📌 "Avtomatika va telemexanika" kafedrasi professor-o'qituvchilari hamda bitiruvchi kurs talabalari bilan birgalikda universitetda o'tkazilgan Mehnat yarmarkasi doirasida “Workshop” tadbirida ishtirok etishdi.

💼 Tadbir davomida talabalarga mehnat bozoridagi zamonaviy talablar, ishga joylashish jarayonida zarur bo‘ladigan kasbiy ko‘nikmalar, suhbatdan o‘tish madaniyati, rezyume tayyorlash hamda ish beruvchilar bilan samarali muloqot olib borish bo‘yicha foydali ma’lumotlar berildi. Shuningdek, bitiruvchi kurs talabalari o‘z mutaxassisliklari bo‘yicha mavjud ish o‘rinlari, ishlab chiqarish korxonalari talablari va kelgusidagi kasbiy faoliyat imkoniyatlari bilan yaqindan tanishdilar.

Mazkur “Workshop” tadbiri talabalarning kasbiy tayyorgarligini oshirish, ularni mehnat bozoriga moslashtirish hamda bitiruvchilar bandligini ta’minlashda muhim amaliy ahamiyat kasb etdi.

✅Telegram |✅ Facebook | 🌐Web-sayt | 🌐Instagram | 📹YouTube

#ETKM
#Tashrif_muzey
✨ Elektrotexnika va kompyuter muhandisligi talaba-yoshlari 18-may muzeylar kuni munosabati bilan “Temuriylar tarixi davlat muzeyi”ga tashrif buyurishdi.

⚡️ Talabalarning bo’sh vaqtlarini mazmunli tashkil etish hamda Toshkent shahrida joylashgan tarixiy va ko‘ngilochar maskanlarga sayohatlarni tizimli tarzda tashkil etish maqsadida Fakultetning bir guruh talaba-yoshlari mas’ul tyutorlar boshchiligida “Temuriylar tarixi davlat muzeyi”ga tashruf buyurishdi.

🎗Tashrif mobaynida talabalarga muzeyning tashkil etilishi, muzeydagi tarixiy ko’rgazmalar va Amir Temur siymosi haqida muzey xodimlari tomonidan ma’lumotlar berib o‘tildi.

#ETKM
#RQT
#Kelajak_muhandislari
#Robowar

📍 Toshkent davlat transport universiteti “Radioelektron qurilmalar va tizimlar” kafedrasi professor-o‘qituvchilari hamda talabalaridan iborat jamoa “Kelajak muhandislari” xalqaro festivalida o‘z innovatsion ishlanmalari bilan faol ishtirok etdilar. Festival Alpomish muz saroyida yuqori saviyada tashkil etildi.
🤖 Tadbir davomida professor-o‘qituvchilar va talabalar xorijiy hamda mahalliy ishtirokchilarning innovatsion ishlanmalari bilan yaqindan tanishib, zamonaviy texnologiyalar, robototexnika va raqamli tizimlar bo‘yicha tajriba almashdilar.
🌍 Xalqaro festivalda turli davlatlardan tashrif buyurgan jamoalar ishtirok etib, muhandislik va innovatsion texnologiyalar sohasidagi ilg‘or yutuqlar namoyish qilindi. Mazkur festival talabalar uchun yangi g‘oyalar va amaliy tajribalarni shakllantirishda muhim ahamiyat kasb etdi.

#ETKM
#RQT
#Korxonaga_tashrif

📍 Toshkent davlat transport universiteti “Radioelektron qurilmalar va tizimlar” kafedrasi professor-o‘qituvchilari hamda RQ-8 guruh talabalari ishtirokida Toshkent MTUga qarashli 61-avtomatlashtirilgan telefon stansiyasiga tashrif amalga oshirildi.

📞 Tashrif davomida talabalar avtomatlashtirilgan telefon stansiyasining ishlash prinsipi, kommutatsiya qurilmalari, aloqa kanallari, server va telekommunikatsiya uskunalarining texnik imkoniyatlari bilan yaqindan tanishdilar.

🔧 Mutaxassislar tomonidan stansiyada qo‘llanilayotgan zamonaviy telekommunikatsiya texnologiyalari, aloqa tarmoqlarini boshqarish jarayonlari hamda texnik xizmat ko‘rsatish bosqichlari haqida batafsil ma’lumotlar berildi.

🎓 Mazkur tashrif talabalarning nazariy bilimlarini amaliyot bilan bog‘lash, telekommunikatsiya tizimlari va avtomatlashtirilgan aloqa qurilmalarining ishlash jarayonlarini bevosita o‘rganishlarida muhim ahamiyat kasb etdi.

2026/2027 ўқув йили Грант тақсимоти учун аризалар бериш

✅ Хемис тизимига талабаларнинг навбатдаги ўқув йили грант тақсимотида қатнашиши учун аризалар бериш имконияти қўшилди. Бунда давлат ОТМларининг 1-курс ва 2-курсини муваффақиятли тамомлаётган талабалари қатнашиши мумкин.

❗️Грант тақсимоти аризасида талабанинг асосан иккита кўрсаткич бўйича тўплаган баллари ҳисобга олинади:
- Академик ўзлаштириши (GPA бали) - 80 бал максимал
- Ижтимоий фаоллиги - 20 бал максимал

Фойдаланиш тартиби:

👉1) Талаба my.hemis.uz платформасидаги ўз профилига киради ҳамда Менинг грантим / Грант аризалар менюсидаги саҳифага ўтади.

👉2) Ариза яратиш тугмаси ёрдамида навбатдаги ўқув йилининг грант тақсимоти учун ариза яратади ва кўриб чиқиш учун комиссияга юборади.

👉3) Белгиланган муддатда комиссия томонидан ариза кўриб чиқилгандан сўнг талаба ўз профилида натижасини олади.

‼️Муҳим! Ариза бериш кўрсатилган муддатларда бошланади ва тугалланади. Муддатдан ташқари вақтда ариза бериш чекланади.

#ХЕМИС #Грант