‏عاد قلبي من حنين الذكريات مهايف
‏قد كفاه الحزن الأول والزمن ما حنّه

‏من المخاوف اللي وردّها الشعر نظرة اليأس
في هالبيت :
‏« شروق الشمس مايعني رجوع الحب والآمال
‏يجوز إنه وداع الليل —— لأحـلامي بـ مرثيّة »

‏لو قالوا الناس لك يوم ورح عش به
‏حذفت عمري وراي وجيتك مسير..

أدري إن قلبي من الحب ماهوب تايب
و أدري إن كل فرحة وصل، فرحه يتيمة

طاري الحب يا حلوه و حلوْ الحبايب
اللي خلّوني أضحك و أعترف بالهزيمة

الحقيقة غدت مثل الخيال — هو عدوّي وهو أوفى خليل

‏جاء
‏ الصباح فـ ليت
‏ طيفك
‏ زارني

‏لكن إني رغم هذا ما أنهزمت
‏ وأستمريت أدعس الشوك بحفاه

‏كل ما زادت مواجيعي صبرت
‏بين ثلج وبين جمرات الغضاه

‏ما غلبت الوقت لكن ما انغلبت
‏أعتصر نبعي من بطون الصفاه

هو مرّك الشوق ولا هز وجدانك ؟
‏هو أني على البال .. ولا سامحٍ مني ؟

- سعود بن مبارك

فداك الجروح ودمعة البعد والتقصير
‏يا كل اسئلة دار المحبين واجوبتي

‏تحضنت حبك لين شفت النعم والخير
‏مثل ما احتضنتي عن هوى الغير موهبتي

‏تشيبين ولا ما تشيبين زينك غير
‏جمالك يزود ان زاد عمرك وشيبتي

‏عريبة نسب سمحة محيا وبنت امير
‏ولاني بـ راضي غيرك تصير فـ رقبتي

‏من يسمع قصيدة " على عيد إنكساري "
ولا يتأثّر أشك بإنسانيته

أمّا حبيبة قلبي و راس مالي، والله ما أعرض وصفها للّرياجيل

‏أنقطع وحبال الإخبار من دونه قصار
‏والله مدري هو تحت الأرض ولا فوقها !

يا دقيق الخصر منتوق المعنّق
لا تخليني ومثلي ما يخلى..

‏تموت الأحلام دايم في يدين الظروف، وتعيش الآمال .. وتواصل مشاويرها ‏- عبدالله السراهيد

فاقده فقد الأراضي للسّحاب الّلي مصبّه
‏يحيي الجرد القواحل لين ما تجري المساقي

‏أدري إن الميّت المؤمن منعّم عند ربّه
‏وأدري إن ما باقي غير الله المعبود باقي

‏بس أنا من الفقد مثل الّلي غدا في وسط غبّه
‏إنطفى نجم ونزف جرحٍ عطيب وجف ساقي

‏أذكره وأشتاق وأبكي وأحتضن قبره وأحبّه
‏والله إن ما أعظم منه ياكود فقده وإشتياقي

« عسى الدنيا تشمّر لي سواعدها بليّا حدود »