Ajratib yozish

Birinchi qismi chiqish kelishigida, ikkinchi qismi joʻnalish kelishigida boʻlgan birikmalar ajratib yoziladi:

yildan yilga, tomdan tomga, kundan kunga kabi.

@essewithOtabek

#izoh / #tilshunoslik

ABZAS

[Nemischa — Absatz ˂ absetzen – yangi satrdan boshlash]

1 Matnning dastlabki qatorini bir oz oʻrin (uch harf oʻrni) qoldirib boshlash; xatboshi, satrboshi.
Yangi abzasdan yozmoq.

2 Matnning bir xatboshidan keyingi xatboshigacha boʻlgan qismi.
Uch abzasni oʻqimoq. Bir abzas tashlab yozmoq

@essewithOtabek

Zamonaviy texnologiyalarning shiddatkorona odimlashi natijasida,yaqin yillarda yangidan yangi kasb turlari paydo bo'la boshladi va davom etmoqda.Ko'pchilik jamoat vakillari zamonaviy kasb turlariga e'tibor qaratishayotgan bo'lsa,qolganlar an'anaviy kasblarni ma'qul ko'rishyapti.Xo'sh,zamonaviy kasbmi yoki an'anaviy?!Qaysi kasbga talab yuqori?
       Ma'lumki, so'ngi yillarda fan,texnologiya,iqtisod kabi sohalar tez sur'atlarda takomillashmoqda.Shu sababli hozirda ko'plab yoshlarimiz zamonaviy kasblarga qiziqishi ortyapti.Statistik ma'lumotlarga ko'ra, talaba bo'lish istagidagi bir qancha yoshlarimiz dasturlash,dizayn,SMM,IT kabi yo'nalishlarni tanlashgan.''Zamon senga boqmasa,sen zamonga boq'' deyishganidek,yoshlarimiz ham zamon bilan hamnafas.Sanab o'tilgan kasblarga talab yuqoriligining boisi,birinchidan,kompyuter texnologiyalari,suni'y intellekt davrida yashayotganimiz bo'lsa,ikkinchidan, bunday kasb turlariga to'lanadigan oylik maoshning yuqoriligi va h.k.Prezidentimiz Sh.M.Mirziyoyev ham zamonaviy kasblarni keng isloh qilish maqsadida ''Kelajak kasblari'' loyihasida 1038 ta imkoniyati cheklangan yoshlar uchun zamonaviy kasblar va axborot texnologiyalarni bepul o'qitish g'oyasini qo'llab quvvatlashi keltirilgan fikrlarimizning isbotidir.
      ''Eskisiz yangi bo'lmas'' deyilganidek,zamonaviy kasblar bilan bir qatorda an'anaviy kasblar ham e'tibordan chetda qolmayapti.O'qituvchilik,shifokorlik kabi o'lmas kasblar yangi paydo bo'layotgan kasblarning poydevori desak yanglishmaymiz.Dasturlash,IT kabi sohalarni egallash uchun ,avvalo,maktab ta'limidagi texnologiya,informatika,ingliz tili kabi fanlarni chuqur o'zlashtirish zarur.Bu borada bizga an'anaviy kasb egalari-o'qituvchilar yordam berishadi.
       O'ylashimcha,har ikki kasb turining ham insoniyat taraqqiy etishida o'z o'rni,ahamiyati bor.Zero ''Poydevor mustahkam bo'lmasa,uy qulaydi'' deganlaridek, zamonaviy kasblarning poydevori an'anaviy kasblardir.
      Xulosa qilib shuni aytishim mumkinki,xoh zamonaviy,xoh an'anaviy kasb egasi bo'lmasin,kasbini seva olishi va shu kasbga doir barcha nazariy va amaliy bilimlarni chuqur egallasagina tanlagan kasbida muvaffaqiyatga erisha oladi.

Umida Kamilovna

Do‘stlarni taklif qilish uchun faqatgina havolani jo‘natish mumkin.

@essewithOtabek

Dekabr oyida ochiladigan attestatsiya guruhimizga ustozlar qo‘shilmoqda.
Ushbu guruhda darslar noldan boshlanadi. Sekinlik bilan bahorgi testga tayyor bo‘lasiz. Darsimiz to‘lovi ham hamyonbop.

Namuna darsni mana bu yerda ko‘rish mumkin.
👉https://t.me/onlineonatili/18290


Toifa sertifikatim

Batafsil ma‘lumot uchun : @Otabeeeeeeek

Uxlamoq yoki uhlamoq?

Bularning ikkisi ham toʻgʻri yozilgan, faqat bular ikki xil maʼnoni anglatuvchi soʻzlar:

1. Uxlamoq — uyquda boʻlmoq, uyquga ketmoq.
2. Uhlamoq — uh tortmoq, “uh” deb qoʻymoq.

Misol:
Toshmat uxlayotganida birdan uhlab qoʻydi.

@essewithOtabek

Dilorombonu nomi bilan esselar yozgan o‘quvchim 63 ball oldi.

Muhayyoxon 62,5

Ruxshona 63

#tovush_oʻzgarishlari

Tovush oʻzgarishlari

Barg, pedagog, bugʻ, togʻ, sogʻ, ogʻ, sigʻ kabi soʻzlarga -ga, -gacha, -gach, -guncha, -gani, -gudek, -gan, -gin, -gina qoʻshimchalari qoʻshilsa, bu qoʻshimchalarning bosh tovushi k yoki q aytilishidan qatʼi nazar, g yoziladi:

bargga, pedagogga, bugʻga, togʻga, sogʻgan, ogʻgan, sigʻguncha kabi.

@essewithOtabek

Insoniyat yaralibdiki,turli xil orzu-istaklar qurshovida hayot kechiradi.Kishilarning orzu -havaslari,o'z oldiga qo'ygan maqsadlari va dunyoqarashlari turlicha.Shuningdek oilada  farzand va ota-onaning ham xohishlari o'zgacha bo'ladi.Jumladan ba'zi ota onalar farzandlarining fikrlarini hisobga olmagan holda,ularning qaysi kasbni egallashlarini o'zlari belgilab berishadi.Xo'sh, bu qanchalik to'g'ri yoki noto'g'ri? Keling ,shu haqida biroz mushohada yuritsak.
        Har bir o'zbek oilasida ota onaga,kattalarga hurmat ruhi yoshligidanoq farzand ruhiga singdiriladi.Ulg'ayganda ham farzandlar har bir masalani ota ona maslahati bilan hal qilishni togri deb bilishadi.Xususan, kasb tanlash borasida ham ularning orzu-istak va xohishlarini hisobga olgan holda tanlashadi.Ota yoki onaning kasbini davom ettirish an'anasi ko'p oilalarda kuzatiladi.''Olmaning tagiga olma tushadi'' deganlaridek,ota ona farzandiga o'z kasbining barcha sir-asrorlarini o'rgatib ularni yetuk mutaxassis bo'lishiga ko'maklashadi.Uyda ota onadan, jamoatda esa ustozdan bilim va tajriba orttirish ota ona kasbini tanlashning ijobiy jihatlaridan biridir.Bundan tashqari kattalar jamiyatda qaysi kasbga talab yuqori bolsa yoki qaysi kasbda oylik maosh ko'p berilishini ham inobatga olgan holda farzandlarini kasbga yo'naltirishadi, chunki har bir inson farzandining kelajakda bekam-u ko'st,moliyaviy tomondan barqaror yashashini xohlashadi.
        Masalaga boshqa tomondan yondashadigan bo'lsak,o'zlari xohlamasada,ota onaning ra'yiga qarshi borolmagani uchun majburiyat yuzasidan tanlangan kasb insonga muvafaqqiyat olib kelishi qiyin bo'ladi.Psixologlarning fikricha,shaxs o'zi xohlagan kasbni egallab,kasbini sevsagina o'sha kasbda yutuqlarga erisha oladi.Xalqaro Bandlikni Ta'minlash Agentligining ma'lumotlariga qaraganda dunyo bo'ylab har 10 kishidan 3 tasi o'z sevgan kasbida faoliyat yuritmaganligining oqibatida ko'pgina psixologik muammolarga duch kelib,og'ir depressiyani boshdan kechirar ekan.
       Mening fikrimcha,ota onalar kasb tanlashni farzandlarining o'z ixtiyorlariga qo'yib berishganlari ma'qul.Inson o'zi tanlagan kasbda faoliyat yuritsa,yutuqlarga erishishga astoyidil harakat qiladi.Bu esa shaxsning ruhiyatiga ham moliyaviy ahvoliga ham foyda beradi.
      Xulosa qilib aytadigan bo'lsam,har kim o'zi orzu qilgan kasbini ota ona roziligi bilan ularning duolarini olgan holda boshlasa o'sha kasbda kamol topadi.Zeroki, hech bir ota ona o'z farzandiga yomonlikni ravo ko'rmaydi.

Umida Kamilovna

Do‘stlarni taklif qilish uchun faqatgina havolani jo‘natish mumkin.

@essewithOtabek

#bilib_oling / #tinish_belgilari / #punktuatsiya / #chiziqcha / #defis

Chiziqchaning turlari

Chiziqchalarning oʻndan ziyod turi boʻlib, bugun eng asosiy uchtasini koʻrib chiqamiz:

1. Defis (-)
Defis — bu soʻzlarni ajratish uchun ishlatiladigan biz bilgan kichkina chiziqcha. Juft soʻzlar, takror soʻzlar orasida baʼzi qoʻshimchalar (-ku, -da, -a, -u va b.) bilan keladi. Boʻgʻin koʻchirish uchun ham defis qoʻllanadi. Defisning ikki tomonidan ham joy qoldirmay yoziladi.

Misol:
Oldi-berdi, uy-joy, asta-sekin, aytdim-ku, yaxshi-da.

—

2. Tire (katta tire) (—)
Gaplarni va gap boʻlaklarini ikkiga ajratuvchi tinish belgisi. Bu belgini yana «em-desh» (ing. m-dash) ham deyishadi, chunki uning uzunligi m harfining eni bilan bir kattalikda. Tire har ikki tomondan boʻsh joy bilan ajratib yoziladi.

Misol:
Til — bu millat gʻururi.
Bulbul chamanni sevar, odam — vatanni.
Toshkent — Samarqand yoʻnalishi.

Kompyuter klaviaturasida bu belgini chiqarish uchun, Alt tugmasini bosib turib, oʻng tarafdagi raqamlar blokidan 0151 sonlar ketma-ketligini tering.

—

3. Qisqa tire (oʻrtacha tire yoki raqamli tire) (–)
Inglizlardan kirib kelgan bu belgining paydo boʻlganiga 10-15 yil boʻldi. Bu belgining uzunligi n harfining eni bilan teng boʻlgani uchun «en-desh» (ing. n-dash) ham deyishadi. Raqamli tire deyilishiga sabab esa uning raqamlar koʻlamini ifodalash uchun ishlatilishidir. Avval raqamlar orasida katta tire ishlatilgan, hozirda bu kichik tirega almashtirilgan. Kichik tire ham ikki tomondan boʻsh joy tashlamay yoziladi.

Misol:
3–4 dona, 1941–1945 yillar, 10–15 daqiqa, 10:00–18:00.

Kompyuter klaviaturasida bu belgini chiqarish uchun, Alt tugmasini bosib turib, oʻng tarafdagi raqamlar blokidan 0150 sonlar ketma-ketligini
tering.

Mening tilim

@essewithotabek

Bugundan yangi guruhda darslar boshlanmoqda. 20:00 gacha vaqtingiz bor qo‘shilish uchun.

Murojaat : @Otabeeeeeeek

#bilib_oling / #vaqt / #imlo

Soat va daqiqalar imlosi

1. Soatlar va daqiqalarni ikki nuqta bilan ajratgan maʼqul: 15:00, 09:30

2. Kompaniyalar saytlarida, jurnallarda, umuman, badiiy va norasmiy matnlarda ularni nuqta bilan ajratsa ham zarar qilmaydi: 15.00, 09.30

3. Yarim tunni ikki xil koʻrinishda ifodalash mumkin: 00:00 yoki 24:00

4. Kunning yakuni haqida gap ketayotgan boʻlsa, 24:00 shaklini, kunning boshi haqida gap ketayotgan boʻlsa — 00:00 shaklini ishlatish mumkin: bizning restoran 8:00 dan 24:00 gacha ishlaydi, bizning restoran 00:00 dan 18:00 gacha ishlaydi.

5. 24:30 shaklida yozib boʻlmaydi, 00:30 shaklida yozish maqsadga muvofiq.

6. Vaqtni raqamlar bilan ifodalagandan keyin daqiqa soʻzini qoʻshish ortiqchalik qiladi: 12:30 daqiqa ❌

7. Oʻrni kelsa, misol uchun, aniqlik talab qilinadigan rasmiy hujjatlarda soatni soʻzlar bilan ham ifodalash mumkin: oʻn ikkidan oʻttiz daqiqa.

8. Ikki vaqt oraligʻiga qisqa tire (–) qoʻyiladi: 09:00–18:00

9. Butun sonli vaqtlarda nol-nol soʻzlari chiziqcha bilan yoziladi: oʻn ikki-yu nol-nol.

@essewithOtabek

🫡 Sun‘iy intellekt va ekologiya mavzulariga esse yozib qo‘ying. Balki,tushib qolar. Yana kim bilsin?!

Do‘stlarni taklif qilish uchun faqatgina havolani jo‘natish mumkin.

👉@essewithOtabek

Xabaringiz bo‘lsa kerak: aprel oyida o‘zbek tili va adabiyot fanidan milliy sertifikat imtihoni bo‘lish ma‘lum qilindi.

Shu sababli yanvar oyidan boshlab noldan to‘rt oylik kurslarni boshlamoqchimiz.

Kurs uchun bir marta ( olti yuz ming to‘rt oy uchun ) to‘lov qilasiz va imtihongacha tayyorgarlik ko‘rasiz.



👉Natijalarimiz
👉Shaxsiy natijalar

Murojaat uchun : @Otabeeeeeeek