Аудитория байқамайтын қауіпті тұсты айтайын. Психологтардың этикалық кодексі бар. Бұзбау керек заң деп біліңіз. Себебі психологта адамды арбап алатын, санасын басқарып алатын түрлі инструмент болады. Бір гипнозды қолданғанның өзі былай да былай жетіп жатыр.

Сол этикалық кодексті бұзуға тыйым салынған. Яғни қарапайым халыққа манипуляция жасауға, білімін асыра сілтеп пайдалануға, жан жарасын басуға (тізім ұзақ) болмайды.

Әлеуметтік желіде контентпен “қатты айқайлайтындар” сол кодексті бұзып жүрген болуы да мүмкін. Оның бар екенін білмеуі де мүмкін.

“Мынау жестко айтты, батырып айтты, өзіне сенімді екен, қорқынышы жоқ, мықты екен” деп ойласаңыз, қателесесіз. Көбіне “көкбеттік” сенімділіктен емес, білімсіздіктен боп жатады.

Мен де "інде отырғандардың" бірімен. "Не мешайте, я кайфую!"- деймін, сұрағандарға.
Но, инстаграммды жәй табыс көзіне апаратын құрал ретінде, өзіме салмақ салмай, керек жерінде пайдалануды жөн деп санаймын. Көңілім қалағанда кіремін

Кімде алып потенциал бар, “көңілім қалағанда жасаймын, өзім үшін өмір сүремін” деген ой жарамайды)) Жатқызбайды🥸

Ол потенциал жайдан-жай берілмейді және сұрауы болады. Қабілет үнемі қозғалысқа ұмтылады, тыныш жатпайды.

“Өзім үшін” деп жүргеннің бірімін ғой. Енді баланс ұстау керегі айқындалды өзіме.

Өмірімде түрлі треш болды ғой, анда да соғылдым, мында да соғылдым. Психология, дамуға бет бұрғанда ол дауыл басылды да қалды. Бойдағы қабілетті басқарып, керек арнаға бұрмасаң, быт-шытыңды шығарады екен)

Өз қабілетіңді қалай толығымен анықтауға сүйген істі қалай анықтауға болады?

Мынаған келісіп алайық. Бойдағы қабілет бір бөлек, сүйікті іс бір бөлек. Екеуі біріксе, жақсы. Бірікпесе, екі түрлі нәрсе.

Бойдағы қабілет Құдайдан беріледі, ата-тектен, генмен келеді. Оны ұнатпауың да мүмкін, бірақ айналысасың. Мысалы: маған адамдардың проблемасын тыңдап отыру ұнамайды. Шынымды айтайыншы, ұнамайды. Менің де ойнап-күліп, сыланып-сипанып, рахаттанып жатқым келеді. Басында барынша қаштым. Қабілетімді қолдану үшін адамды тыңдауды, естуді меңгердім. Жалпы адамзатқа, тағдырына махаббат пен құрмет көрсетуді меңгердім. Махаббатқа сүйенемін. Ісімді солай жақсы көруді үйрендім, бірден жақсы көріп кетпедім.

Сүйікті ісім блог жүргізу, жазу, адамдармен сөйлесу, сурет салу, фото/видеоға түсу, әдемі орындарда жүру деп жалғасады. Ісімді сонымен біріктірдім.

Ал қалай ашамыз дегенге келсек. Бойдағы “кірді” тазалау керек басында. Кір дегенім - негатив программа-сценарий, түрлі сезім-эмоция, түрлі жарақат, түрлі паттерндер. Бойымызда қабілет көмулі жатыр, соны қазып аламыз.

Сосын білім алу. Ол қабілетті қалай қолдануды, инструменттерді меңгеру және қолдану. Практика, тәжірибе жиып қолданған сайын потенциал қайралады, өткірленеді.

Күшті ақпараттар бердіңіз! Рақмет! Молынан ғо еще)
💜💜💜💜💜💜💜💜

Ініме кіріп жатуға кеттім. Қайырлы түн!💋😅

🎤Подкаст: БОЛУ КЕРЕК НӘРСЕ ӨЗ УАҚЫТЫНДА БОЛАДЫ

Мамандарды оқытатын “Психолог-практик” курсымның студенттерімен алғашқы кездесу өтті бүгін. Сабақ емес, алғашқы танысу, байланыс орнату.

4 ай тығыз жұмыс істейміз, әдейі шағын топ қылып аштым. Қатысушыларды іріктедім. Сұрақтары мен мәселесіне жеке тоқтала алу үшін де өте ыңғайлы. 120 сағат уақыт былай да былай жетеді.

Қуанып әрі толқып тұрмын. Бұл - мен үшін де, студенттерім үшін де өте маңызды қадам💥.

Алдағы 2 ай психология методикаларын меңгереміз, өз мәселемізбен жұмыс істейміз. Сосын ғана қалған 2 айда клиентпен жұмысқа көшеміз.

Практикаға клиент керек болады. Сіздерге хабар беріп, шақырып отырамын ғой. Ақысы өте төмен (символикалық баға) болады. Кейде тіпті ақысыз келіп, запросыңызға диагностика жасатып, разбор/консультация алатын сәт те болады.

Бірнеше жанды сүйемелмен маңызды жолға жетелемекпін. Бұл күнге де жеттім. Дұға-тілектеріңізді сұраймын, бізге сәттілік тілеп қойыңыздар🥰🤲🏻

Бүгін инстаға контент түсіріп бастаймыз.

Қандай тақырыпты білгіңіз келеді? Қандай сұрағыңыз бар?

Ішкі күй, сезім-эмоция, ақша, қатынас, қоғаммен қатынас, даму, кез келген тақырыпта сұрағыңызды осында жаза қойыңыз. Маңызды тақырыптар болса, аламыз. Сұрақ қысқа, нақты болсын. Ситуацияны баяндау, өмірбаян қажет емес. Тек сұрақ👇🏻

Эльвира ханым кітабыңызды оқып жатырмын. Кішкентай ғана бала жүрегіңіз соншалықты қиыншылықты қалай көтерген, таң қалудамын. Қәзір сол кездегі ішкі күйлеріңізді толықтай босата алдыңыз ба? Әлде кейде сол сезімдерді оятатын жағдайларда қайта қозғалып кетеді ме?

Өткенді, психо-травманы толықтай өзгертіп жібере алмаймыз. Жалпы өткенді өзгерте алмаймыз.

Терапия көмегімен:
• сол кездегі жаралы жаныңды, сезім-эмоцияны жібересің, тұншыққанның бәрі шығады, тыртық қалады;
• өткеннің ықпалымен болған түрлі ішкі конфликтті тарқатасың, әрекеттерің мен шешімдеріңнің себебін ұғынып, өзгертесің;
• өткеніңді жойып тастамай, қабылдап, сонымен ары қарай өмір сүрудің меңгересің;
• жаңаға ашылуды, дамуды таңдайсың, өткенге жабысып алмайсың;
• өткеннің орнында тыртық ғана қалғандықтан ол сыздамайды, тіпті көмескіленіп, ұмытыла бастайды, миыңның “естеліктер” деген папкасына кетеді.

Жоқ, өткеннің сезім-эмоциясы қайта қозғалмайды. Сол сәттегі адамдарды қайта көрсем, опыт үшін алғыс тұрады.

Иә, әр терапия - практиканы өткен сайын,қайталаған сайын қабат-қабат аршылып жатқанымды сезінудемін. Ең басында бәрі түсініксіз болған.

Адамда сана (ой, түсіну, ұғыну, анализ) бар да, сезім-эмоция (сезіну, тәндегі зарядтар) бар.

“Проработанный” адамды қазақ “сана-сезімі жетік” деп айтып жатады.

Екеуі бірге жүреді, бір-бірін толықтырады.

Терапия-курсыма келген адам басында бәрін санасына салуға ұмтылады. Түсінуге. Бұл қалыпты.
А терапия - алдымен сезім-эмоциямен жұмыс. Тұншыққанның бәрін шығарып, қайта өткеру, қайта өңдеу.

Сезім-эмоцияға салмаған ақпарат - әлі білім емес, тек ақпарат ғана. Тез ұмытып қаламыз кейде. Ал сезімнен өткізгенде білім болады.

Терапияда көтерілген, шығып жатқан түрлі сезім-эмоциясын ұқпай, санаға салғысы кеп, арпалысады. Курс бағдарламасында, кері байланыста қанша ұғындырып айтсаң да, сезім-эмоцияның аласапыраны басылғанша түсінбейді. Қорқады, сұрақ көбейеді, маман “жалғыз емессің, қасыңда бармын” деп, осы процестен өтіп кетуіне сүйемел көрсетеді. Ол “аласапыран” ұзаққа бармай, басылады, артынан түсінік келеді. Көп нәрсе айқындалады, шешім-әрекеттеріңнің себебін көре бастайсың, ұғасың. Бұрын ұмытып не жоқ қып жіберуге ұмтылған құпияларыңа тура қарайсың, баяғыдай жан сыздатпайды. Шешім өзгереді, қадамың да батыл болады. Сосын психика ары қарай қозғалысын жалғастырады.

Терапияға келген адамның басында ештеңе түсінбеуі қалыпты. Қашып кетпесе, артынан бәрі айқындалады. Маманның “қолынан ұстап”, соңына дейін баруы маңызды.

Жалпы өзің жайлы білгеннің айналасында жүріп, бір шеңберді айнала бергеннен… білмегенге қадам басып, жаңаны еңсерген нәтижелі. Іштей өсу солай жүреді.

💣 Инфобизнесте жер астынан тоқтамастан атылған мина сияқты бірінен кейін бірі дүмпулер боп жатыр.

Әлгі провокациялық рилс түсіретін, түсіруді үйрететін Теменов дауын жаңа ғана білдім. Қарыштап ұшқан биіктен омақаса құлапты. Мысқылдайтын жайт емес…
Тек… бірнеше ұстанымды нақтыладым.

▫️Кез келген система бірден өзгеріске беріле салмайды. Мың есе жылдамдықпен қорғаныш механизмін қосады. Қарсы шабады. Халықтың жүйесі де дәл солай.

▫️Ұлттық құндылық, тектің намысын аяқ асты еткендер ұзаққа бармай “исключенный” болады. Ата-тегінде сондай сценарий болса, тіпті тез іске қосылады.

▫️ Жақсы маман болу үшін хайп емес, адаммен, аудиториямен сау қатынас құра алу бірінші орында.

▫️ Сенен шыққанның бәрі қайта айналып, өзіңе оралады. Себебі өмір айналымнан тұрады🔄

▫️ Биыл - карма жылы. Қазір жасағанның есебін қазір аласың. Бұрын жасағаныңның есебін де қазір аласың. Жақсылықты да, қастандықты да.

Биыл не болды сізде? Карманың дәні өсіп, не жиып алдыңыз?

Мен биыл қанша жыл тіртінектеп жиған білімімді сыртқа шығарып, жемісін жиып жатыр екем. Кітабым, “Психолог-практик” курсым. Шүкір! Бұл да бір сынақ сияқты болды ғой😁

А иә, қоса салайыншы… Абьюзға өзін өзі тастау, самобуллинг, аутоагрессия “сенімділік, мықтылық” белгісі емес.

Есіме түсіп жатыр…
Қайбір жылы “внутренний ребеноктың” қалауын орындау, ойыншықтарын, аңсағанын алып беру” деген хит-техника болды. Нарықта салмағы бар ментор/наставниктен бастап, нонеймнің бәрі сол практиканы жасамақ боп, дүкеннен қымбат қуыршақ, машина, самолет құшақтап шығып, сториске жарыса салған-ды.

Иә, бұл техника жақсы. Терапия балалыққа саяхаттан, сол жақта рұқсат етуден басталады. Бірақ!

Бірақ… қаупі де бар. Келесі этапқа өтпей, осы балалықтағы ойыншыққа мәз болған энергиямен қалсаң… онда лап-лап еткен балаң күйде ұзақ жүріп қаласың. Тапқан табысыңды балалықтың желпілдек эмоциясын аулауға арнайсың. Үлкендердің “ойыншығын” іздеу басталады. Киім-кешек. Ойын-сауық. Керекті/керексіз шопинг. Эмоция беретіннің бәрі.

Бір күні қарасаң, қалтаңнан күн көрінеді. Көп ақша тауыпсың-ақ, желпілдеп жүріп, оны желге ұшырып жіберіпсің. Ұстай алмапсың. Тіпті, қарызға күмп етіпсің. Ертеңін ойламайтын “балалықпен”.

Ересекпіз. Қажеттіліктеріміз де ересек. Ақша таба алуға бір бөлшегіміз көмектессе, оны ұстап тұруға басқа бөлшегіміз ықпал етеді. Ересек қажеттіліктерді түгендеу үшін жанымыздың бөлшектері де түгел болу керек. Ресурсты басқара алу маңызды. Әйтпесе, “қымбат ойыншық алуға өзіме рұқсат еттім” деп жүріп, ойын аяқталғанда реал өмірді қалай сүруді білмей дал болатындар көп.

Тек ішкі бала бөлшегімізді үлкейте бермей, ересек күйімізді де еске алсақ. Терапияның этаптары, даму кезеңдері бар екенін еске салып қояйын💐

Бас-аяғы жоқ ойымды осында “қойып қалам”😁
Ішінен түпкі ойымды теріп, керегін аласыздар әйтеуір) Мұндай ой-толғауыма үйреніп те қалдыңыздар деп білем. Осы контентім пайдаңызға аса ма? Игілігіңізге жарап жатыр ма?)