Tashrifdan ko‘zlangan asosiy maqsad ta’lim jarayonida uzviylik va izchillikni ta’minlash, o‘quvchi-yoshlarning kasbiy bilim va ko‘nikmalarini rivojlantirish, ularni temir yo‘l transporti sohasidagi zamonaviy texnologiyalar, avtomatika va telemexanika tizimlari hamda raqamli boshqaruv jarayonlari bilan yaqindan tanishtirishdan iborat bo‘ldiUchrashuv davomida kafedra professor-o‘qituvchilari tomonidan o‘quvchilarga sohaning bugungi kundagi dolzarb yo‘nalishlari, temir yo‘l transportida signallashtirish, markazlashtirish va blokirovka tizimlarining ahamiyati, shuningdek, mazkur yo‘nalishda malakali kadrlar tayyorlashning ustuvor vazifalari haqida ma’lumotlar berildi. Shuningdek, ta’lim muassasalari o‘rtasida o‘quv-uslubiy, ilmiy-amaliy va kasbiy yo‘naltirish borasidagi hamkorlikni yanada rivojlantirish, o‘quvchilar uchun bilim darajasini oshirishga qaratilgan treninglar, mahorat darslari va amaliy seminarlarni tashkil etish masalalari muhokama qilindi.

Tashrif davomida talabalar tabiat qo‘ynida mazmunli dam olib, turli jamoaviy o‘yinlar va madaniy hordiq tadbirlarida faol ishtirok etdilar. Shuningdek, o‘zaro samimiy muloqotlar, jamoaviy faoliyat va do‘stona muhit orqali guruh a’zolari o‘rtasidagi hamjihatlik yanada mustahkamlandi.
Xojikentning betakror tabiati, sof havosi hamda dam olish uchun yaratilgan qulay sharoitlar talabalarda katta taassurot qoldirdi. Mazkur tashrif yoshlarning darsdan tashqari vaqtini samarali tashkil etish, ularning ijtimoiy faolligini oshirish, jamoada ishlash ko‘nikmalarini rivojlantirish hamda sog‘lom turmush tarziga bo‘lgan qiziqishini kuchaytirishda muhim ahamiyat kasb etdi.