دي رسالة مخصصة لجهتين تقدروا تتبرعولهم/أو من خلالهم لغزة والسودان

جهة محتاجة كل مساعدة ممكن تتحصل عليها، وجهة محتاجة نفس الكلام ده لكن عشان توصله للي محتاجينه سواء في #غزة أو #السودان

1- دار نحن أهله لرعاية الأيتام

أستاذة إسلام من دار نحن أهله لرعاية الأيتام في النصيرات بعتتلي إمبارح تشوف لو متاح حالياً نساعد بأي شيء أو أوصلهم بحد يساعد، شرحتلها موقفي الحالي من جمع التبرعات لكن وعدتها أكتب للناس

الدار تحت رعايتها 160 طفل متقسمين مجموعتين من 80 طفل 3 أيام بالأسبوع

الدار اقتربت جداً من إنها تقفل بعد ما كان الطموح يفتحوا فرع إضافي في دير البلح

الأطفال هناك بيحتاجوا عشان ياكلوا وجبة صغيرة في حدود 400 شيكل صافي بعد العمولة
ودي مش طرود غذائية دي أكلة تسد أي جوع

ده لينك إنستجرام بتاعهم للي عايز يتواصل معاهم بشكل مباشر:
https://www.instagram.com/nahnu_ahluh

وده الواتساب:
+972597443060

عايز مساعدة في توصيل أي شيء بلغني وأنا هتصرف إن شاء الله

2- مؤسسة سند للإغاثة

أنا اتسألت عن الأضاحي في غزة والسودان السنة دي، واللي أعرفهم ثقة بيقدروا يعملوا ده هما مؤسسة سند، والأسعار بتاعة غزة تحت أقل بكتير جداً من الأسعار الفعلية، مش هينفع أشرح هنا ليه، أو إزاي تم تقليل التكلفة بهذا الشكل لأن سعر الأضحية هناك 4 أضعاف الأسعار اللي هتشوفوها تحت تقريباً.

كمان حالياً بيجهزوا معرض للبس العيد للأيتام وبيفتحوا مطبخ في الشمال ودول اللي فيديوهاتهم في الرسالة دي

أسعار الأضاحي

غزة:
العجل: ٥٢٠٠ دولار (بالجنيه ٢٧٥٠٠٠ - السهم في الأضحية ٤٠ ألف)
الخروف: ٦٠٠ دولار (٣٢٠٠٠ جنيه)

السودان:
العجل: ٢١٧٠٠ جنيه
السهم في الأضحية: ٣١٠٠ جنيه
الخروف: ٨٦٠٠ جنيه


السودان غير ذبائح أفريقيا اللي عارف اعتراضات الناس عليها واللبس حواليها، ما أعتقدش إن الأوضاع الإنسانية هناك محتاجة أي شرح مني

ده لينك آمن للتبرع بالفيزا:
http://pay.vivawallet.com/sanad

اللي عايز وسائل تبرع أسهل من الفيزا يبعتلهم هيقولوله يتبرع إزاي، لو مكسل يبعتلي عادي

لينك موقع المؤسسة:
https://sanadcharity.org/

لينك الفيس بوك:
https://www.facebook.com/share/1Z3qHNawFT/
___

أخيراً وزي ما بفكركم دايماً، كفالات أرامل وأيتام شهداء الحرب في مصر محتاجة متبرعين أكتر، لو تقدر أو مهتم تساعد ابعتلي وهوصلك بطرق المساعدة في ده


ده أكتر من اللي بإيدي أعمله في الوقت الحالي، لكن لازم نفضل نتكلم عنهم ونفكر الناس بيهم، لأن بعد الهدنة غزة دخلت تدريجياً في نفق مظلم أكبر من اللي كانت فيه، الفارق بس اختلاف طرق حصد الأرواح، وفي ظل انشغال الناس مع الحرب الأمريكية الاسرائيلية على #إيران، فالاحتلال النجس مش مقصر خالص الحقيقة في استغلال ده أسوأ استغلال ممكن

تحديث يبعث بالأمل أخيراً في جيميناي منه لله

أكتر ميزة كنت بقول للناس بسبب وجودها الحصري في ChatGPT إنها لازم تجربها

مش كل الآسئلة ينفع تتجاوب بسرعة
ومش كل الأسئلة صح إنك تسيب الـAI ياخد وقت فيها لكن في ChatGPT ما كانش بيطول بالعافية عشان طلبت كده، فهناك بيقدر يحدد الـThinking Effort بشكل مظبوط

بكره إن شاء الله هقولكم بتجربتي الشخصية نسبة التحسن شكلها إيه

هيفضل إلتزام ChatGPT بالتعليمات أفضل
لكن هحاول مرة تانية في إني اعمل تعديل جديد على التعليمات إن شاء الله

ده هياخد وقت عشان أحدد مدى اضطراري لشراء شات جي بي تي بسعره الرسمي

التحديث السلبي اللي حصل في نفس يوم الأبديت بتاع Antigravity

هو الـCredits System

المبرمجين اللي محتاجين Antigravity لازم يقرأوا تعديلات جوجل على الكريديت اللي كان بينزل مع Google One AI Pro
وصل لكل الناس إيميلات بيه ومش فاهم منه حاجة غير إن الاستهلاك المسموح على الباقة هيقل
وجوجل بقت بتبيع Credits منفصلة صالحة لمدة سنة من تاريخ شرائها بعد ما عملت الأبديت ده

ما أعتقدش إن 3.5 Flash ده هيقدم أي جديد وده لأني ما بستخدمش عموماً أي مودل إجاباته instant

وده ضروري ما تستخدموش في أي سؤال في مجال إنتا غير متخصص فيه وغير قادر على تحديد الإجابات الصح من الغلط

اشتراكات Gemini رخيصة

أنا وقفت اشتراك الـ18 شهر لما بدأت اللينكات الجديدة تفصل في أقل من أسبوع

اشتراك جيميناي الحالي هيكون السنة فقط
وبدون ضمان، مشكلته إن اشتراك الحساب الكامل ما ينفعش لكل الأكاونتات للأسف

Family Invitation = 225 L.E

Full Account = 600 L.E

بدون ضمان، والسعر زاد للأسف

ما أوعدش بعودة أحمد البنا الحنين أي وقت قريب للأسف 🤝🏻

الرسالة دي مزاد خيري في يوم مبارك بإذن الله ربنا يكرمنا فيه ونجمع أي مبلغ كويس، حسب طلب المتبرع بالحاجة دي المبلغ اللي هيتجمع هيوصل لدار نحن أهله لرعاية الأيتام في غزة، أنا دوري هنا المزاد، وأساعده يوصل المبلغ وأتأكد إنه وصل لأن الرسالة دي إلتزام مني بده.

-هكتب لكل منتج Code

-حط سعرك في جروب الاستفسارات هنا:
https://t.me/EshterySa7_Community
بشرط إن الزيادة تكون باستخدام مضاعفات 50 جنيه، يعني لا تقل عن 50 جنيه وتزيد بما يقبل القسمة على 50 ليعطي رقم صحيح.
___

1- Panasonic KX-TGC352 2 Headset Wireless Digitally Phone

Code: #NA1

-سعر باكيدج السماعتين حوالي 4000

-المزاد هيبدأ من 2800 إن شاء الله
_
2- MAD CATZ M.O.J.O. M2 Gaming Mouse

Code: #NA2

+50 دولار على الموقع الرسمي و 200 رسال في السعودية

-المزاد هيبدأ من 1500
____
Lenovo Thinkplus Universal Stylus

Code: #NA3

-المنتج سعره الفعلي حوالي 850 جنيه.

-المزاد هيبدأ من: 600 جنيه.
___
4- Glorious Gaming Extended Stitched Cloth Mouse Pad – 3XL 1220 x 610 x 3mm (BLACK)

Code: #NA4

-الماوس باد سعرها زي كل منتجات Glorious مرتفع جداً لكن الحجم كمان محتاج مكتب بمواصفات خاصة.

-سعر الماوس باد بين 3100-3500 في آخر توفر ليها.

-المزاد هيبدأ من 1800 جنيه.
__


-اكتب كود المنتج، ثم السعر اللي هتحطه للمنتج، ولو عايز تحط سعر بشكل مجهول ابعتلي السعر والمنتج وأنا أكتبهم.

-لو أي منتج وصل لسعر تقديري ليه إنه أعلى سعر وارد المزاد يحققه للمنتج هقفل المزاد عليه لأن وصول أي فلوس ليهم النهارده يفرق جداً عن أي يوم تاني.

-لتوضيح صورة الوضع هناك، مش كل يوم في وجبة فطار أو غدا أو الاتنين (ساندويتش في الغالب)

-مافيش هدوم غير طقم واحد غالباً لذلك كسوة العيد بالنسبة ليهم كأيتام مش رفاهية وسط الجوع، البنات ليها جانب معاناة أصعب، خصوصاِ بعد البلوغ لأسباب مفهومة.

-لو عايز توصل حاجة بصرف النظر عن المزاد ومش مهتم بيه ابعتلي عادي وأنا هقولك تعمل إيه.

تقبل الله منا ومنكم صالح الأعمال 🙏🏻