ياربّ الخير .. جعل الخير قدامي
‏وتنحشد لي من الفرحه صفُوف⠀
‏⠀
‏ياربّ أصافح .. إذا عشت أحلامي
‏ومن البشر ياربّ أطهرهم كفوف

من كثر مامرّوا . . على قلبي كرام
‏وقّفتهم . . بين الحقيقه و الوهم
‏ٰ
‏الّا أنت ياللي لك محطّات إهتمام
‏إن لم تكن أنت المهم أنت الاهم !

يفز الحنين منْ آخر الصمت والفقدان
‏وتهيج الجروح إللي عن الشِعر حابسها

‏يا غيّاث روحي والسهر ديرة الخذلان
‏وأنا حادي أحزان السهارى وحارسها

‏فقدتك وفقدانك على وجه عمري بان
‏وأنا اخترتك بمعشب سنيني ويابسها

‏عيون ٍ روَت وجهك عمر ما ملاها انسان
‏يغني لها الملح وترفرف نوارسها

‏يـا كثرك بذاكرتي تمر وتسيل أشجان
‏وتفاصيلك بْكل الوجيه آتلمسها

‏يا كل السنين وضحكتي وأول الكتمان
‏سقى الله عيون ٍ حيّرتني نواعسها

‏تمر الحياه وليت الاقدار بالامكان
‏وأعرف الليالي وش تخفّي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها

وكان تذكرني مع الخلوه ثواني
‏أنت في بالي شهر شوّال كلّه

يعمّ الصمت وتطول المسافة والوله ما قلّ
‏و أنا ما عشت أدوّر فرصتي .. و أمرّها عادي

‏ياربّ الآدمي ، والليل ، و البيداء ، وربّ الكل
‏أنا لولاك أضيّع صيدتي . . و أكسّر شدادي !

تجف عيون الارض وترتجي غر السحاب يلين
‏بعد طال القسى عل وعسى يكحل نواظرها

‏تناولها الضماء والقاع يروي قصة المسكين
‏بعد جاب أول القصة نسى وش صار بآخرها !

‏أغني للهواء البارد ولا أدري يوم هب منين
‏ليا منه طرق صدري ضلوعي ما يشاورها

‏حبيبي في رقبتي لك قصيدة معتبرها دين
‏ماصح الله بدنها لين صح لسان شاعرها

‏لها عام متصاغرها وتكبر من ثلاث سنين
‏طلبتك عقب ما جاتك كبيره لا تصغارها

‏في عينك متسع للحون قلبي يا وسيع العين
‏اخذها وافتح عيونك وشلها في .. محاجرها

‏أحبك كثر ما ربي .. عطاك الملح كثر الزين
‏كثر ما جيت نعمه ما تدوم .. إلا لشاكرها

‏وأحبك كثر ما تطري علي طيوفك الغالين
‏كثر ما حلت بعيني تسامرني واسامرها

‏وأحبك كثر ما قلبي يخاف من الجفاء والبين
‏كثر ما يكره الفرقا ويقطع حبل .. دابرها

‏وأحبك كثر ما وصلك علاج وغيبتك سكين
‏ليا سليتها .. تنهي على روحي وتأمرها

‏تطمن يا حبيبي والغلا ما يقبل .. التخمين
‏لا تنشدني عن أسباب المحبه وانت خابرها

‏بعد سجلتها بسمك ورسمك داخل .. القوسين
‏عسى القوسين عن نظرة عيون الناس تحصرها

‏صحيح قلوبنا ماهيب مصنوعه من .. الفلين
‏لكن ألين من الديباج الاملس في مشاعرها

ان ما عطيتي قلب له الخافق يهلي
‏ماني بطالب شي من غير ودك

‏اما نتهيا لبعضنا وان ماحصلي
‏ماني بطامع بقربك و بُعدك

لا زال الجريح يحنّ لـ بداية المشوار
‏يعيش ، بمشاعر حذر وعيون متأمّل

‏عسى الله يجازيني بـ فضله مع الابرار
‏على كثر ماني معك ، صابر ومتحمّل

‏مشيت ووقفت وكنت برعاية الافكار
‏لحقك القصور وكان طاريك متجمّل

‏تولتني ( الحيرة ) وعنّاني ، اللي صار
‏لاني قادر ارجع لك .. ولا قادر آكمّل

تتابعت خلف الشهور !.. الأسابيع
‏والشوق واقف .. و الحنين متركّي

‏خل السكوت يسود كل المواضيع
‏أنا أكبر من اللوم .. ومن ، التشكّي

‏من أبسط حقوق الكلام إنّه يْضيع
‏الواقع أصدق !.. من يقيني وشكّي

‏لا تنتظر منّي !.. ( عبارات ) توديع
‏ما عندي ألّا الضحكة .. اللي تبكّي

يا أول غلا وآخر غلا يكبر مع الوقت ويزيد
‏جعلك بعد ناسٍ محبتهم تباع وتنشرى

‏يا عزوة إللي ما يليّنهم سوى رب العبيد
‏جمعٍ ليا رد البرا ما يكسر النظرة ورى

‏وأنا عزيز ومنْ هل المجد المخلّد والتليد
‏ياما تغنّوا في مواقفنا من القوم شعرى

رجعت لي بعد ما نفس الرضا طابت
‏واللي مرجعك نفس اللي مقفّي بك
‏ٰ
‏سوالف الناس ما ودّت . . . ولا جابت
‏بس أنت خلّيتها تودّيك . . . وتجيبك

‏ودّوك من عيب نفسك وعقب ما انعابت
‏وجابوك من طيبهم ماهوب من طيبك

لا تعاتب .. ولا تحزن ولا تعترض !
‏اجتهد لـ الفرح والا بـتبقى حزين

‏لا حضورك علاج ولا غيابك مرض
‏عيش عمرك لـ نفسك وأترك الآخرين

‏لا تحبّ الحياه أكثر من المفترض
‏ولا تخاف الفراق وكلّنا راحلين

كم ضحكةٍ ماكانت إلا لغز للشخص الفهيم
‏وكم كذبةٍ مشيتها من باب تفكير الكبار

‏وكم واحدٍ بعامله بالمثل لكنّي عظيم
‏وكم كلمةٍ بادلتها بالصمت وانهيت الحوار
‏
‏وكم زلةٍ عديتها لو أنها جت بالصميم
‏وكم فعلةٍ خليتها للوقت لين الوقت دار ..

فاقدٍ سمعي (هلاه) و (مرحباه) بلا سبايب !
‏وواقفٍ صوتي على آخر سالفه.. لحظة رحيله

‏يوم تتركني وأنا وجهي من الأيام .. هايب !
‏وانت ماكانت تهيّبك .. المسافات الطويله !!

‏لين مرّت ليلةٍ ..كنت انتظرها وانت ( غایب )
‏صبحها كنت احسب انه: (عاد عيدك ياجميله)

‏وعاد انا اللي كنت اشيل الذنب لين اجيك تایب
‏واتحامل لأجل حبٍ من وراء صدري سبيله

‏كيف رحت وخاطرك طايب؟وهو ما كان طايب!
‏من جبر کسره؟ومن عدّل مع الأيام :ميله

‏من رسم في وجهك المهجور ضحكات الحبايب
‏بعد طفّى" سرمديّ الليل "قمراه وفتيله

‏من نفض صدرك؟وعرض حزنك وجيه الهبايب؟
‏يوم كنت تجامل الضحكة في الأيام الثقيله

‏من ذكر معك البعيد ومن نسي معك القرايب؟
‏لين صرت اصحابه/وربعه/وغاليه/وخليله؟

‏من عطاك سنينه:اللي راح ماضيها نهايب؟
‏وقال:يا كثر السنين اللي معك لو هي قليله!

‏يوم أفز لشوفتك وافرح واحث لك الركايب
‏كنك الماء اللي تفز لشوفه:البدو المحيله

‏اعشقك عشق الطفل وأقدرك تقدير شايب
‏واحتويك عن الليالي اللي سوالفها بخيله

‏مادريت الا بعد مارحت مرواح الذهايب
‏ومرّك"اسمي"لين عيت ضحكتك لاترتكي له

قدرت أعدي حاجز الشوق و انساك
‏" دام المطر جاني و لا جاب طاريك "

يعرّيني الشوق، وتعشمني الأحلام
‏لا لبّسني التفكير ثوبٍ ماهو ثوبي

‏على يمِّتك من وين تبعد بك الأوهام !
‏ما دام أعرْفك، ماني بـ ناشد عن دْروبي

‏مثل ما تدارَك في المطر خطوة الأقدام
‏تداركت في وابل مشاريهك عيوبي

‏وش أقول لو وجهك توارى مع الأيام؟
‏وأنا الضحكة اللي في وجْه غيرك ذنوبي

اليقين اللي احسه بالدعاء و بالأماني
‏دايماً نهايه أمثالي بهالدنيا "عظيمه

أخاف العُمر يمشي وتتبع جرته الأحزان
‏واخاف من كثر المساعي تخيّب هقوة أحلامي

‏واخاف يمضي العمر.. ويقولون أجله حان
‏وانا في خاطري غاية تلاحقني في رحلة هيامي

‏واخاف لا جار عليّ وقتي في زماني ما تبان
‏ولا ألقى لـ مدهالك دربٍ يسرق وحشة ظلامي

عسى ذكرياتي في عيونك خفيفة ظلّ
‏عيونك هي اللي لا أزال أستحي منها

بصدري تعشب الفرحه ولاتاخذ كَلف وجهاد
‏بسيطة لـكن بصدري أمـل .. وبـداخلي رغبة .