‏اللي يترك فيِك تساؤلات مالها نِهايَة - تعدّاه.

‏عيد أضحى مبارك
‏اهنئكم بحلول عيد الأضحى المبارك
‏أعاده الله علينا وعليكم بالخير والمسرات
‏سائلين المولى أن يعيده علينا وعليكم أعوامًا
‏عديدة وأزمنةً مديدة باليمن والبركات
‏تقبل الله منا ومنكم صالح الأعمال
‏وكل عام وأنتم بخير ❣️

‏لو يستحي العذر من وجه المواعيد
‏ماقمت اعد ّ الدقايق والثواني

‏وان كان ماشفتك الا ثاني العيد
‏شوفك متى ماتهيّا عيد ثاني !

‏" أحياناً النجاة إنك تتقهوى - وتخلي الأمور تولّي "

الدموع اللي أحبسها طوال السنين
كلها في ضحى ذا العيد نزلتها

عايدوك المسيحيين والمسلمين
وانا روحي على معايدك علاقها

يا حسافة على الرفقة وطول السنين
حتى كل عام وأنت بخير ما قلتها

ليت لي حيلة الساحر او الكُهان
‏من ودودٍ ذبحني بالغلا ودّه

‏كان خليت قلبي هدهد سليمان
‏كل ما اشتاق قلبي صوبه اهده

‏- محمد ابن الذيب

عليك اللّٰه وأمان اللّٰه تودعني وداعٍ حار
‏قبل لا تشرع بقتلي وش المانع تحاضيني

‏تبسم لي قبل لا نتفارق ان كان لي مقدار
‏وأخذني في يدي لـ آخر حضن وآخر رمق فيني

‏ترى ما بيني وبينك سوى خامه وكم أزرار
‏تغانمها لا تاكلك الحسايف ما تلاقيني

‏الليل للنفس الحزينة، يعتبر مثل الخوي.

‏لكن الظاهر أسم المرحله : عادي

‏زاهد ٍ لي بامورٍ، حبّها جمّا
‏وصاير يقفّي أغلى الناس ماانادي

‏حتى لو الوضع ماهوب أخو شمّا
‏العرب تخترش جنبي وانا هادي ! »

‏———سلطان بن بتلاء

جيتي بـ كامل شعورك ليه رحتي؟
لا أسترحت من الهوَى ولا أسترحتي

أذكر إنك واقفه مثل الشواهق
ليه يوم أن المفارق هبَّ طحتي!

تحتريني أشرح شعوري بدونك؟
ماني بـ شارح شعوري لو شرحتي

أسألي نفسك بعد رحلة هوَانا
وش كتبتي من عناي و وش مسحتي؟

لو لمحتيني وحيد و ما لمحتك
أبعدي عني كأنك ما لمحتي

إللي إعتاد الغرق يخشى المراسي
ليه ألومك؟ و أنتي أصلًا ما سبحتي

أفرحي لا ترجعين لـ ذكرياتك
لا يضيع العمر و أنتي ما فرحتي

يا صغيرة ما خسرتي العمر توَّك
أنتي أصلًا في تجافينا ربحتي

ما حصل غير إنك أخترتي التجافي
لا غدرتي ولا قسيتي ولا جرحتي

و تسأليني عن شعوري بعد هذا؟
هو بقى فيني شعورٍ ما ذبحتي؟

الصدف كذبة قديمة جمَّعتنا
أتركيني للحقيقة .. لو سمحتي!

عاتبيني لين أحس إني من الأعذار عاري
ولين أحس الصمت يغلبني و أنا أعذاري سمينة

وإجرحيني دام أنا راضي وجرحك بإختياري
الجروح أحيان! ينبت من طرفها ياسمينه

ولا ضوّت ذكراك قالو وين رايح؟ قلت ساري
ليلة منتي بقمرها .. ما تغشاها السكينة

راعي الهوى لو تقول الناس يا كبره

يصغر و يشفق على الميقاف و البوسه :)

‏فقدتك و أمتلأ موقي عليك من الحنين و سال
‏تحت ليل ما عقبه غير غصّات الممات أفجع

‏رح و جعل السنين المقبلة تاخذك بـ أحسن حال
‏كثر ما كنت أحس أنك تبي ترجع ولا ترجع

ليل سرمَّدي*

«جعل من خلّاك بالبال حيّ
يخلّيك بجنّته متوسّد الراحة»

الفاتنه ام الجمال الأنثوي
بنت الرجال اللي تصبح وتهجد

خطوى الشناح اللي خذت قلب بدوي
في شفهّا مبسوط والدنيا كبد

فرديةٍ بـ الزين ما هي مقنوي
لاشافها راعي النظر قر وركد

- حمد السريع