#esse_haqida

❓Esse yozishni bilmasligingiz yoki yozgan esselaringiz talab darajasida emasligidan xavotirdamisiz? Unda bu dars aynan siz uchun!

✅Ushbu audio darsni eshitish orqali siz esse yozishning sir-asrorlarini o‘rganibgina qolmay, eng ko‘p uchraydigan xatolar va ularni bartaraf etish haqida ham tushunchaga ega bo‘lasiz.

Manba: @esse_behruz

Esse yozishni biz bilan mukammal o’rganing: https://t.me/esse_behruz

https://t.me/esse_behruz

#Tavsiya

🫥Esse yozayotganda e’tiborli bo‘ling. Gaplaringiz mantiqan bog‘lansin. Biri bog‘dan, biri tog‘dan kelgan jumlalar yozilgan esse nafaqat buziladi, balki katta ball yo‘qotishga ham sabab bo‘ladi.

🫥Tinish belgilariga e’tiborli bo‘ling, ayniqsa ko‘chirma va o‘zlashtirma gap birikmalarida. Shuningdek, so‘zlarni qisqartirib yozish ham mumkin emas (doimiy ishlatiladigan qisqartmalardan tashqari, albatta).

🫥Har bir qismni o‘z talablaridan kelib chiqib yozing. Masalan, asosiy qismni olsak: birinchi va ikkinchi tomon fikri hamda shaxsiy fikr bo‘lsin. Ularni statistika, fakt hamda hayotiy dalillar bilan boyiting. Buni argument ➡️ izoh ➡️ dalil shaklida yozish foydali bo‘ladi.

Manba: @esse_behruz

Esse yozishni biz bilan mukammal o’rganing: https://t.me/esse_behruz

https://t.me/esse_behruz

❓Tasviriy ifoda nima?

➡️Tasviriy ifoda - bu narsa yoki hodisani bevosita nomi bilan emas, balki uning o‘ziga xos belgisini aytish orqali ifodalashdir. Masalan: oq oltin – paxta, kumush tola – pilla, oynai jahon – televizor va hokazo.

🔵Bunday ifodalar tilshunoslikda parafraza deb ataladi. Ular nutqni yanada go‘zal, ta’sirchan va badiiy qiladi. Shu sababli tasviriy ifodalar ko‘pincha badiiy adabiyotda va publisistik matnlarda ishlatiladi.

✅Tasviriy ifoda iboradan farq qiladi, chunki unda bir so‘z har doim asl ma’nosida bo‘ladi. Ba’zan tasviriy ifodalar omonim yoki sinonim bo‘lishi ham mumkin.

Savol: Tasviriy ifoda turlari qaysilar va ularga misollar keltiring.

Esse yozishni biz bilan mukammal o’rganing: https://t.me/esse_behruz

https://t.me/esse_behruz

❓Argument va dalil nima? Ularni qanday farqlash mumkin?

Esse va ilmiy matnlar yozishda argument va dalil tushunchalarini to‘g‘ri farqlash muhim ahamiyatga ega. Ushbu ikki tushuncha bir-biri bilan uzviy bog‘liq bo‘lsa-da, ularning vazifasi turlicha hisoblanadi.

Argument — bu muallif tomonidan ilgari surilgan asosiy fikrni mantiqan asoslovchi sabab yoki mulohazadir. Ya’ni, argument “nima sababdan bu fikr ilgari surilmoqda?” degan savolga javob beradi. Dalil esa argumentning haqqoniyligini isbotlovchi aniq manba bo‘lib, u fakt, statistika, ilmiy tadqiqot natijasi yoki real misol shaklida ifodalanadi.

Masalan, “Yoshlar telefondan foydalanishni kamaytirishi kerak, chunki bu sog‘liq uchun katta ziyon keltiradi” jumlasida “Yoshlar telefondan foydalanishni kamaytirishi kerak” — asosiy fikr bo‘lsa, “sog‘liq uchun katta ziyon keltiradi” qismi argument vazifasini bajaradi.

Yuqorida aytilgan argumentni quyidagi dalil orqali isbotlash mumkin:

Olimlar tomonidan o‘tkazilgan tadqiqotlar natijasiga ko‘ra, telefondan haddan tashqari ko‘p foydalanadigan yoshlarning 90 foizida ko‘z ko‘rish qobiliyatining pasayishi va xotiraning susayishi kabi salbiy holatlar kuzatilgan.

Xulosa qilib aytganda, argument muallif fikrini mantiqan asoslab bersa, dalil ushbu fikrning ishonchliligini aniq fakt va manbalar orqali tasdiqlaydi. Shu sababli, samarali esse yozishda argument va dalilning o‘zaro uyg‘unligi muhim hisoblanadi.

Siz yana nimalarni bilishni xohlaysiz? Savollaringizni izohlarda yozib qoldiring.

Manba: @esse_behruz

Esse yozishni biz bilan mukammal o’rganing: https://t.me/esse_behruz

https://t.me/esse_behruz