#ETKM
#RQT
#Kelajak_muhandislari
#Robowar

📍 Toshkent davlat transport universiteti “Radioelektron qurilmalar va tizimlar” kafedrasi professor-o‘qituvchilari hamda talabalaridan iborat jamoa “Kelajak muhandislari” xalqaro festivalida o‘z innovatsion ishlanmalari bilan faol ishtirok etdilar. Festival Alpomish muz saroyida yuqori saviyada tashkil etildi.
🤖 Tadbir davomida professor-o‘qituvchilar va talabalar xorijiy hamda mahalliy ishtirokchilarning innovatsion ishlanmalari bilan yaqindan tanishib, zamonaviy texnologiyalar, robototexnika va raqamli tizimlar bo‘yicha tajriba almashdilar.
🌍 Xalqaro festivalda turli davlatlardan tashrif buyurgan jamoalar ishtirok etib, muhandislik va innovatsion texnologiyalar sohasidagi ilg‘or yutuqlar namoyish qilindi. Mazkur festival talabalar uchun yangi g‘oyalar va amaliy tajribalarni shakllantirishda muhim ahamiyat kasb etdi.

#ETKM
#RQT
#Korxonaga_tashrif

📍 Toshkent davlat transport universiteti “Radioelektron qurilmalar va tizimlar” kafedrasi professor-o‘qituvchilari hamda RQ-8 guruh talabalari ishtirokida Toshkent MTUga qarashli 61-avtomatlashtirilgan telefon stansiyasiga tashrif amalga oshirildi.

📞 Tashrif davomida talabalar avtomatlashtirilgan telefon stansiyasining ishlash prinsipi, kommutatsiya qurilmalari, aloqa kanallari, server va telekommunikatsiya uskunalarining texnik imkoniyatlari bilan yaqindan tanishdilar.

🔧 Mutaxassislar tomonidan stansiyada qo‘llanilayotgan zamonaviy telekommunikatsiya texnologiyalari, aloqa tarmoqlarini boshqarish jarayonlari hamda texnik xizmat ko‘rsatish bosqichlari haqida batafsil ma’lumotlar berildi.

🎓 Mazkur tashrif talabalarning nazariy bilimlarini amaliyot bilan bog‘lash, telekommunikatsiya tizimlari va avtomatlashtirilgan aloqa qurilmalarining ishlash jarayonlarini bevosita o‘rganishlarida muhim ahamiyat kasb etdi.

2026/2027 ўқув йили Грант тақсимоти учун аризалар бериш

✅ Хемис тизимига талабаларнинг навбатдаги ўқув йили грант тақсимотида қатнашиши учун аризалар бериш имконияти қўшилди. Бунда давлат ОТМларининг 1-курс ва 2-курсини муваффақиятли тамомлаётган талабалари қатнашиши мумкин.

❗️Грант тақсимоти аризасида талабанинг асосан иккита кўрсаткич бўйича тўплаган баллари ҳисобга олинади:
- Академик ўзлаштириши (GPA бали) - 80 бал максимал
- Ижтимоий фаоллиги - 20 бал максимал

Фойдаланиш тартиби:

👉1) Талаба my.hemis.uz платформасидаги ўз профилига киради ҳамда Менинг грантим / Грант аризалар менюсидаги саҳифага ўтади.

👉2) Ариза яратиш тугмаси ёрдамида навбатдаги ўқув йилининг грант тақсимоти учун ариза яратади ва кўриб чиқиш учун комиссияга юборади.

👉3) Белгиланган муддатда комиссия томонидан ариза кўриб чиқилгандан сўнг талаба ўз профилида натижасини олади.

‼️Муҳим! Ариза бериш кўрсатилган муддатларда бошланади ва тугалланади. Муддатдан ташқари вақтда ариза бериш чекланади.

#ХЕМИС #Грант

#ETKM #RQT #Intellektual_mulk_markazi #Patent

📍 Toshkent davlat transport universiteti tashabbusi bilan O‘zbekiston Respublikasi Adliya vazirligi huzuridagi Intellektual mulk markazi mutaxassislari ishtirokida seminar-trening tashkil etildi.

🎓 Mazkur tadbirda “Radioelektron qurilmalar va tizimlar” kafedrasi professor-o‘qituvchilari A.Sh. Xurramov hamda N.N. Irgashev faol ishtirok etdilar.

📚 Tadbir davomida intellektual mulk obyektlarini himoya qilish, patent olish tartiblari, ixtiro talabnomasini rasmiylashtirish, analog va eng yaqin analog tushunchalari hamda patent-qidiruv jarayonlari bo‘yicha batafsil ma’lumotlar berildi.

💡 Seminar davomida mutaxassislar tomonidan zamonaviy ishlanmalarni huquqiy himoya qilish, innovatsion loyihalarni patentlash hamda ilmiy tadqiqot natijalarini tijoratlashtirish masalalari yuzasidan tushuntirishlar olib borildi.

📖 Seminar ishtirokchilarga intellektual mulk sohasidagi bilim va ko‘nikmalarni oshirishda muhim amaliy ahamiyat kasb etdi.

#ETKM
#Avtomatika_va_Telemexanika
#maktabga_tashrif

💬 “Avtomatika va telemexanika” kafedrasi professor-o‘qituvchilari Yunusobod tumanida joylashgan 9-ixtisoslashtirilgan davlat umumta’lim maktabiga tashrif buyurdilar.

🟦 Tashrifdan ko‘zlangan asosiy maqsad o‘quvchi-yoshlar o‘rtasida universitet faoliyati, mavjud ta’lim yo‘nalishlari, xususan, temir yo‘l transporti sohasida avtomatika, telemexanika va raqamli boshqaruv tizimlarining ahamiyati bo‘yicha targ‘ibot-tashviqot ishlarini olib borishdan iborat bo‘ldi.

Uchrashuv davomida o‘quvchilarga universitetida yaratilgan ta’lim imkoniyatlari, kafedra faoliyati, mutaxassisliklarning bugungi mehnat bozoridagi o‘rni hamda transport sohasida muhandis kadrlar tayyorlash jarayonlari haqida ma’lumotlar berildi.

🎁 Shuningdek, tadbir davomida faol ishtirok etgan o‘quvchilar munosib rag‘batlantirilib, ularga esdalik sovg‘alari topshirildi.

Mazkur tashrif o‘quvchilarni kasbga yo‘naltirish, ularning oliy ta’limga bo‘lgan qiziqishini oshirish hamda universitet va umumta’lim maktablari o‘rtasidagi hamkorlik aloqalarini mustahkamlashga xizmat qildi.

✅Telegram |✅ Facebook | 🌐Web-sayt | 🌐Instagram | 📹YouTube