واجعل نصيبي من الحياة نصيب طيرٍ، خفيفٌ، مطمئنُ البال، يسبح بحمدك وترزقه، يتوكل عليك وتكفيه

يزهمني الحلم لا هودل حمام الصباح
‏والارض تغري خطاي وتبسط كفوفها

‏انسان صالح ومالي فالاوادم صلاح
‏وكل أُمنيه مستحيله .. كنّي اشوفها

تعالت قدرتك
‏وأنت الإله المستعان الحي
‏فلا أنت بحاجة لعبدٍ نصاك
‏ولا أنت جافيني
‏أنا يا رب ..
‏ما ودي أموت وما أجيك بشي
‏وأنا حتى مخاليقك أجيها مالي يديني

عساك بأعمارنا منت رمضان الأخير
‏ويقبل بك الله دْعاي وطاعتي وجهدي.

طلبته وأنا مذنب وكثّر عليّ الخير

وأسألك بكل اسمٍ سمّيت به نفسك أن تُعيدني إليك برفق، كلما ضيّعتني السُبل وأن تحفظ قلبي من كل فجيعة.

من نام عن طلب المكَارم وفعلها
‏ماله بكسب الطـايـلات نصيب

إلهيّ
‏نسألك الخلاص
‏من كُلِّ أمرٍ يُقلق راحتنا

أطرب على مدح الرجال ليا إمدحوك
‏ما كنك إلا من عواني و هلي

‏و أدرى على طاريك كن أبوي أبوك
‏و إن قيل لك والنعم كن ونعم لي

‏هاقي بنفسي هقوة البيد بـ الغيم
‏أن كان ما أروتني تبي تروي الناس

‏على دفا صوتك يمّر الليل ، مرور الكرام
‏والليل تطويه السوالف ، والسوالف لي قبل

‏أزف لك ، كل المحبة والمودة والسلام
‏أمّا بعد : أحبك ، وأمّا قبل أنسي قبل

‏صدّي عن الفايت ووليّ الجاي كل الأهتمام
‏ولآ لك ألا زلةً تدمح ، وعذرٍ ينّقبل

‏بـ أيام وصلك عوضي عيني عن أيام الخصام
‏وعلى جفاف الروح ، صبّي صبّ همّال الوبل

‏أنتي غمامة حُب ، واللي خالقك منشي الغمام
‏عليك شرهات الشجر لآ مات ، والورد أن ذبل

‏أعلنت لك كل الغلا ، حملت لك كل الغرام
‏خاويتك بـ كل الطرق ، راضيتك بـ شتى السُبل

‏وإذا أمتلى صدري غزل ، ولآ أمتلى صدري ملام
‏أنا النبيل اللي بـ حزنه نُبل ، و بـ فرحه نُبل

‏" خليني أخبّي شعوري عنك في بعدك مدام :
‏في قربك يصير أوضح مْن النار في راس الجبل "

‏وكلمة أحبك ، تآج في بالي ، وفي صدري وسام
‏متكوّنه من أربع أحرف ، مدري من أربع قُبل

‏متعلّقه فـ حبالي الصوتيّه ، فـ كل الكلام
‏تهدّ يدها من حبل ، وتشدّ في يدها حبل

‏وعيونك اللي كنّ صف رموشها صفة إسهام
‏لا سلهمت لي ، سلهمتها كنّها مسة نُبل

‏بتنام ، وبتصحى ، وبإذن اللي عيونه ما تنام
‏مثل ما حبّيتك قبل ، بحبّك أكثر من قبل

ما خسرت من السنين الفايته من عمري
‏كون بعض سنيني اللي ما عرفتك فيها

ابرّه و أنا ممنون واحسّ بالتقصير
تفانيت ما جازيت فضله ولا إحسانه

قالت أبي منك أمان وقلت كلي أمان
أنتي في أمان الله وفي وجهي وفي شنبي

‏ما تجرأت اعترف لك عن شعوري :
‏ خايفه .... و الخايف شْلون يْتكلّم ؟

‏ انت يــ اكثر شي احس انه ضروري :
‏( كثر ما قلبي تمناك .. و تحلّم ) !

‏ضحكتي لـ اجلك و من اجلك حضوري :
‏علّم اللي ما يعرف ... او لا تعلّم !

‏كل درب امشيه يستاهل مروري :
‏دام لك في مفرقه وجهٍ .. يسلّم !

‏تدري انك جيت من داعي سروري :
‏و كل شي ان غبت يدعوني اتألم !

‏اتواضع .. لين ( يقبل بك غروري ) :
‏و ( اتصبر .. لين تأتي .. و اتظلّم ) !

‏و لا خفت لك نور يخفت جل نوري :
‏ و الحزن يهتف على قلبي .. ( تولّم ) !