#ETKM
#Elektr_taminoti
#taqdirlash

🛎Toshkent davlat transport universiteti, "Elektrotexnika va kompyuter muhandisligi" fakulteti, "Elektr ta'minoti" kafedrasi hayotida muhim xalqaro voqelik o‘z nihoyasiga yetdi.Germaniyaning nufuzli "Senior Expert Service" (SES) tashkiloti eksperti, tajribali mutaxassis janob Matthias Hart bilan kafedrada tashkil etilgan malaka oshirish, o‘zaro fikr almashish, ilg‘or xorijiy tajribalarni o‘rganish hamda talabalar va professor-o‘qituvchilar uchun mo‘ljallangan dars jarayonlari muvaffaqiyatli yakunlandi. Yakunda Ilmiy ishlar va innovatsiyalar bo’yicha prorektor S.S. Shaumarov hamda kafedra professor-o‘qituvchilari ishtirokida mehmonni ko‘zatib qo‘yish tadbiri bo‘lib o‘tdi.

📎Tadbir universitetimizning Ilmiy ishlar va innovatsiyalar bo‘yicha prorektori S.S. Shaumarov tomonidan boshlab berildi. Prorektor o‘z nutqida xalqaro tajriba almashishning oliy ta’lim tizimidagi o‘rni xususida to‘xtalib, universitet jamoasi va rahbariyati nomidan janob Matthias Hartga tashrifi hamda bergan qimmatli bilimlari uchun chuqur minnatdorchilik bildirdi. Shundan so‘ng, "Elektr ta'minoti" kafedrasi mudiri S.F. Amirov so‘zga chiqib, kafedra jamoasi nomidan samimiy minnatdorchilik bildirib, Germaniyaning SES tashkiloti bilan yo‘lga qo‘yilgan bunday samarali hamkorlik aloqalari kelgusida ham davomli va bardavom bo‘lishini ta’kidlab o‘tdi.

Tadbirning eng hayajonli qismida dars jarayonlarini muvaffaqiyatli yakunlagan hamda xorijiy ilg‘or tajribalarni o‘zlashtirgan kafedra professor-o‘qituvchilariga xalqaro malaka sertifikatlari tantanali ravishda topshirildi. Shuningdek, universitetimiz ravnaqiga qo‘shgan hissasi uchun janob Matthias Hart ham alohida sertifikat va milliy esdalik sovg‘alari bilan taqdirlandi.

Telegram | Facebook | Web-sayt | Instagram | YouTube

“Mirzo Ulug‘bek vorislari-2026” respublika tanlovining yakuniy bosqichida Toshkent davlat transport universitetidan Quzibayev Behruz Baxodir o‘g‘li hamda Nurmuxamedova Diyora Rustam qizi g‘olib bo‘ldi.

Universitet jamoasi nomidan g‘oliblarimizni muborakbod etamiz va ularga kelgusi ilmiy faoliyatida ulkan zafarlar tilaymiz! 🎉

Bizni kuzating

@transport_iqtidorli_talaba

Талабалар учун плагиат текшириш имконияти

✅ Хемис тизимини плагиат тизимлари билан интеграция қилиш орқали барча ОТМлар талабалари учун битирув ишларини плагиатга текшириш имконияти яратилди.

✅ Ҳар бир битирувчи талаба ўз битирув ишини эркин равишда плагиатга текшириши мумкин.

❗️Талаба битирув ишини плагиатга текшириш учун битирувчи тоифасида бўлиши керак.

Фойдаланиш тартиби:

👉1) Талаба ўзининг my.hemis.uz платформасидаги профилига киради.

👉2) Унда Ташқи хизматлар / Плагиат текшируви менюсидаги саҳифага ўтади.

👉3) Ҳужжат юклаш тугмаси орқали битирув иши файлини тизимга юклайди ва плагиат текширувига юборади.

👉4) Плагиатга текширув натижасини билиш учун Янгилаш кнопкасидан фойдаланади. Текширув жараёни бироз вақт олади.

👉5) Текширув якунлангандан сўнг ҳужжат Тугалланган ҳолатга ўтади ҳамда плагиат ва оригиналлик фоизлари кўрсатилади.

‼️Муҳим! Плагиат текширувидан сўнг махсус сертификат ва текширув ҳисоботини юклаб олиш мумкин.

#ХЕМИС #Плагиат

#ETKM
#TTJga_tashrif

🛎 Toshkent davlat transport universiteti, Elektrotexnika va kompyuter muhandisligi fakulteti tyutorlari tomonidan 8-talabalar turar joyiga tashrif buyurishdi.

📎 Tashrif davomida talabalar turar joyidagi yashash sharoitlari bilan yaqindan tanishildi. Talabalarga yotoqxonada amal qilinishi lozim bo‘lgan ichki tartib-qoidalar yana bir bor eslatilib, texnika hamda yong‘in xavfsizligi qoidalariga qat’iy rioya etish yuzasidan tushuntirish ishlari olib borildi.
Tashrif davomida talabalar bilan samimiy suhbat o‘tkazilib, ularning bo‘sh vaqtini mazmunli tashkil etish, o‘qish jarayonidagi faolligi va mavjud sharoitlar yuzasidan fikr-mulohazalari tinglandi.
Shuningdek, xonalar sanitariya holati, tartib-intizom qoidalariga rioya etilishi hamda talabalar uchun yaratilgan qulayliklar ko‘zdan kechirildi.

Telegram | Facebook | Web-sayt | Instagram | YouTube