Ustozlarga bayram
tabrigi

🥀Assalomu alaykum aziz Ustozlarim, mehribon Opalarim,sevimli Singiljon va go‘zal qizlarim!
8-Mart bayrami bahonasida sizlarni ta’riflamoqqa jazm qildim.Eshiting:

Siz-ilk otamiz Odam Atoni yoniga keltirolgan buyuk kuch-Momo Havosiz!
Siz- izsiz sahrolarda etagida Ismoilni solib,Safo va Mavra o‘rtasida dilbandini-kelajakni asrab qolish ,hayotni davom ettirish uchun nola bilan zir qaqshab chirasizlikdan chora qidirgan,boshiga tushganlarda hech kimni ayblamay,hammasini Allohdan,deb bilgan va shu sababdan ham Allohning buyuk martabasiga sazovor bo‘lgan Zamzamning sohibasi,Ka’bada yotgan yagona ayol-Hojar onasiz!
Siz Rasulullohni maftun etgan,cho‘lda yo‘qolgan bir marjon shodasi sabab tayammumni odatlar qatoriga kirishiga sabab bo‘lgan,eng rashkchi,eng nozikta’b, eng dono,eng saxiy-Oisha onamiz-dunyo malagisiz.
Siz - Amir Temurday qudratli bobomiz suyangan,ishongan,o‘ziga ma’naviy kuch olgan,shahzodalar tarbiyasi ishonib topshirilgan,Sohibqiron saltanatining chirog‘i -Bibixonimsiz.
Siz- shoh ukasi Bobur tang ahvolda qolganda o‘z hayotini Shayboniyxonga baxshida qilgan oqila va tadbirkor singil-Xonzodabegimsiz.
Siz- yosh o‘g‘li Jaloliddinni yoshligidan hamisha ilm o‘rganishga undagan,“sen otangdan ham,mendan ham aqlli bo‘lishing,ko‘p narsani bilishing kerak,o‘g‘lim”,deya tarbiya qilgan, Rumiyni dunyoga bergan Dunyo madrasasi-Mo‘mina onasiz!
Siz-dor ostidagi osishga tayyorlangan bolasining ko‘ziga qarab,rozilik berolgan,bor faryodini ichiga yutib,dushmanlariga ko‘z yoshini ko‘rsatmay,oti jilovini mard bo‘lib ortga qaytarolgan Oloy malikasi,“general”-Qurbonjon dodhozis!
Siz-sevgan yori, ustozi va do‘sti Hamid Olimjonning bevaqt o‘limidan so‘ng o‘zi va atrofidagi urush tufayli otasi,yori,farzandidan ajrab hijron otashida qolgan o‘zi kabi ayollarga Vafo va Sadoqat timsoliga aylana olgan Zulfiyaxonimsiz!
Siz-o‘z farzandlari kabi o‘quvchilarini bag‘riga bosgan, shogirdining onasidan ham yaqinroq do‘stiga, sirdoshiga maslahatchisiga aylana olgan Ustozsiz!
Siz-45 minutlik dars ichida goh rejissor,goh aktyor,goh olim,goh mazlum,goh shoir,goh notiq,goh prokuror,goh advokat,goh sudya,goh ota,goh ona,goh bobo,goh buvi bo‘lib sahnaga chiqadigan,shogirdlarining fe’lini ota-onasidan ham yaxshiroq biladigan,shu sababdan ham xalq Otalar martabasida ko‘radigan Hazrati insonsiz!
Siz-o‘zini emas,doimo bolalarini o‘ylaydigan,kelajagini farzandlari,shogirdlari kamolida ko‘radigan Muallimsiz!
Azizlarim!Bayramingiz qutlug‘ bo‘lsin!
Faqat bayram kunlari emas,hamisha farzandlar,shogirdlar e’tiborida,e’zozida yashash,ishlash nasib etsin!
Chekkan zahmatlaringiz,qilgan mehnatlaringiz rohatini ikki dunyoda ko‘rishga yetkazsin!
Ta’lim jarayonini rivojlantirish borasidagi ishlaringizda Omad ,Zafar yor bo‘lsin!
Sog‘ bo‘ling!

Go‘zal Raimjon qizi
Namangan shahridagi 7-maktabning ona tili va adabiyot fani o‘qituvchisi,
O‘zbekiston Respublikasi xalq ta’limi a’lochisi.

Xat yozsa, barmog'i hayajonlangan,
Go'zal oshiqlarni yo’qotdi dunyo...

💥 DIQQAT, DIQQAT !!! KO'PLAB TALAB VA ISTAKLARGA BINOAN KANALIMDA BEPUL ESSE MARAFONINI E'LON QILAMAN!!!!

⚡️Marafon tartibi:

✅ Qutlug' Ramazon oyining 1-kuni 11.03 dan boshlab, har kuni saharlik vaqtida sizga yangi esse mavzusi tashlanadi!

✅ Mavzular barcha uchun yangi! Jamiyatimizda keng muhokamada bo'layotgan, ayni paytda dolzab masalalar asosida yaratiladi!

✅ Har kuni mavzu tashlangandan so'ng, kun davomida vaziyat yuzasidan kanalda o'zaro muhokama tashkil etiladi! Ya'ni kommentlarda mavzu bo'yicha shaxsiy o'ylaringizni yozasiz va boshqalarning ham qarashlari bilan tanishib, kun davomida jonli fikr almashasiz!

✅ Keyingi mavzu tashlangunicha esa men, Davlatova Rushana (MS umumiy ball: 89.9, esse: 22.75) fikrlarni umumlashtirib, sayqallab mavzu bo'yicha iloji boricha mukammal namunani yozib, guruhga joylayman!

⚡️❗️Xullas, 6 kun, 6 ta esse mavzusi va 6 ta yangi esse namunasi!

⚡️Namunalar BMBA nizomi va formati asosida yoziladi. Ortiqcha ta'rif bermayman.

🙆‍♀ Sizdan so'raladigan narsa, iltimos, do'stlarga, yaqinlarga, ta'limga oid guruhlarga xabar qiling. Zero, siz sababli kimdir nimadir o'rgansa.

❗️Hech kimga hech qanaqa talab yo'q: guruhga tarqat, screenshot, to'lov qil, yopiq guruh...

⚡️Iltimos: xolis yordam bering va shu xabarni ulashing, zero hammamizga manfaatli bo'lsin🔥

🔥https://t.me/msozbektilivaadabiyoti

Toshkentda qor.

Bugunga yetadi😁

Bizga bahor begonadir borgan sari,
Ko’nglimiz ham vayronadir borgan sari.
Shodon kulib yurar edik avvallari,
Endi umr g’amxonadir borgan sari…

#Диққат

❗️Эрта уйғонишга шошилманг! ❌
Чунки бугун 16-март халқаро уйқу куни экан!

Уйқучи танишларга юбориб қўямиз 😁

Yerdagi farishtalar ONALARdir.
Bugun farishtamning tug’ilgan kunlari❤️❤️❤️❤️🥰

Ertaga imtihon!
Hozir nimani his qilyapsiz?

Bugungi 2 ta esse mavzusi ham oson tushibdi. O’quvchilarim uddalashdi degan umiddaman!
Barchangizga Alloh eng yaxshilarini nasib etsin!

Kanalda yangi maʼlumotlar, bepul darslar, tahlillar, xullas hamma narsa davom etadi.
Ketganga yoʻl yaxshi.
Sodiqlarga sodiqmiz biz ham.

Kimnidir faqat foydasi tekkanida emas, foydasi yo'q paytda ham qo'llab turish kerak😒.

Atrofimda faqatgina mag'lubiyatimni kutayotgan insonlar bor va ular juda ko'p...

Sizda ham shunday!

#milliy_sertifikat
El qatori men ham milliy sertifikat imtihonini topshirib ko'rishga ahd qildim.
Oldinlari shu mavzudagi bahs-munozalarga aralashmasdim, chunki menga daxli yo'qday edi.
ammo..
Boshidan boshlasam, belgilangan vaqtda belgilangan xonaga kirib, shaxsan menga atalgan joyga borib o'tirdim. Imtihon nazoratchilari anchayin asabiylashib, baland ovozda tushuntira boshlagani dastlab sal yoqinqiramadi-yu, keyin o'qituvchilar qayta-qayta savol beraverishgach, ularning bu asabiyligini "kechirvordim".
Oldiniga savollar kitobchasining eng oxirgi betini ochib esse mavzusini o'qidim:
“Ayrimlar oliy ta'lim diplomi yaxshi ish topish uchun kerak deb hisoblashsa, boshqalar oliy ta'limning yanada ko‘p afzalliklar bor deb o‘ylashadi” deyilgan ekan. Hayron bo’ldim biroz: odatda, mavzuda ikkita qarama-qarshi fikr aytilardi, “yaxshi ish topish uchun oliy ta’lim diplomi kerak yoki kerak emas” qabilida, “kerak va yanada kerakroq” tarzidagisiga birinchi bor duch kelishim.
Yana bir narsaga hayron bo’ldimki, esse yozish shartlari bor edi-yu, necha so'zdan iborat bo'lishi ko'rsatilmagan edi.
Qarasam, esse yozish uchun bir varaqqina ajratilibdi, men demak, mana shu varaq to'lgunicha yozishim kerak degan fikrga keldim.
Lekin menda yana bir narsaga – ana shu varaqning eng tepasiga bosh harflar bilan familiyam, ismim va otaismim NEGA yozib qo'yilganiga tushunmadim. Axir tekshiruvchilar aynan kimning ishi ekanligini bilmasligi kerak emasmi degan savol tug'ildi.
Esse yozishni oxiriga qoldirib, savollar kitobchasini o'qiy boshladim.
Boshidagi ona tiliga savollar, asosan, grammatikaga oid savollar edi, 20 yillik repetitor sifatida bu qismda xato qilmadim deb aytolaman.
Biroq shu o'rinda aytishim kerakkki, bir savolda "O'zingdan chiqqan baloga, qayga borasan da'voga?' jumlasi haqida so'ralgan edi va meni ikkilantirgan narsa shu bo'ldiki, "shaxsi umumlashgan gap" degan variant ham bor edi, "ritorik so'roq gap" degan variant ham. Bir tomondan olib qaralsa, maqollar shaxsi umumlashgan gapga kiradi, ammo aniq bir odamga ishora qilyapti-yov bu jumlada deb shubhalanib qoldim. Ritorik so'roq gap deb o'ylaganim boisi esa mundoq olib qaralsa, bu gap javob talab qilmaydigan ritorik so'roq gap ham-da!?
Kamiga uzoq yillar davomida aynan shu jumla "yashirin inkor mazmunidagi ritorik so'roq gap" degan test javobi shaklida aylanganini eslayman axir!
Ayni shu o'rinda test mualliflari aynan nimani to’g’ri javob sifatida olganini taxmin qilishdan boshqa chora topolmadim..
Adabiyot qismiga kelganda,
hafsalam
pir
bo'ldi.
Negaki, yana xotira tekshiradigan "DTM uslubi"dagi savollar ketma-ketligi boshlangandi.
Masalan, bir savolda "Jayhun ustidagi bulutlar asarida olimlarni qadrlamagan kim edi (mazmuni shunaqa edi, uzr so'zma-so'z eslab qolmadim) savoliga to'rtta variantda to'rt ism berilgan edi. Ona tili qismida, mayli, mutaxassis sifatida savodxonlik darajam yoxud grammatikani nechog'li bilishimni anilashmoqchi-da, degan bo'lsam, bu qismda xotiramni yoki tusmollash qobiliyatini tekshirayotganlari aniq deb xulosa qildim (Eh, janob Blum, taksonimiyangiz qayoqda qoldi-ya).
yoki boshqa bir savolda "Sarvqomat dilbarim" asariga oid qaysi ma'lumot to'g'riligi so'ralgan edi va men bu safar ham mutlaqo tavakkaliga "Boytemir bilan Dolon tepaligida ko'rishadi" degan javobni belgiladim, buni qarangki, birinchi folbinligim xato-yu, bunisi to'g'ri emish. Mana shunaqa tipdagi savollardan yana bor edi "Tushda kechgan umrlar", "Garov" hikoyasiga oid va hk.
Yo'q, qaranglar-da, savol tushishi ehtimoli bo'lgan 40ta asar ro'yxati e'lon qilinganini bilganimda, ha endi, adabiyot o'qituvchisi ko'p kitob o'qigan bo'lishi kerak-da, dedim, ro'yxatni qarasam, ulardan faqat ikkitasini o'qimagan ekanman, ancha xotirjam tortdim: asar go'yasi, unda ko'tarilgan muammolar va h.k. so'ralsa kerak-da deb.
Ammo
chuchvarani xom sanagan ekanman..
Qiziq, testtuzarlar (uzr-u, testolog deb bo'lmaydi bunaqa savol tuzadigan odamlarni) nahotki badiiy asar o'qigan odam undagi har bir syujetni, personajlarni va hatto dialoglarda aytilgan so'zlarni ham eslab qoladi deb o'ylashsa?