💪 ليش لسا ما بدأت؟

❌ ما عندي وقت! (قلل سوشيال ميديا ساعة يوميًا).
❌ ما عندي مهارة! (تعلم مهارة خلال أسبوعين).
❌ ما عندي خبرة! (ابدأ بمشاريع تجريبية وانشرها).

🚀 ما في عذر، إما تبدأ أو تضل مكانك!

صباح الخير

اليوم مافي رسالة تحفيزية برد و الوضع صعب 🤣❤️

أفخم الناس يلي فايقين هلق وعم يشتغلوا🔥

جعل الله طلب المغفرة مِن الأسباب الجالبة للأرزاق والمنافع الأخرى:
قال النبي -صلى الله عليه وسلم-: (مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا، وَمِنْ كُلِّ هَمٍّ فَرَجًا، وَرَزَقَهُ مِنْ حَيْثُ لَا يَحْتَسِبُ)

استغفروا في العشرة الأواخر يا جماعة وادعوا الكم والنا❤️

💻 أفضل مواقع فريلانس للمبتدئين

✅ خمسات – للي حابب يبدأ بسهولة بالعالم العربي.
✅ Upwork – للمحترفين يلي بدهم زبائن دوليين.
✅ PeoplePerHour – منصة قوية للمبدعين وأصحاب المهارات.


🚀 جرب واحد منهم اليوم، لا تضيّع وقتك!

💪 أفضل نصيحة للمبتدئين في الفريلانس؟

✅ لا تطلب المال قبل ما تثبت مهارتك.
✅ لا تخاف من البداية الصغيرة، الكبار بدؤوا من الصفر.
✅ لا تقارن نفسك بالآخرين، قارن نفسك بنفسك قبل شهر.

🔥 اليوم تزرع، بعد شهر تحصد!

https://youtube.com/shorts/B6vu72dzQHw?si=yRL9NdoblGLRq-1L

فيديو لأمير منير عن ليلة القدر

محتوى بعيد لكن حبينا نشاركه

تقبل الله منا ومنكم❤️

صباح الخير

فيديو شرح طريقة تصميم سيرة ذاتية صار جاهز واليوم رح ينزل بإذن الله (مالو أفضل شي بالعالم لكن حاولنا يكون واضح وسهل😅 )


أيضا رح ينزل منشور عن كورس مدفوع للترجمة الطبية مقدم من الدكتور يوسف الجنيدي

بالتوفيق❤️

https://t.me/+op4yBGK6rRRjMTdk

الفيديو رح ينزل على القناة التانية😁🔥

انتباااه!!❤️

هام إلى طلاب الفروع الطبية

كتار من متابعين القناة طموحه يبدأ عمله بالفريلانسينغ ويطالع مردود مادي منيح يغطي على الأقل مصاريفه💲

طيب شو رأيك أنك بتقدر تكسر هي السلسلة⛓️‍💥 من خلال تعلم أحد مهارات العمل الحر💻

وبتقدر تشتغل فيها بدون لابتوب!!!


مهارة كتابة المحتوى الطبي❤️🩺


✒️من خلال كورس( كتابة المحتوى الطبي+الترجمة الطبية+ التدقيق اللغوي)

3 مهارات رح تتعلمها وتتعلم كيف تطلع منها مصاري بإذن الله🔥❤️


✒️ الكورس إلكتروني بشكل كامل ومافي داعي تتعذب وتتحجج بضيق الوقت🔥


✒️رح تتعلم بنهاية الكورس كيف تشتغل على مواقع العمل الحر متل(مستقل ,خمسات, الخ)


إذا مهتم تغير من وضعك المادي وتصير من الفريلانسرز يلي بيتعلموا من نصائح القناة

تواصل معنا عالمعرف لمزيد من التفاصيل:
@ABB00D_H

الفيديو نزل

يلي ما اشترك راحت عليه 😂🔥

24 شخص تفاعل على منشور الشرح

ما شاهد الفيديو إلا 10🤣💔

📢 ليش لسا ما بدأت تشتغل أونلاين؟

❌ خايف ما تزبط معك؟
❌ مستني تكون محترف قبل ما تبدأ؟
❌ بتسمع كلام الناس يلي بيقولوا "ما في شغل"؟

✅ الحقيقة: الشغل موجود، بس بدك تاخد أول خطوة!

🔥 جرب، افشل، اتعلم!

كل عام وأنتم بخير❤️

أعاده الله علينا وعليكم بكل ما نطمح ونتمنى🙏

💡 شو الفرق بينك وبين يلي عنده شغل أونلاين؟

👀 هو قرر يتعلم مهارة، وأنت لسا عم تفكر!
💪 هو بدأ يطبق، وأنت مستني "الوقت المناسب"!
🚀 هو تواصل مع 10 عملاء، وأنت خايف تنشر أول شغل إلك!

🎯 ما في شي اسمه "لسا مو جاهز"، ابدأ اليوم ولو بخطوة صغيرة!

خلص العيد

رح نرجع للمنشورات بإذن الله

إذا عم تستفيد منها ياريت تشاركها مع أصدقاءك

ولو عندك أي سؤال اكتبه بالتعليقات

بالتوفيق❤️

احترام كبير لكل شخص يبني من الصفر

لا أهل اغنياء
لا شبكة علاقات
لا تعليم
لا اعذار

فقط عمل ورغبة كبيرة، استمرارية وتركيز

المجد العصامي هو المجد الوحيد الذي يحلم به الأثرياء ولن يحصلوا عليه

عبدالله مشاط.

ووردبريس 💻 هو واحد من أسهل الطرق لبناء المواقع، بس متل أي مجال، لازم تتعلم الأساسيات وتفهم كيف بيشتغل. 👨‍💻

الموضوع مو سحري، ما رح تصير خبير بين ليلة وضحاها. ووردبريس أداة حلوة وسهلة، بس بتحتاج شوية وقت وجهد لحتى تتعلم كيف تبني موقع يلبّي احتياجاتك. لو عندك فكرة موقع أو مدونة، ووردبريس بيقدر يكون خيار جيد. 🌐

شو لازم تعرف عن ووردبريس؟


مو لازم تكون مبرمج: أغلب الناس بتخاف من فكرة "تصميم المواقع"، بس ووردبريس بيخليك تبني مواقع بدون ما تعرف برمجة.


أدوات جاهزة: فيه العديد من القوالب الجاهزة، والإضافات (Plugins) يلي بتسهل عليك كثير من الأمور.


المرونة: إذا بتعرف شوية برمجة، فيك تعدل على الموقع حسب ما بدك، لكن لو ما كنت مبرمج، فيه خيارات كتير بتمكنك من تصميم الموقع بسهولة.


العيوب: مو كل شيء مثالي! الووردبريس بيحتاج صيانة دورية، مثل التحديثات المستمرة للإضافات، وبيكون أبطأ من المواقع المبرمجة يدويًا، خصوصًا إذا كان الموقع فيه محتوى كبير. 🛠️(كبير بمعنى كبير فعلا)


كيف تتعلم ووردبريس؟

دورات مجانية: في كتير مواقع بتقدم دورات تعليمية لتعلم ووردبريس بشكل مجاني:


WordPress.org - الدروس الرسمية من ووردبريس.


Udemy - دورات مبتدئين.


YouTube - فيديوهات تعليمية مجانية.

وفي عندك الورشة يلي رح تصير بعد فترة بجامعة حلب🤓


ممارسة العملية: بعد ما تتعلم الأساسيات، أهم شيء تبدأ تبني مواقع تجريبية وتحاول تعلم أشياء جديدة. الممارسة بتخليك تطور مهاراتك بشكل أسرع. 🔨


نصيحة أخيرة:بتعلمك هالمهارة، بتفتح قدامك أبواب للعمل عن بعد، أو حتى تأسيس مشروعك الشخصي. 🛠️🌟 المهم ما تستعجل، خليك صبور واتعلم خطوة بخطوة❤️

المنشور رغم انه ماله طويل كتير

لكن اخد تعب وجهد

استفيدوا منه🔥

!!!ليش منغلط نفس الغلط رغم أنه منعرف أنه غلط🙂


لأنو الإنسان مو بس عقل... الإنسان كمان وجع واحتياج وعاطفة.🤝
أوقات منكون عم نهرب من شي جواتنا، من فراغ، من وجع ما حدا شايفه، من ضغط مستمر، من شعور بالعجز... فبنعمل الشي يلي نعرفه غلط، بس بيعطينا لحظة "راحة كذابة". لحظة بنحس فيها إنو رجعنا نسيطر، أو بس بننسى كل شي.

مرات منغلط لأننا تعبانين... ومش قادرين نواجه🌿
يعني حتى لو عقلك عم يقول "لا"، بس في شي جواتك أضعف منك بهاللحظة، وهاد طبيعي. ما في حدا قوي طول الوقت. أوقات بتخونك قوتك، بس مو لأنك فاشل، بل لأنك إنسان.

ومرات... لأن الغلط صار عادة🔁
العادات السيئة أحيانًا بتتغلغل فينا من غير ما نحس، وبتصير وسيلة "مؤقتة" لنواجه الحياة. بس للأسف، بعد كل مرة منرجع منحس بالذنب والأذى النفسي، وبتزيد الفجوة بينّا وبين حالنا.

في حدا لسا ما فعل الذاكرة في chatgpt?


(خيار بخليه يتذكر كلشي عنك ويحفظ طريقة الحكي معك بكل محادثة)

إذا حدا ما بيعرف الطريقة لحتى ننزلها❤️