2026-yil 22-may kuni “Radioelektron qurilmalar va tizimlar” kafedrasi assistentlari S.Sh. Yusuf va Sh.A. Ismoilov Toshkent transport texnikumiga tashrif buyurishdi.
📚 Tashrif davomida texnikum talabalari uchun “IP-ATSlar to‘g‘risida ma’lumotlar” hamda “Temir yo‘l uchastkalarida va harakatdagi poyezdlardagi yo‘lovchi vagonlarida video-kuzatuv tizimini tashkil etish va uni rivojlantirish imkoniyatlari” mavzularida ko‘rgazmali mahorat darslari tashkil etildi.
📌 Darslar zamonaviy taqdimotlar va ko‘rgazmali materiallar asosida interaktiv tarzda o‘tildi. Talabalar sohaga oid o‘zlarini qiziqtirgan savollariga javob olishdi hamda kelajakdagi faoliyatlari uchun muhim tavsiyalarga ega bo‘lishdi.

#RQT
#Texnikumga_tashrif
#ETKM

#ETKM
#Avtomatika_va_Telemexanika
#Workshop

💼 “Avtomatika va telemexanika” kafedrasi tomonidan sohaga doir ishlab chiqarish vakillari ishtirokida Workshop tashkil etildi

👨‍💻 “Avtomatika va telemexanika” kafedrasi professor-o‘qituvchilari tomonidan ta’lim jarayonini ishlab chiqarish amaliyoti bilan uzviy bog‘lash, talabalarning kasbiy kompetensiyalarini rivojlantirish hamda ularni mehnat bozorining zamonaviy talablariga mos tayyorlash maqsadida Workshop tashkil etildi.

🚉 Tadbirda sohaga doir yetakchi ishlab chiqarish tashkilotlari — “Toshkent metropoliteni” DUK, “Sogdiana Trans” MChJ, “1-son Qurilish-montaj poyezdi” MChJ va Navoiy signallashtirish va aloqa masofasi rahbar xodimlari ishtirok etishdi.

Workshop davomida temir yo‘l transporti va metropoliten tizimlarida signallashtirish, markazlashtirish va blokirovka qurilmalarining amaliy ahamiyati, zamonaviy ishlab chiqarish jarayonlarida qo‘llanilayotgan texnik yechimlar, shuningdek, yosh mutaxassislarga qo‘yilayotgan kasbiy talablar yuzasidan fikr almashildi. Shuningdek, talabalarni ishlab chiqarish muhiti bilan yaqindan tanishtirish, ularning amaliy ko‘nikmalarini shakllantirish, malakaviy amaliyotlarni samarali tashkil etish hamda kelgusida bitiruvchilar bandligini ta’minlash masalalari muhokama qilindi.

Mazkur Workshop ta’lim, ilm-fan va ishlab chiqarish integratsiyasini chuqurlashtirish, kafedra va soha korxonalari o‘rtasidagi hamkorlik aloqalarini mustahkamlash hamda raqobatbardosh, zamonaviy bilim va ko‘nikmalarga ega mutaxassislarni tayyorlash yo‘lida muhim amaliy ahamiyat kasb etdi.

✅Telegram |✅ Facebook | 🌐Web-sayt | 🌐Instagram | 📹YouTube

#ETKM
#RQT
#TTJga_tashrif
📢 “Radioelektron qurilmalar va tizimlar” kafedrasi professor-o‘qituvchilari tomonidan 8-TTJda istiqomat qilayotgan talabalar holidan xabar olindi hamda ular uchun yaratilgan sharoitlar o‘rganildi. Tashrif davomida talabalar bilan samimiy suhbat o‘tkazilib, ularning bo‘sh vaqtini mazmunli tashkil etish, o‘qish jarayonidagi faolligi va mavjud sharoitlar yuzasidan fikr-mulohazalari tinglandi.
Shuningdek, xonalar sanitariya holati, tartib-intizom qoidalariga rioya etilishi hamda talabalar uchun yaratilgan qulayliklar ko‘zdan kechirildi. Professor-o‘qituvchilar tomonidan talabalarga odob-axloq, ichki tartib qoidalariga amal qilish bo'yicha tavsiyalar berildi.
Tashrif davomida Professor-o’qituvchilar tashabbusi bilan talabalar o‘rtasida futbol musobaqasi o‘tkazildi. Unda RQ-8 hamda RQT-2-24 guruh talabalari faol ishtirok etib, o‘zaro kuch sinashdilar.

🏆 Musobaqa davomida jamoalar chaqqonlik, tezkorlik va jamoaviy hamkorlik ko‘nikmalarini namoyon etdilar.

#ETKM
#Profilaktik_suhbat

Kunduzgi ta'lim yoʻnalishida tahsil oluvchi talabalar bilan birgalikda profilaktik suhbatlar olib borildi.
⚡️"Elektrotexnika va kompyuter muhandisligi" fakulteti tyutorlari hamda profilaktika katta inspektori mayor O.M. Yuldashev boshchiligida   “Jinoyatchilik va huquqbuzarlikni oldini olish” mavzusi bo'yicha kunduzgi ta'lim yoʻnalishida tahsil oluvchi talabalar bilan birgalikda profilaktik suhbatlar olib borildi.
Uchrashuv davomida talabalar o'rtasida sodir etilayotgan huquqbuzarliklar, jinoyatlar muhokama qilinib, talabalarga ularni oqibatlari haqida so'zlab berildi.
Ushbu suhbat davomida talabalar oʻzlarini qiziqtirgan savollarga javob olibgina qolmasdan, balki qonunda belgilab oʻtilgan qoidalar bilan ham tanishdilar.

Telegram | Facebook | Web-sayt | Instagram | YouTube