#ETKM
#Avtomatika_va_Telemexanika
#texnikumga_tashrif

📌 “Avtomatika va telemexanika” kafedrasi professor-o‘qituvchilari tomonidan Toshkent transport texnikumiga tashrif amalga oshirildi.

Tashrif davomida texnikum o‘quvchilariga kafedraning ilmiy-amaliy faoliyati, temir yo‘l transportida signallashtirish, markazlashtirish va blokirovka tizimlarining ahamiyati hamda avtomatika va telemexanika sohasining bugungi kundagi dolzarb yo‘nalishlari haqida ma’lumotlar berildi. Shuningdek, ta’lim muassasalari o‘rtasidagi hamkorlikni mustahkamlash, o‘quvchilarning kasbiy qiziqishini oshirish hamda kelgusida malakali muhandis kadrlar tayyorlash masalalariga alohida e’tibor qaratildi.

Mazkur tashrif ta’lim va ishlab chiqarish integratsiyasini rivojlantirish hamda yoshlarni soha bo‘yicha kasbga yo‘naltirishda muhim ahamiyat kasb etdi.

✅Telegram |✅ Facebook | 🌐Web-sayt | 🌐Instagram | 📹YouTube

#ETKM
#REQT
#SanatMuzeyi

🖼 Talabalar uchun ma’naviy-ma’rifiy madaniy sayohat tashkil etildi

“Radioelektron qurilmalar va tizimlar” kafedrasi professor-o‘qituvchilari tashabbusi bilan talabalarning bo‘sh vaqtini mazmunli tashkil etish, ularning estetik didi, san’atga bo‘lgan qiziqishi hamda ma’naviy dunyoqarashini boyitish maqsadida O‘zbekiston Davlat san’at muzeyi ga madaniy tashrif uyushtirildi.

Tashrif davomida talabalar muzeydagi noyob san’at asarlari, milliy va jahon tasviriy san’ati namunalari bilan yaqindan tanishib, san’atning inson tafakkuri va estetik tarbiyasidagi o‘rni haqida qimmatli taassurotlarga ega bo‘ldilar.
🎓 Tadbir yoshlarni milliy qadriyatlarga hurmat ruhida tarbiyalash, ularning madaniy saviyasini oshirish hamda ijodiy fikrlash ko‘nikmalarini rivojlantirishga xizmat qildi.

🌟 Muzeylar — milliy meros va ma’naviyatni avlodlarga yetkazuvchi bebaho maskandir.

😎Telegram | 🗳Facebook | 🕸Web-sayt | 📷Instagram | 📹YouTube

#ETKM
#Avtomatika_va_Telemexanika
#Olimpiya_va_paralimpiya_shon_shuhrati_muzeyi

📌 Olimpiya va paralimpiya shon-shuhrati muzeyiga tashrif tashkil etildi!!!
Talabalarning bo‘sh vaqtini mazmunli tashkil etish, ularning sportga bo‘lgan qiziqishini oshirish hamda sog‘lom turmush tarzini targ‘ib etish maqsadida "Avtomatika va telemexanika" kafedrasi professor-o'qituvchilari AB-9r va AB-11 guruhlari talabalari bilan birgalikda "Olimpiya va paralimpiya shon-shuhrati muzeyi" ga tashrif buyurishdi.

Tashrif davomida talabalar O‘zbekiston sporti tarixi, olimpiya va paralimpiya harakati rivoji, yurtimiz sportchilarining xalqaro musobaqalardagi yutuqlari hamda sport sohasida erishilgan tarixiy natijalar bilan yaqindan tanishdilar.

Mazkur tashrif talabalarda vatanparvarlik tuyg‘usini mustahkamlash, sportga bo‘lgan qiziqishni kuchaytirish hamda sog‘lom va faol hayot tarzini shakllantirishga xizmat qildi.

✅Telegram |✅ Facebook | 🌐Web-sayt | 🌐Instagram | 📹YouTube

🔥 9-may — Xotira va qadrlash kuniga bag‘ishlangan G‘alaba bog‘iga tashrif tashkil etildi!!!

🎗 Talabalarning bo‘sh vaqtini mazmunli tashkil etish, ularning tarixiy xotiraga hurmatini oshirish hamda vatanparvarlik tuyg‘ularini mustahkamlash maqsadida “Avtomatika va telemexanika” kafedrasi professor-o‘qituvchilari AB-10 guruhlari talabalari bilan birgalikda “G‘alaba bog‘i”ga tashrif buyurishdi.

Tashrif davomida talabalar Ikkinchi jahon urushi yillarida xalqimiz ko‘rsatgan jasorat, front ortidagi fidokorona mehnat, shuningdek, Vatan ozodligi va tinchligi yo‘lida jon fido qilgan vatandoshlar xotirasi bilan yaqindan tanishdilar. Shuningdek, “G‘alaba bog‘i” majmuasida mujassam etilgan tarixiy ekspozitsiyalar, yodgorliklar va muzey eksponatlari orqali urush yillari haqidagi muhim ma’lumotlarga ega bo‘ldilar.

Mazkur tashrif talabalarda ajdodlar xotirasiga hurmat, tinchlikni qadrlash, vatanparvarlik tuyg‘ularini yanada mustahkamlash hamda yosh avlodni ma’naviy yetuk inson etib tarbiyalashga xizmat qildi.

✅Telegram |✅ Facebook | 🌐Web-sayt | 🌐Instagram | 📹YouTube