Bugunga yetadi😁

Bizga bahor begonadir borgan sari,
Ko’nglimiz ham vayronadir borgan sari.
Shodon kulib yurar edik avvallari,
Endi umr g’amxonadir borgan sari…

#Диққат

❗️Эрта уйғонишга шошилманг! ❌
Чунки бугун 16-март халқаро уйқу куни экан!

Уйқучи танишларга юбориб қўямиз 😁

Yerdagi farishtalar ONALARdir.
Bugun farishtamning tug’ilgan kunlari❤️❤️❤️❤️🥰

Ertaga imtihon!
Hozir nimani his qilyapsiz?

Bugungi 2 ta esse mavzusi ham oson tushibdi. O’quvchilarim uddalashdi degan umiddaman!
Barchangizga Alloh eng yaxshilarini nasib etsin!

Kanalda yangi maʼlumotlar, bepul darslar, tahlillar, xullas hamma narsa davom etadi.
Ketganga yoʻl yaxshi.
Sodiqlarga sodiqmiz biz ham.

Kimnidir faqat foydasi tekkanida emas, foydasi yo'q paytda ham qo'llab turish kerak😒.

Atrofimda faqatgina mag'lubiyatimni kutayotgan insonlar bor va ular juda ko'p...

Sizda ham shunday!

#milliy_sertifikat
El qatori men ham milliy sertifikat imtihonini topshirib ko'rishga ahd qildim.
Oldinlari shu mavzudagi bahs-munozalarga aralashmasdim, chunki menga daxli yo'qday edi.
ammo..
Boshidan boshlasam, belgilangan vaqtda belgilangan xonaga kirib, shaxsan menga atalgan joyga borib o'tirdim. Imtihon nazoratchilari anchayin asabiylashib, baland ovozda tushuntira boshlagani dastlab sal yoqinqiramadi-yu, keyin o'qituvchilar qayta-qayta savol beraverishgach, ularning bu asabiyligini "kechirvordim".
Oldiniga savollar kitobchasining eng oxirgi betini ochib esse mavzusini o'qidim:
“Ayrimlar oliy ta'lim diplomi yaxshi ish topish uchun kerak deb hisoblashsa, boshqalar oliy ta'limning yanada ko‘p afzalliklar bor deb o‘ylashadi” deyilgan ekan. Hayron bo’ldim biroz: odatda, mavzuda ikkita qarama-qarshi fikr aytilardi, “yaxshi ish topish uchun oliy ta’lim diplomi kerak yoki kerak emas” qabilida, “kerak va yanada kerakroq” tarzidagisiga birinchi bor duch kelishim.
Yana bir narsaga hayron bo’ldimki, esse yozish shartlari bor edi-yu, necha so'zdan iborat bo'lishi ko'rsatilmagan edi.
Qarasam, esse yozish uchun bir varaqqina ajratilibdi, men demak, mana shu varaq to'lgunicha yozishim kerak degan fikrga keldim.
Lekin menda yana bir narsaga – ana shu varaqning eng tepasiga bosh harflar bilan familiyam, ismim va otaismim NEGA yozib qo'yilganiga tushunmadim. Axir tekshiruvchilar aynan kimning ishi ekanligini bilmasligi kerak emasmi degan savol tug'ildi.
Esse yozishni oxiriga qoldirib, savollar kitobchasini o'qiy boshladim.
Boshidagi ona tiliga savollar, asosan, grammatikaga oid savollar edi, 20 yillik repetitor sifatida bu qismda xato qilmadim deb aytolaman.
Biroq shu o'rinda aytishim kerakkki, bir savolda "O'zingdan chiqqan baloga, qayga borasan da'voga?' jumlasi haqida so'ralgan edi va meni ikkilantirgan narsa shu bo'ldiki, "shaxsi umumlashgan gap" degan variant ham bor edi, "ritorik so'roq gap" degan variant ham. Bir tomondan olib qaralsa, maqollar shaxsi umumlashgan gapga kiradi, ammo aniq bir odamga ishora qilyapti-yov bu jumlada deb shubhalanib qoldim. Ritorik so'roq gap deb o'ylaganim boisi esa mundoq olib qaralsa, bu gap javob talab qilmaydigan ritorik so'roq gap ham-da!?
Kamiga uzoq yillar davomida aynan shu jumla "yashirin inkor mazmunidagi ritorik so'roq gap" degan test javobi shaklida aylanganini eslayman axir!
Ayni shu o'rinda test mualliflari aynan nimani to’g’ri javob sifatida olganini taxmin qilishdan boshqa chora topolmadim..
Adabiyot qismiga kelganda,
hafsalam
pir
bo'ldi.
Negaki, yana xotira tekshiradigan "DTM uslubi"dagi savollar ketma-ketligi boshlangandi.
Masalan, bir savolda "Jayhun ustidagi bulutlar asarida olimlarni qadrlamagan kim edi (mazmuni shunaqa edi, uzr so'zma-so'z eslab qolmadim) savoliga to'rtta variantda to'rt ism berilgan edi. Ona tili qismida, mayli, mutaxassis sifatida savodxonlik darajam yoxud grammatikani nechog'li bilishimni anilashmoqchi-da, degan bo'lsam, bu qismda xotiramni yoki tusmollash qobiliyatini tekshirayotganlari aniq deb xulosa qildim (Eh, janob Blum, taksonimiyangiz qayoqda qoldi-ya).
yoki boshqa bir savolda "Sarvqomat dilbarim" asariga oid qaysi ma'lumot to'g'riligi so'ralgan edi va men bu safar ham mutlaqo tavakkaliga "Boytemir bilan Dolon tepaligida ko'rishadi" degan javobni belgiladim, buni qarangki, birinchi folbinligim xato-yu, bunisi to'g'ri emish. Mana shunaqa tipdagi savollardan yana bor edi "Tushda kechgan umrlar", "Garov" hikoyasiga oid va hk.
Yo'q, qaranglar-da, savol tushishi ehtimoli bo'lgan 40ta asar ro'yxati e'lon qilinganini bilganimda, ha endi, adabiyot o'qituvchisi ko'p kitob o'qigan bo'lishi kerak-da, dedim, ro'yxatni qarasam, ulardan faqat ikkitasini o'qimagan ekanman, ancha xotirjam tortdim: asar go'yasi, unda ko'tarilgan muammolar va h.k. so'ralsa kerak-da deb.
Ammo
chuchvarani xom sanagan ekanman..
Qiziq, testtuzarlar (uzr-u, testolog deb bo'lmaydi bunaqa savol tuzadigan odamlarni) nahotki badiiy asar o'qigan odam undagi har bir syujetni, personajlarni va hatto dialoglarda aytilgan so'zlarni ham eslab qoladi deb o'ylashsa?

Keyin o'qib tushunish testiga o'tdim: ikkita matn (biri ilmiy, boshqasi badiiy asardan) berilgan edi. Yulduzlar haqidagi ilmiy matnga tuzilgan test, har holda, kutganimdan yaxshi edi. Komil Jalilovning testologiya kursida o'qigan va bir yil davomida testolog sifatida Avloniydagi loyihada qatnashgan odam sifatida aytamanki, test anchayin durust edi.

Ammo Abdulla Qahhorning "San'atkor" hikoyasi asosida tuzilgan testlarga kelganda yana e'tiroz tug'ila boshladi.
Masalan, qo'shiqchini tanqid qilgan traktorchi qanday odam degan savol bor edi. Distraktorlar bir-biridan ajoyib:
a) so'z ma'nosini tushunadigan aqlli odam - bo'sa deyish kerak, bo'lsa emas, degan tanqidiga qaraganda, traktorchi, rostdan ham, so'z ma'nosini bilyapti, demak javob shu.
b) sohasi bo'lmasa-da, san'atni tushunadigan odam - "Ashulani mexaylistik aytar emishman!" deganiga qarab, ana, san'atni tushunarkan, ashula aytilish uslubiga-da aqli yetyapti, deb o'ylavolsa, javob B.

lekin keyin d javob ham diqqatimni tortdi.

d) jamiyatdagi kamchiliklarga befarq qarab turolmaydigan odam - va kamina: anaaaa, javob AYNAN SHUNISI, chunki traktorchi ming aqlli bo’lmasin, san'atni tushunmasin, jim ketishi ham mumkin edi-yu, a u jim turmadi, fikrini shart aytdi! deb xulosa qildim-u, maan shu dni javob sifatida belgiladim..
Ammo, lekin, biroq, gap yana Ularda qoldi: qaysi javobim nisbatan javobroq ekanini Ular hal qilishadi..

Darvoqe, g’azal tahlili qismiga e’tirozim yo’q, adabiyot o’qituvchisi Navoiy g’azallarini tushunishi kerak deb hisoblayman; qofiya turlariga oid tophiriqlarni ham nazariyani bilgan odam bajara oladi, lekin… aruz vazniga oid qismini menga o’xshab litseyda shaxsan Anvar Hojiahmedovdan aruz o’rganmagan boshqa ustozlar qanday ishladiykin, bilmadim…

Xulosa sifatida, men ayrim savollar bermoqchi edim:
1. Malaka sertifikati testlari aprobatsiyadan o’tganmi? Test natijalari muhokama qilinganmi?
2. Bu test aynan nimani, qanday ko’nikmani tekshirishni va baholashni maqsad qilgan?
3. Esselarni kim tekshiradi? Ularning aynan shu borada bilimi, malakasi bormi?
4. Esseda bironta buyuk shaxsdan iqtibos keltirilishi kerak degan qoida rostdan bormi? Bor bo’lsa, asos qanaqa?
5. Appelyatsiyaga berilsa, nomzod o’z ishini qo’liga olib, ekspert bilan muhokama qiladimi?
Xullas, uch haftadan keyin natijalar e’lon qilinarkan. Ungacha kutamiz…
@suvaydo

Toshkent PM.
Quyosh chiqishi!

Balki biz baxtiyor bo'la olardik,
Balki baxtiyormiz xabarimiz yo'q!

Bayram muborak!!!

Osmonlarga uzatdik qoʻlni,
Yuraklarga qo’ndi bir surur.
Tanlagandik eng mushkul yoʻlni,
Oxir bizni o’ldirdi g'urur.

Bizga qarshi jang qildi samo,
Boshimizdan yog'ildi qorlar.
Qishdan omon chiqqandik, ammo
Bizni qatl etdi bahorlar.

✍️Xayrulla Hamidov

Savol:

Bu hayotdagi eng katta qo’rquvingiz nima?
Eng katta ishonchingizchi?