“Temiryo‘linfratuzilma” AJ Toshkent MTU filialiga qarashli “Aqcha” stansiyasida temir yo‘l sohasida raqamli texnologiyalarni joriy etish va poyezdlar harakatini boshqarish jarayonlarini takomillashtirishga bag‘ishlangan taqdimot o‘tkazildi. Tadbirda Toshkent davlat transport universiteti tomonidan ishlab chiqilgan mahalliy “MPM-Istiqlol” va “MPAB-Istiqlol” tizimlarining imkoniyatlari, ularni stansiya va peregonlarda qo‘llash tartibi hamda mavjud temir yo‘l infratuzilmasi bilan uyg‘un holda ishlatish masalalari ko‘rib chiqildi.

Taqdimot davomida ishtirokchilarga “MPM-Istiqlol” va “MPAB-Istiqlol” tizimlarining asosiy maqsadi tushunarli tarzda bayon etildi. Ushbu tizimlar poyezdlar harakatini nazorat qilish, stansiya va peregonlardagi holatni kuzatish, dispetcher va stansiya navbatchilari ishini yengillashtirish, shuningdek, harakat xavfsizligini ta’minlashga xizmat qiladi. Eng muhimi, ular mahalliy sharoitga mos ravishda ishlab chiqilgan bo‘lib, mavjud qurilmalarni to‘liq almashtirmasdan, ularni bosqichma-bosqich zamonaviylashtirish imkonini beradi.

Kelgusida “MPM-Istiqlol” va “MPAB-Istiqlol” tizimlari asosida ma’lumotlarni yig‘ish va tahlil qilish, poyezdlar harakatini real vaqt rejimida kuzatish, bajarilgan harakat grafigini tahlil qilish hamda infratuzilma elementlarini elektron muhitda boshqarish imkoniyatlari namoyish etildi. Shuningdek, stansiya navbatchisi va tizim administratori tomonidan bajarilgan amallarni elektron tarzda qayd etish funksiyalari ko‘rsatildi. Bu ish jarayonlarida shaffoflikni ta’minlash, xatolarning oldini olish va texnologik intizomni mustahkamlashga xizmat qiladi. Shu bilan birga, ushbu tizimlar import o‘rnini bosuvchi texnologiya sifatida ham muhim ahamiyat kasb etadi.

“Aqcha” stansiyasi misolida taqdim etilgan ushbu loyiha temir yo‘l infratuzilmasini raqamlashtirish yo‘lidagi muhim amaliy qadamlardan biri hisoblanadi. Tizim orqali poyezdlar harakatini aniq rejalashtirish, vaqtdan samarali foydalanish, stansiya va peregonlardagi jarayonlarni tezkor nazorat qilish imkoniyati yaratiladi. Bu temir yo‘l xodimlari ishini yengillashtirish bilan birga, yo‘lovchi va yuk tashish jarayonlari barqarorligiga ham ijobiy ta’sir ko‘rsatadi.

Tadbir yakunida ishtirokchilar mahalliy “MPM-Istiqlol” va “MPAB-Istiqlol” tizimlarini yanada takomillashtirish, amaliy sinovlardan o‘tkazish va kelgusida boshqa stansiyalarda ham bosqichma-bosqich joriy etish bo‘yicha fikr-mulohazalar bildirdilar.

Umuman olganda, “Aqcha” stansiyasida o‘tkazilgan mazkur taqdimot temir yo‘l sohasida raqamlashtirish ishlari izchil davom etayotganini ko‘rsatdi. Mahalliy “Istiqlol” tizimlari kelgusida poyezdlar harakatini xavfsiz, tezkor va samarali boshqarishda muhim vosita bo‘lib xizmat qilishi kutilmoqda.

📌“Talabalik bahori – 2026” festivali doirasida Elektrotexnika va kompyuter muhandisligi fakulteti jamoasi faol ishtirok etib, o‘zining iqtidori, jipsligi hamda ijodiy salohiyatini namoyon etdi.

#ETKM
#Stop_korrupsiya
#Elektrotexnika_kafedrasi

#ETKM
#TTJga_tashrif
#RQT

#ETKM
#ijtimoiy_himoya
#Elektrotexnika_kafedrasi