متقلب الود لاتقبـــــــل معذوره
خله يذوق الجفا والويل والحرة

من يضمن تسامح ذنوبه وتقديره
يقدر يعيد الخطأ نفسه مية مرة

ماني بخايف من فراقك ولو طال
اخاف ترجع لي وانا قد نسيتـــك

عذرك معــك ياللي تعذر بالأشغال
ياكثـــــــر مادورتك ولا لقيتــــــك

فديت طاري سبيـــع يوم يطرونه
ياتاج راســي ياعز ابوي وعز جدي

لاقيل وشلون الفخــــر قلت شلونه
شفني سبيعــي ومنهو بالفخر قدي

جعلنا مانفقد الطيب اللي مايبـــور
لا جفانا بارد الوجه عباد الريـــــال

المحازم فـــــل لكن بعضها ما يثور
الله لايخلي من اللي محازمهم ثقال

مدري تصافح فهـــد ولا تصافح شهد
واللي بعقله يشـوف من القليل الكثير

المختبي ف الخميس يبين يوم الاحد
اللغز مكشــــوف مايحتاج رمعة خبير

شربت مرك قبـل لاذووق حاليك
ومديت لي كاس الفراق وشربته

ياقلب قلـــــي عقبها وين اوديك
الحب ذنب ياليتنــــي ما ارتكبته

ان جيت قلنا مرحبا الله يحييـك
وان رحت مانت اعز من راح عنا

تغيـــــب ماجبنا مجالك وطاريك
وترجع وتلقانا مثـــــــــل يوم كنا

تدلعي وامشي على روس الاقدام
قــــولي لهم يالفاتنه من فتنتــــي

لو ما القصايد عن تفاصيلك صيام
علمتهــم يا احلى الصبايا من انتي

انتي الغلا وانتي الهوى وكل الاحلام
وانتي اللي في عرش الجمال سكنتي

كل العــــذارى بطلتــــك صارو اوهام
كنك على كل البشـــــر قد فتنـــــتي