#esse_namuna

Mavzu : Dorixonadan dori olib , yo‘riqnomaga qarab ichish to‘g‘rimi yoki shifokor ko‘rigiga borishmi?

   Tirik jon borki, kasal bo‘ladi. Shunday vaziyatda ba‘zilar dorilarni ma‘lumotnomasiga qarab iste‘mol qilishni afzal ko‘rsalar, boshqalar esa doktor ko‘rigiga borishni ma‘qul ko‘rishadi. Bu ikki yo‘lning qator nojo‘ya va foydali tomonlari mavjud. Keling , shu haqida gaplashamiz.

   ‘‘Yoshligingda yugurmasang,qariganingda chop-chop qilasan‘‘, - deydi Abu Ali ibn Sino. Haqiqatan,sog‘ligiga befarq insonlar oxir oqibat dorilarga ruju qo‘yadi. Ularni shifokor ruxsatisiz doimiy icha boshlaydi. Bu esa turli xil kasalliklarni keltirib chiqaradi. Misolan,yurtimizda ‘Dok -1 Maks‘ tufayli 20 dan ortiq bola vafot etdi. Bularning barchasiga ,nazarimda,ota-onalarning e‘tiborsizligi, jamiyatda ‘o‘‘zingga ehtiyot bo‘l,qo‘shningni o‘g‘ri tutma‘ qabilda ish tutmaslik sabab bo‘lgan.
    Shunday insonlar borki, ular yengilning ustidan, og‘irning ostidan o‘tishmaydi.O‘zlarini xavfga qo‘yishmaydi. Dori sotib olishdan oldin shifokor ko‘rigiga boruvchilar yuqoridagi o‘xshatishlarimizga mos tushadi. Buning qator foydali tomonlari mavjud:
Birinchidan,dorining nojo‘ya ta‘sirlarini bilib olish ;
Ikkinchidan, aynan nima bezovta qilayotganini aniqlash kabilar.
    Yuqoridagilardan xulosa qilganda,biror doridan foydalanishdan oldin shifokor yoniga borish kerak deb hisoblayman. Shundagina turfa ko‘ngilsizliklar oldi olingan bo‘ladi.

©

https://t.me/+Qf1pSbH412U0ZmRi

Bugungi mavzu : Avtomobillar elektromobillardan ustunmi?

Mavzu : Avtomobillar elektromobillardan ustunmi?

  O‘g‘irni yengil, uzoqni yaqin qiluvchi ulovlardir. Mashina xoh avtomobil, xoh elektromobil bo‘lsin,yuqoridagi yengilliklarni taqdim etsa basdek.
Ammo ko‘pchilik birinchi yozganimni ikkinchidan ko‘ra afzal bilmoqda,Men bo‘lsa elektromobillarni. Lekin nega? Keling, sabablarini izlab ko‘ramiz.

  ‘‘Yotib yesang,tog‘ chidamaydi‘‘, - deydi dono xalqimiz. Shunday ekan tiklanmas tabiiy boyliklarni tejab ishlatish,ularni kelajak avlodlarga ham qoldirish zarur. Buning uchun esa yonilg‘i bilan harakatlanuvchi mashinalar o‘rniga elektr orqali yuruvchilarga o‘tmoq lozim.
Yuqoridagi holatni ko‘plab rivojlangan davlatlar : Yaponiya,Janubiy Koreya,Kanadada uchratish mumkin. Hozirgi vaqtda ularda foydalanilayatgan barcha avtolarning 75 foizi elektrokarlardir.
Ular bunga sabab sifatida quyidagilarni ko‘rsatishadi:
Birinchidan,tabiatga zararli moddalar chiqmasligi.
Ikkinchidan,hamyonbop narxlarda sotib olish mumkinligi.
Uchinchidan,uzoq masofaga yura olish.
   Hech bir yaratiq kamchiliksiz bo‘lmaganidek elektromobillarning ham ba‘zi noqulayliklari mavjud. Avvolo, tez - tez quvvatlash natijasida akkumlyator ‘o‘tirib qolishi‘, bundan tashqari, elektr to‘ldirish shoxobchalarining ozligi, tezlikning cheklanganligi gapimiz isbotidir.
   Bir yomonning bir yaxshisi -  bor.To‘g‘ri,bu maqolni avtomobillarga ham ishlatsak, ‘uzukka ko‘z qo‘ygandek‘ mos keladi.  Masalan,yuqori tezlikka bir necha sekundlarda chiqa olish,texnik qismlarini istalgan joydan topish,ko‘zni quvnatuvchi tashqi ko‘rinish va boshqalar.
   Fikrlarimga yakun yasagan holda, avtomobillardan ko‘ra elektrokarlarni ma‘qul ko‘raman. Zero tabiatni asrash, uni avlodlarga yaxshi holatda qoldirish bizning oliy maqsaddir.

©

Kanal havolasi : https://t.me/+CWhI7-3ya0QwYTUy

Ba'zi insonlar ijtimoiy tarmoqlar foydali desa, yana boshqalar uning qator
zararlarini ta'kidlashadi. Sizning fikringiz.

Ijtimoiy tarmoqlar haqida insonlarda xilma-xil fikrlar mavjud. Shulardan bir munchasi uning afzalliklari ko‘pligini aytishsa, boshqalari bo‘lsa ‘minus‘larining yuqoriligini ta‘kidlashadi.

‘‘O‘rgimchak to‘ri‘‘ yurtimizda 1996-yildan boshlab o‘z faoliyatini boshladi.U sizni, meni,hammani o‘z domiga chirmab tashladi. Balki, uni shuning uchun shunday atashar.
Telegram,instagram,tik-tok va boshqa ommaviy dasturlarda hozirda millionlab foydalanuvchi o‘z sahifasiga ega. Bundan tashqari,davlatlarning rasmiy axborot tarqatuvchi vakillari ham ulardan unumli foydalanmoqda.
  Uzoqqa bormaylik,butun dunyoni uyda qolishga majbur qilgan ‘karona’ ta‘lim tizimini izdan chiqardi. Shunday vaziyatda ‘zoom‘ dasturi najot bo‘lib maydonga keldi. Undan millionlab o‘qituvchi va o‘quvchilar foydalandi. Natijasi esa yomon bo‘lmadi.
Yuqorida sanaganlarimiz ‘xamir uchidan patir‘. Uning yana ko‘plab foydali tomonlarini aytishimiz mumkin.
Ammo masalaning ikkinchi, ya‘ni salbiy tomonlari ham bor.Jumladan,doimiy nurga termulish natijasida ko‘rish qobiliyatining pasayishi, asabiylik,jahldorlik,real so‘zlashmaslik tufayli nutqdagi kamchiliklar. Bunga dalil sifatida AQSHning Arizona shtatida o‘tkazilgan tajribani keltirishimiz mumkin. Unda 12 yasharli qo‘shni 2 bolakayga facebook orqali yozishmalarni 1 oy davomida  to‘xtatmaslik aytiladi.  4 haftadan  so‘ng esa ular jonli hayotda bir - birlari bilan doimgidek o‘ynab ketisha olmadi.
  Ikki tomonning ham dalilarni tahlil qilgan holda, xulosa qilsak,texnologiyalar asri bo‘lmish XXI asrda ijtimoiy tarmoqlardan me‘yorda foydalanib,o‘zimizga va jamiyatga zarardan ko‘ra  foyda keltirishimiz mumkin.

©

https://t.me/+CWhI7-3ya0QwYTUy

Mavzu: Bugungi kunda ba‘zi insonlar reklama peshtoxlaridagi xatolarni tuzatish muhim deb o‘ylashadi. Boshqalar esa bundan ham muhim muammolar borligini ta‘kidlashadi.

Aslida muammoning katta yoki kichigi bo‘lmaydi. Shunday bo‘lsada,shartli ravishda kimlardir oddiy xatolarga e‘tiborli bo‘lib uni to‘g‘rilashga harakat qiladi,allakimlar esa aksincha muhimroq masalalarga fokusni qaratish kerakligini yoqlashadi.
Yozuv bugun paydo bo‘lmagan, ularning tarixi uzoq ming yilliklarga borib taqaladi . Ular o‘tmishdan so‘zlovchi, ajdodlarimiz nima qilgani, qanday o‘y surgani haqida ma‘lumot beruvchi guvohlardir.
Xalqimiz turli davrlarda turfa yozuvlardan foydalanib keldi. Yakunda esa xalqda so‘zlarni yozishda ikkilanishlar,xilma-xillik yuzaga keldi.
Bugungi kunda reklama peshtaxtalarida ko‘plab xatoliklar uchramoqda. Bularni tuzatish  uchun natija bilan emas, sabab bilan kurashmog‘imiz lozim, aytmoqchimanki, maktabdayoq o‘quvchilarga talaffuz va imlo me‘yorlari yaxshi o‘rgatilishi zarur. Shundagina ulg‘ayib shu soha vakiliga aylangan avlod ‘yer sotiladi‘ birikmasini ‘er sotiladi‘ tarzida yozmaydi.
Ko‘ryapsizmi, qanchalar nojo‘ya gap hosil bo‘lmoqda. Buni arzimas deb hisoblovchilar shu kabi holatlarga ham qaramog‘i, keraksiz deyishdan oldin ‘yetti o‘lchab bir kesmog‘i ‘ zarur.
  Yuqoridagi masaladan ko‘ra muhimroq ishlar bor deguvchilar sog‘liq,ta‘lim,uy-joy,ekologiyani nazarda tutgan bo‘lsa kerak,menimcha.
Albatta, bularsiz xalq kostyumsiz to‘yga kelgan kuyovdek gap.
   Shunday ekan bularning barchasiga tizimli yondashib ijobiy hal qilmoq lozim.

Esse kanali qayta faollashadi. Do‘stlarni taklif qilishni unutmang .

Axir imtihonga yaqin qolmoqda!

Kanal havolasi : https://t.me/+CWhI7-3ya0QwYTUy

Mavzu :Ba‘zilar davlat OTMlarida o‘qishni afzal ko‘rishsa , boshqalar bo‘lsa xususiy OTMlarda o‘qishni tanlashmoqda.
Sizningcha, qaysi birini tanlagan ma‘qul? O‘z munosabatingizni dalillar orqali ifodalang .

https://t.me/+CWhI7-3ya0QwYTUy

Kirish qismi:

Barchamizga ma‘lumki, hozirgi kunda OTMlar soni anchagina ko‘paygan. Ular ikki guruhga bo‘linadi: Davlat OTMlari va xususiy OTMlar. OTMlarda o‘qishni istovchilar juda ko‘p. Bularning ba‘zilari davlat OTMlarida o‘qishni afzal ko‘rishsa, boshqalari esa xususiy OTMlarda o‘qishni tanlashmoqda.
  Xo‘sh,sizningcha, qaysi birini tanlagan ma‘qul?  Keling bularni birgalikda muhokama qilamiz.

https://t.me/+CWhI7-3ya0QwYTUy

Kirish qismidan keyin nima qilaman?

Qaysi tomonda ekanligingizni aniqlab oling.

Esse yozishdan oldin masalanining ikki tomoniga dalillar topishni unutmang.


Davlat OTMsi haqida:
1. Ishonchli,o‘z an‘analariga ega.
2. Bilim berish darajasi yuqori.
3. Zamonaviy texnologiyalar va qulay shart-sharoitlarga ega.


Xususiy:
1.Majburiy formaning yo‘qligi.
2.O‘qituvchilarni talabalarning o‘zlari tanlashi.
3. Qulay vaqt soatlarida o‘qish.
4. Xorijdagi hamkor universitetlar bilan malaka oshirish.

Esse yozishni mustaqil o‘rganuvchilar uchun 🤝

Kanal havolasi : https://t.me/+CWhI7-3ya0QwYTUy

Asosiy qismga nima desak bo‘ladi?

Bugungi kunda mamlakatimizda ta‘limga e‘tibor kundan kunga ortib bormoqda. Xususan, oliy ta‘lim ham bundan ayro emas. Yaqingacha faqat davlat OTMlari da tahsil olingan bo‘lsa, endilikda xususiy OTMlarda ham bunga ruxsat berildi. Tez fursatlarda ular bir - biriga yaxshigina raqobatchi ham bo‘lishga ulgurishdi . Bu 2023-yilgi kirish imtihonlariga abituriyentlarning o‘tgan yilgiga nisabatan kamroq hujjat topshirganligida yaqqol ko‘zga tashlandi.
Raqobatda yutqazib qo‘ymaslik maqsadida ikki taraf ham o‘z takliflarini talabgorlarga reklama orqali bildirishmoqda.
Avvalo, o‘z tarixiy an‘analariga sodiq, salohiyatli professor-o‘qituvchilarning dars larni olib borishi, zamonaviy o‘quv jihozlari va qulay shart-sharoitlar bilan davlat ta‘lim tashkilotlari qaysidir ma‘noda ishlayotganday ko‘rinsa, ulardan farqli ravishda bu ishga yaxshigina sarmoyasini va vaqtini ayamayotgan xususiy sektor ko‘proq taklif berayotgandek, bizningcha, jumladan, erkinlik,fikr va jism erkinligi, tahsil bilan bir vaqtda amaliyot, o‘qishni tamomlaganlarga ish topishda ko‘maklashish va boshqalar.
Ulardagi yutuqlarni sanab turib, ba‘zi kamchiliklar haqida ham fikr yuritmasak, adolatdan bo‘lmas,nazarimda. Davlat OTMlari talabalar qiziqishlarini hisobga olmaydi. Ularga o‘zlari tanlagan yo‘nalishdan ko‘ra ularga aloqasi bo‘lmagan fanlar o‘rgatiladi. Yakunda u o‘z sohasini yaxshi bilmaydigan ‘mutaxassis‘ bo‘lib yetishadi.
Xususiy ta‘limda ham , afsuski, barchasi obod emas, masalan, hali o‘quv binosiga ega bo‘lmagan, undan tashqari,professor - o‘qituvchilari yetishmaydigan dargohlar o‘quvchilarni qabul qilayotgani, ularning qo‘ynini puch yong‘oqqa to‘ldirayotgani bor haqiqat.
Nima ham derdik, rivojlanish bor joyda,albatta , kamchilik va xatolar bo‘lishi tabiiy, ammo bulardan to‘g‘ri xulosa qilishimiz, ularga yechimlar va takliflar berishimiz lozim. Shunda bu ikki yo‘l barchamiz uchun manfaatli va foydali bo‘ladi.

xomaki nusxa

https://t.me/+CWhI7-3ya0QwYTUy

Mavzu: Summativ baholash yoki formativ? Qaysi biri bugungi O‘zbekiston maktablarida qo‘llangani ma‘qul?

Kanal havolasi:
https://t.me/+CWhI7-3ya0QwYTUy

Mavzu : Ko‘pchilik alifboga o‘zgartish kiritish kerak deb bong urishmoqda, ba‘zilar bo‘lsa bunga qarshi chiqishmoqda. Sizningcha, nima qilmoq lozim?

Trenddagi mavzu

Kanal havolasi 👉
https://t.me/+CWhI7-3ya0QwYTUy

Mavzu : Maktablarda ba‘zi fanlarni chuqur o‘rgatish maqsadida boshqa fanlarni qisqartish to‘g‘rimi?

https://t.me/+CWhI7-3ya0QwYTUy