдурахмон Асадов из Бухары получил 1600 из 1600 баллов на международном экзамене SAT, который прошёл 3 октября 2026 года. Он набрал по 800 баллов за математику и английский язык, став пятым человеком в Узбекистане с таким результатом. Помимо учёбы, Абдурахмон занимается преподаванием и спортом.

🏆 20 yoshli buxorolik SAT imtihonida maksimal 1600 ball oldi!

Buxorolik Abdurahmon Asadov 2026-yil 3-oktabr kuni bo‘lib o‘tgan SAT imtihonida 1600 balldan 1600 ball to‘pladi. U matematika hamda o‘qish va yozish bo‘limlarining har biridan 800 balldan olib, O‘zbekistonda bunday natijaga erishgan beshinchi inson bo‘ldi. Abdurahmon o‘qish bilan birga o‘qituvchilik va sport bilan ham shug‘ullanadi.

eMaktabuz
📙https://t.me/kundalikbuxoro
📗https://t.me/emaktabuz