صباح الخير ومساعد يقول:
"شوقي مسافة وهمساتك مدار وفلك، ان ما ضميتك غلا ياعلني ما ارتويك"

‏نامي وخلي كل همٍ عليّا
‏مالله خلق هالجفن لسهاد وهموم

‏مساعد الرشيدي

« يجي بعضك وأنا كِلّي يذوب من الصبر والخوف
وأجي كِلّي ولا كِنّك دريت بخطوة أشواقي

بكيت من القهر دمعٍ سقا ذاك الطريق طيوف
ألم كنّه حلف يبقى كسِّير بزحمة أوراقي!

يجيني كنّه الرؤيا وأنا في مرقدي ملهّوف
قسى واشعل قناديل الظلام وطوّق أحداقيّ»
—تركي المشيقح

‏هات كفك والله إني باسطٍ لأجلك كفوفي
‏جعل تفداك الكفوف الطيبة قبل الوضيعة

‏أتعقَّل في ديارك . . و أتجرَّد من سيوفي !
‏كل ظلٍّ معك أحبَّه ، كل دربٍ فيك أضيعه

أيّامنا ماهي بماضي وتذكار
عشان تكفيني معك ذكرياتي

ما شفتها في يوم صوره وإيطار
دعوه وعيّت لا تفارق شفاتي

عليك قلبي عايش بنفس الإصرار
أكثر من إصراره على أُمنياتي

محبّتك تبقى رغم كل ما صار
من أجمل أقدار العُمر في حياتي

وشلون اجاري جمالك بالشعر والشعور
‏وأنتي لو إنك قصيده كنتي.. مُعَلقه

‏يا رب شعور من قال:
"و انزاح همٍّ على صدري .. وتبدّل المرّ بالحالي"

أنتي شموخك عظيم ويجلب الإهتمام
‏وأنا ما اقلّط عليك الفكرة البايته

قلبٍ جفل.. ماللبشر فيه منزال
‏عَز الله إنه ماهو بـ عنْك جافل

‏لك ضحكةٍ من يوم تطري على البال
‏ترتق فتوق الحزن رتق النوافل

‏آقول عادي.. وآتظاهر بالإهمال
‏وأنا أسرق الأخبار لاصرت غافل

‏يوم إني أكرب بأيسر الصدر الأقفال
‏بابك ليامن جيت ماهوب قافل

‏لو لمحتي عيوني يوم أرحب و أهلي
‏ما قويتي على "ليلة تغيبين فيها"

‏كنّك بعد ليلٍ ظلامه سرمدي
‏صبحٍ يقود الشوف لعيون العمى

‏- فهد العيبان

‏جادلٍ تستحي حتى من الأبتسامه
‏ تحسبَ البرق يبرق من ثنايا .. ثغرها

‏بنت راعي الشداد و بنت بيت الزعامه
‏راس ذباح أبوها تشرط إنه " مهرها "

‏سوالف الناس لا ودّت ولا جابت
‏واللي بغيت الصحيح، ابعد ولا تقرّب

‏هقيت لي طيّب، لكن هقوتي خابت
‏شرّ القريبين أقوى من لدغة العقرب

‏إن قدّم الطيب دام نفوسنا طابت
‏بعض المخاليق لا يُترك ولا يُضرب

‏ما هو مفارق عيونٍ ودعوةٍ صابت
‏هجرت نبيّ اللّٰه من أعدائه ليثرب

‏فالشعر محدٍ لحق حسان بن ثابت
‏أحفظ لساني وأسله سلّة الأجرب

‏والله ان كنّ الهبايب والنسانيس العليله
‏ماتعرف تهبّ من كل الجهات الا جهتها
٢:٠٠ ص

‏يوم ودّك؟
‏كل شيٍ في يدينا

— شطر كفيل بإغلاق أبواب العتب

يوم ناديت الحبيب و لبالي
كنه معطيني من الوضح منقيّه

أحسب لبيه لي بالحالي
وأثرها على لسانه طبيعيه

‏«صباح الإربعاء والحب والشمسين والقهوة
‏على ذات العيون الواسعات النجلّ الكحلا»
‏—عبدالله السرحاني