‏عبّر الشاعر صياف الحربي
— رحمة الله عليه —
‏عدم اكتراثه بمفتعلي الزعل والمشكلات في بيت جميل يقول:

« إن زعل يشرب بحر وإن رضى يشرب غدير
‏ لا يشب النار ويطير مع دخانها »

‏اللي سواليفها عذبه وفيها عناد
‏ياحلوها كل ماقالت لي شعورها

‏حلوةً نبأ، طيّبة مبدأ ، وريثة شداد
‏اليا مشت فوق الأرض تطيّر طيورها

‏نشميّةٍ دونها اللي يحتمون البلاد
‏اللي على سرجها واللي على كورها

‏تستاهل العود الأزرق والبكار التلاد
‏والطرقة اللي توقفني على سورها

ياحبيبي جعل تفداك تلعات الرقاب
‏انا ديّانك و لا صرت وافي وفّني

‏اخذني من ضيعة الراي وآمال السّراب
‏وحطني مابين سود الرموش وخفّني

‏لا تخليني كذا بين ضرس وبين ناب
‏الظروف تلفّني والغياب يلفّني

‏حايرٍ بين التقدم وبين الانسحاب
‏ردّنني من حفّة البير ولا دفني

‏كل نجمة شعشعت والجو عتمه؟
‏– كانت إنتي.

‏الليالي ماتعوّض كل نادم
‏والقصايد ماتفسّر كل خيبه

‏التشبّث بالحياة وبالاوادم
‏قل دين وقل عقل وقل هيبه*

‏_ سعد علوش

٤:٢٥ص
يا حمامة لو دريتي بشيٍ في الضمير :)

‏"على بالي سنا بدوٍ تشوف الصّبح للمرواح
‏وعلى عيني طيوفٍ تنتظر صوتك يناديْها

‏قديمي والله إنّي ما هقيتك ضيقه وتنزاح
‏وأنا حتى الرّحاب اللي بعد ضيقتك مابيها"

‏— محمد السلطان

صبحيني بالرماح اللي تحت حجّانك
‏والبرد والجمر والسيف الحدب والجوري

«تعالي لا طغى حزنك وعن شمسه بغيتي فيّ
تذري في ذرا من هو يحب ويعشق ترابك

ولا تشكين من جور الليالي دام راسي حي
ما عاش اللي يكدر خاطرك وينرفز اعصابك

وانا لا انهارت الدنيا في عينك شلتها بيّدي
وناديني وتلقيني معاك اقرب من ثيابك

تجين بـ ليلةٍ وجهك على حالك سماها ضي
وتزهين المكان اللي تجينه قبل يزهى بك

ولا ينشاف هالعالم ولا ناسه في عيني شي
وانا لي موطن ومنفى تضمّه ناعس اهدابك»

صالح آل مانعه*

‏وداعيّة تهز ضلوع صدر العاشق الولهان
‏وداعٍ فيه من صدق الحـزن مالا ينسيّني

‏فمان الله وعيون السهر في داعت الرحمن
‏فمان الله يـ أول من سكن من بيني وبيني

‏فمان الله يا آخر جرح دامي و أول الخلان
‏فمان الله يا مـلح القصيّد وباقي سنيني

‏فمان الله يـ منْ لك بقلبي مرتـع و أوطان
‏ولك بين الضلوع العوج بيت ولك عناويني

‏مع إن الناس من حولك كثير ولا عليك خلاف
‏يراودني شعور إنك حبيبي يا حَبيب الكل

‏—عبدالله السراهيد

‏مرحبا يالمترف الغض ّيالسحر المباح
‏يا حشيم الطبع ياللي بعيد من الردا

‏جعله أبرك يوم و أبرك ألو و أبرك صباح
‏و جعل ما قد مرّني منك لـ عيونك فدا

"وأنتي والله حاجةٍ ما عاد يربح من خسرها"

‏من عذاب الذكريات أحتاج لي صبر و عزيمه
‏ليت دون « الذكريات القاسيه » عازل حراري

«مو شرط تصبح كل الأوقات لّماح
‏ترى التغابي — من فنون الذهانه»
‏— ياسر التويجري