اشتراكات ChatGPT الشهرية والسنوية بدأ يحصل فيها عجز وشلل كامل النهارده

جوجل بدأت تلاقي حلول لاشتراكات السنة، وبدأ التفعيل يتحول لعملية صعبة جداً للأسف

الاشتراكات اللي خفضتها إمبارح رجعت لأسعارها الأصلية تاني لحد ما يبان شهر العسل ده خلص كده ولا لسه في أمل.

في حاجات الناس مش مقدرة قيمتها وخلاص أنا بحجزها دلوقتي قبل ما تتوفر لأن احتمال تختفي تاني زي Cursor Pro السنوي

الليستة اللي نزلتها إمبارح عموماً مليانة كنوز.

أنا المفروض أتوقف عن استقبال أوردرات يومين على الأقل والله لأن عندي نزلة بغد وأزمة النوم هتتفاقم فالأولى الانتهاء من الضغط القائم بالفعل

لكن كده دخلنا حالة طوارئ، وهتزعلوا جداً لو خلاص ما بقاش متاح اشتراك ChatGPT بإسعاره المتدلعة دي

لازم تجربوا الـExtended Thinking في 5.4 وتقارنوه بإي نموذج شغالين بيه طالما شغلكم مش Coding

عموماً، طلبات تفعيل ChatGPT أصبحت Waiting List حالياً

البرو شغال من غير مشاكل.

تصبحوا على خير
Ciao 🤘🏻

للأسف الشديد تفعيلات ChatGPT Plus قد تتوقف تماماً

أحد التجار اللي بتعامل معاهم بيبيع تفعيلات ChatGPT Pro 5x & 20x بأسعار منخفضة جداً دلوقتي للتخلص منها لكن بدون ضمان


لو في أي حد محتاج 5x أو 20x بلاش يستخدمه على حسابه الشخصي لأن OpenAI شركة متخلفة في موضوع الـBan ده

لو ما عندكش مشكلة في ريسك إن الاشتراك يتقفل فالأسعار نزلت جداً دلوقتي وبقت فكة مقارنة بالأسعار القديمة

ChatGPT Pro 5x
1800 L.E

ChatGPT Pro 20x
3000 L.E

ومافيش داعي للقلق إن شاء الله للمشتركين اللي خلاص فلتوا باشتراكهم
أو هكذا نتمنى

تحديث:
تفعيل ChatGPT Plus الشهري متاح بكميات صغيرة جداً غالباً هتنفذ كلها في الساعات القادمة

هتحول 330 جنيه هنا:
https://ipn.eg/S/ahmedsayedelbanna/instapay/1Vlfm4

وبعدين اعمل login من المتصفح على حسابك

وادخل اللينك ده اعمل كوبي للصفحة كلها وابعتهولي، ده الـSession اللي إنتا فاتحه، ما تسجلش خروج ولا تقفل لحد ما أقولك Done
https://chatgpt.com/api/auth/session

أنا هفضل صاحي ساعة بالكتير ألحق أنجز للي محتاجه الاشتراك على طول إن شاء الله

لو معاك حساب GitHub قديم، عدى عليه أكتر من شهر مش أكتر، تقدر تستفيد بـ150 دولار كريديت فيهم نماذج زي Claude Opus 4.7 و 4.6

هتسجل من اللينك ده
https://agentrouter.org/register?aff=QKGY

وتعمل تسجيل باستخدام GitHub

وهتلاقي هنا تفاصيل استخدامه في Claude Code أو KiloCode أو RooCode

http://docs.agentrouter.org/en/start.html

ولو استفادت وحبيت تخلي حد تاني يستفيد شير الرسالة باللينك بتاعها على الجروب

أنا عندي مخزون استراتيجي كبير لخدمات مدفوعة تقدر تجربها شهر مجاناً وممكن سنة، مش فاضي أحطه بس للأسف وفي عروض كتير خلصت منها للأسف

المهم بس شجعوني وأنا هدلعكم إن شاء الله

توضيح بخصوص اشتراك Canva Business

تكلفة الفرد داخل التيم هي 3400 جنيه في السنة

إنتا بتاخدها بـ150 جنيه!

بتاخد اشتراك Leonardo AI Essential بمجرد ما تسجل دخول بكانفا على Leonardo.ai

الـBrand Kit خاصة باشتراك البيزنس مش موجودة في باقي الاشتراكات.

كل حاجة أنا كصاحب الحساب بستفيد بيها، إنتا كمان بتستفيد بيها.

وده كان توضيح واجب عشان الفرق بينه وبين أي اشتراك كانفا تاني ما كانش واضح بشكل كافي

وعلشان الاشتراك ما يستهلكش جهد مالوش داعي، هتحول تكلفته وتبعت إيميلك

لو ما عرفتش تقبل الـInvitation اللي هتوصلك على الميل مش مهم، كده كده هرد عليك بلينك تفعيل خاص بيك

والمريح نفسياً في الاشتراك ده إنه مش معمول بأي ألاعيب، ومافيهوش أي شبهة شرعية.

ده رقم إنستاباي وفودافون كاش:
01090365550
دوس عليه هيتنسخ

محدش يحول اشتراكات على فودافون كاش غير لو إنستاباي غير متاح

تحويلات فودافون كاش بيتضاف عليها 1٪ زيادة

لكن لو اشتراك أصلاً رخيص زي ده ابعت تكلفته بس

صباحكم فل 🌹

السلام عليكم ورحمة الله وبركاته

-الرسالة دي هتكون تحديث مؤقت على بعض الخدمات.

1- ChatGPT Plus:

شهر العسل خلص، وفي انتظار محاولات قليلة لاستعادة خدمة التفعيل الآمن مرة تانية، وأنا واخد كل الطلبات اللي اتدفعت بعد ما الدنيا وقفت في Waiting List لكن ما رضيتش أفعل في الساعات القليلة اللي الخدمة رجعت فيها لأني مش هعرف أدي ضمان.

أنا هتكلم عن ChatGPT في رسالة منفصلة وليه كنت بحاول أقنع الناس اللي بتشتغل بالـAI في أي حاجة تشترك في الـPlus وتستغل الأوكازيون اللي كان معمول ده، لكن خير إن شاء الله ونتمنى تتحل.

2- ChatGPT Business Admin Account:

مؤقتاً هتتوفر أكاونتات بيزنس، الأدمن بال5 دعوات اللي ممكن يستخدمهم

ولو حابين تستخدموه من خلال دعوة فقط هبقى أشغل أكاونت أبعت دعوات منه للي محتاج

ChatGPT Business
ميزته إنه بيديلك فرصة تجرب النسخة البرو، ودي هتفرق جداً في مهام معينة، حاول تتأكد إن محتاجه أصلاً قبل ما تطلبه

عيبه إنه اشتراك ما بيتجددش ومش عارف ينفع تقبل دعوة جديدة كل شهر مرة ولا لأ، لسه هسأل فرج أو بسيوني وَأرجعلكم في النقطة دي.

Admin Account + 5 Invitations = 500 L.E

1 Invitation = 150 L.E
———

نيجي لتسعير Gemini بشكل مختصر، لأن برضه شهر العسل بيخلص واشتراك السنة في طريق للتوقف، وساعتها سعر اشتراك الـ18 شهر هيطير.
(واللي أقصده بالتوقف هو توقف تفعيل حسابات جديدة مش توقف الحسابات المشتركة بالفعل).

-Google AI Pro 5TB

1- 12 Months Subscription.

- 400 L.E for a family seat

- 850 L.E for full subscription on your personal account

2- 18 Months Subscription.

- 600 L.E for a family seat.

- 1200 L.E for full subscription on your personal account.
—–


3- Claude:

-Claude Pro 1.25x Team Seat

قررت أرتاح وأشتري دماغي وأوفرلكم Claude Pro لكن Team Seats
يعني هتتضاف في تيم
التيم مش حساب مشترك
أحمد البنا ما بيبيعش حسابات مشتركة
لو عملت كده طخوني

الميزة اللي هتعوض إن السعر مش جامد، إن حدود الاستخدام مرفوعة بشكل يدوي من الـTeam Admin لـ25٪ زيادة
تقدر تسميه Claude Pro 1.25x مثلاً.

سعر الشهر:
900 جنيه، وده مجرد بيع خدمة مطلوبة لسد احتياج بنية قضاء حاجة للي متعطل عليه، هامش الربح لا يستحق أي مجهود غير ربما لو جه Bulk Orders

-Claude Max 5x
أنا لحد كتابة الرسالة تحملت فرق زيادة السعر اللي اتضافت عليا بعد الإعلان عنه لكن خلاص السعر هيتعدل بيها بدءً من الآن.

Price: 4650

-Claude Max 20x

Price: 7850 L.E
——


خدمات سعرها تم تخفيضه:

1- LinkedIn Premium Career 3 Month

Price: 250 L.E/1 Activation Link

لو هتشتري تفعيلين يبقى 200 جنيه

أكتر من 15 تفعيل: 100 جنيه
———

2- Perplexity PRO

Price: 650 L.E

كان 800 والنزول ده مؤقت، السعر هيتعدل لو التكلفة رفعت تاني، وهينزل لو التكلفة قلت أكتر.
——

تفعيلات تواريخها جديدة
Kaspersky Premium 1 Year
250 L.E

Microsoft Office 365 + 1TB OneDrive
500 L.E

Canva Business + Leonardo AI Essential 1 Year
150 L.E

———

لما ربنا يكرمني وأنام إن شاء الله هنزلكم ليستة الخدمات الجديدة بقى اللي فيها كل الحاجات اللي ما نزلتش لسه

بس تنبيهين بخصوص Cursor Pro و Lovable الاشتراكات السنوية
Cursor
بقى Preorder وما أعرفش هيرجع بكميات إمتا
والسعر أصبح 5200 مش 4800
Lovable
خلص واتوفر تاني بكمية محدودة وما أعرفش هيفضل موجود لإمتا

وممكن نزود
Manus
فاضل تفعيلين ويدخل Preorder مع Cursor
وسعره رفع من 4000 لـ4700
هيرجع 4000 بمجرد ما يكون في ستوك غير التفعيلين المتاحين إن شاء الله
———

إنستاباي:
https://ipn.eg/S/ahmedsayedelbanna/instapay/1Vlfm4
————

تعقيب أخير:

أنا لسه تعبان والله لكن النهارده رديت على كل الرسايل (أو هكذا اعتقدت) لحد ما اكتشفت بالصدفة إن في حفلة رسايل ما أخدتش بالي منها لأنها غرقت تحت، ارفع رسالتك بنوع الطلب اللي فيها لو لسه ما وصلتش لرسالتك

-لكن مش ده التعقيب، وأرجو تقبل اللي جاي ده بصدر رحب من فضلكم لأن الموضوع ده بيسبب إحراج لا يمكن تجنبه لما أقوله في شات مقفول:

-أنا كان نفسى أبقي Encyclopedia وويكيبيديا و Redit و Google وأجدع Know it all في الدنيا، محدش يكره، لكن مافيش نصيب
فأرجوك قبل ما تسألني أي سؤال، اسأله للـAI الأول (إلا لو سؤال طبي وحسيت إني ربما أقدر أفيدك)

الاستسهال بالشكل اللي بيحصل من الناس ده غير مقبول والسماح بيه من باب الذوق والأدب هيساعد في تفحش الكسل ولا مؤاخذة الرعونة اللي الـAI ومن قبلهم الـScrolling بلا هدف في Shorts, Reels & Tiktok عملوا تعفن دماغي وحالة غير مقبولة من الفنيخة اللي أنا عاجز عن تقبلها بأدب.


مش هرد على سؤال أي عملية بحث أو سؤال للـAI قبل سؤالي كانوا هيبقوا أسرع وأكثر كفاءة في الرد عليه

البنات بس اللي مفهوم خلاص وأصبح أمر واقع إنهم في التكنولوجيا ما شاء الله بطيخة

بلاش تسيب نفسك تتحول لبطيخة

هذا والله ولي التوفيق

تعديل 1:

بعتذر للبنات والله مافيش راجل بيجازف بحياته سهل كده ويستهدف عموم البنات في رسالة لوحدهم

عدد الحروف الأقصى لرسايل تليجرام لبسني في الحيط مع أكثر الناس تسامحاً يعني، كتر الكلام بيجيب الغلط
وما شاء الله أنا يجرالي حاجة لو لخصت وأنجزت

قناة تكنولوبيا أنصح جداً بمتابعتها ومتابعة القائم عليها، كنت عامله فولو على الفيس بوك لكن ناسي الإسم للأسف

واللي مكتوب ده كلام مظبوط قافلني من أم الـAI ومقعدني فعلاً مراقب جودة زي ما مكتوب

الإنسان مش حمل أزمة ثقة في أخوه الإنسان والآلة كمان، كده فعلاً هذا العيد سوف لن نشتري شجرة، سنكون نحن الشجرة 🌴

⚠️ بتستخدم ال AI؟!
يبقى بلاش تقرا البوست ده!!

لو أنت من الناس اللي بتستخدم الـAI كل يوم في الشغل أو الدراسة أو الكتابة أو التفكير أو حتى اتخاذ القرار… فخلي بالك: المشكلة مش إن الذكاء الاصطناعي “غبي” أو “خطر” في حد ذاته، المشكلة إنك ممكن تستخدمه بطريقة تخلي دماغك هي اللي تكسل.

الـAI النهارده بقى بيكتب، يلخص، يبحث، يقترح، يحلل، يصمم، يراجع، ويطلع لك إجابات شكلها واثق ومنظم ومقنع. وده مغري جدًا، لأنك فجأة بتحس إنك بقيت أسرع، أشطر، وأكثر إنتاجية. بس تحت الإحساس ده فيه سؤال أهم: هل أنت فعلًا بقيت أذكى؟ ولا بقيت بس أسرع في تسليم تفكيرك لآلة؟

في دراسة منشورة عبر Harvard Business Review، باحثون من Boston Consulting Group وجهات أكاديمية درسوا ظاهرة جديدة بيسموها “AI Brain Fry”، أو الإرهاق الذهني الناتج عن الاستخدام المكثف أو المراقبة المستمرة لأدوات الذكاء الاصطناعي. الفكرة ببساطة إن الموظف بدل ما الـAI يخفف عنه الشغل، يلاقي نفسه بيعمل شغل جديد: يكتب prompts، يراجع مخرجات، يقارن بين أدوات، يصحح إجابات، يتأكد من الدقة، ويعلّم أكتر من أداة هو عايز إيه بالضبط. يعني بدل ما كان المفروض الحمل يقل، الحمل المعرفي زاد.

الدراسة دي اتعملت على 1,488 موظف بدوام كامل في الولايات المتحدة، ووجدت إن 14% من مستخدمي الذكاء الاصطناعي قالوا إنهم تعرضوا لنوع من الإرهاق الذهني المرتبط بالـAI. الأعراض اللي وصفوها كانت قريبة من “الزغللة الذهنية”: إحساس بضباب في الدماغ، صداع، بطء في اتخاذ القرار، وإحساس إن الشخص مش قادر يحدد إذا كان الشغل اللي طالع بمساعدة الذكاء الاصطناعي منطقي فعلًا ولا لأ.

الأخطر إن المسألة مش مجرد تعب. حسب تقارير عن نفس الدراسة، لما الموظف يبقى مضطر يراقب مخرجات الذكاء الاصطناعي بشكل مكثف، ده بيزود المجهود الذهني، وبيزود الإحساس بالإرهاق، وبيخلق “فيض معلومات” أكبر من قدرة الدماغ على المعالجة الهادية. يعني أنت مش بس بتستخدم أداة، أنت أحيانًا بتتحول لمدير مراقبة على جيش صغير من الأدوات اللي بتنتج داتا بسرعة أعلى من قدرتك على الفهم والمراجعة.

وده يفسر ليه ناس كتير حاسة إن الـAI بيخليها تنتج أكتر، بس في نفس الوقت مستنزفة أكتر. لأنك بقيت عايش في وضع مراجعة مستمرة: هل الإجابة صح؟ هل فيها هلوسة؟ هل الأسلوب مناسب؟ هل الأرقام دقيقة؟ هل أستخدم ChatGPT ولا Gemini ولا Claude ولا Perplexity؟ هل أطلع نسخة تانية؟ هل أطلب تحسين؟ هل أراجع المصدر؟ وهكذا… لحد ما تلاقي دماغك اتحولت من “مفكر” إلى “مراقب جودة” شغال 24 ساعة.

واللي بيزود المشكلة إن الذكاء الاصطناعي بيكسر حدود الشغل الطبيعية. بما إن الأداة موجودة طول الوقت، وسريعة، وبترد في ثواني، فده بيخلق إحساس إنك تقدر تشتغل في أي وقت: بعد الدوام، في الويك إند، في الإجازة، وأنت تعبان، وأنت المفروض تفصل. وهنا الـAI بدل ما يبقى وسيلة لتحرير وقتك، ممكن يتحول لسبب يخلي الشغل يطاردك أكتر.

بس فيه نوع تاني من الخطر، ويمكن أخطر من الإرهاق نفسه: إنك متتعبش أصلًا.

يعني بدل ما تراجع ورا الـAI وتتعب من كتر المراقبة، فيه ناس بتعمل العكس تمامًا: تاخد الإجابة زي ما هي، وتقول آمين. وهنا يظهر مفهوم مهم اسمه “الاستسلام المعرفي” أو Cognitive Surrender.

دراسة من باحثين في جامعة بنسلفانيا/وارتون تناولت الظاهرة دي من خلال أكثر من 9,500 تجربة على 1,372 مشاركًا. النتيجة كانت مقلقة جدًا: لما الذكاء الاصطناعي كان بيقدم إجابات أو تفسيرات غلط، المشاركون قبلوا الخطأ بنسبة 73.2% من المرات، وفي المقابل لم يرفضوا أو يصححوا الخطأ إلا في حوالي 19.7% من الحالات.

يعني المشكلة مش بس إن الـAI ممكن يغلط. المشكلة إن الإنسان قدامه ممكن يبطّل يشك. لأن الإجابة طالعة بلغة واثقة، مرتبة، وشبه احترافية، فالعقل بيتخدع بالشكل. وبدل ما يسأل: “هل الكلام ده صح؟”، بيقول: “أكيد صح، ده مكتوب بطريقة جامدة.”

وهنا الخطر الحقيقي: الذكاء الاصطناعي مش بس بياخد منك مهمة الكتابة أو البحث، ده ممكن ياخد منك عادة السؤال نفسها.

وفي دراسة تانية من MIT Media Lab بقيادة الباحثة Nataliya Kosmyna، تم تقسيم 54 مشاركًا إلى ثلاث مجموعات لكتابة مقالات قصيرة: مجموعة تستخدم ChatGPT، ومجموعة تستخدم محرك بحث، ومجموعة تعتمد على دماغها فقط. الباحثون استخدموا قياسات EEG لمراقبة النشاط الدماغي أثناء الكتابة، ووجدوا إن مجموعة “الدماغ فقط” أظهرت أقوى شبكات اتصال ونشاط ذهني موزع، ومجموعة البحث أظهرت نشاطًا متوسطًا، بينما مجموعة ChatGPT أظهرت أضعف اتصال دماغي. كمان مستخدمو ChatGPT كانوا الأقل إحساسًا بملكية النص، وواجهوا صعوبة أكبر في تذكر أو اقتباس ما كتبوه بأنفسهم.

بمعنى أبسط: لما الإنسان كتب بنفسه، دماغه اشتغلت. لما استخدم البحث، دماغه فضلت شغالة بس بدرجة أقل. لما سلّم المهمة للشات بوت، النشاط المعرفي قل بشكل واضح.

السلام عليكم ورحمة الله وبركاته

محتاج أعمل مداخلة صغيرة للناس الجديدة معانا هنا، تعريف بيا مش أكتر وبالخدمات اللي أقدر أفيد فيها.

أنا أحمد البنا، 33 سنة، خريج كلية الطب والجراحة بجامعة 6 أكتوبر، طبيب غير ممارس للمهنة، لكن شاطر جداً في أجزاء معينة منها برضه.

أنا شغال بشكل تجريبي من 2014 وفتحت جروب الفيس بوك في 2015 وأنا في سنة خامسة وبدأت وقتها شغل بشكل رسمي لكن متقطع ولا يعتمد عليه وده لأسباب هيتم ذكرها في نهاية الرسالة.

مجال خبرتي الأساسي كان الشراء من الخارج، واتعلمت بسبب الاحتكاك بشركات كتير Disputes Escalation & Resolution

بعمل أي حاجة محتاجة Middleman، وده يعتبر التوصيف الوحيد الشامل لكل حاجة بعملها.

عندي خبرة كبيرة في التعاملات المالية محلياً وفي الخارج، تقليدية وعبر الـBlockchain، وعندي خبرة جيدة في التعامل مع القطاع المصرفي وكان سبق ونشرت عصارة تجارب مع معظم بنوك مصر.

كل حلول الدفع، كروت افتراضية، استقبال، تحويل، وبالتبعية دفع المصروفات الدراسية بكامل أشكالها (تحويلات للجامعات، دفع كورسات و Test Exams وصولاً لدفع امتحانات السادة الزملا في طب أو أي كلية تانية)، وعدد اللي استفادوا من الخدمة دي كبير جداً ومغطي كامل جامعات مصر تقريباً.

اشتغلت Affiliate لخدمات كتير لكن أي تسويق كان لخدمات ومنتجات بختارها، أراجعها أو أختبرها بنفسي، وده دومين تاني لخبرة طويلة في مراجعة واختبار المنتجات والخدمات التقنية تحديداً.

(ده بيجعل جزء كبير من المحتوى ترشيحات/تحذيرات)

انقطعت الصلة بشغل الـAffiliation بعد السابع من أكتوبر 2023، ومقاطعتي على الجروب لأي عملية تسويق لنون أو أمازون، وده أكبر قرار مكلف أخدته في أي حاجة تقريباً وتبعاته لحد قريب كانت في منتهى الصعوبة وآخر كام شهر كانوا أصعب لأن Affiliation أمازون تحديداً أخد طابع شبه رسمي، والناس اللي كلموني عشان أبدأ في الشكل الجديد ده كتر خيرهم على احترامهم لقرار الرفض استكمالاً للمقاطعة.

(وهنا ضروري التنبيه إن ده قرار شخصي، لا عدم المقاطعة حرام أو إثم، ولا أنا أصلاً بشكل شخصي أعرف أقاطع نون وأمازون، وأي حد مش مقاطع وبيتهاجم لده فهو تدخل مش من حق حد، العتاب الوحيد هو عدم مقاطعة المنتجات داخل المقاطعة من قائمة BDS أو أي قائمة أخرى وبرضه مسألة احترامي أو عدم احترامي لده شيء شخصي).

سبب تأخيري المستمر في الرد على الرسايل ومتابعة الجروب والاهتمام بيه بشكل أفضل، وإن لحد النهارده مافيش أي تطوير حقيقي لاشتري صح رغم إنها شركة بسجل وبطاقة وورق رسمي يعني هو الآتي:

-أنا مريض Fibromyalgia من 2014
-و Epilepsy من سن 10 سنين لكن كانت بؤرة صرعية فقط وتفاقم الوضع مع بداية الإصابة بالفيبروميالجيا في 2014 نتيجة مضاعفات نادرة جداً لعملية منظار استكشافي للركبة.
أغلب الظن إنها كانت aseptic meningitis لأنها لو كانت أي شكل تاني من أشكال الـMeningitis وما كانتش اتشخصت فوراً كانت انتهت بالوفاة لكنها كانت textbook meningitis عموماً وده عرفته لما أخدت نيورو وعرفت إنها بديهيات غابت لسبب ما عن دكتوري الجهبز والتخدير بنسبة كبيرة هو السبب للأسف.

ده كان Trigger لـChain Reaction دخلت فيه من مرض مزمن للي بعده للي بعده لحد ما بقت قائمة طويلة بعدد أقراص دواء يومية يتجاوز الـ50، وبعدد أدوية في متوسط الـ30 دواء تقريباً اللي إدارتهم أصبحت مهمة مستحيلة على أي طبيب أو صيدلي وأنا اللي مسئول مسئولية كاملة عن إدارة حالتي وإدارة التداخلات الدوائية اللي وصلت مستوى بالغ التعقيد حالياً.

-معاناتي مع الألم المزمن كانت في منتهى العنف لحد 2019 تقريباً، لكن الألم المزمن والـEpilepsy كانوا مشاكل ثانوية بالنسبة للي بدأ من 2017 وهو مشكلتي الرئيسية اللي مسئولة لوحدها عن هذه الحياة الملخبطة.

Narcolepsy with Cataplexy (Narcolepsy Type 1)

ولأن هذه البطاقة التعريفية دخلت في تفاصيل شخصية جداً، مش هينفع خالص أشرح يعني إيه الإسم اللي فوق ده، وصدقني لو بتقرأ وإنتا من أهل التخصص المسئول عنه، طب النوم والأعصاب، فمهما كان مستوى خبرتك لن تصل للقمم العلمية اللي اتعاملت مع الحالة وكان فهمها ليها نظري بدون خلفية حقيقية عن المأساة اللي هو متسبب فيها.

رغم إن ده مرض نادر وعدد المتشخصين بيه في مصر قليل جداً جداً لأن التشخيص صعب، إلا إني أنا اللي شخصت نفسي قبل تأكيد دكتور طارق أسعد - عليه رحمة الله وجزاه عني كل خير- للتشخيص، وتوفيق ربنا للتشخيص أنقذني من مصيبتين، وده كان أول مرض يتقفش بفحص مافيش دكتور ينفع يتهمني فيه بإني واهم نفسي أو مدعي أو قذارات لم تنتهي أبداً من أساتذتي الأفاضل اللي أنا رحت ولا جيت كنت في مكانة زميل مستقبلي ليهم على الأقل، أقذر هذه التجارب كانت على إيد شيخ جبر الخواطر أستاذ دكتور حسام موافي لا سامحه الله وجراح مخ وأعصاب من عين شمس عليه من الله ما يستحق (ما عرفتش أحفظ إسمه لأنه كان في توقيت مش فاكر كل حاجة منه للأسف)،

وأستاذ دكتور علي شلش عليه من الله ما يستحق هو كمان.

-من 2017 وقت تشخيص الناركوليبسي، بل من 2016 عموماً وأنا بختبر على مراحل كيف يكون السيء أسوأ، وكيف للطف الله أن يُرينا إعجازاً لا تسعه مداركنا، ورغم أن قائمة المشاكل طويلة فعلاً وعاملة زي الويندوز ليها Major Update كل فترة إلا إن استمرار المحاولات بلا ملل وصلني لتقدم كبير جداً الحمد لله.

-الناركوليبسي غير كافي لصنع الوضع الحالي، لو جسمك بالكامل في حالة إعاقة لكن المخ محتفظ بقدراته فعادي تتعاير بستيفن هوكينج ونماذج كتير ملهمة، لكن المخ لم يسلم، وكان أول ضحية، ودي مشكلتي الوحيدة اللي العلم لسه عاجز عن إحراز أي تقدم فيها، والتأثر ده أكبر بكتير من الناس اللي تحت تأثر مشابه لأسباب برضه في غاية الغموض.

-كل هذه الإثارة، وكل ذلك التشويق، هتشوفني لو شفتني في هيئة طبيعية، شخص لا تبدو على هيئته أي مشاكل، ولولا العصاية اللي بحتاجها معايا وأنا خارج من البيت كان يستحيل أي حد يصدق كلمة اتقالت أو ما اتقالتش هنا، واللي قدراً وراها تعقيد غريب هي كمان.


-ده كافي لإنك تعرفني أحسن من غالبية اللي يعرفني.

-وده كافي عشان محدش يقولي تاني يا هندسة

-وده أكتر من كافي عشان تحاول تتفهم الإدارة السيئة لكل شيء هنا لحين التمكن من ضبطها إن شاء الله.

-نشكركم على حسن استماعكم ورجاءً بلاش صعبانيات، أنا متصالح جداً مع كل اللي فوق ده، وما بحبش ردود الفعل اللي بعد هذه الكتابات.


-أنا كنت عايز الناس الجديدة بس تبطل تقولي يا هندسة لكن الموضوع كبر مني سيكا 🤷🏻‍♂️

مجموعة بهاريز ع السريع + كام تحديث

1- مشتركي LinkedIn Premium:
ما تنسوش تعملوا Redeem للـBenefits بتاعة اشتراككم واللي أصلاً أي حد بيشغل دماغه بيفكه من LinkedIn ويدخل يلمها
معاك Notion Business 3 Months
معاك NordVPN Basic 3 Months
Headspace 4 Months

وزمان كان في Lovable وحاجات أجمل من كده

2- اشتراك ByteByteGo.com
بعتذر عن التبليغ المتأخر لكن ده موقع عليه كورسات غالية جداً ومتاح تستفيد بيها كلها مجاناً لحد 1 مايو

بتعمل حساب وبعدين تختار Access Courses

3- لو حابب تجرب اشتراك Duolingo البريميوم فده بيتوفر معايا طرق ليه باستمرار وبنسى أنزلها، خلال الشهر ده كان متاح الاشتراك مجاناً في أغلى Plan عندهم، دلوقتي متاح اشتراك بريميوم لمدة شهر مجاناً
افتح هنا: https://duolingo.com/redeem
دخل الكود ده: DUOBNB2026
دوس عليه هيتنسخ
مبروك الشهر

4- 50 دولار رصيد على VAPI
سجل هنا:
dashboard.vapi.ai
دخل الكود ده:
VAPIHERVOICE

5- بالنسبة لكارت ينفع تضيفه في كل التفعيلات دي غير ByBit

كارت Payy
هتسجل من هنا:
https://payy.link/invite/B5J659
َتعمل الكارت وتوثقه وتسيب عليه دولار والأفضل 2 دولار

كل التفعيلات تتعمل بيه ونرتاح من صداع ممعاييش كارت ده

وممكن في يوم نشحن لكل الناس عليه لو الموضوع فيه صعوبة.

6- اشتراك ChatGPT Business توقف تماما وعملت Refund لكل الناس ما عدا اللي ممكن يكونوا حولوا تمنه لكن ما فعلتلهمش لسه.

اللي محتاج ChatGPT ضروري فأنا ما عنديش مانع أعملكم اشتراك ChatGPT Plus على أكاونتات مش خايفين يحصلها حظر لأن الناس زعلانين ومش عارف أساعد خوفاً على حساباتهم.

7- تفعيلات السنة ونص النهارده فقط
900 للحساب الكامل
450 للـFamily Seat
بعد 12 نعود كما كنا إلا لو كنت حولت بالفعل

خلاص بنام على نفسي والأخطاء الإملائية هتبقى كتير فكفاية كده


ارجعوا للرسايل اللي فاتت لأي استفسارات

ده للتواصل الشخصي:
@A7med_Elbanna

ده جروب المناقشات، الطلبات والأسئلة:
https://t.me/EshterySa7_Community

لو إنتا تتجر وعندك منتجات رقمية ابعتلي على حسابي الشخصي:
@AhmedSayedElbanna

والأكاونت ده شخصي، ما بردش فيه على رسايل شغل باستثناء اللي حددتها دلوقتي

InstaPay & Vodafone Cash:
01090365550

تحويل فودافون كاش تضرب سعر الخدمة في 1.01 يعني تزود 1٪

وفي رسالة منفصلة:

برد على الرسايل من 10 بالليل لـ10 الصبح
بعد صلاة الفجر هو أفضل وقت لو محتاجني في أي حاجة وحتى لو عايز تتصل تقدر تتصل بعد الفجر عادي

الناس اللي عندهم فيبروميالجيا ويقدروا يتحملوا تكاليف علبة شهرية من الـCreatine Monohydrate
اشتروه من المصدر اللي يعجبكم
ولو مافيش مشكلة مادية خالص وتعرفوا تجيبوا كرياتين مصدر المادة خام بتاعته هو CreaPure الألماني ده يكون أفضل لكن مش لازم بصراحة، مجرد إشارة لأنقى وأفضل منتج للكرياتين

هتحلل وظائف كلى بس الأول وتتأكر إن الدنيا تمام

وهتجرب تعمل اللي هقولك عليه 6-8 شهور

أنا لا بتاع طيبات ولا خبائث ولو فيا صحة أتكلم هطلع أشبشب لكل ولاد الكلب اللي ماشيين في ديل هوجة الجهلة دول

لكن هبطل انتظار لحظة قدرتي على صناعة محتوى وهبدأ بحاجة بسيطة مش هتلاقي حد يراجعها ورايا ويقولك إن حدوث ضرر منها ليه أي ثقل إحصائي يجب وضعه في الاعتبار

راجع ورايا بـAI بأي عفريت أزرق تختاره، استخدم أهليتك العقلية في إنك تطلعني حمار بشكل مبني على الدليل وأنا والله العظيم أطلع أشكرك علناً

لكن هتبدأ الكرياتين بالـLoading Dose
من خمس لـ7 أيام
هتتمرقع ومش هتعرف تاخده كل يوم خلاص من دلوقتي ما تتعبش نفسك

الكرياتين بالذات من الحاجات اللي أي حد عدى 30 سنة وقادر ينتظم عليها يا ريت يعمل ده، لو حد عنده أي عامل من عوامل خطورة الإصابة بالألزهايمر يا ريت ياخد الموضوع بجدية أكبر
لو أقدر أقنع بابا وماما وكلام الإنسان بيتسمع كنت مشيتهم عليه لكن ده مش هيحصل

بس خلينا نبدأ مع مرضى الفيبروميالجيا

وأرجوك ما تخليش أمازون تعفرتك واشتري من الحتة اللي تريحك

من كذا أكاونت وخزن بالسعر ده بعد ما تعمل Redeem للكوبون في صفحة المنتج وتشتريه عن طريق اشترك ووفر

سعر نادر تحقيقه بدون خصومات الكروت بتاعة مواسم العروض

لو عندك أي مشاكل ذهنياً أو إرهاق مستمر وشكاوى تدور في فلك الإرهاق ومالهاش ماسكة كده فجرب إنتا كمان


تحليل وظائف الكلى
واستعداد مادي لاعتبار ده تجربة
مجرد تجربة
تشوف إيه اللي ممكن يتغير بيها

ولمريض الفيبروميالجيا تحديداً
من فضلك قيس كويس جداً قدرتك على عمل تمرينات تستهدف مجموعات عضلية مختلفة قبل ما تبدأ واكتب في ورقة تعبت بعد أد إيه وأخدت كام يوم في التعافي العضلي

وفي صفحة منفصلة تأثير قلة النوم على الألم حدته شكلها إيه دلوقتي قبل ما تبدأ

تعودوا بالعافية 🤝🏻

ليستة المنتجات الجديدة المتسعرة جاهز في ديزاين نضيف متأخرة لسبب صعب شوية

خلال آخر فترة أنا نوعت التجار اللي بتعامل معاهم عشان أوفر حلول لستوك خلصان، لسعر غالي أوي، لضمان على خدمة مافيش عليها ضمان

وأثناء هذا التوسع كان إجمالي الخسائر من التجار النصابين أو اللي ما وفوش بالضمان اللي ملتزمين بيه 548 دولار في زمن قياسي خلاني مش شايف أدامي + 75 دولار رصيد بدل الريفند أبقى أشتري بيه اللي محتاجه من خدمات سعرها مضروب في 2 وبحاول أحتاج منها حاجة مش لاقي حاجة

قد تظن إن اختياراتي مدمرة حياتي وكده

خالص الخساير دي كلها ناتجة عن نوعين تجار
تاجر كبير وتقيل والكل بيتعامل معاه وبقالي شهرين عامل منه مشتريات غير طبيعية، لكن فجأة تظهر خوازيق، يرد الفلوس ولا يبدل ولا يحطها رصيد أشتري بيه حاجة تانية؟
لأ، هو قرر إن حجمه أكبر من إن أي حد مهما حاول يعرف يأذيه، والتعاملات العابرة للقارات دي مافيش فيها ماسكة لحد، فما كانش في مؤشرات للكلام ده.


تاني واحد كانت مصيبته كان حجمها كبير وقتها لكن أخينا اللي فوق ده قدر يخلي حجمها شديد الصغر، وده نصاب بيبذل مجهود، ولو شرحت هو بيعمل إيه للأسف ولاد حرام كتير تانيين هيستغلوا الخطة اللطيفة دي في عمليات نصب كتير.

القاسم المشترك بين كل النصابين اللي قابلتهم في حياتي، إنهم لو استغلوا نجاحهم في إنهم يوصلوا لناس ويبيعولهم بالفعل خدمات في إنهم كانوا بالفعل يبيعولهم ويكسبوا منهم كلهم بدل ما تبقى يللا نهبر ونجري، كانوا عملوا بيزنس ناجح واخد منحنى نمو تصاعدي ممتاز
كلهم بيبصوا تحت رجليهم رغم إنهم بيبذلوا مجهود خرافي سهل في وجود أي بوصلة أخلاقية يكون مصدر دخل مستقر.

الظاهرة الجديدة نسبياً، هي إن ساحة النصب دي بدأت قاعدتها الأساسية تكون عيال من مواليد الألفينات، Gen Z إبن الكلب ده

ثقافة مصلحة السبوبة، انتش واجري، وكل ما يخلق حالة ثراء سريع مؤقتة تعطي وهم بسهولة صناعة الثروة لو شغلنا دماغنا شوية بتكون نتيجتها شخص بيقدر يجيب فلوس لكن ما يعرفش إزاي يديرها، إزاي الفلوس تجيب فلوس، والأخطر وما يتم إدراكه متأخراً، هو فجوة عميقة في المجتمعة بين ناس سمعتها هي رأس مالها، وناس رأس مالها حرق سمعتها وهد المعبد ع اللي فيه.

واللي اتلسع م الشوربة ينفخ في الزبادي وكل الناس تمشي تحسس بقى من كتر الـTrust Issues


اللي فات ده كلام جميل وكل حاجة بس كان غرضي منه بصراحة التمهيد لإن هامش إدارة المخاطر اللي الحمد لله عملت في حياتي حاجة صح وقدرته تقدير سليم نسبياً هذه المرة أصبح مرتفع

وعشان بس ألحق نفسي وما أخليش شغل الـDigital Products ده يبوظ أي حاجة تانية عملتها، فأنا بعد كده هقسم المنتجات لقسمين
قسم اشتري على مسئوليتك الكاملة لو محتاجه، ولو حصلت مشكلة رغم إني ما ألزمتش نفسي بشيء وقدرت أحلهالك هحلهالك إن شاء الله

لكن نقفل الدايرة على المنتجات اللي مافيهاش مشاكل أو مشاكلها قليلة، وما أشغلش دماغي بأسعار الناس

مش هيحصل إن الخسائر تتوقف، لكن لازم المكسب يغطي ميزانية إدارة المخاطر بشكل ما يأثرش على جودة الخدمة، لأن في منتجات بهدلتني الفترة اللي فاتت زي أدوبي والعودة للشغل فيها هيكون بنظام مختلف تماماً


أنا بدأت تقديم الخدمات دي بالصدفة وسط شغل تاني المفروض إني أرجع أكمل تجهيزاته لأنه اتعطل بقاله شهرين، فما كنتش عامل حسابي على شكل المجهود اللي تم بذله الفترة اللي فاتت.

في تجارب منتجات وحاجات من الشغل القديم اللي كان أساس اشتري صح، ورغبة حد زي حالاتي في إنه يعمل كل حاجة بتخليه يسيبها تتطربق وما يعملش أي حاجة الحمد لله يعني.

دي كانت فضفضة أكتر منها أي حاجة تانية، مافيش فيس بوك أصدع بيه الناس فمافيش أدامي حد أصدعه غيركم للأسف 🤷🏻‍♂️

-أنا مضطر أجازف وأخاطر بإني أرجع أتكلم من حين لآخر عن وضع غزة السيء، وتراخي الناس في التبرع من بعد الهدنة.

-أنا لا أقدر على دفع ثمن رسالة زي دي لكن في كم هائل من البشر كان المكان ده بيساعدهم في يوم من الأيام وأصبحت غير قادر على تقديم أي شيء ليهم إلا فتات ما كان قائماً بالسابق، واللي فيه مخاطرة كبيرة جداً والله برضه.

=> أول مشكلة:

-دار رعاية الأيتام "نحن أهله" بالنصيرات اللي في آخر أيام جمع التبرعات هنا كان رجعلها أمل كبير في وجود مصدر تبرعات ثابت نوعاً ما، ثم انهار كل شيء.

-الدار تتابعت عليها الابتلاءات لأني عرفت أوصلهم بمؤسسة كبيرة تساعد معاهم، والوسيط داخل غزة على الأرض سرق تبرعات المؤسسة ليهم وما كانش بيوصلها زي ما كان مكلف وأُنعي التعاقد معاه لأنه تقريباً كان بيستغل كل الأطراف ودي ما كانتش أول سابقة.

-الدار كانت بتلم تبرعات عن طريق gofundme
لكن ده لازمله وسيط مقيم بالخارج وغير متاح مباشرةً لأي غزاوي
فكان الوسيط سيدة غزاوية مقيمة بأمريكا حالياً
سرقت التبرعات وانتحلت صفة المؤسسة فترة ثم غيرت إسمها ومستمرة في الاحتيال على آخرين

مشكلة gofundme دي لسه هحاول أساعد فيها لأن سياسات المنصة فيها حماية للمتبرعين، وعلى الأقل نحاول نقفل على الست دي باب سرقة المتبرعين ده، ويمكن في النص ألاقي حل يوصل الدار بمتبرعينها القدامى على الحساب المسروق.

-كتبت سابقاً عن إنهم بيحاولوا يفتحوا فرع تاني في دير البلح، ده أصبح بلح، طار خالص دلوقتي.

-في طرق كتير للوصول للدار ومساعدتها،
ده لينك godundme اللي ما بقاش بتاعهم (وللأسف وقت نزول الرسالة حطيته على إنه الخاص بالتبرع ليهم) محدش يبعت حاجة عليه:

https://gofund.me/16b60777

-ده إنستجرام بتاعهم لو حابب تعرف توصلهم تبرعك بشكل مباشر إزاي ابعت اسألهم:
https://www.instagram.com/nahnu_ahluh

-أنا مش عارف أساعدهم في إطعام ولا في مساعدات حالات الناجي الوحيد ولا بنود احتياجات طويلة كان معاياً دايماً ملف بيها زمان.

-اللي عايز يساعدهم كل ما يقدر ومش مناسب ليه التبرع من خلال الطرق اللي هيقولوهالع يبعتلي وأنا هشرحله يوصلها إزاي.
____

=> تاني مشكلة:

-كفالات أرامل وأيتام شهداء الحرب في مصر، الشهر ده العجز تاريخي ولازم أي تدخل لإنقاذ الوضع.

-اللي عايز يساعد يبعتلي وأنا هقوله إزاي يساعد.
___

تالت مشكلة:
دمار شامل كامل في حجم التبرعات اللي بتروح لمؤسسات لسه بتساعد جوه أو بره مصر.

-مؤسسة سند خسرت 75٪ من حجم تبرعاتها السابق والهدف أصبح محاولة إنقاذ حالات كفالة الأيتام اللي في رقبتها ودي معلومات عدى عليها شهر جايز لكنه الوضع القائم من بعد الهدنة.

لينك صفحة فيس بوك:
https://www.facebook.com/share/1YHtSzD6pG/

لينك موقع المؤسسة:
https://sanadcharity.org/
____

=> رابع مشكلة:

-كتبت عنها قبل كده وهكتب تاني، مؤسسة أبواب الخير

-دي كانت بتساعد في حاجات كتير وإنسحب منها أكبر متبرع فانهارت قدرتها على الوفاء بسابق إلتزاماتها

وأحد الأشياء اللي كانت بتساعد فيها هي حالات الكفالة اللي في البند اللي فات، مبلغ بسيط لكنه ثابت

وأكيد الكارثة كبيرة، لأني عارف حجم العجز اللي حصل لكن طالما ما ينفعش يتصرح بيه علناً فلا يحق لي إعلانه.

برضه دي معلومة عدى عليها شهور لكن بصوا على أنشطتهم وساعدوا لو تقدروا

صفحة الفيس بوك:
https://www.facebook.com/share/17g1GDKxx5/

الموقع:
https://abwabelkheir.com/
_

إحنا مش مش بنمن عليهم

أقل شيء للتكفير عن تقصيرنا وعجزنا هو مواصلة تقديم استطعنا إليه سبيلاً، وربنا يجزيه كل خير دكتور أشرف إبراهيم دايما يفكر متابعي البرنامج بأهلنا في غزة والسودان

ويا مقدر الأقدار، يا لطيف يا جبار، اجعل سعينا هذا برداً وسلاماً

اللي قرأ الرسالة اللي فاتت أرجوكم يقرأ التصحيح ده، بعتذر جداً والله يخربيت قلة النوم والمصايب اللي جايالي من وراها

رابط gofundme اللي فوق ده بتاع الولية النصابة، الدار مالهاش لينكات تبرع مباشر على gofundme

كام أبديت يخصوا الشغل:

1-لينكات تفعيل LinkedIn خلاص تم إيقاف تفعيل LinkedIn Premium بيها من LinkedIn نفسها إمبارح بالليل.

لو حد حول أي فلوس تخص LinkedIn من فضلكم يبعت إنستاباي بتاعه.

2- تفعيل ChatGPT اللي موجود حالياً تفعيل فيه مغامرة ومجازفة بحسابك الشخصي، بسبب احتياج الناس الشديد ليه بسعر معقول أرشح إن لو هتديني حساب أفعله يكون حساب ما تزعلش عليه لو اتقفل من OpenAI لأن الشركة بنت كلب دي هي و Anthropic مش من حقهم منع الناس من الوصول لحساباتها وشغلها تحت أي مبرر، عايزين يعملوا Suspension يعملوه لكن مع وصول لكل المحادثات الموجودة وأوبشن Download Data وأوبشن Delete My Data

تفعيل شات جي بي تي متاح بشرط إنك تديني حساب لا تخاف حظره
وتكون عارف إن مافيش ضمان للأسف ولا ساعة واحدة، أنا بخلي مسئوليتي تماماً

السعر: 350 جنيه
مدة التفعيل: 24 ساعة وممكن لحظياً، أنا مضطر أبذل مجهود أكبر بكتير عشان ما أبقاش رفعت الضمان وزودت التكلفة زي ما للأسف أصبح الوضع دلوقتي، السعر الجديد المفروض فيه زيادة 150-200 جنيه، مش هيزيدوا غير لو ما بقيتش قادر أعمل التفعيل بنفسي خلاص.

3- الضمان هيترفع عن جوجل بالكامل بدل ما كان نزل لشهرين اشتراك سنوي أو 3 شهور بالكتير للسنة ونصف، والسعر هينزل في المقابل نزول كبير
Google AI Pro 5TB 12 Months:
1 Invitation: 180 L.E

Family Management + 5 Family Invitations: 400 L.E

اشتراك السنة مش بينفع على كل الحسابات وبيحتاج منك خطوات كتير معايا عشان حسابك يكون هو الFamily Owner

Google One AI Pro 5TB 18 Months

1 Family Invitation: 250 L.E

Activation Link: 500 L.E

الناس تعتبر إنها بتشتري اشتراك شهري مخفض ولا تعلق آمال كبيرة

4- كفاية كده عشان دي الأولويات اللي محتاج إنتباه ليها بسبب نقطة رقم 1 تحديداً

من فضلكم يا باشمهندسين، نداء عاجل لكل اللي اشتروا Redragon Nova UltraMag Switch Keyboard
من أمازون الفترة اللي فاتت

حد قابل المشكلة دي فيها أو في أي كيبورد في الدنيا؟