انا مستعد اتخيل انك معي واعيش
مثل ما تخيلت الفراق وبغيت اموت

ياوجود اللي يعاني ليا حل الظلام
وجد من ضاقت عليه الاماكن والسبل

مايحصل راحة البال .. حتى فالمنام
كن في صدره خيولٍ تطارد فـ اسطبل

لو تسلم بعض الاحيان .. مارد السلام
مشغله همٍ على .. منكبه كبر الجبل

من كثر ما صارع الذات واسرف فالملام
خايف يزيد الملامه .. شوي وينهبل ..!

مر متماسك .. ومرات يشعر بـ انهزام
يلعب مع الوقت لعبة من يشد الحبل

وان جلس يسترجع اللي مضى من كل عام
شاف حجم الفرق في صورته بعد وقبل

كان فـ بداية حياته على احسن مايرام
بس كيف يرجع العمر يوم انه شبل .. !

اتوجد مثل وجده .. وحزنه بالتمام
والحياه احداثها مستمره لـ قبل

وانت يا مسك البداية ويا مسك الختام
ماطرالك تسقي اللي من الصده ذبل

كل حاجه تنتهي بعد فقد الاهتمام
الجفا مثل الدهر .. والوصل مثل الوبل

ليه تبخل بالمشاعر .. وتبخل بالكلام
وانت جدانك من الجود يعطون الابل

ما يجوز اللي تسويه في شرع الغرام
خل عاد اهل الكرم والمبادي والنبل

عطني من الحب بالصاع والا بالجرام
واعتبر مكسبك مضمون لو قالو : خبل

الربا فالحب مهوب عيب ولا حرام
لا عطيتك حب واحساس رجعه دبل

مصمم كفو ويستاهل