Rodzanitsalar - bu slavyan mifologiyasidagi taqdirni belgilovchi uch opa-singildir. Ular yangi tug‘ilgan bolaga kelib, uning taqdirini, umr uzunligini va hayot yo‘lini belgilashadi. Odatda uchta bo‘lib tasvirlanadi. Yunonlarning "Moyralar"i yoki skandinavlarning "Nornlar"iga juda o‘xshash.

Ularning ismlari aniq saqlanmagan, lekin ba’zan ularni quyidagicha nomlanishadi.

1. Dolya - hayot yo'lini yorug', baxtli qilgan.
2. Nedolya - umr uzunligini belgilagan va hayot yo'lini qorong'u qilgan, baxtsiz kunlarga javobgar bo'lgan.
3. Sudba - taqdir, qismat uchun javobgar bo'lgan.

Marosimlarda ular uchun non, sut, asal qo‘yilgan ular chaqaloq hayoti yaxshi bo‘lishini ta’minlashgan. Demak Rodzanitsalar slavyanlar orasida taqdirni belgilovchi uch opa-singil ilohalar hisoblangan.

Fomorlar irland mifologiyasidagi sirli va turli shakllarga ega qo'rqinchli mavjudotlar xalqidir. Ular yovuz kuchlar va qorong'ulik bilan bog'lanadi. Ular gigant, yarim maxluq, bir ko'zli, yarim tanali, bir qo'lli, bir oyoqli qilib tasvirlanadi.

Eng mashhur fomor bu - Balor. Uning "halokatli ko'zi" bo'lib, bir qarashda dushmanni yo'q qila olgan. Fomorlar faqat ilohlar bilan jang qilib, yengilgan. Ilohlar bir jangda Balorning ko'zini o'ziga qarshi ishlatib, uni yengishgan.

Fomorlarning bitta koʻzi, bitta qoʻli va bitta oyogʻi boʻlgan, chunki oddiy vaqtda ularning tanasini bir yarmi bizning dunyoda, ikkinchi yarmi esa narigi dunyoda joylashgan deb ishonilgan.

Monopodlar - yunon afsonalarida va o'rta asr rivoyatlarida tilga olingan, bitta juda katta oyoqqa ega bo'lgan mavjudotlardir. Ularni soya oyoqlar deb ham atashadi. Chunki ular Quyosh issig'ida yerga yotib, ulkan oyog'ini soyabon qilib oladi.

Sayohatchilar ularni uzoq, noma'lum yerlarda yashaydi deb tasvirlashgan. Xaritalarda ular yashaydi deb taxmin qilingan joylarni belgilab qo'yishgan.

Kitoblarda monopodlar biroz tentak va kulguli xarakterga ega deb yozilgan. Hech qachon zararli emas deyilgan. Klayv Staples Lyuisning "Narniya yilnomalari" asarida ham ular haqida biroz ma'lumotlar ochib berilgan.

Ammo monopodlarga ishonmaydigan insonlar ularni tyulen, morj, dengiz mushugi kabi hayvonlarga tenglashtiradi. Chunki qadimda sayohatchilar qirg'oqlarda dam olib yotgan tyulen, morj kabi sutemizuvchilarni uzoqdan ko'rib monopodlar deb atashgan.

Entlar - Jon Tolkienning “Uzuklar hukmdori” asaridagi daraxtlarga o'xshash afsonaviy, juda dono va qadimiy mavjudotlardir. Asarda ular Sarumanning Isengarddagi vayronagarchiligiga qarshi chiqib, katta jang qiladilar.

Tolkien olamida entlarni Valarlardan biri Yavanna yaratgan. Chunki u daraxtlarni odamlar va hayvonlarning haddan tashqari zararidan himoya qiladigan jonli mavjudotlarni xohlardi. Ularning o‘ziga xos “entcha” tili bor. Juda sekin va uzoq vaqt gaplashishadi, shuning uchun boshqa mavjudotlarga zerikarli tuyuladi.

Urg'ochi entlar yo'qligi uchun, ular o‘zlarini “kamayib borayotgan xalq” deb hisoblashadi. Entlar juda kuchli bo'lib, ulkan toshlarni uloqtira olishadi, devorlarni buzishadi.

"Treebeard"- eng qadimiy va kuchli entlardan biri hisoblanadi. Klayv Luisning "Narniya yilnomalari" asarida ham yuruvchi daraxtlar haqida ma'lumotlar bor. Bu esa Jon Tolkien va Klayv Luisning yaqin do'sligini anglatadi.

Fransiya qirolichasi Mariya Antuanettaning qatl qilinishi e'lon qilingach bir kechada uning sochlari oqarib ketadi.

Sochlarning shiddat bilan tezda oqarib ketish holati "Mariya Antuanetta sindromi" deb ataladi.

Tomas Vedders - Angliyaning Yorkshir shahrida tug'ilgan, uzun burni bilan mashhurlikka erishgan sirkchi.

Uning burni 19-20 sm oralig'ida bo'lgan. U yashagan davrda fotokameralar bo'lmagani uchun Ginnesning rekordlar kitobiga kirmay qolgan. "Pakana burunboy" multfilmidagi personajga prototip bo'lgan.