Esse
Sizmi yoki sen? Sizningcha, qaysi birini ishlatgan ma'qul?

Har bir millat o'zining qadriyatlari, milliy urf-odatlari bilan tirik. Jumladan, o'zbek xalqining milliy madaniyati ham chuqur ildizlariga ega. Ayniqsa, kishilarning muloqot jarayonida bir-biriga sizlab murojaat qilishini aytaylik. To'g'ri, aslida "siz" ham, "sen" ham bir og'izdan chiqadi. Ammo qay biri so'zlovchining samimiy munosabatini ifodalaydi? Insonlar o'rtasidagi mehr rishtasining mustahkam bo'lishi uchun qaysi murojaat shaklini qo' llash maqsadga muvofiq?
Bizga ma'lumki, nafaqat O'zbekistonda, balki jamiki musulmon davlatlarida odamlar bir-birini hurmat qilgani, qadrlagani, o'ziga yaqin olgani uchun ham "siz" deb murojaat qilishadi. Bu birgina kalom shunchalik katta kuchga egaki, suhbatdoshning qulog'iga yoqadi, qalbiga iliqlik olib kiradi.
Darhaqiqat, inson xushmuomalalik bilan katta muvaffaqiyatlarga erishishi mumkin. Xalqimizda : " Bug'doy noning bo'lmasin, bug'doy so'zing bo'lsin" , " Yaxshi gapga ilon inidan chiqar, yomon gapga pichoq qinidan chiqar" kabi maqollar ko'p tilga olinadi.
Alisher Navoiy bobomiz "Mahbub ul- qulub" asarida muloyim tabiatlilik haqida yozarkan, bolalar shirinso'z kishilarni misoli holvafurushday yaxshi ko'rishlarini ta'kidlaydi. Yoki O'tkir Hoshimovning "Dunyoning ishlari" asaridagi Ermon buva atrofidagi jajji mahalla bolalarini sizlab gapirar, ular ham bu qariyani xuddi farishta deb bilishadi. Bunday misollarni ko'plab keltirishimiz mumkin.
Yana shuni ham unutmaslik kerakki, sen so'zidan ham tamoman voz kechib bo'lmaydi. Aytaylik, bolaligidan birga o'sgan , tug'ishganday yaqin ikki do'st bir-biriga "siz-siz" lab turishga toqat qilolmaydi. Chunki bu ular uchun ortiqcha mulozamat, o'rinsiz balandparvozlik emasmi? Senlashish esa ularning orasidagi xijolat, dabdababozlikning oldini oladi.Ammo chet el kishilari bir- biri bilan tanishgan zahoti sensirab qolishi kishini o'yga toldiradi.Hatto farzandlari ham ota-onasiga sensirab gapirishadi. Bunday hollar o'zbek millatiga yotdir. Ammo esimda bor: Said Ahmadning "Ufq" romanida qo'rqoqlik qilib urushdan qochgan Tursunboy ota- onasining bir umr qilgan orzu-umidlarini havoga sovuradi. Eng dahshatlisi onasi Jannat xolaga tap tortmasdan sen deya murojaat qilishi o'quvchini ga'zablantiradi.
Xulosa o'rnida shuni aytish mumkinki, inson ,avvalo, o'zini hurmat qilishni bilsa, boshqalarni ham hurmat qiladi. Shunday ekan, birinchi navbatda xushmuomala bo'lish hamisha kishiga ko'rk bag'ishlaydi.Shirinso'z odam senni ham, sizni ham o'z o'rni borligini unutmasa, nur ustiga a'lo nur bo'lar edi.( 285 ta so'z)

Bugungi kunda taʼlim tizimiga eʼtibor oshgani sari oliy oʻquv yurtlariga talabalar qamrovi ham koʻpayib bormoqda.Shunga koʻra , aksariyat davlatlarda talabalarga yanada imkoniyat berish maqsadida ular ish bilan ham taʼminlangan. Xoʻsh , bu qanchalik toʻgri?
Barchamizga maʼlumki, koʻplab davlatlarda talabalar hali oʻqishni bitirmasidanoq davlat idoralarida ishlashi mumkin.Xususan, oʻzimizda ham talabalar 3-bosqichdan rasman ishlash imkoniyatiga ega.Albatta ,buning talabalar uchun foydali tomonlari bisyor.
Masalan, talabalar yaxshi kadr boʻlishi uchun tajriba yigʻib boradilar. Oʻz sohasidagi malakali hamkasblardan ish oʻrganadilar.Bir tovuqqa ham don kerak ham suv kerak deganlaridek, moliyaviy erkinlikka chiqib olish uchun oʻziming barcha ehtiyojlarini qondirish uchun ham ,bundan tashqari jamoada ishlash koʻnikmasiga ega boʻlish uchun ham ishlagan afzal.Yana bir muhim jihati shundaki, ota- onasi uchun ham oz boʻlsa-da yengillik boʻladi
Lekin tanganing ikkinchi tomoniga qaraydigan boʻlsak , salbiy jihatlari ham yoʻq emas.
Aytaylik, oʻsmir yoshdagi talaba pul topishga qiziqib ketishi va oʻqishini tashlab qoʻyishi hech gap emas. Yoki oʻqish va ish uchun vaqtni toʻgʻri taqsimlay olmasligi oqibatida charchoq va stressga tushish holatlari va oʻqish uchun ham ish uchun ham samaradorlik koeffitsiyenti tushib ketishi mumkin.
Bu masalada shaxsiy fikrimga toʻxtalsam, har narsaning oʻz oʻrnida boʻlgani maʼqul.Yaʼni 1-2-kurs talabalari ishdan koʻra koʻproq oʻqishga fokusni qaratgani yaxshi deb oʻylayman.Negaki bu vaqtda sohasi boʻyicha eng zarur ilmlarni egallashi kerak .3-4-kurs talabalari boʻlsa bu boshqa masala.Ular bemalol oʻzlari xohlagan ishda faoliyat olib borishi mumkin.Ammo oilasi tomonidan moliyaviy qoʻllab quvvatlansa ,talaba esa koʻproq sohasi boʻyicha turli chet el grandlari yoki qoʻshimcha til oʻrganish bilan shaxsiy portfoliosini boyitib borsa nur ustiga aʼlo nur boʻladi nazdimda.
Xulosa qilib aytganda, eplay olgan talaba har ikkisini qilgani afzal. Chunki bu ularga ham oʻzi yoqtirgan ish bilan zavqlanish bilan birga iqtisodiy tomondan ham foydali.Lekin bu narsalar ilmni va "oltin davr" ni boy berish evaziga boʻlmasligi kerak.
© Marjonaxon Abduxalilova

Do'stlar, shu kanalga obuna bo'lib meni qo'llab yuboringlar. Please 💐

Nima mavzu tushdi essega?

Esse : Ayrimlar xorijda mehnat qilish davlat iqdisodiga hissa qo'shadi degan fikrda, ayrimlar esa ularni vatanga qaytarish zarur deb o'ylaydi

Mavzu oson tushibdi. Hamma yozgan degan umiddaman. Bu mavzuni tahlil qilishga ham hojat yo'q 😅

Doʻstlar, imtihonlar qanday boʻldi? Har ikki smenadagilar savollar haqida , oʻzi umuman imtihon taassurotlari qanday?

Shu kanalga kiringlar. Tahlil qilishar ekan. Foydali bo'ladi

Октябрь олиб қўйди маним Манимни...
®

Insoniyat odati bitta: foydang tekkuncha yoningda bo'lishida, foydalib bo'lishgach esa tark etishni boshlashadi!

P,s: kanalimda ham ahvol shu....

Milliy sertifikat imtihonining 1-smenasidagi g'azal kanalda tahlil qilingan ekan🫡