Мемлекет басшысы Израиль Президенті Ицхак Герцогпен кездесу өткізді

Бакуде өтіп жатқан Азиядағы өзара іс-қимыл және сенім шаралары кеңесінің 7-саммиті аясында Президент Қасым-Жомарт Тоқаев Израиль Президенті Ицхак Герцогпен кездесті.

Мемлекеттер басшылары Қазақстан-Израиль қарым-қатынасы қарқынды сипат алғанына тоқталды. Сондай-ақ сауда-экономикалық және инвестициялық ықпалдастыққа ден қоя отырып, маңызды бағыттар бойынша ынтымақтастықты дамыту перспективасын талқылады.

Қасым-Жомарт Тоқаев Ицхак Герцогтің сәуір айында Астанаға жасаған сапары мемлекеттер арасындағы байланысты нығайтуға айтарлықтай серпін бергеніне назар аударды.

Израиль Президенті де Қазақстанға сапарын ризашылықпен еске алды. Оның пікірінше, еліміздің көптеген салада алға басуы екіжақты ықпалдастықты ілгерілетуге жол ашады.

Ицхак Герцог Қазақстанның Бейбітшілік кеңесіне қосылуын құптап, бұл оқиғаның бейбітшілік пен тұрақтылықты нығайтуға қосылған зор үлес екенін атап өтті.

Сондай-ақ тараптар халықаралық күн тәртібіндегі өзекті мәселелер, соның ішінде Таяу Шығыстағы ахуал жөнінде пікір алмасты.

Мемлекет басшысы шиеленісті бәсеңдетіп, қақтығыстарды дипломатия құралдары арқылы реттеу қажеттігін жеткізді және Қазақстанның осы қағидатты берік ұстанатынын айтты.

Оқуға түсіп, жатақханадан орын таба алмай жүрген студенттер азайды

Соңғы жеті жылда бұл көрсеткіш 82 мыңнан 5 мыңға дейін төмендеді. Осы уақыт ішінде шәкірттер үшін 267 жатақхана есігін айқара ашты. Нәтижесінде 66 мыңнан астам жаңа орын пайдалануға берілді. Дегенмен орын жетпей жатқан жастар әлі де бар. Ғылым және жоғары білім министрлігі өзге өңірден келгендерді жататын жермен қамтуды басты міндет санап отыр. Сондықтан алдағы уақытта да студенттер үйінің құрылысы тоқтамайды. Жауаптылар бұл бағыттағы жұмыстарды әрі қарай да жалғастыра бермек.

В Алматы задержали женщину с пистолетом и пятью патронами

Оружие у нее нашли сотрудники подразделения по противодействию наркопреступности в Жетысуском районе. Женщина заявила, что нашла пистолет за час-два до этого на бетонном ограждении спуска к реке Есентай. Оружие и боеприпасы изъяли. Теперь полицейским предстоит выяснить его настоящее происхождение.

Мемлекет басшысы АӨСШК VII саммитінде сөз сөйледі
 
Қазақстан Президенті қонақжайлық көрсеткені және саммитті жоғары деңгейде ұйымдастырғаны үшін Әзербайжан Президенті Ильхам Әлиевке алғыс айтты.
 
Қасым-Жомарт Тоқаев диалогтың, сенімді нығайтудың және жан-жақты ынтымақтастықтың бірегей алаңы ретінде АӨСШК әлеуетін кеңейтуге бағытталған Әзербайжан тарапының белсенді төрағалығын оң бағалады.

– Қазақстан үшін Кеңестің маңызы ерекше. Еліміз отыз жылдан аса уақыт бұрын кең байтақ өңірде өзара сенімді арттыру және қауіпсіздікті қамтамасыз етуге септігін тигізу мақсатында осы форумды құру жөнінде бастама көтерген болатын. Содан бері АӨСШК өзара тиімді нәтижеге қол жеткізу үшін мүше мемлекеттерді ортақ іске жұмылдырып келеді. Бастапқыда Азиядағы қауіпсіздікті сақтап, сенімді нығайтуды көздейтін жалпыға ортақ тікелей диалог форматында құрылған бұл алаң бүгінде бірегей форумға айналды. Ұйымға мүше елдер Азия құрлығының шамамен 90 пайызын қамтиды. Мұнда Жер шары тұрғындарының жартысынан астамы өмір сүреді. Халықаралық институттардың көбінде мұндай әлеует жоқ, – деді Мемлекет басшысы.

Алматыда тапанша ұстап көше кезген әйел ұсталды

Кешқұрым Райымбек даңғылында ерсілі-қарсылы жүрген келіншек полиция қызметкерлерінің көзіне түскен. Іс-қимылы күдік туғызған соң, тәртіп сақшылары оны тоқтатып, тінту жүргізген. Сөйтіп, одан тапанша мен бес оқ тәркілеген. Ал күдікті болса оларды Есентай өзеніне түсетін бетон қоршаудың үстінен тауып алғанын айтып ақталыпты. Тәртіп сақшылары қарудың шын мәнінде қайдан алынғанын анықтап жатыр.

Павлодарда төрт оқушы белгісіз дәріден уланды

Балалардың айтуынша, олар үстел астынан өткір иісі бар екі капсула тапқан. Бірі езіліп жатыпты. Күмәнді заттың буын жұтқандардың бірден мазасы қашқан. Оқиғадан кейін үш оқушы облыстық балалар ауруханасына жеткізілген. Дәрігерлер оларды тексеріп, үйде емделуге жіберді. Ал мектеп әкімшілігі ішкі тексеру жүргізгенімен, хлорлы дезинфекциялау таблеткаларын білім ордасына кім әкелгені анықталған жоқ. Мектеп басшылығы бұл жағдайды бүге-шүгесіне дейін тексеріп, кінәлілерді жазалаймыз деп отыр.

Ақылды көмекші ақпарат тарату ісін жеңілдетті

Оның ішінде газет, баспа саласына да жасанды интеллектінің игілігі тиіп жатыр. Ол редакциялардың жұмысын жеделдетіп қана қоймай, шығындарды азайтуға және оқырмандарға оңтайлы контент ұсынуға септігін тигізуде. Astana Media Week апталығының екінші күнінде сарапшылар ақпараттық саясаттағы жаңа ережелерді талқылады. Дәлірек айтқанда, отандық контентті дамыту, креативті индустрияның болашағы мен медианарықтағы жарнаманың жаңа үлгілері қаузалды.

В аэропортах Астаны и Алматы выявили 19 иностранцев с поддельными документами

Чужое имя и поддельная виза! 19 иностранцев с фальшивыми документами выявили пограничники в аэропортах Астаны и Алматы всего за полтора месяца осени. А с начала года пресекли уже более 350 подобных случаев, рассказали в Комитете национальной безопасности. По всем этим нарушениям сейчас ведутся расследования. В ведомстве напомнили, что за пересечение границы с поддельными или чужими документами грозит уголовная ответственность.