Ijtimoiy tarmoqlar haqida insonlarda xilma-xil fikrlar mavjud. Shulardan bir munchasi uning afzalliklari ko‘pligini aytishsa, boshqalari bo‘lsa ‘minus‘larining yuqoriligini ta‘kidlashadi.

‘‘O‘rgimchak to‘ri‘‘ yurtimizda 1996-yildan boshlab o‘z faoliyatini boshladi.U sizni, meni,hammani o‘z domiga chirmab tashladi. Balki, uni shuning uchun shunday atashar.
Telegram,instagram,tik-tok va boshqa ommaviy dasturlarda hozirda millionlab foydalanuvchi o‘z sahifasiga ega. Bundan tashqari,davlatlarning rasmiy axborot tarqatuvchi vakillari ham ulardan unumli foydalanmoqda.
  Uzoqqa bormaylik,butun dunyoni uyda qolishga majbur qilgan ‘karona’ ta‘lim tizimini izdan chiqardi. Shunday vaziyatda ‘zoom‘ dasturi najot bo‘lib maydonga keldi. Undan millionlab o‘qituvchi va o‘quvchilar foydalandi. Natijasi esa yomon bo‘lmadi.
Yuqorida sanaganlarimiz ‘xamir uchidan patir‘. Uning yana ko‘plab foydali tomonlarini aytishimiz mumkin.
Ammo masalaning ikkinchi, ya‘ni salbiy tomonlari ham bor.Jumladan,doimiy nurga termulish natijasida ko‘rish qobiliyatining pasayishi, asabiylik,jahldorlik,real so‘zlashmaslik tufayli nutqdagi kamchiliklar. Bunga dalil sifatida AQSHning Arizona shtatida o‘tkazilgan tajribani keltirishimiz mumkin. Unda 12 yasharli qo‘shni 2 bolakayga facebook orqali yozishmalarni 1 oy davomida  to‘xtatmaslik aytiladi.  4 haftadan  so‘ng esa ular jonli hayotda bir - birlari bilan doimgidek o‘ynab ketisha olmadi.
  Ikki tomonning ham dalilarni tahlil qilgan holda, xulosa qilsak,texnologiyalar asri bo‘lmish XXI asrda ijtimoiy tarmoqlardan me‘yorda foydalanib,o‘zimizga va jamiyatga zarardan ko‘ra  foyda keltirishimiz mumkin.

©

https://t.me/+CWhI7-3ya0QwYTUy

ESSE | Otabek To‘laganov:
Mavzu: Bugungi kunda ba‘zi insonlar reklama peshtoxlaridagi xatolarni tuzatish muhim deb o‘ylashadi. Boshqalar esa bundan ham muhim muammolar borligini ta‘kidlashadi.

Aslida muammoning katta yoki kichigi bo‘lmaydi. Shunday bo‘lsada,shartli ravishda kimlardir oddiy xatolarga e‘tiborli bo‘lib uni to‘g‘rilashga harakat qiladi,allakimlar esa aksincha muhimroq masalalarga fokusni qaratish kerakligini yoqlashadi.
    Yozuv bugun paydo bo‘lmagan, ularning tarixi uzoq ming yilliklarga borib taqaladi . Ular o‘tmishdan so‘zlovchi, ajdodlarimiz nima qilgani, qanday o‘y surgani haqida ma‘lumot beruvchi guvohlardir.
  Xalqimiz turli davrlarda turfa yozuvlardan foydalanib keldi. Yakunda esa xalqda so‘zlarni yozishda ikkilanishlar,xilma-xillik yuzaga keldi.
Bugungi kunda reklama peshtaxtalarida ko‘plab xatoliklar uchramoqda. Bularni tuzatish  uchun natija bilan emas, sabab bilan kurashmog‘imiz lozim, aytmoqchimanki, maktabdayoq o‘quvchilarga talaffuz va imlo me‘yorlari yaxshi o‘rgatilishi zarur. Shundagina ulg‘ayib shu soha vakiliga aylangan avlod ‘yer sotiladi‘ birikmasini ‘er sotiladi‘ tarzida yozmaydi.
Ko‘ryapsizmi, qanchalar nojo‘ya gap hosil bo‘lmoqda. Buni arzimas deb hisoblovchilar shu kabi holatlarga ham qaramog‘i, keraksiz deyishdan oldin ‘yetti o‘lchab bir kesmog‘i ‘ zarur.
  Yuqoridagi masaladan ko‘ra muhimroq ishlar bor deguvchilar sog‘liq,ta‘lim,uy-joy,ekologiyani nazarda tutgan bo‘lsa kerak,menimcha.
Albatta, bularsiz xalq kostyumsiz to‘yga kelgan kuyovdek gap.
   Shunday ekan bularning barchasiga tizimli yondashib ijobiy hal qilmoq lozim.

@essewithotabek

Mavzu : Maktablarda ba‘zi fanlarni chuqur o‘rgatish maqsadida boshqa fanlarni qisqartish to‘g‘rimi?

https://t.me/+CWhI7-3ya0QwYTUy

Mavzu : Ba‘zilar o‘qituvchilarga e‘tibor Yangi O‘zbekistonda ‘eski O‘zbekiston‘ga qaraganda ko‘proq bo‘lmoqda deyishmoqda, boshqalar bo‘lsa hech narsa o‘zgarmagani, hammasi o‘sha o‘sha ekanligini ta‘kidlashadi. Siz qanday fikrdasiz?

Kanal linki : https://t.me/+CWhI7-3ya0QwYTUy

Ehtimoliy esse mavzulariga hafta davomida namunalar berib boramiz. Kuzatib boring.

👉1.Bugungi kunda ba'zi insonlar davlat byudjetidagi mablag'lar sportga ko'proq sarflanishi kerakligini aytmoqda, ayrimlar esa ta'limga pul ajratish manfaatliroq deb hisoblashmoqda.

👉2.Bugungi kunda yonilg'i narxining oshirilshiga ko'pchilik qarshi fikr bildirayotgan bo'lsa, ayrimlar bu ekologik mumammolarga yechim deb qaramoqda.

👉3.Bugungi kunda elektromobillarga bo'lgan talab ortib bormoqda, shunga qaramasdan yonilg'i bilan harakatlanuvchi avtomobillarga bo'lgan qiziqish ham kamaygani yo'q.

👉4.Hozirgi kunda ko'pchilik insonlar o'smirlar jinoyatini oldini olishda davlat mas'ul bo'lishi kerak deb hisoblashsa, ba'zilar ota-onalar javobgar bo'lishi kerakligini ta'kidlashadi.

👉5.Bugungi kunda ba'zi  yoshlar an'anaviy sport turlari bilan shug'ullanishni ma'qul ko'rmoqda, ba'zilar kibersportni afzal ko'rmoqda.

https://t.me/essewithOTABEK

Esseni master (70+)dan o‘rganing. O‘zi yozishni bilmaydigan o‘qituvchilardan emas.

@Otabeeeeeeek

Mavzu : Avtomobillar elektromobillardan ustunmi?

  O‘g‘irni yengil, uzoqni yaqin qiluvchi ulovlardir. Mashina xoh avtomobil, xoh elektromobil bo‘lsin,yuqoridagi yengilliklarni taqdim etsa basdek.
Ammo ko‘pchilik birinchi yozganimni ikkinchidan ko‘ra afzal bilmoqda,Men bo‘lsa elektromobillarni. Lekin nega? Keling, sabablarini izlab ko‘ramiz.

  ‘‘Yotib yesang,tog‘ chidamaydi‘‘, - deydi dono xalqimiz. Shunday ekan tiklanmas tabiiy boyliklarni tejab ishlatish,ularni kelajak avlodlarga ham qoldirish zarur. Buning uchun esa yonilg‘i bilan harakatlanuvchi mashinalar o‘rniga elektr orqali yuruvchilarga o‘tmoq lozim.
Yuqoridagi holatni ko‘plab rivojlangan davlatlar : Yaponiya,Janubiy Koreya,Kanadada uchratish mumkin. Hozirgi vaqtda ularda foydalanilayatgan barcha avtolarning 75 foizi elektrokarlardir.
Ular bunga sabab sifatida quyidagilarni ko‘rsatishadi:
Birinchidan,tabiatga zararli moddalar chiqmasligi.
Ikkinchidan,hamyonbop narxlarda sotib olish mumkinligi.
Uchinchidan,uzoq masofaga yura olish.
   Hech bir yaratiq kamchiliksiz bo‘lmaganidek elektromobillarning ham ba‘zi noqulayliklari mavjud. Avvolo, tez - tez quvvatlash natijasida akkumlyator ‘o‘tirib qolishi‘, bundan tashqari, elektr to‘ldirish shoxobchalarining ozligi, tezlikning cheklanganligi gapimiz isbotidir.
   Bir yomonning bir yaxshisi -  bor.To‘g‘ri,bu maqolni avtomobillarga ham ishlatsak, ‘uzukka ko‘z qo‘ygandek‘ mos keladi.  Masalan,yuqori tezlikka bir necha sekundlarda chiqa olish,texnik qismlarini istalgan joydan topish,ko‘zni quvnatuvchi tashqi ko‘rinish va boshqalar.
   Fikrlarimga yakun yasagan holda, avtomobillardan ko‘ra elektrokarlarni ma‘qul ko‘raman. Zero tabiatni asrash, uni avlodlarga yaxshi holatda qoldirish bizning oliy maqsaddir.

©

Kanal havolasi : https://t.me/+CWhI7-3ya0QwYTUy

Ayrimlar elektron kitoblarning qulayligini aytishadi, ayrimlar esa anʼanaviy kitoblarni maʼqul koʻradi, sizning fikringiz qanday?

   Jismimizning sogʻlomligi uchun taom qanchalik muhim boʻlsa, ruhimizning sogʻlomligi uchun kitob shunchalik ahamiyatli. Kitob maʼnaviy olamimizning boyib borishida, dunyoqarashimizning ochilib borishida qimmatli koʻmakchidir. Jadal rivojlanishga yuz tutgan hozirgi davrimizda kitob mutolasining turli xil usullaridan foydalanishimiz mumkin. Shulardan kelib chiqib, ayrim insonlar elektron kitoblarning qulayligi haqida gapirishsa, baʼzilar anʼanaviy kitoblardan foydalanishni afzal koʻradilar. Men essemda har ikki toifa insonlarning fikrlariga oʻz mulohazalarimni bildirib, xulosalashga urinib koʻraman.
   Qayerda rivojlanish boʻlsa, oʻsha yerda yuksalish boʻladi, deganlaridek, elektron kitoblarning hozirgi kundagi ahamiyati ortib bormoqda. Buning koʻpgina qulayliklari bor, albatta. Birinchidan, bunday kitoblarni uyda, koʻchada, yoʻlda, transportda, xullas, manzilga yetguncha oʻqib yoki eshitib (bunday kitoblarning audio variantlari ham bor) ketish mumkin. Ikkinchidan, kerakli kitobni tez va oson topish imkonini beradi. Bunday vaziyatda vaqtdan, moddiy tomondan  yutish mumkin. Uchinchidan, elektron kitoblarni topishga moʻljallangan har xil saytlar, botlar, kutubxonalar topilishi qiyin boʻlgan kitoblarni oson topishga yordam beradi. Bu kitoblarni saqlab olish ham qulay, har joyda, har qanday vaziyatda ulardan foydalansa boʻladi.
   Dunyo bir kam qilib yaratilganidek, elektron kitoblardan foydalanishning noqulaylik tugʻdiradigan tomonlari ham bor. Shularning ayrimlarini keltirib oʻtmoqchiman:
- elektron kitoblardan foydalanish, avvalo, koʻzimizga zarar. Doimiy telefon, kompyuterlarga tikilish koʻz nurining pasayishiga olib keladi;
- ikki soatdan ortiq telefon, kompyuterlar oldida oʻtirish bosh ogʻrigʻi, yelka, boʻyin sohalarining ogʻrishini keltirib chiqaradi;
- oddiy kitobdan bizga kerakli joyni mundarija orqali oson topsak, elektron kitobda u yoqdan, bu yoqqa oʻtkazib topish noqulaylik tugʻdiradi. Bu kabi sabablarni koʻplab keltirishimiz mumkin.
   Inson yaralibdiki, bilishga, oʻrganishga, jumboqlarga  toʻla olamning sirlarini ochishga intiladi. Oʻtmishga nazar tashlaydigan boʻlsak, dunyoga dongʻi ketgan bobolarimiz qanday vaziyatda, qanday sharoitda boʻlmasin kitob varaqlashga, bilishga, bilganlarini yozib qoldirishga intilganlar. Birgina Alisher Navoiy bobomizning  hayoti va ijodining oʻziyoq yuqoridagi fikrlarimizga yorqin misol boʻla oladi. Albatta, jahonda kitobdan yaxshiroq doʻst yoʻq. Kitob oʻqiganda qoʻlingni toʻldirib, varaqlab, kitobning nafasini tuyib, uni his qilib oʻqisang, bundan ortiq rohat bormikan? Bunday paytda, xuddi, kitob bilan gaplashayotgandek, tasavvur uygʻonadi odamda. Kitob javonida uyilib turgan kitoblardan ham inson qaysidir maʼnoda zavq oladi.
   Besh qoʻl barobar boʻlmaganidek, anʼanaviy kitob oʻqishning ham  bir qancha noqulaylik tugʻdiradigan jihatlari bor. Ularning ayrimlari  haqida gapirsam:
- oʻzimiz bilan doimiy olib yura olmaymiz;
- bir nechta kitobni koʻtarib yurish noqulay;
- kerakli kitoblarni doʻkonlardan topish qiyin;
- yashash joyimiz, moddiy kamchiliklar va hokazo.
   Mening fikrimcha, inson qanday mutolaa turini tanlamasin, zamirida ezgu maqsad yotibdi. Bu bilim olishga, maʼnaviy olamini boyitishga  boʻlgan intilish. "Yigitlikda yigʻ ilmning mahzani",- deydi Navoiy bobomiz. Zero, yoshlikda olingan bilim toshga oʻyilgan naqsh kabidir. Kitobga oshno, dunyoqarashi keng insonlarning qoʻlidan yomonlik kelmaydi.
   Soʻngsoʻz oʻrnida shuni aytishim mumkinki, qanday shaklda boʻlmasin, kitob - baribir kitob. Undan qanday foydalanish oʻquvchining oʻziga xavola. Asosiysi, u kitob oʻqilyapti. Kitob oʻqiladigan jamiyatda, albatta, rivojlanish boʻladi.

✅Do‘stlarni taklif qilish uchun faqatgina havolani jo‘natish mumkin.

👉@essewithOtabek

📣 Milliy sertifikat imtihoniga tayyorgarlik kursi!

🗓Noyabr oyida bo‘lib o‘tadigan Milliy sertifikat imtihoni uchun maxsus 2 oylik onlayn kurs ochilmoqda!

✏️ Kurs haqida:

📌Davomiyligi: Sentyabr – Oktyabr
📌Dars kunlari: Dushanba, Chorshanba, Juma, Yakshanba
📌Vaqti: 19:00

🥸Guruh: cheklangan sonli o‘quvchilar — qulay va sifatli ta‘lim uchun

📈 Kurs davomida sertifikat uchun eng muhim mavzular — esse va g‘azal chuqur o‘rganiladi.

👨‍🏫 Darslarni olib boradi:
Ustoz Otabek To‘laganov
➖🅰️➕  milliy
➖Oliy toifali
➖Attestatsiya kitobi muallifi

💵 To‘lov:
✔️Bir martalik: 500 000 so‘m
📉Bo‘lib-bo‘lib (2 qismda): 300 000 so‘mdan

🔔 Ro‘yxatdan o‘tishga shoshiling!
@Otabeeeeeeek

Sentyabrdan faqat esse yozishni o‘rgatuvchi guruh ochmoqdaman. Qo‘shilish istagidagilar yozing.

To‘lovi haqida batafsil

70 + esse.

@Otabeeeeeeek

Ba‘zi odamlar restoranlarda ovqatlanishni afzal ko‘rishadi,  boshqa odamlar bo‘lsa uyda ovqat tayyorlashni afzal ko‘rishadi.
Siz qaysi birini afzal ko‘rasiz?

    Zamon rivojlangani sari insoniyat turmush tarzi va moddiy ehtiyojlari ham ortib boraveradi. Odamlar yengil hayot tarziga moslashib borar ekan, ularning ayrimlari restoranlarda ovqatlanishni, ayrimlari esa uyda ovqat tayyorlanishni afzal koʻrishadi. Toʻgʻri ovqatlanish borasida esa koʻplab nazariyalar mavjud va har kuni yangi ma'lumotlar paydo boʻladi. Men essemda ovqatlanishning har ikki turi haqidagi mulohazalarimni bildirib, xulosalarimni berishga harakat qilib koʻraman.
    Insonning shaxs sifatida kamol topishi uchun bilim olish va mehnat qilish qanchalik muhim boʻlsa, toʻgʻri ovqatlanish, sogʻlom turmush tarzi, jismoniy sogʻligi muhimdir. Shiddat bilan rivojlanayotgan bugungi zamonda insonlarining mehnatga boʻlgan ehtiyojlari oʻrtib boryapti, bu esa besh vaqtning kamligi va koʻproq koʻchadan ya'ni restoranlardan ovqatlanish ehtiyojini yuzaga keltiryapti. Restoranlardagi qulay muhit, istalgan vaqtda istalgan turdagi taomlar va xizmat koʻrsatish sohasi yaxshi yoʻlga qoʻyilgan va bu koʻpchilikka manzur boʻlmoqda. Chunki kunning istalgan vaqtida ovqatlanish yoki uyda turib ham taom buyurtma qilish qulay va ovqat tayyorlash uchun ketadigan vaqtni tejaydi.
      Biroq "guruch kurmaksiz boʻlmaydi" deganlaridek, bu ovqatlanish turining salbiy tomonlari ham bor. Masalan, isteʼmol uchun yaroqli mahsulotlardan foydalanishganini bilish mushkul. Qay tartibda va qanday sharoitda gigienaga rioya qilib tayyorlanganligi ham alohida masala. Koʻpincha biz iste'mol qiladigan tez tayyor boʻladigan ovqatlarimiz organizmimiz uchun zararli ekanligini juda koʻp bor eshitamiz va bilamiz. Ularni muntazam ravishda iste'mol qilish ortiqcha semizlik, oshqozon kasalliklarini ham keltirib chiqarishi barchamizga ma'lum. Koʻpchilik olimlarning fikricha, jismoniy salomatlik insonlarning 50% toʻgʻri ovqatlanishi bilan bogʻliq ekan.
      Sogʻlik eng katta boylik ekanligini inobatga olsak, uyda tayyorlangan ovqatlar barchamiz uchun foydali. Uyda oʻzimiz tayyorlaganda mahsulotlar sifatiga qarab, oʻzimiz istagandek tayyorlashimiz mumkin. Muhimi, ishlatadigan mahsulotimizni yaroqlilik muddatiga va gigiyena qoidalariga rioya qilib tayyorlanadi. Bu esa salomatligimiz garovidir.
      Har toʻkisda bir ayb deganlaridek bunda ham bir qadar kamchiliklar yoʻq emas. Masalan, har doim ham ovqat tayyorlash uchun vaqtimiz boʻlmasligi mumkin. Yoki dam olish kunidagina uyda oʻtirishimiz mumkin. Bu esa dam olish kunidan boshqa  kunlarda uydan ovqatlana olmasligimizga sabab boʻladi.
       Mening fikrimcha inson ovqatlanishning qay turidan foydalanishidan qat'iy nazar, sogʻlom turmush tarzini yoʻlga qoʻyishi, toʻgʻri ovqatlanish qoidalariga rioya qilishi muhimdir.
     Soʻngsoʻz oʻrnida va essemdan qilgan xulosamga koʻra shuni aytishim mumkinki, sogʻlik insonning bebaho boyligi ekanligini inobatga olib, oʻzi uchun sogʻlom turmush tarzini yoʻlga qoʻysa va bunga toʻliq amal qilsa, qayerda ovqatlanishining ham ahamiyati boʻlmaydi.


Do‘stlarni taklif qilish uchun faqatgina havolani jo‘natish mumkin.

👉@essewithOtabek

Ba‘zi odamlar restoranlarda ovqatlanishni afzal ko‘rishadi,  boshqa odamlar bo‘lsa uyda ovqat tayyorlashni afzal ko‘rishadi.
Siz qaysi birini afzal ko‘rasiz? Javobingizni tasdiqlash uchun aniq sabablar  va misollardan foydalaning.

  Odamzotning turmush tarzi mukammallashib borgani sari yeb-ichishga ham ehtiyoj ortib bormoqda. Taomlanish jarayonini qulaylashtirish va bu jarayondan zavqlanish maqsadida restoran, kafe, oshxonalarda barcha imkoniyatlardan foydalanilmoqda. Ammo shunday boʻlsa ham koʻpchilik oʻz uyida taomlanishni maʼqul koʻradi. Nega ayrim insonlar doimiy restoranlarda ovqatlanishadi, boshqalari esa uyda taomlanishni afzal koʻradi. Men essemda ikkala tarafning ham qarashlarini yoritib, fikrimni xulosalashga urinib koʻraman.

Insoniyat paydo boʻlibdiki, u taom bilan tirikdir. Bir inson ham jismonan, ham aqlan toʻkis boʻlishi uchun sport va kitob oʻqishdan tashqari yeyayotgan ovqati ham muhim. Bu borada insoniyat tarixiga toʻxtalsak, odamlar dastlab daraxt ildizlari, pishirilmagan hayvon goʻshtlari bilan qorin toʻydirishgan. Keyinchalik insoniyat sivilizatsiyasi rivojlangani sayin odamlar turli gurunglar, toʻplanib oʻtirishlar va choyxonalar oʻylab topishdi. Bugungi kunga kelib bunday taomlanish turi restoran, kafelarda amalga oshirilmoqda. Restoranlarning oilaviy, doʻstlar bilan gurunglashadigan va er-xotinlar uchun moʻljallangan turlari mavjud. Bularning qulayligi shundaki, ovqat pishirishga ketadigan vaqt tejaladi, shinam, yorugʻ joyda dam olinadi, dasturxon yigʻishtirish, idish yuvish kabi yumushlar ayollar yelkasidan soqit boʻladi.
       Har yaxshining bir yomoni boʻlganidek, restoranlarda taomlanishning ayrim jihatlarini aytsam:
- ovqatlanish tartibining buzilishi;
- sogʻlom ovqatlar oʻrnini tobora fast-foodlar egallayotgani;
- yogʻli va hazm boʻlishi qiyin boʻlgan taomlarning koʻpligi kabilarni sanash mumkin.
    Inson organizmi deyarli barcha kerakli narsalarni oziq-ovqat va suv orqali oladi. Shunday ekan, isteʼmol qilayotgan narsalarimizning tarkibi oʻta muhim. Oʻz qoʻlimiz bilan yoki onalarimiz uyda  tayyorlagan taomlar bu borada ishonchli va foydali. Ular taomlarni mahsulotlarni yaxshilab yuvib tayyorlashadi. U ovqatdan istaganimizcha yeya olamiz. Qornimiz toʻymay qolsa, pulga sotib olib yurmaymiz. Demak, uyda ovqatlanish orqali sogʻlom turmush tarziga rioya qilamiz va pulimizni tejaymiz.
     Har bir oila alohida jamiyatdir. Ularning sogʻlom va toʻkis hayot kechirishi muhim. Shu jihatdan uyda ovqatlanish ham kamchiliklardan holi emas:
-  yangi ovqat pishirishga erinib, muzlatgichda uzoq saqlangan taomni yeb qoʻyish;
- oshxona tozalash, idish yuvish kabi yumushlar tufayli ayollarning oshxonada chiqa olmay qolishi. Avvaliga nonushta tayyorlaysan, yigʻishtirasan, idish yuvish kerak. Bularni qilguncha ʼʼobedʼʼ yaqinlashib qoladi, yana ovqat. Yigʻishtirish, idish yuvish. Keyin, asosiysi, kechki ovqat... Yana har kuni shu ahvol takrorlanadi. Ayniqsa, koʻp sonli oilalarda bu qiyin. Shu ishlar tufayli ayollar oʻziga vaqt ajrata olmay qolishi, bir xil ishning takrorlanishidan esa asabiylik holati yuzaga kelishi mumkin.
      Oʻylaymanki, inson qayerda ovqatlanishidan qatʼi nazar toʻgʻri va sogʻlom ovqatlanishi lozim. Zero, xalqimiz sihat tilasang - koʻp yema, demishdir. Xoh restoranda, xoh uyda boʻlsin inson toʻgʻri taomlanishga harakat qilishi kerak.
    Soʻngsoʻz oʻrnida shuni aytish mumkinki, men essemdan shunday xulosaga keldim: inson organizmi foydali vitaminlarga boy taomlar bilan sogʻlom. Demak, qayerda boʻlsak ham, hamisha tabiiy mahsulotlarni isteʼmol qilshimiz zarur.

Do‘stlarni taklif qilish uchun faqatgina havolani jo‘natish mumkin.

👉@essewithOtabek

70+ essemda men ham Sh.Mirziyoyevdan xulosa qismida foydalanganman.

Qari bo‘lganda avtobus kutishni xohlamasang — til o‘rgan!”

Bu gap oddiy reklama emas, hayotiy haqiqatdir. Chunki qimmatbaho mashinada yurish – boylik belgisi bo‘lishi mumkin, ammo bilimli bo‘lish – insonning haqiqiy boyligidir.
Avtobusda yurish hech qachon uyat emas. Mashina vaqtincha qulaylik beradi, bilim esa umrboqiy imkoniyat eshigini ochadi. Bugun avtobusda ketayotgan inson ertaga butun dunyo bo‘ylab bemalol harakatlanishi mumkin — agar u til bilsa, hunar egallasa va o‘z ustida ishlasa.

Mashhurlar ham shunday yo‘ldan o‘tishgan: talabalikda avtobusda qatnab, orzu qilgan manzillariga erishishgan. Farqi shundaki, ular vaqtini bekorga sarflamagan, bilimga sarmoya kiritgan.

Rivojlangan davlatlarda, xususan, Angliya, Germaniya va Fransiyada esa jamoat transportidan foydalanish odatiy hayot tarzining bir qismidir. Hatto vazirlar, taniqli olimlar va yulduzlarni ham avtobus yoki metroda ko‘rishingiz mumkin. Chunki ular uchun mashina emas, vaqt va qulaylik muhim.

Bu davlatlarda avtobusda yurish kamsitilmaydi, aksincha, ekologiyaga e’tibor, intizom va tartib belgisi sifatida qaraladi. Kimdir mashinada, kimdir avtobusda yursa ham, insonning qadri – uning bilimida, madaniyatida va jamiyatdagi hissasida baholanadi.

@essewithOtabek

📣 Milliy sertifikat imtihoniga tayyorgarlik kursi!

#eslatma bu onlayn dars

🗓Noyabr oyida bo‘lib o‘tadigan Milliy sertifikat imtihoni uchun maxsus 2 oylik onlayn kurs ochilmoqda!

✏️ Kurs haqida:

📌Davomiyligi: Sentyabr – Oktyabr
📌Dars kunlari: Dushanba, Chorshanba, Juma, Yakshanba
📌Vaqti: 19:00

🥸Guruh: cheklangan sonli o‘quvchilar — qulay va sifatli ta‘lim uchun

📈 Kurs davomida sertifikat uchun eng muhim mavzular — esse va g‘azal chuqur o‘rganiladi.

👨‍🏫 Darslarni olib boradi:
Ustoz Otabek To‘laganov
➖🅰️➕  milliy
➖Oliy toifali
➖Attestatsiya kitobi muallifi

💵 To‘lov:
✔️Bir martalik: 500 000 so‘m
📉Bo‘lib-bo‘lib (2 qismda): 300 000 so‘mdan

🔔 Ro‘yxatdan o‘tishga shoshiling!
@Otabeeeeeeek

Jumadan boshlanadi. Qo‘shiling.